阿爺八鮮鍋

營業中

休息中

之前於旺角曾吃阿爺八鮮鍋，當時感到很好，看見它於尖沙咀重開，即時相約朋友再次打邊爐。新店內有魚缸內有不少活海鮮，包括：龍蝦、鮮蝦、活蟹、象拔蚌、鮮魚等等。坐下不久待應便給予一壺「時令燉湯」，這湯鮮甜美味，然後問需要什麼味道的雞煲，當然到阿爺八鮮鍋必定是吃海鮮，所以沒有要雞煲，直接選擇湯底，選了海鮮湯，之後有一盤海鮮拼盆及一碟牛肉，海鮮拼盆內有：越南大虎蝦、澳洲龍蝦、臺山奄仔蟹、活鮑魚等等，臺山奄仔蟹和活鮑魚之後還可以無限添加，另外有生猛海鮮、新鮮河鮮、牛類、豬類、雞類等等食材。個人很喜歡這裡的臺山奄仔蟹、海蝦、魚標、各類魚、蝦滑及墨魚滑。臺山奄仔蟹：很多膏，鮮甜。海蝦：正確是活蝦，還會動。魚標：一般任食打邊爐較少。各類魚：桂花魚、鱸魚、羅非魚及黃骨魚，同樣是一般任食打邊爐較少，肉質嫩滑又鮮甜。蝦滑：吃落有粒粒蝦肉感覺，又好味。墨魚滑：黑松露味很出，喜歡黑松露一定要試。這家海鮮火鍋的精髓在於其美味的食材和多樣化的風味組合，現在讚及分享其社交平台專頁，更有剌身贈送。

食物⭐️ 海鮮鍋有龍蝦鮑魚，啲海鮮真係勁新鮮，你睇吓隻鮑魚一上嚟仲郁緊㗎😍😍😍 ⭐️另外有聖子，生蠔，帶子，蝦等等，啱晒鍾意食海鮮嘅你😍 而且海鮮嘅選擇真係好多，可以任食咁叫嘅都有好多選擇😍⭐️肉類方面，亦都有牛肉豬肉等等，牛肉都好新鮮，完全唔會輸俾海鮮🦞呀😍⭐️而且仲有雞煲，隻雞超滑😇😇😇食後感餐廳環境闊落坐得舒服，而且食物真係好新鮮，服務態度又好，鍾意打邊爐、食雞煲、食海鮮嘅你一定唔好錯過，來呢度可以一次過滿足晒你咁多個願望😍

見到有兩個半鐘海鮮火鍋放題，忍唔住要試吓🤤仲要又有雞煲又有海鮮又有得打邊爐😍揀左韓式芝士雞煲，超多芝士🤤雞份量幾多，啖啖肉，嫩滑時令燉湯好濃，好足料老火湯精選刺身，有帶子又有蝦，好鮮甜，最欣賞佢唔係三文魚👍🏻邊爐湯底揀左海鮮湯，一上枱已經好香蝦味同魚味，湯底仲有蝦殼，超足料👍🏻升級霸王海鲜盤，大虎蝦、大龍蝦、大元貝、蟹、新鮮鮑魚、蠔鮑魚上枱仲識自轉，想唔新鮮都難🤤任食海鮮仲有鮑魚，蟶子，龍躉，蝦，蟹，大蜆同珍珠蠔，各款海鮮都好甜，蝦肉質好彈牙，龍蝦超結實，正👍🏻海鮮河鮮加埋肉類火鍋配料等等有幾十款可以揀。手打蟹子蝦滑同手打黑松露墨魚滑幾唔錯😋仲有少有嘅芫茜餃安格斯牛肉牛味濃又好稔👍🏻雞煲同海鮮火鍋都好出色，仲要有兩個半鐘，實在冇得彈👍🏻👍🏻👍🏻

燉湯🔹️雞煲🔹️刺身🔹️活海鮮🔹️邊爐💥一應俱全💥先上🌟燉湯🌟燉湯用上火爐盛上，確保湯品夠熱，味道濃郁，相信用上唔少材料滶製~🌟原味雞煲🌟2人用餐上左半隻雞，用左洋蔥薑蔥爆香，夠哂惹味之後就上左🌟刺身拼盤🌟，有鮑魚、油甘魚、甜蝦、北寄貝、希靈魚由於店舖新開張，限定送上🌟龍蝦火鍋湯底🌟🦞🦞龍蝦新鮮由養缸即劏即上，肉質非常彈牙，▪️另外仲配有海鮮拼盤，都有半隻龍蝦，仲有生蠔、帶子、鮑魚、虎蝦、奄仔蟹🦐🦪🦀食完咁多先開始進入打邊爐階段😂當然要食番安格斯牛頸脊啦🥩❗牛肉味味道勁香濃，已經食到7、8成飽了🤭之後食番D健康少少既野平衡番個飲食：鱔片、水鮫、蘿蔔、粟米、蝦滑➡️平時既我最後一定會打番個麵落去食埋佢，但今次真係飽到不行了下次再戰📝唔洗4百蚊一個人，任食任飲，食材有質素，地點又方便，十分超值

