阿木台灣麵 (豉油街)

營業中

休息中

今次我哋就嚟到旺角豉油街嘅阿木台灣麵🤤相信大家都聽過☺️，佢真係好出名，好多人食，我哋兩點嚟到都要排30分鐘😅我今次叫咗紅燒半筋半肉牛肉麵，椒鹽花枝丸，同埋一杯珍珠奶茶⭐️ 紅燒半筋半肉牛肉麵一嚟到已經聞到好香牛肉湯底味，有兩塊手掌咁大塊牛肉，同埋有好多舊牛筋，加上酸菜同埋蔥放喺麵上面做點綴，賣相好吸引🤤牛肉麵湯底十分濃郁香口，牛味十分濃郁，食得出有用八角等等嘅香料熬成👍牛肉好厚身，但一啲都唔韌，十分入味牛筋仲要入口即溶，有滿滿嘅骨膠原☺️牛肉同牛筋應該係同湯底一齊熬煮好耐，先會有咁嘅效果，真係好有心機🥰我就加咗$3 轉麵底做新竹米粉，呢款米粉十分特別，好彈牙仲要掛湯，同軟淋淋嘅牛肉有個對比，口感更佳👍⭐️椒鹽花枝丸食得出係啱啱新鮮炸起，熱辣辣炸粉一啲都唔厚，啱啱好，超級脆口，做到外脆內軟😍花枝丸好有質素，唔係成舊粉嗰啲，食得出有一粒粒墨魚肉🤤⭐️珍珠奶茶珍珠奶茶正常發揮，茶味好濃郁，值得稱讚不過我就嫌佢珍珠比較軟身，唔夠咬口😅店員好好禮貌，係我哋排隊嗰陣有好好照顧我哋☺️ 我哋仲見到白布街開咗一間新嘅阿木生活百貨超市🤩 由餐廳行1分鐘就到，超級近入邊有賣好多台灣零食，雜貨😍可以唔使等代購，有得現

今次係第一次黎試阿木台灣麵，之前每次經過都見到依到大排長龍，所以每一次都食唔到，今次8點幾既時侯見人唔多，決定排隊等一等去試下佢嘅味道。係排隊既時侯已經不斷望住門口特色嘅台灣食品，真係好掛住台灣旅行既感覺。依家只可以靠門口既野食懷念一下。 等左大概20分鐘左右終於可以入進去食。就咁睇餐牌每樣野都好吸引，簡單點左幾樣野食，紅燒牛肉麵、肉燥鹽酥肉飯、肉鬆蛋餅、醬油豆苗。紅燒牛肉麵真係要提一提，佢唔似出面個啲得幾舊牛肉，仲要舊舊牛肉都勁大舊，份量好夠，仲要好好味。肉燥鹽酥肉飯就普通，不過佢啲肉燥就可以再加啲菜莆去食都幾特別。肉鬆蛋餅好好食，肉鬆同個蛋餅好爽，如果有下次一定要會試埋芝士肉鬆蛋餅。醬油豆苗都幾出色，豆苗無臭青味，整出黎都好味。飲品就叫左蜜桃鳥龍同白桃四季春，如果唔飲得甜，最好就飲蜜桃鳥龍，比較無糖。餐廳整體黎講，絕對無失望，味道好味，份量又大，值得再次去食。評分味道⭐⭐⭐⭐⭐環境⭐⭐⭐⭐服務⭐⭐⭐⭐⭐衛生⭐⭐⭐⭐抵食⭐⭐⭐⭐⭐食完左之後仲去佢白布街既台灣超市，入面好多台灣土產野食，如果掛住台灣野食，食完野記得去行下。

