雞駅花膠雞米線專門店

營業中

休息中

今日我們點了觀塘，朋友介紹一間要排隊先有得食的花膠雞湯專門店。人真的好多，我們排了10分鐘我們點了花膠雞煲翅配飯HK$ 98招牌雞米線HK$ 68金磚豆腐HK$42花膠雞煲翅配飯HK$ 98有花膠，雞肉，魚翅，雲耳，蟲草花雞湯好香，泡飯好配。雞好滑好嫩。👍🏻👍🏻👍🏻👍🏻👍🏻招牌雞米線HK$ 68有花膠，雞肉，雲耳，蟲草花大大隻雞肉，雞肉好嫩滑，有雞味！🤣🤣👍🏻👍🏻👍🏻👍🏻👍🏻金磚豆腐HK$42嫩嫩的豆腐，脆脆的外皮，外脆內軟。👍🏻👍🏻👍🏻👍🏻👍🏻

🐔🐔🐔 雞駅花膠雞米線專門店🐔🐔🐔有冇諗過lunch time都可以食花膠？😍今日同朋友嚟咗駱駝漆大廈，食花膠雞湯米線相信去觀塘嘅朋友都知道駱駝漆大廈喺邊度，估唔到一樓呢度有一間隱世美食😋有邊位兄弟姊妹想養顏😎同朋友一人嗌咗一碗🐔我就叫招牌花膠雞米線配檸檬茶～$76（一嚟到當然數吓有幾多塊花膠🤣有5-6塊，份量都唔少，可以滿足到我，而且啲雞好滑👍🏻我連個湯都飲埋🫢）🐔姬松茸竹笙花膠雞米線～$86（見到我朋友嗰碗，原來有竹笙我都夾咗佢一嚿嚟食😆😆佢個碗除咗有花膠同埋雞⋯⋯仲有姬松茸蟲草花竹笙，感覺比我個碗仲健康😍👍🏻）🐔金磚豆腐～$42（食咗兩碗咁健康嘅嘢叫份炸嘅小食都唔算過分😎😆不過新鮮炸起千祈唔好即刻放入口新鮮滾熱辣我急不及待放咗一粒入口差啲熱到我條脷跳舞😝呢個好抵食$42一大碟，必點小食）

又去觀塘搵嘢食🌞今次去呢間都幾多好評嘅米線店，勝在喺駱駝漆第三座嘅一樓，唔使等𨋢等到傻，行樓梯上一層就搞掂✌️🤣冇諗過18:30去到已經滿座，遲多幾分鐘入已經要排隊🙊 店舖雖然細，但係都坐得舒服嘅，店員都好醒目，見男朋友孭住書包，都即刻俾個籃我哋擺袋👍🏻同埋上菜都好迅速，出咗去個廁所（雖然廁所要行遠啲，喺3樓），已經嚟齊晒啲食物😆藥膳黃酒花膠雞米線 $68充滿中藥養生嘅醇厚甘甜味道，足料👍🏻雞肉好滑易咬，不會乾澀，米線偏軟但都Q彈，花膠兩大片，都係柔滑的，整體嘅份量都幾多😙 雞肉正常係會有骨嘅，所以店舖都好貼心準備咗啲細碟，比客人裝雞骨🤩沙羌雞飯 + 凍檸茶 $48 + $4份量足夠，呢個價錢有咁多雞，覺得好OK。沙羌醬汁濃郁，好啱送飯😆蜜糖雞翼 $42味道好OK，雞翼炸得好脆，加埋甜甜嘅蜜糖(唔會超級甜），好惹味😙日本芝士年糕 $38冇諗過芝士年糕會配煉奶，個賣相已經好吸引，食落去的確會又鹹又甜咁，但係我自己OK😍首先，咬到個層炸左既外皮時配埋個煉奶係幾match，慢慢地會感受到裏面爆漿芝士嘅感覺，再覆蓋返啱啱嗰種煉奶甜，形成又鹹又甜嘅感覺，接受到有鹹又甜嘅人可以一試😙我覺得呢間嘢CP

