阿木台灣麵 (豉油街)

營業中

休息中

食過一次返唔到轉頭💖 呢兩小食嘅combo, 係會令我甘願俾$9x，自己一個 好唔合乎經濟效益咁去單食佢哋🙉———————————————————————🔸滷水牛腱🔸$50每一次食都無令我失望過，仲係他x的厚❗️他x的大塊❗️唔痴牙又啖啖肉嘅牛展真係無幾何肉嘅部份軟嫩，筋膜嘅部份好似食緊啫喱咁 少少彈少少糯 一絕👏🏻👏🏻🔸芝士肉鬆蛋餅🔸$44比出邊嗰啲大足足一倍，同埋呢度係真·蛋餅，用蛋餅皮嚟整嘅好有層次感: 芝士➡️肉鬆➡️蔥蛋#肉鬆 成餐飯由頭到尾都係脆的omg，份量唔手軟🙌🏻#蔥蛋 加咗蔥花 為蛋香同整體香氣生色不少#芝士 估唔到最低調嘅會係芝士，冇拉絲效果蛋餅皮唔算煙韌，但成件事厚厚一啖咬落去配上偏甜口嘅醬汁，口感滑溜 味道豐富總之我就很愛它😌🫶🏻🌟評分: 10/10［總括而言］我隔一排又會忍唔住返嚟食飯呢兩樣嘢🙉 旺角有咁多選擇，我都會將啲機會留晒俾佢 知佢咩料啦🉐

周圍食系列🥢旺角阿木台灣麵 (豉油街) (旺角)旺角豉油街60-102號鴻都大廈地下3-4號舖尋日慶祝左父親節👨🏻本身諗住唔出街休息下但始終 #姣婆守唔到寡都係出左街食野🫣阿木真係想食左好耐但唔鍾意排隊既我所以成日食唔到，但今日又係出絕招11點幾去到，黎個早午餐，通常呢D時間就冇咩人，今次又可以直入唔洗等啦✌🏻1️⃣紅燒牛肉麵2️⃣麻辣牛肉麵3️⃣鹽酥雞便當4️⃣台式炸大腸5️⃣芝士玉米蛋餅6️⃣芝士岩鹽奶蓋四季春青茶7️⃣珍珠奶茶8️⃣金桔檸檬水9️⃣白桃汁超級性價比高既台灣麵叫左4個主食、2個小食、4杯野飲都係$400 、仲要我眼闊肚窄食唔哂，飽到上心口牛肉麵湯底濃郁、好多蔥同埋酸菜好夾個湯底，麵既質地唔粗唔幼，係煙煙韌韌既，牛肉係好似我地平時叫既牛展咁、但個厚度非常強勁，但厚得黎竟然可以煮到非常冧，仲要唔痴牙，好入味！有成3大塊！真係一個大男人的話都一定夠哂飽！蛋餅我以為係小食細細地，黎到好厚同好大件，絕對可以當主食，芝士做到拉絲效果，個蛋餅唔係早餐個D脆既質地，係面淋左個甜甜地又鹹鹹地既汁，個蛋餅同裡面既蛋吸哂個汁既味道，都幾特別！總結黎既可以用 #大件夾抵食 黎形容，但係仲要高質😌

💛旺角阿木排隊係有原因架！😃三個字講哂，快、靚、正！🤣旺角的阿木台灣麵，好食到街知巷聞，人龍不斷，所以之前一直都無食過。最近慶祝年青人畢業搵到工，所以排隊試下。牛肉麵真係頂呱呱😋 3大片牛腩，每片都一吋厚，肉質稔熟，非常入味，牛肉湯的牛味濃郁，麵條軟硬適中，性價比甚高！必吃！台灣腸肉燥便當，同樣出色，配上三款涼伴，整個餐很飽肚🤣 台灣腸外皮酥脆，但不會太油，肉的肥瘦適中，鹹甜度剛好，引誘我密密食。至於散叫的鹽酥雞，份量都頗多，每件都炸得脆卜卜，好味。如果它有更多口味的選擇就好了。.最後，飲品就一般，沒有太驚喜。但整體食物質素高，絕對會再去。.🥓 台灣腸肉燥便當$54🍜 紅燒牛肉麵$67

🍚台灣原味道🍚今日懶唔想食嘢所以透過Delixxxxx 叫外賣叫咗一個鹽酥雞滷肉飯追加香腸 酸菜 同一杯粒粒白桃紅茶送到黎20分鐘，仲有溫度嘅 打開左之後發現我點嘅酸菜變咗菜圃即刻睇單睇吓究竟係自己錯咗定係佢比錯咗 點知Delixxx 冇落錯而係舖頭打錯單 可能係太忙掛😮‍💨😮‍💨😮‍💨😮‍💨😮‍💨😮‍💨鹽酥雞滷肉飯，就算外賣冇咁熱啦啦都不減佢原始台灣味道追加腸仔最後粒粒桃紅茶 🍹🍹🍹🍹

好味指數：😋😋😋😋😋推薦指數：⭐⭐⭐⭐⭐️又黎阿木食台灣麵😍成日都排長龍，今日特登早小小食飯唔洗等咁耐🤣🤣✅番茄牛肉麵$ 67呢度嘅台灣麵好好食，每次黎到都一定會叫！我比較中意番茄湯底，味道濃郁😋牛肉又厚又大舊，仲有四大塊！煮得好淋，完全唔韌😙見到檯面有樽麻辣醬，試咗啲撈落麵度又幾香😍唔算好辣，好啱我口味😎即刻變咗麻辣番茄湯底😋😋✅芝士肉鬆蛋餅$ 44超足料蛋餅‼️蛋餅煎得好香，口感鬆軟！有我最鍾意嘅肉鬆餡料🤩但芝士味唔夠濃🙈✅珍珠奶茶🧋 +$15跟餐可以用優惠價叫飲品，叫咗珍珠奶茶share飲，珍珠幾彈牙，奶茶茶味偏濃📍阿木台灣麵 (豉油街) (旺角)地址：旺角豉油街60-102號鴻都大廈地下3-4號舖

