雅 ‧悠蔬食

營業中

休息中

1️⃣泰式腰果糖醋猴頭菇脆皮猴頭菇。表面炸粉幾薄，裏面係猴頭菇，咬落口感實在👍🏻 甜酸汁調配得剛剛好，唔會太酸或太甜，配合香甜菠蘿，清新解膩，胃口大開🤤2️⃣鹹香茄子猴頭菇栗子豆腐煲豆腐熱辣辣好滑🥰 芡汁個鹹香好惹味，茄子煮到軟腍腍嗦晒汁，好好味😋 雖然隻色望落幾深色，但又唔會鹹得滯，鹹度啱啱好👍🏻 仲有多種配菜、菇類和粟子，性價比高！3️⃣黑松露海鮮炒飯飯粒炒得幾乾身，蛋同黑松露嘅香氣四溢。成個飯好足料，素蟹柳外形好像真👍🏻 口感同味道都唔錯，帶點兒海鮮嘅海水咸味。裏面仲有爽脆翠玉瓜粒同生菜等等，多重口感，幾好食👍🏻

今晚相約多年沒見的朋友吃晚飯。朋友想食素，就想起帶她到這間素菜餐廳吃晚餐。時間尚早，餐廳不太多人，我們點了一個晚市套餐加一碟主菜，食物相當高質！前菜：泰式鮮果沙律水果非常新鮮，蘋果及蕃茄爽甜，配合簡單的醬汁，清爽開胃。日本山藥麵線伴熱情果汁山藥麵線刨得很幼細，入口清爽。伴以甜甜的熱情果汁，甜甜酸酸的，別具特色。手卷：香芒牛油果苜蓿芽手卷芒果很香濃，與牛油果非常夾，配搭紫菜和苜蓿芽，口感清脆可口。餐湯：茶樹菇竹笙雲耳百合燉湯很清淡清爽，帶有淡淡的菇香，十分清爽怡人。主菜：黑松露椰菜花野菌忌廉意大利飯配吉列蒟蒻意大利飯的不失粘性，煮得很軟糯，盡情吸收了忌廉汁，與黑松露的香味融為一體。搭配吉列蒟蒻，口感極佳，完全忘記了這是一碟素菜。泰式素大蝦炒金邊粉麵炒得很入味乾身，素食大蝦做得很細膩鮮嫩，口感與真正的海鮮無異。金邊粉也恰到好處，Q彈有有勁，與炒料完美融合。泰式香料散發出微微的辣，還有上面的花生碎、菇菌和魚片，充滿泰國特色風味。十分惹味。甜品：檸香乳酪蛋糕口感綿密細膩，不甜不膩，微微的酸味能中和芝士蛋糕的膩，非常出色。飲品：香芋黑糖珍珠和青檸百香果冰茶清新怡人，清涼解渴。總括來說，這家餐廳的

#跟住我食唔中伏 尋晚我同心心又去咗尖沙咀嘅間素食多國菜餐廳「雅。悠蔬食」🥰好中意呢度環境好舒服，裝修用淺紫同白色，好溫柔嘅感覺💜🤍今次我地試咗晚市套餐，真係好豐富啊！兩款前菜有紫薯紅菜頭波波同涼拌杞子百合黑木耳，酸酸地開胃☺️而個手卷係香芒牛油果苜蓿芽手卷，紫菜夠脆，餡料清新又好味👍👍湯品一定要揀燉湯！蟲草花椰子黃耳竹笙燉湯，真係好好飲🤤滋味濃郁，入口舒服滋潤❤️主菜金沙羊肚菌露筍燴扁意粉，裡面有好多健康蔬菜😊而且個金沙腐皮卷香脆好食，心心仲以為係雞髀🤣甜品揀咗紫薯乳酪蛋糕，酸甜味道好平衡，好好食我另外單叫咗個彩虹健康沙律，色彩繽紛，有牛油果、雞蛋、提子乾、粟米、車厘茄、奇異果、香橙同香蕉，底下仲有沙律菜，份量超多🤩👍配埋特製醋，超爽口健康。總括而言，「雅。悠蔬食」係一間質素高嘅素食餐廳，食物豐富多樣，味道美味可口，絕對值得再訪🥰❤️