雞煲、刺身、燉湯、任食火鍋集合於一身，一次過滿足晒咁多個願望嘅「阿爺八鮮鍋」成日見啲朋友打卡，我都想試好耐啦，因為老公唔記得咗book位，我哋驚晏啲多人所以我哋食最早嘅時段，$368+10%一位，我哋5:30去到7:30交枱，都夠時間食到飽肚仔脹卜卜😋，另外我哋加咗$20任飲（酒精類除外），一入到餐廳見到大魚缸裡面啲海鮮好生猛就興奮啦，任食款式多達50+款，性價比高🥢首先上個雞煲先，我哋揀咗麻辣，一開始食咗上面啲雞先，原味道嘅雞肉煮得好入味而又唔會咸到食唔到其他味道，食落去開始感受到麻辣嘅味道，辣味開始慢慢出辣味夠勁，而配菜嘅花椒、辣椒等調味料，更加突出了辣味嘅層次。雞煲份量適中，可以繼續食埋之後嘅火鍋🫖之後就嚟咗個燉湯，好多人都鍾意打邊爐之前或之後飲啖湯，餐廳燉湯用茶壺同埋茶杯上，等客人整個打邊爐過程都可以飲到醇厚嘅燉湯，餐廳細心到用爐一直熱住比客人，確保每一啖湯都係暖暖嘅🩷餐廳經常會轉唔同款嘅燉湯，今晚呢款係鹿茸菇燉湯，湯底清澈金黃，鮮甜得黎帶有淡淡菇香，清潤鮮美醇厚🥢至於火鍋湯底出名河鮮海鮮嘅就當然揀返個海鮮鍋湯底啦，果然河鮮海鮮集合晒啲精華喺入邊，湯底清澈透白，鮮甜味十足⭐️依家

雞煲癮起，呢日準時收工第二日放假肯定要去食餐好既慰勞自己，上網睇下有邊間推介，最後決定食呢間，因為太豐富，一個價錢有齊雞煲、火鍋、活海鮮同刺身ς(⑉´ᯅ`⑉)▪︎2.5小時河鮮海鮮雞煲樣樣齊火鍋放題 $398💰+$20飲品任飲💰時令燉湯：首先會上壺湯，味道鮮甜幾暖胃雞煲：叫左常見既四川麻辣味，雞肉好嫩唔鞋口，爆抄到入晒味香辣惹味非常好食，仲有泰式酸辣同韓式芝士風味，其實好想試下但要留肚黎食海鮮火鍋🤣刺身：件件都好新鮮，最鍾意就係帶子刺身，口感好似果凍咁非常鮮甜(っ˘ڡ˘ς)海鮮盤：終於到呢餐既重頭戲喇，澳洲大龍蝦🦞肉厚鮮美彈牙，虎蝦大大隻口感紮實鮮甜、奄仔蟹多膏味鮮、仲有元貝、鮑魚同蠔，都係勁新鮮而龍蝦頭同鉗用左黎熬製火鍋湯頭，用黎打邊爐更是令火鍋配料鮮香味甜，最為特別既係餐廳除左有火鍋常見既皖魚、白鱔片外，仲有桂花魚、鱸魚、羅非魚、黃骨魚等新鮮河鮮及魚標食🤤其他配料同樣出色，必叫既有安格斯牛肉、自家製餃同紫菜響鈴，成餐飯把口同胃都真係得到極致享受😋

🍽｛食盡尖沙咀之港式 — 阿爺八鮮鍋｝————————————————阿爺八鮮鍋係最近尖沙咀新開嘅任食海鮮主題 打邊爐， 趁住復活節假都同阿媽去咗食下！佢既2.5小時任食邊爐， 首先會由時令燉湯上起， 然後再會畀你三款口味入面揀一款雞煲， 個人大推 泰式酸辣雞煲🐥， 平時好少見到呢隻口味， 有啲似泰式鱸魚嗰種味道， 非常入味！食完雞煲就到打邊爐， 邊爐係另外選擇其他湯底，然後佢會首先有一個海鮮拼盤畀你🤪 最驚喜係入面居有半隻龍蝦同半隻蟹🤫， 唔記得咗講，佢另外仲會有一碟刺身畀你食㗎！ 食完雞煲食完刺身，再食埋個海鮮拼盤！就可以開始任嗌其他款式既食物啦！平時比較少見嘅魚標， 白鱔片都有嫁！ 牛方面，比較少見嘅有牛骨髓同牛白肉🫡七點半前離座，$368蚊就食到啦每位！ 如果經過尖沙咀不妨一試， 如果多人嘅話就記得訂枱喇！🤔