之前成日見網上好多片係咁話呢間有幾好食，一直無機會食，點知今日終於有得試啦！六十幾蚊黎講算好唔錯，d 湯飲落都唔會話覺得太重調味。花膠size 當然唔算話好大（始終碗米線唔係貴），d雞無話特別突出，但overall 感覺真材實料。

雞駅花膠雞米線專門店 (觀塘)觀塘開源道60號駱駝漆大廈第三座1樓I室駱駝漆人氣花膠雞麵🐔lunch同dinner都好多人排隊的説！姬松茸竹笙花膠雞米線🍄‍🟫 $78菇菇控必試嘅湯底！奶白雞湯同時帶有濃郁菇香，配料又有姬松茸同竹笙，花膠唔腥又腍，雞肉幾滑。藥膳黃酒花膠雞米粉🍶 $68藥膳黃酒湯底嘅藥材味唔會太重，所以都食到雞湯香味，同時有啲藥膳黃酒味點綴，我要咗米粉會吸湯啲。麻藥蛋🐣 $28係帶有麻油香味嘅溏心蛋🥚🥚

雞駅花膠雞米線專門店 (觀塘).觀塘工廈多野食，最出名莫過於駱駝漆！.▪️招牌花膠雞米線▪️.第一次黎到就緊係試下佢個招牌花膠雞，雞件份量多，花膠件件厚身又大舊！我同男朋友一個叫米線一個叫米粉，個人覺得都係米線比較夾！.▪️麻藥蛋▪️.以為係充滿糟鹵味，點知唔算重酒，反而有花生醬味！.▪️蟹肉忌廉餅▪️.一客有三件，炸到熱辣辣，入面係蟹肉味cream！.📌 雞駅花膠雞米線專門店 (觀塘)觀塘開源道60號駱駝漆大廈第三座1樓I室.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今次去咗觀塘嘅 #雞駅，呢間米線鋪裝修得好有特色，啲食物選擇好多，真係好期待試下佢哋嘅招牌米線同雞飯。椰子雞米線呢個 #椰子雞米線真係好特別，湯底有濃濃嘅椰香味，雞肉鮮嫩多汁，米線煙韌，食落好滿足。🍜🍜🍜🍜（4分）藥膳黃酒花膠雞米線呢個#藥膳黃酒花膠雞米線真係好滋補，湯底有淡淡嘅黃酒香味，加埋花膠同雞肉，味道好豐富，仲好養生。🍜🍜🍜🍜（4分）沙羌雞飯呢個#沙羌雞飯香氣四溢，雞肉滑嫩，加埋香口嘅沙羌醬，真係一流。飯粒分明，配埋雞肉同沙羌醬，味道一流。🍛🍛🍛🍛⭐（4.5分）白桃烏龍冷泡茶#白桃烏龍冷泡茶清爽解渴，有濃濃嘅白桃香，同烏龍一齊飲真係非常滋潤。🥤🥤🥤總結嚟講，呢次雞駅嘅體驗真係非常滿意，食物味道豐富多樣，服務亦都好貼心。如果你鐘意食米線同雞飯，呢間餐廳絕對值得一試！

唔係好明點解咁多食評/社交媒體網站都咁讚呢一間雞湯米線 。講到湯底好入味，雞肉又鮮嫩 。以下為我親身試左兩次嘅體驗。第一次我試咗招牌花膠米線，湯底唔算濃味，而且雞都普普通通 ，唔算得上係滑 。食完之後其實冇再特別諗起呢間餐廳，之後就算食都係去樓上果間食 。相隔咗一段時間，無意中喺社交媒體網站post見到d foodie評價呢間仲講到好好咁，所以我約左友人做完gym過嚟試多次，今次椰子雞米線，講返少少過嚟時候嘅經過 。我同朋友兩個大概8:30左右過到嚟，已經有六，七人以上排隊排隊 。咁啱我哋排到去嘅時候啱啱好佢哋截龍。大概10分鐘左右我哋被安排入座 。因為已經諗好食乜嘢，已經可以即刻落單。我同友人都係Order米線扣底，大概45分左右，米線到左 。今次個椰子湯都好失望，椰香係有不過湯底仍然淡口 。而且我同友人果兩碗米線係超多，感覺佢地煮剩而我地又係last order，所以無視我哋小米線嘅request將全部米線俾晒我哋 。雞方面同第一次一樣，都係鞋既，朋友果碗even佢比左幾舊髀既位置質地都唔見得係滑 。去到九點嘅時候有個姐姐行埋嚟同我哋講佢哋夠鐘要收舖，示意我哋好快啲埋單 。我哋由排