講下今年母親節。我家一向怕同人迫，所以出外食飯慶祝提早不在正日，他們也喜歡吃素，那我就隨便挑了這間「雅‧悠蔬食」。素食近年已成趨勢，很多新派素食店都洗去舊時的宗教味道。畢竟今時今日，因為健康、環保等等原因，人們不吃肉的理由愈來愈多元化。而有更多選擇，對食客們來說，也是好事。當然有人說，用素菜造成各款肉類模式，什麼齋燒鵝，齋叉燒之類，是「齋口唔齋心」。我個人覺得不用將這個點放大和上綱上線，只要可以減少殺生，人客吃得開心，廚師也有用心機去做就好了。 在網上看資料，這餐廳是走新式素菜路線，花款包括有韓、泰、西、日、中式，即管來試試效果如何。這天小弟遲到，家人已先點了頭盤「無酒精啤酒 Combo」HK$198 吃着等：Combo 包一罐無酒精啤酒及一碟我本也想單點的「悠蔬食小食拼盤」(單點HK178)。趕不及來影拼盤大合照，那我即管每樣品嚐一件，「酥脆腐皮卷」做成「泰式蔗蝦」的模樣，中間用雪條棍做甘蔗 (其實甘蔗也是素，它大可用返甘蔗)，現在用雪條棍也稍見心思。香茅味重，吃時可沾些泰式辣醬，不錯：另外四款小食都是煎煎炸炸的東西。「吉列牛油果」，炸得太過火，有些柴，唔睇返 menu 都唔知係牛油

晚飯時段每人最低消費$200當日去到有母親節套餐 $14xx 4人份但個份量我覺得4人食都唔飽……😂而且話係新派素菜我覺得一啲都唔係新派……野食又唔特別……（有個南瓜濃湯，菠蘿飯，泰式芒果醬沙律，炒菇，炒伊麵……etc.)得咕嚕肉比較好食，但都唔值個個價錢埋單收加一人均$300以上直接食酒店自助餐冇咁嬲😂不過當日有送左一朵假花同埋一幅即影即有嘅相當做母親節紀念其他野食冇影相因為真係麻麻地唔好食🙈

呢個星期成日都去左街，日日大魚大肉，今日朋友話去食午餐，即刻決定去食素食，之前朋友介紹過我呢間尖沙咀雅悠蔬食，今日就決定去試下先。一入到黎，係紫色系架喎，真係好靚，好浪漫喎。我地就叫左焗烤牛油果墨西哥薄餅配紅菜頭蘋果藜麥沙律及香脆薯角，佢擺盤好靚，薄餅內係牛油果菜等，個餅好脆，好好食，紅菜頭配蘋果好清新，好好食。另外仲叫左泰式鳳梨炒飯配沙爹串燒，哩嗰炒飯味道香濃，但係菠蘿又提升炒飯鮮味，而且串燒口感好好，成個餐好好食。另外我地仲叫左配合現場主題嘅香芋黑糖珍珠，係呢到飲紫色飲品真係好match。

💠咸香茄子猴菇栗子豆腐煲🍆🌰熱辣辣上枱，豆腐煲好足料😍有好多新鮮嘅食材，煎炒香的茄子好入味🍆茄子半爽半棉而又好濕潤，咸鮮甘香😊配埋甜甜嘅栗子🌰軟嫩香滑嘅豆腐，同埋猴菇，非常惹味😋💠黑松露海鮮炒飯香氣撲鼻😌份量好足夠👍🏻👍🏻黑松露味道好濃郁💖炒飯唔會太油膩，炒得好乾身而且粒粒分明，有口感，仲有炒蛋，素火腿同埋素蝦等唔同嘅配菜，味道好夾😍有創意之餘仲好美味🤤💠沙嗲串燒（6串）串燒烤得好香，食落口好似肉嘅口感，同平時食串燒差不多，每一件都啱啱一口嘅份量😌再淋上沙嗲醬，味道好夾👍🏻整體味道嘅層次都提升左好幾倍，香香帶點微辣🙂惹味又可口！💠紫薯乳酪蛋糕好香濃嘅紫薯香味，甜度啱啱好😍紫薯同乳酪完美結合，我好鍾意食🫶🏻餐廳舒適寬敞，裝修簡約，配搭埋浪漫嘅淡淡紫色，好療癒！ 上菜速度快，而且食物上枱全部熱辣辣，加哂分！餐廳店員服務態度友善，抵讚👍🏻令我對素菜有煥然一新感覺嘅一間新派素菜餐廳

