雅 ‧悠蔬食

營業中

休息中

喜歡素食的我，當然再食呢間新派素食餐廳。環境方面，一如既往的乾淨，侍應也非常有禮，今次安排坐窗邊位置，望住人來人往的金馬倫道，不經不覺食左好耐，太寫意。太喜歡佢的紫色裝潢，又靚又舒服。泰式鳳梨炒飯配沙爹串燒素肉串燒味道很好，調味十足，炒飯的分量很多，材料亦有粟米芯，很好的配搭。誠意之作。跟餐仲有多款飲品選擇，今次點了熱鹹柑桔蜜。餐牌同上次有點唔同，煥然一新，又可以試不同的素菜，唔會悶襯，很有意思。👍🏽👍🏽喜歡食素的朋友們，值得推介唷！

新年期間價錢提升了因為有位小學同學一直都素食主義者佢介紹我哋去依間食，位於尖沙咀區餐廳🍴環境都幾好，主要顏色是紫色三個人點3 個Lunch set 前菜可選擇中或西式係素食餐館當然無落肉，湯水清甜美味西式濃湯配法包 香濃的綿滑南瓜湯《波蘿配沙嗲串燒飯》價錢大約$100-150《素食炒金邊粉》雜菇素肉芽菜炒得惹味如果大家茹素開就知，可以選擇不要蛋。《忌廉意大利粉🍝》同行朋友大讚好食，佢食左好多甜品🍮方面我叫左萍果批👍👍

I saw their Apple Tart and decided to come try their Lunar New Year Lunch Menu.The soup besides pumpkin also had a ginger flavor to it. The combo quite works as the pumpkin soup would be too sweet.The hot drink was just right without being syrupy.They ran out of the "pork cutlet"(they warned me about this) and the main course was changed to satay skewers. The main course was quite large, even satisfying my large appetite. However, the fried rice I felt was a tad bit salty, though it was not oily

之前已經試過呢間雅. 悠蔬食，令人印象深刻～所以今晚又嚟翻兜啦！！今次叫左個晚市套餐B：黑松露野菜忌廉燴扁意粉配鹽酥白靈菇。套餐包兩款前菜：柚香紅菜頭蘋果拌合桃  ＆ 麻醬沙薑豆絲粉皮，紅菜頭酸酸甜甜、粉皮係冷盤，全部都好醒胃。手卷二揀一：蘆筍素香鬆苜蓿芽手卷／香芒牛油果苜蓿芽手卷，我就揀左牛油果呢款，味道好清新，紫菜好香脆。而服務員亦好貼心咁提醒我要先食手卷，如果唔係紫菜淋左就冇咁好食啦～湯品二揀一：牛肝菌桃膠忌廉濃湯／茶樹菇竹笙蓮子紅棗黃耳燉湯，我就揀左忌廉濃湯。雖然話係濃湯，但其實味道都係偏清淡。主食：鹽酥白靈菇非常香口，外層薄薄一層粉漿，炸得好脆，白靈菇肉質嫩，菇汁飽滿，唔會炸到乾巴巴。意粉方面，黑松露味道淡香~忌廉濃稠度適中，唔會太稀～飲品方面，叫左杯雪梨青檸蘆薈冰茶，味道清甜，蘆薈有咬口。甜品方面，有四款可以揀，每樣價錢不等，我就選擇左加$5 食佢GE玫瑰荔枝乳酪蛋糕。甜品份量細，味道清香！岩哂我呢D唔食得太甜GE人GE口味呀！！呢個套餐真係好豐富，食到好飽！！食材用料講究，食完又唔會好口渴，健康之選。I WILL BE BACK~

