阿木台灣麵 (豉油街)

營業中

休息中

今日途經這間台灣餐廳，門口擺放好多台灣乾貨，懷念台灣一番就進店一試，結果有意外驚喜！首先，那個麻辣牛肉牛筋麵，成碗都係牛筋同牛肉，誇張的足料！牛筋爽滑有口感，牛肉有鮮味，很淋。麻辣味好香，麵質有口感，讚！芝士肉鬆旦餅個皮煙韌，包著鬆化嘅肉鬆同流心芝士，很有台灣風味，值得一試！點了個餐飲桂圓紅棗茶，濃濃桂圓味，飲咗感覺好補🤪餐廳服務員態度很好，很有禮貌，席間仲大叫：有冇人揸車 ，出面抄緊牌，啊，是台灣嘅人情味喔！埋單仲送咗兩張九拆現金卷去附近的阿木台灣生活百貨，扮去咗台灣一轉！

每次經過都好多排隊，一心期待一試阿木台灣麵，點知失望而回-首先食物方面，我點了鹽酥雞肉燥飯+芝士岩鹽奶蓋炭燒烏龍茶，友人點了炸排骨肉燥飯+台式檸檬紅茶，另外還加了一份芝士玉米蛋餅-1️⃣鹽酥雞肉燥便當 $56+芝士岩鹽奶蓋炭燒烏龍茶 跟餐半價$16每份便當都有3樣小配菜，蛋+菜脯+麵筋，配菜味道只得一個鹹字到主角鹽酥雞肉燥飯，雞炸得好乾而且唔熱的，最慘係肉燥同啲飯都凍既而飲品芝士岩鹽奶蓋炭燒烏龍茶亦唔掂好淡-2️⃣炸排骨肉燥便當 $58+台式檸檬紅茶 跟餐半價$12炸排骨同鹽酥雞一樣毛病，炸得唔熱又唔脆-3️⃣芝士玉米蛋餅 $42呢個最正常了，味道和一般台式店鋪冇乜特別-而最想講，就係店裡座位非常迫，啲枱與座位太密，好迫，坐得一啲都唔舒服。而服務方面，職員態度亦唔係好，全部好趕時間咁睇返好多食評，都話佢哋食物唔夠熱唔夠脆，我諗老闆娘真係要正視呢個問題，不然只係靠住黃色經濟圈去做生意唔可行，質素也很重要。希望老闆娘除咗重點搞阿木台灣生活百貨，也多多重視返本身食物嘅質素，另外阿木台灣生活百貨的產品比出邊貴好多大家不防格價後才購買

上一次食阿木已經係上年既事啦，今日終於可以再食啦☺️蕃茄牛肉牛筋麵🍅🐮🍜佢既牛肉同牛筋相當出色，牛肉大大舊，又厚身，但係入口即化，勁淋，牛筋好軟好嫩滑，一d都唔un ，蕃茄湯底夠香濃，酸菜令你愈食愈開胃梅子地瓜條🍠金黃色既地瓜切條，用粉漿包住炸，在灑上梅子粉，係台灣街邊最地道嘅小食，地瓜嘅甜配埋梅子粉嘅酸，真係好夾呀黑糖珍珠奶茶🧋食台灣野飲珍珠奶茶是常識吧！奶茶嘅茶味比較重，珍珠好Q彈，正餐廳門口有好多台灣嘅食品售賣，店員表示在旁邊嘅白布街有間阿木台灣生活百貨，售賣嘅貨品種類更多，有興趣可以過去採購

好在有神隊友同事 事先幫手係apps 拿定飛 去到補一張台就入得 如果唔係肯定有排等位我同同事都點左牛肉麵 但我就點左個番茄🍅湯底 佢就點紅燒湯底 本來點片切牛肉 但點知一點鐘已經賣晒 咁就更改左角切 原來錯有錯著 角切我覺得好啱我口味 入口一舊有齊筋同腩 口感一流 煙煙靭靭 而且好入番茄味個面底都唔錯 下次要試下片切 睇下邊個更好味😋但入面坐位就有點迫 旺角寸金尺土 好正常 飲品就點左杯熱既四季春 不過不失啦 下次就想試下個珍珠奶茶🧋