周一放工，我和老婆嘗試晚飯食素，我們選了尖沙咀的雅·悠蔬食享用美味的素食晚餐。這是我們第一次光顧這家餐廳，我們對這裡有莫明的期待。我們先點了一份大啡菇松露薄餅~$168。這道菜以薄脆的餅底為基礎，上面鋪滿了豐富的大啡菇和松露。每一口都散發著濃郁的香氣，松露的香味讓人胃口大開。接下來，我們嘗試了牛肝菌乾燒伊麵~$158。這道麵條煮得恰到好處，麵條彈牙，伴隨著牛肝菌的香味，讓人垂涎欲滴。每一口都讓我們感受到了大自然的美味。我們還點了海底椰桂花雪梨茶和玫瑰蘋果茶，分別是$38。海底椰桂花雪梨茶清新爽口，帶有淡淡的花香，而玫瑰蘋果茶則散發著迷人的芳香。最後，我們品嚐了焗蓮茸西米布甸~$48。布甸的口感柔軟細膩，蓮茸的香甜與西米的嚼勁相得益彰。整個晚餐過程中，我和老婆享受到了餐廳炮製素食美食的多樣化，滿足了我們的味蕾。

好少可坐大廳要收人頭約$200低消… 本來覺得還間野算好 突然聽到覺得似被屈的感覺！！ 啲野食每碟$150起步，食普通野算貴 但食物質素還是可以接受。 今晚低消令我卻步不會再去。

放工想食得清淡啲，所以去咗尖沙咀食素，菜式選擇都唔少，晚市套餐HKD2xx有齊前菜兩款、燉湯、手卷、主食同甜品，仲可以另外加錢配嘢飲👍🏻👍🏻👍🏻.❤️香芒牛油果苜蓿芽手卷用上苜蓿芽代替飯，感覺更加輕盈，牛油果同芒果嘅味道好香❤️沙嗲粉絲素雞肉配羽衣甘藍飯單食羽衣甘藍飯都好好食，加埋吸收咗沙嗲汁嘅粉絲更正👍🏻❤️素大蝦炒金邊粉金邊粉做到泰式風味，有少少辣，味道唔錯❤️蜜糖吐司配雪糕吐司烤得好香脆，加埋蜜糖同雪糕好夾❤️蘋果蘆薈冰茶.📍 雅 ‧悠蔬食 (尖沙咀)尖沙咀金馬倫道48號中國保險大廈3樓B號舖

姪仔黎緊生日，我送左他１個素食生日餐，估唔到年輕既佢對素菜感興趣！位於尖沙咀金馬倫道既雅 ‧悠蔬食，之前跟朋友黎過１次，無論食物質素抑或企理既裝潢，都值得推薦比有興趣品嚐素菜既朋友。姪仔第１次黎，驚覺店內一點也不像佢心目中素菜館既模樣，更似１間雅緻既西餐館，餐廳以白色同紫色為主，給人好浪漫同夢幻既感覺。餐牌內既食物選擇繁多，照片拍攝精美，令佢好好奇好想試下究竟素菜既味道。商量之後，我地點左個晚市套餐同小食拼盤。晚市套餐（＄258）羅馬蕃茄藜麥伴胡麻醬和四喜烤夫，這道菜結合了新鮮的羅馬蕃茄和脆口的藜麥，配上胡麻醬好開胃。一口爆汁的四喜烤麸，鮮軟入味，與沙津形成了有趣的對比。香芒牛油果苜蓿芽手卷，苜蓿芽是低熱量且營養豐富的食材，這個手卷用左苜蓿芽取代傳統的米飯，搭配新鮮的芒果和牛油果，味道好夾，為手卷帶來新鮮的口感和層次感，這個大力推薦一定要試。。周打黃耳桃膠忌廉濃湯，濃湯口感香滑，加入了黃耳和桃膠，讓湯更加豐富。桃膠被喻為平民燕窩，不僅低卡路里，還非常美味。主菜係白松露美國蘆筍南瓜紫薯鮮豆包焗千層闊麵。平時食開既千層夾住肉碎同茄醬，而呢個千層麵好唔同，端上檯已經聞到松露既香味，鮮露筍既爽