少有嘅雞煲火鍋放題直落150分鐘呢間店之前係旺角，聽同事都唔錯，一直未有機會試，最近此店搬遷左到📍尖沙咀🍲🦞🦀🐟🐙地方光猛，又整齊，坐得好舒服想食嘅記得要預約呀！同朋友吹水，或慶祝都絕對唔失禮只要望向佢側邊嘅水缸，好跳躍嘅海鮮游黎游去，就會好enjoy 成餐飯我同friend 食左呢個2.5小時 河鮮海鮮雞煲樣樣齊火鍋放題每位都有一份霸王海鮮盤，仲識郁好新鮮🤗，包大大隻爽口鮑魚，越南大虎蝦，爽口澳洲大龍蝦，蘇格蘭蟶子，台山奄仔蟹，肥美蠔1️⃣ 會先上左燉湯 - 鹿茸菇湯味道清甜2️⃣ 揀雞煲 泰式酸辣雞煲/韓式芝士雞煲/四川麻辣雞煲揀咗泰式酸辣，好鐘意配料十足，e.g. 青檸，乾蔥，芫荽等，香噴噴，雞件好滑溜，唔柴口，索曬d 汁好入味，好 juicy3️⃣轉湯底打邊爐海鮮湯底/藥膳湯底食材選擇好豐富任食新鮮海鮮/魚類，呢個已經夠曬吸引，值回票價🤤 龍躉片，海蟹，珍珠蠔係唔錯嘅選擇🧡安格斯牛肉，爽口牛肉味濃，唔韌 - 牛骨髓都係第一次食，睇落似粗條嘅白色橡筋，食落口感似腸仔，其實係冇咩味😅🌟招牌手打蟹籽蝦滑，招牌手打黑松露墨魚滑爽口鮮味重，唔會有粉狀感鮮蝦雲吞都相當唔錯，餡料飽滿，蝦肉新鮮4️⃣刺身拼盤

🐥四川麻辣雞煲呢度係雞煲有3款味道可以揀，包括四川麻辣、韓式芝士同埋泰式酸辣。小編的揀咗個穩打穩扎嘅麻辣雞煲！雞件細細件，每件都嫩滑入味🤤連啲配菜芫荽同紅蔥頭都吸哂醬汁，真係好惹味！🍲燉湯燉湯由小火爐一路熱住，飲落清甜完全冇味精！🍣刺身拼盤雖然份量唔多，但係刺身都幾新鮮🤗🦞霸王海鮮盤聽個名就知道勁！海鮮盤盤啲海鮮勁新鮮！上班嘅時候鮑魚仲識郁㗎！有帶子、鮑魚、龍蝦、生蠔同蟹🤩大家睇相都知道有幾正呀😉🦐🦀任食海鮮✨蝦✨蠔✨蟹✨蟶子✨龍躉✨鮑魚✨蜆✨白鱔呢啲只係餐廳其中一部份嘅任食海鮮，但小編最主力都係食呢幾樣🫣樣樣都生猛新鮮😇當然打邊爐都唔少得牛肉、豬肉、墨魚滑同菜呢啲基本嘢，小編就唔係食咗好多款，不過就有叫到牛肉同埋手袋黑松露墨魚滑，安格斯牛肉，肉味非常濃，墨魚滑就夠哂彈牙！

🎀尖沙咀。大熱雞煲火鍋放題店 新尖沙咀分店😍✨🎀🪄店名* #阿爺八鮮鍋🔮地址* 尖沙咀金馬倫道中國保險大廈1/F🔮🗾分店地區🗾 旺角,尖沙咀💰價錢$836 (2人)➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖🎵餐廳環境🎵之前系旺角都有聽講呢一間雞煲海鮮放題 最近得知佢搬左去尖沙咀 甘近當然即刻去試下拉😗一上到去已經見到超級熱鬧 全間舖頭都坐滿曬 餐廳大部分都係大枱位置～甘岩店員安排左我地坐既味道可以見到海鮮好生猛甘游水！🍽️食物質素🍽️餐廳主打2.5小時食盡河鮮海鮮雞煲火鍋放題😍飲品加$20就可以任飲 餐牌分類清晰 選擇豐富 有齊各類海鮮,雞豬牛,自家製產品選擇 味道不錯～如果5點入座仲可以$368一位 超划算！晏少少食既話就$398一位～👀評分💖💖💖💖💖🪄雞煲(韓式芝士)首先會上左雞煲 由於我唔食得辣 所以揀左芝士煲 雞肉份量正常 都夠嫩滑 芝士超多超級拉絲！除左芝士味道 大家可以根據個人喜好選擇泰式酸辣及四川麻辣味道😉👀評分💖💖💖💖💖🪄阿爺八鮮鍋+超級海鮮盒跟住就上主角 今次我地揀左藥膳鍋 藥味唔會過於濃郁 可以接受～超岩打卡當然就係呢個超級海鮮盒 入面有越南大虎蝦,澳洲大龍蝦

