阿木台灣麵 (豉油街)

營業中

休息中

繼上個月食完阿木台灣麵之後一直念念不忘，已經諗定幾時再食，今日有事去開旺角，所以決定又嚟幫襯阿木啦。今次時間早左，6點到阿木台灣麵到，因為時間比較早，所以唔洗排隊，一嚟到就有位可以入去食。因為上次已經食左鹽酥雞，所以決定今次食其他口味。最後就決定左用食麻辣牛肉牛筋麵，芝士肉鬆蛋餅同芝士岩鹽奶蓋烏龍茶。麻辣牛肉牛筋麵 |$71 麻辣牛肉麵都幾辣，如果唔係得辣既話，可能會叫返紅燒好啲，我自己就食得辣可以我就覺得好正，仲可以試埋佢隻自製辣油添。牛肉同牛筋好大舊，依個係我覺得最物超所值既地方。芝士肉鬆蛋餅|$44芝士肉鬆蛋餅就比普通肉鬆蛋餅好味，芝士、蛋同肉鬆配合埋一齊，簡稱係一絕。芝士岩鹽奶蓋烏龍茶|$19只要叫左一個主食，就可以半價叫飲品，台式手搖飲品嚟講，最鍾意就係芝士奶蓋，所以今次就叫左芝士奶蓋，芝士鋪係面真係好正。當埋單之後，職員會叫你，可以去隔離白布街既阿木台灣生活百貨支持下，入面真係好多台灣食品，如果岩買既話，真係要去支持下。餐廳好有台灣味道，食完行埋超市當去左次台灣。  評分味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️衛生⭐️⭐️⭐️⭐️抵食⭐️⭐️⭐️⭐️⭐️

朋友講起香港有碗台灣牛肉麵好有家鄉味道廢話少說 拉佢去試·去左試豉油街既分店原來呢間係新店遠遠已經見到長長既人龍想打退當鼓 但食慾大於一切😂-家傳鹽酥雞（午市套餐+$23）炸得外層脆身而裡面仲juicy 炸皮好薄 調味岩岩好-台式炸大腸（$42）脆皮炸大腸煙韌夾雜油香皮脆肉嫩-麻辣牛肉麵（$60）因為想食辣所以點左麻辣口味上枱已經覺得成個感覺好台灣牛肉湯好濃郁 麻辣係好溫和既辣一d都唔會嗆口飲落去好舒服牛肉大大舊而且厚切煮到軟腍完全唔洗用力就可以咬開麵條煮得岩岩好唔會一夾就斷整體係一碗好高質既牛肉麵試左加佢地既秘製辣醬個辣醬辣得黎幾香幾惹味-紅燒牛肉麵（$60）朋友講到呢碗麵係牛肉麵世一比起麻辣口味呢碗更有台灣既感覺湯底就係台灣食既味道而湯底比麻辣更濃郁 但飲落完全唔油膩-凍四季春青茶（午市套餐+$4）四季春茶茶味好濃解膩一流-金鑽鳳梨四季春（$34）鳳梨味好濃同四季春茶味好夾但又唔會過甜總括黎講麵食炸物質素高店員亦有問必答因為第一次劃板點餐有小小不知所措整體感覺都好好唯獨係座位有點擠迫

上次食完同朋友講起呢碗台灣有肉麵有幾厲害🍽即刻被佢拉左去再試·今次專登去左豉油街既新分店依舊長長既人龍👯‍♀️上次食完 · 真係覺得值得再排隊🙆🏻‍♀️·♡紅燒牛肉（$60）我同朋友介紹呢碗唔係叫牛肉麵係叫台灣味道🇹🇼因為個味道同我係台灣食到既好相似💯湯底好濃郁 但望落清澈唔油膩重點個味同上次食係一樣最驚新分店質素會差左但呢度無呢種顧慮 · 完全keep到👍🏻ღ4件半筋半肉 · 厚切既牛肉🥩煮得非常軟腍麵條唔會淋哂有咬感帶Q彈酸菜配麵條食再飲多啖湯🤤成件事好台灣♡麻辣牛肉麵（$60）朋友想食辣🌶所以點左麻辣口味湯頭濃郁 而辣味係回甘咁慢慢滲出黎飲落去好舒服但如果可以選擇辣度就更完美✔️牛肉一樣軟腍🤤呢度既牛肉真係好出色♡家傳鹽酥雞（套餐+$23）炸得金黃一粒粒上面曬滿調味粉味道岩岩好一啖一口 · 酥脆內嫩即刻有種去左台灣夜市邊走邊吃既感覺如果唔夠味佢地有調味粉提供♡台式炸大腸（$32）一碟分量好多大腸處理得好好 · 唔會有羶味炸大腸外酥裡面帶煙韌超級邪惡😈但又會一口接一口♡凍四季春青茶（+$4）微糖配四季春茶茶味好香濃♡金鑽鳳梨四季春（$34）鳳梨味好出唔會好甜仲食到一粒粒既鳳梨肉飲落好清爽