#平靚正下午茶#阿木台灣麵$38 包主食 +小食 +飲品主食以麵類為主選擇左麻辣乾拌麵自家製麻辣醬好香口 唔算太辛辣有微弱甜味 加小許已經足夠惹味小食有：鹽酥雞炸甜不辣滷蛋半隻花生麵筋台灣香腸醃製小黃瓜滷牛肚絲滷豬耳滷香菇貢丸一次過可簡三款要左鹽酥雞+台灣腸+豬耳建議可加鹽酥雞調味粉更加鹹香可口 鹽酥雞炸得香脆唔油膩台灣腸皮脆肉香 肉汁夠多比一般香腸更有口感飲品凍檸檬四季春青茶淡淡檸檬香 微甜食完記得唔好錯過店外嘅台灣食品

蕃茄牛肉牛筋新竹米粉（單點$74），份量多，蕃茄湯底內有洋蔥、蕃茄，味道酸甜；牛肉有三大塊，每一塊都好厚肉，肉質腍身；牛筋有四大條，口感滑溜，一夾就斷；新竹米粉口感細滑，容易掛湯。麻辣牛肉牛筋手工關廟粗麵（單點$74），辣度5分，帶有輕微藥材味道；關廟粗麵口感爽滑。芝士肉鬆蛋餅（單點$44），口感煙韌，雞蛋內有大量香蔥，食落好香口，芝士、肉鬆味道鹹香。台式炸大腸（單點$42），表面鋪滿香蔥，好乾淨，肉質肥美。凍黑糖珍珠鮮奶（跟餐$17），黑糖波霸珍珠食落有咬口，甜度適中，鮮奶奶味醇感。凍白桃紅茶（跟餐$17），白桃味道清甜，茶味不苦澀，飲落好清爽。

落雨今日都要排隊叫咗麻辣牛肉麵+黑糖珍珠鮮奶/$84 唔係餐好快上菜，賣相幾好，開頭食落都幾好味...牛肉部位都好，但我覺得比較淋...黑糖珍珠既珍珠吾好食...叫左小甜都好甜...我要枱嘅之間位置擠迫...試下無妨嘅...

一直慕名【阿木台灣麵】好耐！😍 但假日經常人排長龍。今次平日放假唔算多人，所以就排隊食先😋 等位期間可以睇下門外貨架，好多台灣直送食品購買，仲有佢地自家製鳳梨酥🍍等咗一陣就可以入座，不過餐廳座位都安排得比較密😣但食物方面真係好正🤤🐮 紅燒牛肉牛筋麵➖ 💲71湯底好香，加咗酸菜好惹味！牛腩肉質好滑嫩，牛筋鹵得入味。麵質彈牙，份量好多。🍱 鹽酥肉便當 ➖ 💲61鹽酥豬肉條炸衣好香脆！豬肉條半肥瘦好juicy。肉燥飯超大碗，唔記得叫少飯😰肉燥好香，肥豬肉超正，拌飯真係一流😋🐷台灣小香腸 × 2 ➖ 💲32小香腸切條不是切片，感覺更好咬口，外皮烤得香脆。🍢 炸甜不辣 ➖ 💲32香口的外皮加上煙煙韌韌嘅內心，令人食完一件再一件。🥤 芝士岩鹽奶蓋四季春青茶 ➖ 💲19芝士岩鹽奶蓋超厚身好香滑，四季春青茶味道清新，同奶蓋味道好夾。🧋 黑糖珍珠奶茶 ➖ 💲16珍珠有咬口，黑糖味好香甜。.【阿木台灣麵】📌 #旺角豉油街60-102號鴻都大廈地下3-4號舖