食物質素高水準！ 各有套餐及散叫提供，全素食提供。 所有套餐都可以跟餐飲，務求令到客人滿足 有真快樂，本人一直都有Green Monday嘅習慣 逢初一十五都會茹素，今次又一好介紹。今日再帶朋友到素色餐館。好好體會吓全無肉嘅精彩👍🏻💯‼️  前菜可選擇中或西式。 滋補燉湯配木耳蘿蔔豆腐 由於係素食餐館當然無落肉，湯水清甜美味，飲多啲都唔會怕燥熱。 西式濃湯配法包 非常之香濃的綿滑南瓜湯，個人十分推薦💯‼️真係無敵香濃，口口暖洋洋，我真係可以飲多碗！比起許多西餐廳更為出色！  ✏️泰式炒金邊粉 足料質素又高，雜菇素肉芽菜炒得十分惹味，我真係覺得比起普通有肉嘅金邊粉更加好食。如果大家茹素開就知，可以選擇不要辣，不要蒜，不要蛋。喺冇呢啲極級提升味蕾感受嘅配味之下都有如此出色一定要試！ 如果真係想加少少辣，可以問有Tabasco 或豆瓣醬。 我自己就加咗豆瓣醬，真係好好食🤤  ✏️純素蒲燒鰻魚飯 我真係好想知道個鰻魚係點樣整出嚟，可以做到咁好味冇錯，的確係冇魚肉嘅嗰種膠彈，食齋根本唔會追求。 用茄子取締真鰻魚就食得多，而呢家係用淮山及大豆纖維製成的，仿製肥美的質感，偽裝成鰻魚，我更覺健康啲同高級啲鋪在

近幾年越來越多人鍾意食齋😊我都要趁下熱鬧先😊咁啱係尖沙咀行街又唔想食肉就試吓呢間fusion素菜餐廳💕💕💟成間餐廳都以紫色為主題💟💟裝修都好雅致💟座位都好闊落💜💜坐得舒舒服服💜💜嗌咗個dinner set加多地雜菜豆腐粉絲煲一大一細都好夠食👍🏻始終有食開肉…食假肉好似都係覺得怪怪地🤣🤣🤣不過雜菜豆腐粉絲煲就俾我地清曬連汁都清埋～～～👍🏻好好味個燉湯都好入味～～好足料燉湯真係俾10個good阿！👍🏻👍🏻👍🏻👍🏻👍🏻👍🏻👍🏻👍🏻👍🏻

有一日，同朋友黎到尖沙咀［雅•悠蔬食］餐廳食飯，入去坐低之後，店員好有禮貌問食咩，我地就即刻點左《E餐》蒲燒玉子淮山蓉素鰻魚伴日本珍珠米。環境都好舒適同乾淨，同嫲其實有好多餐廳都無具備《禮貌》二字，依家舖就吾同啦，等餐方便吾係等得好內，等左5-8分鐘，都可以。 餐黎到，《E餐》嘅蒲燒玉子淮山蓉素鰻魚伴日本珍珠米，份量都算多，味道方便都十分有味道，同嫲素鰻魚我都係第一次食，都有口感，食完《E餐》之後，就點左個甜品《B》榛子海盬焦糖乳酪蛋糕，雖然細細舊，但食落d乳酪都夠香，如果下次黎食，我都會介紹人黎來食。

戇車車付款訂埋個餐 優惠價聲稱七折但食物分量都打咗個七折 無諗到與散叫相差一截 菠蘿炒飯又濕又鹹 dd波羅小小粒 濃濃豉油味 沒有散叫的感覺還是水準已很差呢! 栗子淮山豆腐煲只有兩粒栗子應該算是桂林錐吧手指甲大小栗子 甜品仲誇張包嗰個甜品係一隻食指既長度切開一半兩粒嘅芝士餅仔 就是二人餐甜品諗住三個人食個二人餐再加一個餸 都應該夠了因為都比較少細食~ 點知仲叫了三個餸再加一個甜品 套餐份量太少價錢一樣 不過散叫個芝麻千層蛋糕都係好難食