阿木開咗分店啦～新舖位置更方便 ，係新寶戲院果條街（HSBC隔離）。而且仲可以經The GULU 攞飛 ，唔駛排隊等位咁耐。不過都要留意返， 起碼預早半個鐘襟定飛仔。炸排骨便當 $58炸排骨好鬆軟， 脆脆地唔會好厚粉。肉燥好好味 ，唔會太咸好濃味。便當仲配有三款配菜：今日有 花生麵筋 ，滷蛋 ，自家菜圃。菜圃同麵筋 勁力推介。原來菜圃可以另外一罐咁買 $38。飯嘅份量都唔少，少飯咗都仲成碗。仲可以揀多肉燥、少飯、多飯。紅燒牛肉牛筋麵 $71大大碗 ，紅燒有少少辣味更突出湯底惹味。餸嘅份量好足， 牛肉牛筋各有三、四舊 餸仲多過麵。牛肉係厚砌， 勁腍好入味 ，有啲筋位 口感更好。牛筋同樣好腍 ，甚至有啲入口即溶嘅感覺。可以揀走蔥、走酸菜、少肉。梅子地瓜條 $39 可以多梅粉、少梅粉 地瓜甜甜配子酸酸地嘅梅子粉 好開胃。滷牛腱 $50原來同牛肉麵啲牛肉一樣同樣好厚切。不過個味就同牛肉麵嘅唔同，呢個相對更惹味。套餐飲品仲可以半價。芝士岩鹽奶蓋四季春青茶 $38奶蓋配四季春， 清清地 。黑糖珍珠鮮奶 $34黑糖好香， 記得少甜， 真係飲得出係用鮮奶整。記得只收八達通同現金。另外， 原來阿木係

🌟今日同阿仔去旺角買嘢，之後過咗嚟呢間好出名嘅台灣餐廳度食lunch💛💛💛❤️紅燒牛肉牛筋新竹米粉牛肉牛筋炆得好入味，肉好軟腍，湯底濃郁，米粉索晒啲湯汁，正🤤芝士肉鬆蛋餅🥚呢個必點，蛋餅皮薄多餡，啲肉鬆多到滿瀉🤩I’like it🤤鹽酥雞炸得好香脆，肉一啲都唔鞋🥤蜜桃烏龍唔太甜，烏龍味較重食完之後去咗佢哋喺隔離街新開嘅💥阿木台灣生活百貨💥買咗包鴨舌同布丁返屋企，過下口癮🤤😋

今日約左朋友去旺角行街，嚟左呢間超有人氣嘅台灣餐廳度食lunch🍜紅燒牛肉麵牛肉好大舊，肉好軟腍，個湯底好濃郁，啲麵掛晒湯汁🤤🥚芝士肉鬆蛋餅好足料，蛋餅皮薄煙煙韌韌，包住滿滿嘅肉鬆，正🤩🥢鹽酥雞炸得好香脆，雞肉口感唔會鞋同好油膩🧋黑糖珍珠鮮奶唔會過甜，珍珠煙煙韌韌有咬口最近佢哋開左間生活百貨，有好多台灣小吃賣，有啲新產品仲可以上網預添🤩食完仲可以買埋返屋企回味，就算飛唔到去台灣都唔怕啦。

兩間阿木嘅分店我都幫襯過好多次啦。如果要數我心目中number 1嘅台灣牛肉麵咁就一定係阿木啦,因為佢嘅牛肉麵真係非常高質，價錢仲要非常之平，牛肉亦俾得非常之大方，集齊咁多優點係一身，真係冇乜嘢可以挑剔。我哋兩個人通常會叫一個牛肉麵，一個蕃茄牛筋面，咁就可以食勻牛展同埋牛筋，亦都可以有兩個湯底，食到咁上下我哋先至會加少少辣醬，加咗之後就即刻係另一種感覺。無論係牛展定牛筋都非常厚切亦好林，每碗麵有大概三至四舊肉，所以有時我哋都會食唔晒，因為真係每一舊都好大舊😋

阿木台灣麵不嬲都聽講食物高質又抵食，今次嚟排隊食既時候得知原來喺隔離街度開咗間新嘅阿木百貨😍😍😍入面有齊各式各樣嘅台灣小雜貨同食品，當然唔少得阿木自己出品嘅嘢啦，除咗乾貨仲有埋濕貨同急凍食品，應有盡有！行完啱啱好有位入得去，叫咗招牌嘅蕃茄牛肉麵，今次嘅蕃茄湯底同過往唔一樣，蕃茄味濃郁咗好多，而且牛肉都比過往做得更淋更入味，有進步！阿木雖然人氣一直都咁旺場，食物質素無退步反而仲做得越來越好，真係好值得讚揚同支持！