之前喺朋友屋企已經叫過阿木嘅外賣好幾次，堂食真係第一次！始終剛重開堂食，旺角嘅人都幾多！但阿木果然係阿木，星期一嘅晚上都keep住full house！2人枱等咗幾張枱先到，不過都好快到！先叫一碗招牌牛筋牛肉麵！牛肉麵嘅湯底一流，牛肉牛筋又好多！加埋自家台式酸菜食係超級好味！最正係同店員講想多酸菜，店員額外俾咗一小碗酸菜🥰🥰🥰再點咗一碗魯肉飯，$36原來都好大碗！可選擇多飯少飯！建議要多汁！好味！台式鹽酥雞，$36，肉質少少鞋，而份量尚可！最後點咗我嘅最愛，炸甜不辣$32😍😍😍喺香港要食到抵食而夠chewy嘅甜不辣係好不容易！加上即炸即上！所以真係超級推介！！！整體呢個台灣餐係好有台灣味道！而且堂食真係比外賣更出色！所以值得不停再幫襯😍😍😍

好耐之前都聽聞旺角「阿木台灣麵」嘅紅燒牛肉麵非常高質，咁啱下午茶時段比較少人，難得唔使排隊梗係試一試😎.🍴紅燒牛肉麵💰$67湯底不加味精，每日將牛骨熬製20小時，再加上藥材香料，湯頭濃郁而不膩，香氣十足🤤牛肉份量非常多，厚到成塊牛扒咁🤣唔好以為好韌，相反入口即化又入味，肥瘦適中💕麵條係餐廳自家製，掛湯得來又有嚼勁👍🏻而且比較特別嘅係加咗大量酸菜，酸味更能襯托出湯頭嘅濃郁❣️鍾意食辣嘅朋友，更加可以加少少餐廳自家製麻辣醬，更惹味😋.🍴香蔥麻辣肉燥飯💰$39比坊間嘅肉燥飯特別，呢碗肉操飯加咗好多蒜片🧄「蒜片+肉燥」呢個配搭都係第一次試，出奇地又幾夾😆每啖飯都充滿蒜香，配埋麻辣肉燥好惹味😋.🍴鹽酥雞💰$39香脆之餘又唔厚粉，加埋特製鹽酥雞調味粉，直頭係台灣夜市嘅味道😍.🍴芝士肉鬆蛋餅💰$44每一塊都包滿肉鬆、芝士、煎蛋，肉鬆多到滿瀉🤣食幾塊都幾飽😅略嫌蛋味&芝士味唔夠出，如果芝士可以做到拉絲融化效果會更加好.🥤玫瑰花烏龍💰$14（跟餐價）.整體來講，餐廳性價比幾高❣️以六十幾蚊嘅價錢可以食到如此高質、每日熬製20個鐘嘅牛肉麵，都唔好話唔抵👍🏻食完就明白點解平時咁多人排隊😂

紅燒牛肉牛筋麵🍜紅燒牛肉炆得好林，有小小厚度所以口感好好，牛筋真心正入口即溶唔使咬😂鐘意佢地唔粗唔幼嘅麵👍🏻湯底好濃好正。鹽酥肉便當🍱豬肉有小小肥肉，所以咬落去更加好食，炸到一d都唔乾身，肉燥飯切絲有咬口特別好食😋跟3小碟小食，好豐富呀⋯⋯芝士肉鬆蛋餅🫔多到爆左d肉鬆出黎😆蛋餅個皮都整得好出色。台式炸大腸🥢超鐘意食大腸嘅我，我本人極力推介，炸得又脆又唔覺得佢肥膩。黑糖珍珠奶茶🧋黑糖珍珠鮮奶🧋兩杯都勁多珍珠，又濃又好飲👍🏻

平日晏晝1點左右來到, 門口好多人等外賣, 堂食好好彩咁唔使等位👍🏻 座位唔係好多, 枱同枱之間都有啲迫, 肥啲都入唔到去😀😀坐低之後枱面有餐牌同筆, 畫完之後俾員工就可以, 上菜速度都算快-C餐鹽酥雞便當$52🍱有3款小食配菜, 有6️⃣大舊雞肉, 肉燥份量唔算太多, 但味道ok係肥五花腩肉, 肥瘦想間👍🏻-E餐紅燒牛肉麵(切片)$60🐮🍜牛肉係切厚片, 肥瘦相間, 有啲筋, 好淋身😋份量好多, 食極都食唔晒咁😄 面都好有口感, 湯底唔算太重牛味, 唔食牛都接受到👍🏻跟餐+$4凍台式奶茶🥤+$10凍珍珠奶茶🧋兩款奶茶係一樣味, 唔算太重茶味, 珍珠好煙韌👍🏻