近來我和家人都愛上吃多一點素食，感覺更加健康又清新！最近好喜歡呢間位於尖沙咀的素食餐廳： 雅 ‧悠蔬食 無論食物水準，環境都很不錯👍午餐更可加$20 增添腰果糖水，滋味呀！蒲子玉子淮山蓉鰻魚配日本珍珠飯平時鰻魚食得多， 今次素鰻魚好特別，淮山蓉製成感覺養生又健康，味道不錯👍菠菜野菌意粉配腐竹卷菠菜汁加濃香忌廉香口惹味， 炸腐竹卷好像雞脾口感好滋味！雅 ‧悠蔬食地址: 尖沙咀金馬倫道48號中國保險大廈3樓B號舖

近來發現越來越多人茹素，素食餐廳也越來越多，好食的真的不多。今次人多，又有素食者，想搵間坐得耐d 可以慢慢吹水。又是老友介紹，這裡消費滿2000蚊就可以有間房，無限時間，老朋友吹吹水，口水多過浪花。我們 order 左個套餐，裡面都有好多選擇。餐湯可以揀中式滋補燉湯或西式濃湯，個人最愛飲湯，無諗過用蔬菜都可以燉湯。今天的燉湯是用海底椰煲的，好甜好滋潤。 菜式大多色香味全。個沙律色彩繽紛，睇見心情開心晒。個 pizza 都好脆好香口。焗釀大啡菇，用刀叉食，OK 架。甜品有南瓜糕及柚子芝士蛋糕，後者好好味！講真餐廳食物的性價比不太高，勝在有個舒服地方，飲用水無限量供應，與老朋友歡渡半個愉快的晏畫，不亦樂乎。

雅 ‧悠蔬食📍尖沙咀金馬倫道48號中國保險大廈3樓B號舖同朋友約去尖沙咀食飯，查到有間頗有人氣嘅素食餐廳，因為最近我哋都想食得健康啲，所以就揀咗星期一喺呢度食午餐。一入到餐廳，已經見到好多充滿文藝氣息嘅裝飾品，例如油畫，而且全間店嘅裝修都係以淺紫色為主，感覺好清新，店員亦好有禮貌咁安排我哋坐喺窗邊嘅位置，可以睇到少少街景。有一加分位係店員會主動問食客需唔需要幫手影合照，而且服務態度亦好好，令整個用餐體驗更smooth更舒服！ 💰$88泰式炒粉絲配椒鹽茄子 🍝🍆呢個炒粉絲好足料，除咗有蛋絲之外，仲有雜菇、蕃茄、芽菜同素肉等配料。雖則係泰式，但無咩辣味，炒得好惹味，相信大人細路都好啱食！重中之重係個椒鹽茄子，皮脆餡嫩，味道恰到好處，個人認為係成餐最好味嘅一道伴菜，兩嚿真係唔夠喉！ 💰$98焗烤牛油果新吞拿墨西哥薄餅配紅菜頭蘋果藜麥沙律及香脆薯角 🥑🐟🫓🥗🍟我自己唔太喜歡紅菜頭同藜麥，所以就俾咗成個沙律我朋友食，佢食到讚不絕口，認為餐廳將啲咁健康嘅食材整得咁易入口，相信可以令平時唔太鍾意呢啲食材嘅人踏出第一步試下。佢話沙律好少見有呢個組合，食落清新開胃，食材亦好新鮮，係好特別嘅一款沙律。而主