等候需時～建議大家 app拿定飛😉😉出門口個陣拿定就差吾多架啦😳😳繁忙時間等候約1.5小時一如既往好多人排隊嘅黃店～我男友好鍾意食辣！ 所以話要試吓佢個麻辣！唔食得辣嘅我就一樣食招牌牛肉麵😝全部都唔錯㗎 我自己個人就最鍾意嘅鹽酥雞香脆又好味 同埋奶蓋都好好！紅燒牛肉麵 $67麻辣牛肉牛筋麵 $71芝士肉鬆蛋餅 $44鹽酥雞 $39芝士岩鹽奶蓋四季春 $38芝士岩鹽奶蓋烏龍茶 $38阿木台灣麵 旺角豉油街60-102號鴻都大廈地下3-4號舖

每次去食台灣菜都特別有親切感💛 已經食過哩間台灣黃店好多次😚佢嘅台灣牛肉麵同小食都好高質😋近排仲新開咗🤩阿木台灣生活百貨(旺角白布街8號)，售賣各類百台灣食品，試業當中想念台灣嘅你去入貨啦🛒·🍲紅燒牛肉牛筋麵 HKD$71招牌菜之一 ! 好好味充滿台灣風味🤩紅燒湯底濃厚惹味😋 牛肉同牛筋口感勁軟腍😻 一咬開就化開咁😍 軟綿綿勁好食！·🌯芝士肉鬆蛋餅 HKD$44充斥住古早味道，薄薄一層蛋餅夾住海量肉鬆餡😍芝士🧀份量略微不夠呢~·🌹玫瑰花烏龍(500ML) HKD$28烏龍茶中散發薄薄玫瑰香氣🌷 無糖茶啱哂我 !··📍阿木台灣麵旺角豉油街100號

今日和兩位朋友來試，看到這麼多好評，內心有點期待。點了芝士肉鬆蛋餅，皮薄多料，很不錯👍🏻炸大腸脆卜卜。而鹽酥雞很普通，不是特別脆，味道也平淡。還點了牛肉麵，牛肉很厚，有4塊。麻醬拌麵不過不失。還點了兩款飲品，玫瑰花烏龍和金桔檸檬四季春，兩款都不好喝。而最差的是服務方面，態度還好，但是真的不斷催你交枱，先是來回看是否有吉碟，有一隻收一隻。因為我們的枱很近門口，帶枱那位職員便站在我旁邊問正在等位的客人"門口呢張你地ok嗎？ok我一陣俾呢張你" 隔了30秒再問對方"係咪ok? 等多陣，我一陣執好枱就俾你地" 再過多一分鐘又說"等緊埋單架喇，好快"但其實當時我們還有半碗麵，兩款小食還有幾舊，飲品也只喝了1/4。只是有朋友已經飽，所以放下了筷子，但另一位朋友還在吃，我們並不是吃飽了不走。而到結帳時，我剛把錢出來放在枱上，職員便過來說"我幫你收左先啦"到出了門口，我再看一看時間，我們由有位準備進餐廳，到離開餐廳才過了47分鐘。我知道是多人等位，但我們也沒有在拖。而食物也不是特別出眾，所以這間我不推薦。

阿木真係長期都好多人不過好彩有得上網拎飛減少左係咁排隊🙈肉操拌麵 配 鹽酥雞 $54麵質夠煙韌 同出面嘅唔同而且份量係超多，真係幾飽唔怪之得排隊要排咁耐我超中意呢三小碗真係好開胃 由左邊開始係面筋，鹵蛋同埋菜寶出面真係無呢幾碟野絕對係加分位！ 好似飛左去台灣咁😍😍最後係鹽酥雞出面好多都好老，而佢做得好好啲雞仲係好juicy而且唔老如果落埋枱面的粉仲惹味！如果要飲品半價就可以值得encore ，啲嘢大件又抵食

