雅 ‧悠蔬食

營業中

休息中

素食朋友帶我嚟到位於尖沙嘴嘅素食餐廳 雅 ‧悠蔬食， 佢話平時午餐都會叫呢度嘅外賣， 於是等埋佢放工過嚟食下啦～餐廳裝潢以紫色為主，俾人一種放鬆、浪漫嘅感覺。店內餐牌亦有好多選擇，4-6個人嚟食就可以食多幾款食物啦，睇相賣相都好吸引呀！✨焗蘋果🍎酥皮盒蘋果批就成日見，第一次試焗蘋果酥皮盒，原來係用青蘋果、提子乾做餡料，再配上香脆嘅酥皮，雖然材料簡單，但喺好好食呀🤤✨苔菜炸蘑菇🍄黑松露醬好鍾意呢個炸蘑菇， 上菜嘅時候仲熱炳炳，炸完之後入口依然香脆多汁。✨悠蔬食小食拼盤每份小食都有2-3件，份量兩個人share 食，樣樣都可以試吓！拼盤有酥脆腐皮卷﹑泰式如餅﹑沙嗲串燒﹑酥炸蒟蒻同吉列牛油果🥑，沙嗲串燒真係好似有肉既口感👍🏻而吉列牛油果🥑外脆內軟，油炸得啱啱好。✨素大哈炒金邊粉（小辣）落單嘅時候，店員都好好，提醒我哋有少少🤏辣，夏天食酸酸辣辣的金邊粉，好開胃呀～金邊粉口感煙韌，加上豆乾同素食蝦，充滿泰式嘅風味。