(p.s.「質素不復以往」不代表唔好食，只是品質有點退步)「阿木台灣麵」呢個名大家都一定聽過，老闆娘Polly 十年前嫁到黎香港。佢阿嫲喺台北開魯肉飯店，父母開咗間牛肉麵店，為咗繼承家業，決定同丈夫一齊喺香港開餐廳。 店舖而家有廣華街同豉油街分店，識等嘅都會喺gulu㩒定飛。個人認為豉油街店好坐d，冇咁迫(雖然兩間分店嘅擺枱都非常密，梳化位行入去都好困難)。 近年佢又喺黑布街開咗雜貨店，專賣台式食品/急凍貨。我就試過佢嘅葱油撈麵同麻辣鴨血。葱油麵都算唔錯，鴨血聞落臭到開十個抽氣扇都抽唔到浸類似臭豆腐嘅味。 講返正題先，餐廳食物有紅燒/蕃茄/麻辣牛肉麵，台式便當套餐，拌麵，蛋餅，滷味等，其實都好齊架啦。平日午市套餐就平D。但要閙吓畫膠餐牌嗰支粉筆，糊得好緊要，黏手又容易斷心。 紅燒牛肉麵$65 價錢就唔洗我再多詳述，根本十個有八個人都覺得抵。台式牛肉麵湯底材料最主要用上牛骨/牛肉，薑，大葱，蒜，醬油，米酒，冰糖等，最緊要嘅係仲有八角桂皮等藥材。特別嘅材料仲有煉牛油，水果等。如果係紅燒湯底就會加辣豆辦醬，辣椒油等。如果係蕃茄湯就會加蕃茄會落多D糖。 湯底望落較為清透，聞落重藥材香，入口順喉

🐱🐷阿木台灣麵🐱🐷之前見廣華街分店咁附人排隊，未試到 今次早少少嚟到豉油街分店 終於食到喇🤤由於嗰日太想食飯 所以我地冇嗌到麵🤣嗌咗兩個便當🤤第一個係台灣腸便當 嗌咗多肉燥🤤🤤有3樣小配菜 鐵蛋 菜脯 麵筋 台灣腸嘅分量好多🥰🥰🥰好滿足！啲肉燥好好味！另一份係鹽酥肉便當🤎分量麵唔少 而且我地貪佢冇骨啖啖肉🤤食落似係豬頸肉嘅部位嚟～因為野飲跟餐半價 所以都嗌咗兩杯 有我最鍾意嘅冬瓜茶❤️同埋芝士岩鹽奶蓋四季春青茶，正常味道枱同枱之間雖然比較窄 但佢嘅隔版好高 所以都安心啲～🐱🐷總結：唔想食麵但另一半想食麵都可以食嘅阿木台灣麵🤣❗️注意：食中午嘅話1點前到就唔洗等咁耐位喇～

本身想叫一個切片，一個角切牛肉麵（見佢過切片係多啲肉，角切多啲筋），可惜角切賣晒，試唔到。Lunch set $60有紅燒牛肉麵包熱飲，平過平時。足足有4片厚切牛肉，筋同肉既分佈好平均，一層層隔住，口感十分好！可惜湯底一般，欠缺牛味，而牛肉既份量好多，食曬啲牛同半個麵就已經飽到食唔落，好滿足！當然男仔就應該可以食哂！熱冬瓜茶揀左微糖，真係做到微糖，少少既糖味，唔好太膩！另一杯熱珍珠奶茶（+$5）都好好飲，奶同茶既味剛剛好，珍珠都好有咬口👍🏻疫情下，平日4點黎食下午茶唔使等位，$60食到好高質既牛，仲包飲品，好抵！