尖沙咀［ 雅 ‧悠蔬食 ］ 地址: 尖沙咀金馬倫道48號中國保險大廈3樓B號舖平時無肉不歡的我，今日想食健康啲，揀咗呢間新式素菜餐廳試下，即時對食素改觀，餐廳裝修以淺紫色為主調，環境很舒適。先試佢地既晚巿套餐，包括兩個前菜小食、一個湯、一個手卷、一個主菜和一個甜品，選擇多元化，十分豐富。前菜小食十分美味，是羅馬蕃茄藜麥伴胡麻醬 和四喜烤夫。姬松茸椰子黃耳竹笙燉湯，椰子的清甜和菌菇鲜美完美融合，香氣撲鼻，不但味道鲜美，而且營養豐富。香芒牛油果苜蓿芽手卷，紫菜好脆口，特別之處是用苜蓿芽代替米飯，加上芒果和牛油果，口感 清新，酸酸甜甜好開胃。金沙羊肚菌露筍燴扁意粉配金沙腐皮卷，用腐皮卷成雞腿形狀，炸後加上金沙醬，香口惹味，扁意粉軟硬適中，加上清爽的蘆筍，鲜美的羊肚菌和蘑菇，搭配金沙醬汁，味道濃郁，令人回味無窮。另外點了餐廳的招牌菜~~黑松露薯蓉焗大啡菇，三隻大啡菇，中間釀了軟滑的薯蓉，舖上滿滿的芝士，香味四溢，伴碟還有沙律菜，令這道菜增色不少。甜品~~巧克力蜜糖吐司遇上香草雪糕，吐司香脆，切成方塊，伴上oreo餅、蜜糖、忌廉、朱古力醬，中間還有香草雪糕，我們吃得津津有味，十分滿足。呢一餐充滿

雖然唔係茹素，不過食肉獸久唔久都要食下齋清腸胃😂呢間新式素菜餐廳有中菜又有西餐好多選擇🥗-晚市套餐 $258晚市套餐包左好多款菜式，岩哂我呢啲貪心咩都想試既人😛首先包括兩款前菜，羅馬蕃茄藜麥伴胡麻醬🍅同四喜烤夫。蕃茄係大蕃茄仲要原個上好新鮮，烤夫好入味而且夠淋。香芒牛油果苜蓿芽手卷🥑紫菜脆卜卜，第一次食無飯既手卷好得意🤣姬松茸椰子黃耳竹笙燉湯，滋潤養顏岩哂女士👩🏻風乾蕃茄野菜松子燴意大利飯配天婦羅美國蘆筍，入面好多瓜同菇好足料🍚杏汁椰香紅豆糕🫘杏仁味好濃，香芋黑糖珍珠唔會太甜，充滿香芋味仲有好多珍珠🧋-素瑤柱桂花賽螃蟹素翅 $158成晚最鐘意係呢個餸，炒得好有鑊氣♨️而且好足料，差啲唔記得左自己係食緊齋😂

🍱餐廳名稱： 雅 ‧悠蔬食🏫地址: 尖沙咀金馬倫道48號中國保險大廈3樓B號舖 ☎️電話: 37065827 我和媽媽本身不是素食者，但朋友說這裏的素菜真是很美味，今日決定來試試，真是喜出望外，確係水準之上👍我們點了一個套餐，包括有：～羅馬蕃茄藜麥伴胡麻醬、四喜烤麩感覺到食材新鮮，調味適中，非常開胃的前菜😃～香芒牛油果苜蓿芽手卷清新可口的素食卷物，芒果香甜，牛油果口感綿蜜又滋潤，搭配苜蓿芽增加脆爽口感，水準之作🤗～姬松茸椰子黃耳竹笙燉湯真材實料的靚燉湯，姬松茸、竹笙同黃耳味道獨特清新，個湯清爽又滋補，真係好滋味，溫暖家的感覺盡上心頭🤗～素臘腸猴菇花菇煲仔飯上枱熱辣辣、香噴噴，各款食材配搭少許甜醬油非常惹味，我哋忍不住一口接一口全部食晒！🥰～杏汁椰香紅豆糕🍰這款糕點採用天然材料製作，不添加任何人工色素和防腐劑，椰香四溢，健康又美味👍呢度彈性幾高，除咗點咗一個套餐二人分享外，媽媽想食伊麵，就揀選咗呢款：～意大利牛肝菌乾燒伊麵牛肝菌的香氣和韌性搭配上彈牙的伊麵， 用料新鮮，味道濃郁，好食到停唔到口🤣總括來說，呢一間素食食物的質素應該係我試過最好的一間，難得食素菜也食得很滿足😬

價錢性價比低， 份量絕對兒童餐一樣， 如大食的朋友 會極度失望 ！素食味道可以。 環境 可以老友記居多 。 逢初一十五我也會食素食齋 剛下個星期日就到尖沙咀這間素菜食 環境可以老友記多 叫了四個餐每個餐份量 也 幾小下 餐牌圖片感覺 份量有些少落差， 侍應服務態度可以 下次又要再 搵另一間素食了