鍾意食台菜又經常喺九龍區出沒既朋友一定知道阿木台灣麵。記得初初開廣華街店既時候，我幫襯過一次，當時仲係家庭式小店feel，牛肉麵同蛋餅都好好食。隔左一大段時間，阿木愈做愈紅，都有3間鋪頭，今日就黎排下隊。去到既時間就發現你只要有GULU，就可以預早攞飛，大家唔好好似我咁豬豬🐽 🥢麻辣牛肉麵🌶️湯底夠辣但冇左麻辣既香味，我反而覺得鐵牛個麻辣湯底仲好過呢個。牛肉份量真係好多，煮得夠淋，但唔算好好食。其中一個吸引我食牛肉麵既地方，係碗入面既酸菜🥢紅燒牛肉牛筋麵湯底好過麻辣湯，牛筋比牛肉好食，每一件都好大件好厚，都係嗰句份量真係好多，所以係抵食既🥢鹽酥雞鹽酥雞唔夠熱亦唔夠脆，其實炸野既基本真係熱同脆。其實香港到底仲有冇好食既鹽酥雞？

今日想食牛肉麵，諗起門口經常大排長龍嘅阿木。一個人專登去旺角豉油街分店食晏。12點過啲門口已經要等位，還好等咗10分鐘已經有位，坐低叫咗紅燒牛肉麵，追加一份滷牛肚絲再加咗杯珍珠奶茶。紅燒牛肉麵好大一碗，麵份量唔多但有四大塊牛腱肉，塊塊都近一公分厚，牛肉冧身咬落唔癡牙，加埋酸菜和濃味湯頭，真心覺得扺食。要挑剔嘅話，麵唔夠Q，有啲粉粉嘅口感，湯頭稍為偏鹹。以60蚊嘅價錢，整體算係唔錯，值得推薦。追加嘅鹵牛肚絲小食就一般，除咗夠冧身外，份量少，冇乜鹵水香味，味道一般，23蚊唔扺食。至於珍珠奶茶，唔夠300cc，冇乜特別，但10蚊一杯仲想點。午餐唔使100蚊，飽到上心口，呢餐食得太多肉，今晚要食清淡啲先得啦。

有個朋友係阿木台灣麵打手😅成日都話好好食，呢日佢終於帶到我地食呢間傳說中好抵又好食嘅台灣菜餐廳😛-💛黃色商家-🐂紅燒牛肉麵(片切) ($60)牛肉有四大嚿，而且夠厚，咬落幾淋，唔會韌或者黐牙，筋同肉比例啱啱好，仲好入味🥰🥰碗麵都幾足料，同埋朋友y(打手)話片切牛肉份量多過角切，大家可以睇下係咪真係咁🤣至於啲麵，可以彈牙多少少，湯嘅調味啱啱好，唔會太濃或太淡😙-🍚肉燥飯 (下午茶餐$38)肉燥可以再多啲，唔夠撈晒成碗飯，味道普通，如果可以多少少肥肉會香好多，瘦肉可以再淋多少少，同麵相比遜色好多🥲另外可以揀三個小食，我地揀咗鹽酥雞不過唔夠脆，不過好在味道唔會太鹹，脆啲就會好好多喇😙至於炸甜不辣，外脆內軟，唔會冇乜味，食落幾香口😋仲有滷蛋，食落偏硬身，有少少似鐵蛋，幾入味!!-🫕麻辣拌麵 (下午茶餐$38)撈嗰時已經好香，辣度可以接受，整體嚟講麻多過辣，而且麻度適中，就算唔係好食到麻嘅人都應該會覺得可以接受☺️如果肉碎多啲口感會再豐富啲，同埋麵可以再彈牙啲，不過以呢個價錢同份量已經好好🥰小食我地揀咗台灣香腸，食落好香，油份啱啱好，不過皮可以再脆啲😚滷牛肚絲好淋，幾入味，牛味都幾重~最後就係滷豬

