雅 ‧悠蔬食

營業中

休息中

尖沙咀嘅悠疏食位於金馬倫道，地點都幾就腳易搵。店面唔算好大，但係裝修精緻同光猛，令人感到舒服。餐牌都好多唔同食物類型可供選擇，依家冬天仲有特色素煲仔飯系列套餐，好吸引🤩晚市套餐包括2款前菜，一個手卷，餐湯及主食，仲可以加配特色飲品及甜品，都幾豐富。前菜包括有香酥芋圓及紫薯紅菜頭雪球，後者味道和質感都比較好味，有驚喜。香芒牛油果苜蓿芽手卷。呢個組合入口感覺好清新。周打猴頭菇黃耳桃膠忌廉濃湯，惹味得黎又健康，同時食到有大大塊嘅猴頭菇及桃膠。主菜揀咗白松露野菌忌廉意大利配椒鹽腰果小捲心菜。我同朋友本身都鍾意食呢個飯，配合得幾好味又唔膩，小捲心菜落咗少少沾沙律嘅醋，感覺健康啲，飯面上嘅脆口椒鹽腰果令整個飯嘅味道更加豐富。叫咗個素臘腸花菇煲仔飯試吓。瓦煲上枱，賣相都幾吸引。食材整到好似真嘅煲仔飯一樣。仲有個煲仔飯豉油俾客人淋上飯面撈勻食。份量都好夠飽肚，仲有飯焦食🤩。正呀。餐湯加配咗檸檬蜂蜜薑茶，冬天滋潤保暖特飲。加配埋一件乳酪蛋糕，味道ok, 細細件唔會好滯。如果多同行朋友嚟用餐，可以單叫多幾款素菜或套餐，可以試多啲唔同味道嘅餸菜。