雞駅和二撇雞也是這座工廈專門做雞湯米線的餐廳, 人氣相當, 但喜歡前者的原因最主要是因為比較方便, 不用等電梯直接行樓梯上一樓就可以, 對我而言, 米線已經是香港的主要食糧之一, 蛋雞湯米線比麻辣米線好的, 是吃完身體會覺得暖和舒服, 而且味道是偏向食材的原味, 可以感受到食材的新鮮與否. 就像這裏的雞湯, 很濃很香也很黏口, 就像吃豬骨拉麵的湯底一樣. 米線偏向爽口, 吃起來也比吃麻辣口味的舒服.雞件沒有雪藏味, 也煮得剛剛熟, 沒有任何血水, 雞肉甜美, 雞皮也夠彈牙, 單是這裏已經夠合格, 還有煮得很腍沒有任何腥味的花膠, 以及層次分明條條突出的散翅, 因為這碗雞湯米線增添了一份奢華感, 價錢也算合理, 所以說工廈的確是臥虎藏龍的地方.

位於觀塘駱駝漆大廈第三座嘅❣︎ 雞駅花膠雞米線專門店❣︎係一間主打以鮮雞熬製而成湯底嘅米線店，湯底每日用豬筒骨，西施骨，三黃雞以大火煲三個鐘去油隔渣而成，呢到仲要唔收加一服務費架🙅🏻‍♀️lunch時間經常大排長龍，米線控千祈唔好錯過。❣︎招牌花膠雞米線❣︎$68湯頭啖啖雞味😋飲多幾啖都唔會口乾，真材實料👍🏻配料有花膠，雲耳同蟲草花，花膠都算大塊，入口爽彈，雞肉嫩滑，米線爽口。❣︎姫松茸竹笙花膠雞上海麵❣︎$83呢碗有埋姫松茸同竹笙😋感覺更滋補😍轉上海麵另外加$5，口感滑嘟嘟。❣︎凍檸茶❣︎跟餐加$8 ❣︎桂花烏龍冷泡茶❣︎跟餐加$18

阿女朋友話觀塘有間扺食又好味嘅餐廳，每次去都要排隊至有得食，咁受歡迎阿女今日就同我過嚟試吓。雞駅花膠雞米線專門店位於工廠區駱駝漆大廈內，地方不大，但整潔乾淨，主打雞湯米線。招牌花膠雞米粉：以三黃雞，豬筒骨，鯊魚軟骨及西施骨熬成雞湯底，湯底呈淺奶白色十分鮮甜，雞髀肉質嫩滑，花膠夠厚身，食落爽滑彈牙。米粉吸收湯底爽口香甜。（加$10可轉雞髀，主食可選米線或米粉或飯，加$5可選上海麵，湯底亦可選擇濃雞湯或蕃茄湯或胡椒湯或麻辣湯）椰子雞上海麵：湯底除咗有雞湯味，更多了椰子的清香和甜味，味道鮮甜無比，配滑嘟嘟的上海麵超正！雞件亦好嫩滑。金磚豆腐：豆腐即叫即炸，熱辣辣外層香脆可口，內層非常軟滑，加上少許調味粉，十分惹味。凍檸茶：茶味夠濃，有檸檬香，冰涼解喝。