以前成日因為要排隊所以放棄食阿木，而家有咗遙距攞飛呢個System，我就成日出旺角都會幫襯佢，除咗佢嘅牛肉牛筋麵之外，我覺得佢嘅蛋餅同埋芝士奶蓋特飲都勁好味，每一次就算嗌同樣嘅嘢食都係百食不厭

今日去醫院睇完醫生，經過呢度見到呢間人氣都幾高企嘅阿木台灣麵，所以就攞咗飛試下，係等嘅期間就周圍行下發現原來附近仲有間阿木生活百貨，入咗去兜咗個圈，之後返到去就有得入座喇。餐牌選擇幾多元化，單單係小食都有十幾款。😋鹽酥雞 ($39) : 鹽酥雞份量都幾多，雞粒外脆內嫩。台式炸大腸 ($42) : 炸大腸超級正，超脆口之餘仲勁肥美，雖然好邪惡但係好好食。😍紅燒牛肉牛筋麵 ($71) : 牛肉肉質軟腍，而且非常大件，仲要係厚切 😋 牛筋亦相當爽口，紅燒湯底味道都唔錯。

今晚收工過黎， 終於終於唔洗排一輪因為用左醒目嘅方法排隊就係用app 預先拎飛實在太太太方便了好快就入得坐低即刻嗌野食，揀左紅燒牛肉牛筋麵同芝士岩鹽奶蓋炭燒烏龍茶小食揀左台灣腸同炸大腸 牛肉牛筋的料超多， 伴有酸菜令牛肉湯的味道層次提升 牛肉肉質夠腍，好入味，牛筋亦炆得夠腍麵質有口質，麥味好香 好好食 大滿足叫左炸大腸 皮很脆過下口癮～ 份量剛剛好 奶蓋香濃，飲返啖烏龍茶幫助下消化呢個價錢，呢個份量其實真係好抵！ 會再繼續支持

好多人都介紹過呢間阿木台灣麵味道好正宗又大碗😍今日黎開旺角買波鞋一於試試😋溫馨提示~ 6點前黎到唔駛等位🔴 紅燒牛肉麵 $67 🔴+$3 轉手工關廟麵分量好多，牛肉湯頭好甜好香紅燒牛肉雖然大舊但好腍，唔會好難咬開酸菜都好夠，十分惹味🙆‍🟡 台灣腸便當 $54 🟡肉燥摻左肥肉和瘦肉，係台灣經典味道！台灣腸可以夾埋生蒜食，份量好足夠不過如果可以再煎得香口d會更好🤏另有三款配菜：滷蛋、烤麩、菜甫，送飯一流枱上仲有一樽自家制麻辣醬好香，但唔會太辣👅可以買走，整涼拌菜應該會好好食~🙌

之前食過廣華街分店嘅阿木台灣麵，印象好好，知道佢喺豉油街都開咗新分店，所以去再食多次。我兩點左右去到，鋪頭都係坐滿，出面都排咗四五個人，等咗大概十幾分鐘左右就有位，舖面都唔細，裝修幾簡單精緻。 我叫咗一個麻辣半筋半肉牛肉麵，小食就叫咗炸大腸，嘢飲叫咗無糖珍珠奶茶。🍜🍜🥩牛肉麵黎到好大碗，麻辣味勁香，聞到已經食指大開，我試咗一啖湯，飲落帶微辣但好惹味。麵我加錢叫咗關廟麵，麵體偏粗，食落好有咬口，煙煙靭靭，而且好掛湯，所以食落 夠曬濃郁同埋麻，啱曬我呢種鍾意食辣嘅人。牛肉牛筋分量好多，牛肉係厚切嘅，好入味好腍，牛筋就滑捋捋，入口即溶。😋小食方面，炸大腸炸到好香脆，清潔得好乾淨，唔會有怪味，完全係外脆內軟，食曬都唔會覺得好油膩。🧋🧋珍珠奶茶屬正常水平，珍珠係偏淋嘅。整體嚟講好抵食呀，唔怪之得一直keep住咁多人排隊，下次經過冇咩人一定會再食。聽店員講阿木喺附近白布街開咗一間阿木生活百貨超市，我八卦行去睇下，點知好驚喜，入面有好多台灣直送嘅零食，生活百貨等等，依家冇得去台灣，我都買咗幾盒鳳梨酥解下相思之苦，大家去食完牛肉麵都可以去睇下呀。