以前係旺角食過阿爺，覺得海鮮好好食，今次佢係尖沙咀重開，就BOOK位再嘗鮮。坐低食左個雞煲先，揀左個泰式酸酸辣辣好開胃。之後職員表示轉貼佢社交平台就有剌身拼盤送，有帶子、魚、蝦等，帶子及魚很鮮甜。之後開始打邊爐，揀左個海鮮湯底，之後上手切手牛同埋海鮮拼盤，Ｄ鮑魚仲係度郁下郁下，真係好好好，重點係佢Ｄ海鮮拼盤內Ｄ海鮮吾係一次，大多數都可以再叫，單叫海鮮，真係好易回本。之後都再有叫吾同海鮮同河鮮，鮑魚名蝦都係識郁，河鮮有多款吾同魚，桂花、盧魚、羅非魚都係出面好少見到的食材，吾會好似出面Ｄ第一轉靚Ｄ，之後就普通或麻麻，值得一讚。最後我地好鍾意佢個個時令燉湯，今日個吾知係咩，但見有瑤柱，同埋好鮮甜。

🤗2.5小時河鮮海鮮雞煲樣樣齊火鍋放題💰$398/person（加$20任飲汽水/健康工房）.⚡約咗fd子聚會想暴飲暴食一番🥳所以揀任食打邊爐，向來有聽過👴🏻阿爺八鮮鍋嘅大名，見佢新搬咗去尖沙咀就決定試下！🤩地方都算就腳，地鐵站行8-10分鐘就到，環境幾寬敞坐得舒服～.⚡嗌咗2.5小時河鮮+海鮮+雞煲任食，食之前上咗🐔時令燉湯（雞湯），超級無敵鮮甜好飲，勁有誠意勁足料；而雞煲有3款選擇，本身有啲心動韓式芝士雞煲，不過為咗留肚打邊爐，所以試泰式酸辣雞煲🤣醬汁酸酸甜甜惹味又開胃，雞件份量亦多+嫩滑～(⁎⁍̴̛ᴗ⁍̴̛⁎).⚡任食邊爐包咗個🥢活海鮮盤（虎蝦、龍蝦、聖子、大元貝、奄仔蟹、鮑魚），仲送咗一盤刺身，全部都好新鮮冇腥/雪藏味，要小心wasabi比較辣；🍲邊爐湯底揀咗期間限定嘅🦞龍蝦湯，邊爐料亦有超多選擇，全部都生猛新鮮（鮑魚係咁郁有點被嚇到😂）🦀海蟹爆多膏😍小女子大愛桂花魚片同鮮滑牛，鮮味十足✨🤰

好友生日話想食雞煲加海鮮早前喺網上睇到呢間店未搬新地址前都好多好評見到剛搬左去尖沙咀咁就腳就約朋友去試下嗰日就朋友有下場我地食好早6點未到我地就到左餐廳入到去餐廳見到個大魚缸有各式各樣海鮮店員見我地坐底都好快上左個鹿茸菇燉湯比我地個湯好鮮味 一路用火煮住熱辣辣更加好飲兩個半小時既河鮮海鮮雞煲火鍋放題就由飲呢個燉湯開始喇餐廳建議我哋先食雞煲再食海鮮雞煲有三種口味泰式酸辣雞煲韓式芝士雞煲四川麻辣雞煲朋友揀咗四川麻辣雞味道香辣雞夠滑食完仲可以追加其他口味雞但我地怕食唔晒就留肚食海鮮同打邊爐除左刺身拼盤再加左條活魚慶祝生日（油甘魚、希靈魚、甜蝦、活鮑魚、海蜇仲有細鱗）細鱗上枱時仲跳跳下十分新鮮食到咁上下霸王海鮮盤都上菜喇（越南大虎蝦、澳洲大龍蝦、台山奄仔蟹、新鮮鮑魚、新鮮帶子、珍珠蠔）全部都超新鮮打邊爐湯底我揀咗龍蝦湯底本身以為係好似西式嗰隻龍蝦湯點知嚟到係原隻龍蝦咁上10分驚喜手切牛頸脊牛味甜滑紫菜響鈴即叫即炸必點雞腸超級新鮮必點之選餐牌上仲有好多不同火鍋料選擇但係我哋戰鬥力弱食完個海鮮拼盤已經飽咗呢度10分適合一大班朋友嚟尤其是有大胃王朋友高質之選