朋友之前一直介紹呢間，最終都去左試啦！之前聽講呢間成日都有好多人排隊，原來係真🤦🏻‍♀️.我地要星期六lunch time 時間去食，結果等了1個鐘先入到去🥲其實係可以用The Club 拎位，大家都係一早用app 拎左位先，好d~.呢間台灣野，有好多野食揀😍今日叫左都好多，2個人食，食到好飽😆😆😆上菜時間勁快，等5分鐘到就好快有野食到👏🏻-紅燒牛肉牛筋麵🍜 （$69）牛肉牛筋，份量多，又厚又大，仲好好食，好入味，CP值勁高👍🏻👍🏻👍🏻推介：8.5/10-鹽酥雞便當🍱 （$54）便當配肉燥飯，肉燥&飯都可以要求比多啲～鹽酥雞係嫩，唔會好乾👍🏻 （記得鹽酥粉係要自己落！枱上有支鹽酥粉 提供🧂）推介：8/10-芝士肉鬆蛋餅 🥚🧀🫔入面勁多肉鬆，勁足料，蛋皮簿，好有台灣早餐店既感覺😍推介： 8/10-梅子地瓜條 （$36）好少台灣店有呢款，見到，必叫😝果然冇失望，地瓜條好甜，佢地同台灣地瓜❤️炸粉唔會好厚，梅子粉同佢好夾， 台灣夜市必食既小食😬推介： 9/10另外叫左2杯岩鹽芝士奶蓋☺️ 跟餐有半價阿木真係會令人覺得好似去左台灣咁，野食都好有當地口味，佢地仲有好多台灣野食買！

阿木台灣麵，想食好耐次次經過都要排好耐所以食唔到，今次食到係因為下午茶時段冇乜人，入到餐廳坐低，先發現餐牌原來有咁多選擇，選擇困難嘅我哋最後都係揀咗下午茶套餐，價錢真係好抵，份量又多，食到好飽。我哋揀咗下午茶餐A $36肉燥飯肉燥飯好大碗，好多飯，啲肉煲到好軟身好入味，可惜真係太多飯，而顯得肉醬唔夠，我覺得肉燥飯其中一個好食嘅地方就係每一啖飯都俾肉醬包住，先有滿足嘅感覺，既然係下午茶餐我覺得可以將飯嘅份量減少，咁個比例就會好啲。配菜一個餐有三份，我哋揀咗台灣腸仔、鹽酥雞、豬耳、牛肚、滷水蛋同貢丸，呢一啲小食都好有水準！最令我哋驚喜嘅係杯珍珠奶茶，佢用嘅茶好明顯同平時街上飲嘅珍珠奶茶好唔一樣，好特別，好好飲，而珍珠都好Q彈。

我是旺角常客，好鐘意人氣台灣餐廳的阿木台灣麵，旺角本身開了兩間餐廳，最近再幫襯時老闆話佢哋多開了一間百貨商店模式的店都係附近，食完可以過去買下台灣食品貨品的！而餐廳的台灣菜式確一向有水準我最愛是這厚切牛肉配上手工高根麵，牛肉本身靚牛，而且大大塊，真心女仔食唔晒的， 老公男朋友一定要幫手清埋啦！牛肉煮到好入味，絕對是值得一吃！阿木台灣牛肉麵館地址：旺角豉油街98-100號鴻都大廈地下3-4號地址: 旺角廣華街8號地舖

第一次跟朋友黎試阿木，之前聽講佢試過吾錯，介紹左我黎食，上次經佢介紹既都吾差。點左既食物有：肉燥拌麵：味道好，略咸左啲啫，但麵條口感好。芝士粟米蛋餅：朋友推薦我食，呢樣無推薦錯喎，味道除左好，仲好有蛋香味，推薦俾大家試。黑糖珍珠鮮奶：我點左走冰，所以吾會太凍，甜度適中，真係好鐘意飲台式飲品，阿木既係超好飲。職員服務態度好，環境乾淨，點餐環保，不用紙張。下次會再來，亦推薦鍾意台式食品嘅大家來試！大讚！