食素好健康☺️。雅 ‧悠蔬食 嘅素食唔油膩，好好食😋。特登收咗工之後過嚟放鬆一下😊。點咗個set dinner。🔸前菜有兩款前菜，分別係奇亞籽紫薯蘋果薯仔伴莓乾，同埋滷水花菇毛豆百頁豆腐 伴 醬燒牛蒡。紫薯好香😋，蘋果🍎帶微酸，薯仔🥔熟度啱啱好。豆腐充滿滷水味，牛蒡幼細。🔸手卷🏷️ 香芒牛油果苜蓿芽手卷小編好鐘意食呢個香芒牛油果苜蓿芽手卷🤤苜蓿芽好多，好脆；仲有少少熟度啱啱好嘅芒果🥭同埋牛油果🥑。🔸湯品🏷️ 姫松茸椰子黃耳竹笙燉湯姫松茸椰子黃耳竹笙燉湯好滋補☺️，湯嘅味道濃烈，湯渣唔係好多。🔸主菜🏷️ 青咖哩野菜猴頭菇 配印度煎餅及飯第一次食呢個主菜，覺得幾有新意。印度煎餅🫓煎得唔油膩；飯🍚嘅軟硬度適中，粒粒分明。青咖哩有好多野菜🥦和猴頭菇🍄，唔算辣🫢。🔸甜品🏷️ 椰汁南瓜糕椰汁🥥南瓜糕係熱架😆，口感柔軟，充滿椰香和南瓜🎃味，甜度適中。🔸飲品🏷️ 鹹柑橘蜜 鹹柑橘蜜好正，仲有塊檸檬🍋，帶有鹹甜酸味。

之前吃過幾次悠蔬食，覺得菜式都很用心很細緻，即使看起來簡單的菜式，背後也花了很多心思。這次有機會試試尖沙咀分店。各種食材煮得很入味，清新開胃，搭有趣。甜品時間，甜品都很好吃，不會過甜。

好有心嘅fd秘書，帶我嚟食呢一間素食。呢間餐廳嘅餸菜都屬於幾精緻同幾靚。佢似吃西餐的full set meal 形式，但係又想給予你一些中餐選擇般！佢湯，前菜同埋手卷都有特色！同埋好味，同清新!主菜方面：都好多選擇,我哋揀咗一個意大利飯同一個椰菜花扒！意大利飯味道好吃！飯又香又有口感，模仿雞髀嘅脆脆腐竹，我覺得好好味同欣賞味道和造型！椰菜花扒做得有粗糙？感覺有點眼高手低，好似變了一大舊唔驚處理一大棵椰菜花壓扁咗咁放在你面前般！旁邊串燒則好味道，有點似素叉燒那些！甜品方面係不錯，無論佢的西式或中式甜品，甜道味道皆好！服務方面，雖然客人滿滿，上餸快&保持禮素！總括而言，可帶喜歡素食的朋友來！

素食首推 🥗 雅 ‧悠蔬食我地叫左一個一人餐（$258）同一個pizza set ($178)前菜同手卷好fresh，好開胃❗️有兩款前菜，一個柚子沙律，一個涼拌黑豆亞塔子黑木耳，酸酸甜甜👍🏻 亞塔子第一次食有啲似椰果同硬身啲既啫喱，都幾特別。牛乾菌桃膠湯好香好濃👍🏻店員好有heart提我地要快食手卷，放太耐怕紫菜會淋身，我地即時啪入口，果然！紫菜好脆💥第一次食苜蓿芽，好爽口，配creamy 既牛油果同芒果🥭🥑 意大利飯松露味好香好濃，金沙腐皮卷仲幾盞鬼。飲品芋頭味夠濃，但下次可以試下叫少甜😁紫脆金迷👍🏻名副其實香芋夠香夠紫，酥皮夠脆仲有健康既奇亞籽，煙韌嘅糯米糰子同爽哈密瓜🍈做ending Pizza Set 跟一杯 Carlsberg無酒精啤酒🍻Pizza 超級薄脆，真係有鰻魚味，有人重食到懷疑人生，問我食真定假鰻魚🫣😂無酒精啤酒又係第一次，比酒精易入口，但真係好似飲緊酒咁🫣啱晒我哋呢啲唔識飲酒，但係又想心思思試吓嘅人店員好留意細心我地有咩需要，例如餐具，食完收野，同問你要唔要上甜品㊙️我唔覺無食過肉😲大滿足推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8.5