今晚終於同老公夾到時間嚟呢度試，上到去已經好多人，等嗰時已經諗好咗食啲咩，好在等咗大概10分鐘到已經可以入去坐低。我哋點咗一份小食兩個米線再加兩杯嘢飲，等咗大概5分鐘到就有得食啦。金磚豆腐$42份量唔細，金黃色，外脆內嫩滑，豆腐入口好熱，極度推介。招牌花膠雞米線當然睇吓有幾多花膠，都唔少，絕對唔係碎，大件都有約4塊，湯底幾清幾甜。雞肉係雞胸同雞翼，唔算太嚡，冇脂肪啱哂怕肥嘅我。椰子雞米線我哋呢一碗加$10轉雞脾，湯底好香椰子味，又多椰子肉，雞脾肉真係好滑好嫩，吸哂香濃椰子湯味，加錢非常之值。呢間人氣米線店，可能師傅趕住起菜，2碗米線啲雞都切唔斷，每件連住一齊，雖然味道好，不過食時有啲唔方便。飲品我哋點了熱柚子蜜，柚子夠多，蜜味充足，食完米線再飲番杯，非常滿足。

📍#雞駅花膠雞米線專門店 (觀塘)觀塘開源道60號駱駝漆大廈第三座1樓I室▪️▪️▪️▪️▪️▪️▪️▪️▪️▪️▪️▪️▪️▪️今日到訪既係位於駱駝漆大廈既雞駅花膠雞米線，平日既晚上，店外keep住有人龍，大家都非常棒場！ 店舖主打食花膠雞，當中亦有米線及湯飯可以選擇～✨#花膠雞煲翅配飯｜轉雞髀💰$118花膠雞煲夠晒滋補，湯頭帶有少許雞油，入口清甜，配湯飯都係一種享受，強烈推薦大家一定要轉雞髀！ 雞脾肉超級嫩滑，啖啖滋味🥹 配料仲有花膠、翅、娃娃菜，好好食！下次必定再encore🫶🏻✨#藥膳黃酒花膠雞米線｜轉雞髀💰$93藥膳黃酒花膠雞湯都好正！ 湯頭有陣陣既藥膳香味，無咩味精，飲完都唔會好口渴～ 雞件同樣轉咗做雞髀肉！非常好食🤤 配米線一樣正！▪️▪️▪️▪️▪️▪️▪️▪️▪️▪️▪️▪️▪️▪️

好同事食過《雞駅》話超正，推介給我們，晚飯時段店門外有人排隊，證明人氣高企。我們點左：🥢藥膳黃酒花膠雞米線$68，有兩嚿厚身花膠質地腍滑，黃皮雞肉鮮嫩多汁，湯底有酒香、藥材清香甜味，米線煙韌彈牙份量十足，極美味好吃😋🥢招牌花膠雞米線$68，乳白色湯底味香濃，雞肉鮮嫩多汁，花膠兩嚿腍滑，真心滿意又滿足💯👍💕🥢金磚豆腐$42，豆腐炸得外脆內軟，加有芝麻增添香味，份量十足。🥢飲品：凍意米檸檬水$18，清新可口，酸中帶甜。熱柚子蜜，味道正常。

我同朋友下午四時上去，成功避開人流，加上落雨都唔會太多客，店舖以QR code下單所以都冇太多人為錯誤，職員態度又未去到惡劣，收拾時亦有微笑回應，環境又大致乾淨，唔會黐立立同太多污跡。講返個湯，我叫左佢哋招牌花膠雞湯米線，但轉左白飯，我食法係將個飯倒落去變湯飯，不過個湯偏鹹，唔知係唔係因為晏去煲耐左。佢個雞湯風格偏津白，有啲似史雲生再加少少豬骨湯，飲完會有啲頸渴，需要灌水。🥲佢啲花膠淋到好似蒟蒻，不過唔腥都值得加分。佢啲雞係以切雞的方式呈現，佢d切雞唔會有啫喱又唔會太肥，可能係清遠雞，可惜啲雞嘅雪味未去得清，佢又冇用大量醃料提鮮，最後只食到一塊雞皮嫩而肉鞋颯颯的雞肉，我冇加到$10轉雞髀肉，不過佢都俾雞翼同埋雞胸位置等無骨位置，都值得欣賞。最後個湯嘅配料，係利乾蟲草花所以唔會有太多水份，而小木耳都爽身，可惜兩者份量都太少。