食過返尋味，之前黎旺角已經食過阿木，就算出面好多人排隊就照食佢，因為真係好鐘意食，咁多人食，所以一定吾會差，今次水準亦保持到。食物方面：味道好有水準，我叫左炸排骨便當，肉燥蕃薯苗同桂圓紅棗茶，三樣都不差，炸排骨飯係推薦大家食，好香之餘亦好有口感，食完炸排骨又可以啞返個菜食下，個菜都做得吾差，而杯飲品亦有陣陣清香，飲落口吾同一般出面既桂圓紅棗茶，係呢度先搵到呢隻味，好讚！服務方面：職員態度好好，安排入座貼心，送餐又有禮貌，台灣老闆又有禮貌，令人會再次回來。環境方面：舖面雖不大，但座位間都做足防疫措施，食得亦較放心，筷子為一次性筷子。位置方面：位於旺角鬧市，交通方便，約人或收工食飯都正。最後，職員稱讚好了阿木ig,會有阿木台灣生活百貨的coupon,我們有兩張，隨即吃完過去看看，就在距離餐廳不遠處，步行過去兩分鐘就到，有賣很多台式產品，吾洗飛台灣，係香港又可以掃貨了，呢一餐好正呢！

中秋佳節放早是常識吧😙。 跟家人到左旺角逛商場後，見到阿木有位，便提早食番餐先😋。 紅燒牛肉牛筋麵，夾起2大塊牛肉，仲極之厚身，帶有少少筋，炆得夠淋又入晒味，煙韌又爽滑，牛筋亦都有3、4件，牛筋好黏口好軟，滿滿的骨膠原！湯底正常，麵底唔錯，配菜有酸菜同紅蘿蔔🥕，很豐富呀。 家人點了的是麻辣湯底，說其實都唔係咁辣， 佢仲額外加上店舖台上提供的，見佢食到嘴都紅埋😄。台灣干貝粽，剛剛蒸出熱辣辣，粽內有花生、冬菇、咸蛋黃、花生同干貝，材料很豐富又飽肚。 醬油番薯苗，菜很清嫩新鮮👍。芝士岩鹽奶蓋四季青春茶，點了微糖少冰，所以飲落甜度剛剛好，表面的芝士鹹香奶蓋，飲落有清香味，又唔會太膩。友人叫了白桃汁，說清香解渴。 餐廳門口擺放了多款台式食品，很多都是台灣自家品牌食品，有我至愛嘅鴨血粉、乾果、太陽餅丶椒麻拌麵丶胡麻醬拌麵、台灣特產鳯梨酥、花生蛋卷、辣味牛肉乾同豬手，店員還派發了9折現金卷，只需購物滿$100便可享用。 餐廳：阿木台灣麵 (旺角)地址：旺角豉油街60-102號鴻都大廈地下3-4號舖

尋日趁住放假，約咗朋友嚟到旺角食個lunch～大概兩點，我哋喺旺角豉油街呢間好出名嘅黃店食台灣菜，正正兩點都有好多人喺門口排隊，可見佢嘅火旺程度幾勁！蕃茄湯牛肉牛筋面$69平時食麵好鍾意蕃茄湯底，今次呢個湯麵嘅蕃茄湯好濃郁，番茄🍅酸酸甜甜，配埋大大嚿牛肉，食落好新鮮，好有咬口，牛筋肉幾彈牙，仲酸菜同紅蘿蔔🥕材料十足芝士肉鬆蛋餅$42一直都好鍾意食台式蛋餅🥞咁啱有個芝士肉鬆蛋餅，梗係要試吓啦～蛋餅嘅皮幾薄，內餡有超級多肉鬆，名副其實嘅皮薄餡多，仲有芝士嘅香味添～岩鹽芝士四季春叫咗走冰同微糖，所以飲落唔會覺得甜，表面一層鹹香嘅芝士奶蓋，飲落有清香嘅四季春，淡淡地，唔錯

適逢禮拜日約左朋友到旺角食lunch，朋友話想試下呢間台灣餐廳～麻辣紅燒牛肉麵麻辣湯底辣得來又好刺激，麻辣非常過癮，手作麵比較煙韌有咬口，麵條就算浸左湯好耐都唔會太淋，因為朋友好鍾意食辣，呢碗麻辣牛肉麵好適合佢～牛肉好大嚿，同我朋友隻拳頭一樣咁大！食到我哋超級飽～鹽酥肉炸得幾香脆嘅鹽酥肉，外皮幾香脆，內餡有好多肉，感覺好邪惡，但係好香口，肉醃得夠入味，唔錯黑糖珍珠奶茶雖然叫咗少糖，不過仲係幾甜，珍珠幾有咬口，煙煙韌韌，奶茶幾香幾好飲～