🍜紅燒牛肉麵🍜💰$67牛肉超級厚，又淋又入味又多！麵條有彈性，湯底中規中矩，有少少偏咸，唔可以就咁飲嗰隻～回頭率：🍜🍜🍜🍜/5幸福感：🍜🍜🍜/5飽肚感：🍜🍜🍜🍜/5👉🏻簡而精咁形容：足料，牛肉淋+多+入味 🐥鹽酥雞便當（多肉燥）🐥💰$56鹽酥雞細細粒，份量偏少，上菜嘅時候唔係熱辣辣嗰隻，不過都算脆～肉燥飯有啲失望🥲叫咗多肉燥但係都係好少….撈完之後差唔多半碗都係白飯🥲poor me…最後講吓嗰三個配菜，errrrr….個人嚟講覺得全部唔係太吸引🙈尤其是隻蛋….真係麻麻地（詳情可以睇圖）。回頭率：🐥🐥/5幸福感：🐥🐥/5飽肚感：🐥🐥🐥🐥/5👉🏻簡而精咁形容：where is my有肉燥嘅肉燥飯🥲🥞芝士肉鬆蛋餅🥞💰$44根據非官方嘅研究指出，阿木最出色嘅一定係蛋餅！！😭目測冇一枱人係唔叫嘅！好食到如果佢淨係賣蛋餅都一定排晒隊！！！啲肉鬆係脆脆地嗰隻，蛋餅外皮非常煙韌，加埋一齊食內脆外軟咁，正到……..😭仲要有埋芝士，成個配搭鹹甜鹹甜咁，痴咗線咁正😭回頭率：🥞🥞🥞🥞🥞/5幸福感：🥞🥞🥞🥞🥞/5飽肚感：🥞🥞🥞/5👉🏻簡而精咁形容：內脆外軟鹹甜交接，係正到喊出嚟嘅味道😭

阿木台灣麵晏就同夜晚成日都有好多人排隊，為食貓真係唔想等咁耐，所以一直都無機會去試但估唔到等到下午茶時分，人無咁多之外，下午茶餐重係性價比超高tim為食貓超級推介大家食下午茶🤣為食貓同朋友叫左2個餐$38，而每個餐重可以叫3款小吃真係好岩為食貓呢d咩都想食d，但又食唔多既人呀加埋凍飲都只係$40幾蚊咋😍肉燥飯+鹽酥雞+甜不辣+台灣香腸+凍珍珠奶茶 （$42）（4/5）麻辣拌麵+滷蛋+小黃瓜+滷豬耳+凍冬瓜茶（$48）（4/5）食完野之後，大家重可以去買台灣野Tim雖然宜家未去到台灣住，但呢度有得食又有得shopping，一次過滿足哂為食貓2個願望當止下台灣癮都幾唔錯😂😂

又嚟介紹良心餐廳啦💛！今次想介紹嘅係位於旺角一間好出名嘅台式餐廳🇹🇼。基本上想喺旺角食牛肉麵就點都會諗起佢🤣，佢就係阿木台灣麵啦✨。見我都有一段時間冇食到，今次難得有機會就嚟睇吓而家嘅食物質素係點啦😋。食物方面☝🏻#麻辣牛肉牛筋麵（$71）首先要講嘅就當然係呢間舖頭嘅招牌牛肉麵啦🥢，今次喺主食方面我就叫咗呢一碗麻辣牛肉牛筋麵😍。就咁睇個賣相已經好開胃，佢湯底嘅顏色夠晒紅卜卜❤️，睇到都食慾大增😎。之後就講吓佢嘅味道啦，首先我覺得佢個牛肉同埋牛筋個份量都好足夠，每一塊都夠晒大舊👾。牛肉個口感做得好軟淰🥩，基本上唔使點咬就已經扯到啲肉落嚟👍。至於牛筋嘅口感就有少少彈牙😚，同埋都做得好入味🤪。麵質方面我都好滿意✨。台灣麵再吸收埋麻辣湯底嘅精華真係不得了🤩，對我來講真係唔可以錯過嘅牛肉麵！#芝士肉鬆蛋餅（$44）跟住要介紹嘅就係一份相信大家去台灣到必嗌嘅小食🤣，就係蛋餅啦！基本上只要間餐廳有提供蛋餅，我就點都唔會錯過😝。講返今次個蛋餅先，今次個蛋餅嘅內餡係芝士肉鬆🧀。我好欣賞佢呢個蛋餅做得夠實，就算點夾肉鬆都唔會散出嚟👍，另外再加埋芝士真係夠晒邪惡😈，芝士溶溶地嘅狀態可以幫手黐實啲肉鬆🤣。成個蛋

每次食台灣菜 都一定會食佢哋個蛋餅🥞呢度嘅蛋餅都幾高質！個餅皮夠薄脆煙韌 揀咗芝士肉鬆味 肉鬆嘅份量超級多 每一啖都係滿滿嘅鹹香嘅肉鬆💕再加埋芝士、蛋同香蔥 真係好好食😋

旺角人氣台灣餐廳，平時晚上都要等2粒鐘先有得食。今日放年假，就約朋友下午茶時間，唔駛等位嘅情況下試試啦。 芝士肉鬆蛋餅 $44蛋餅煎到金黃色，脆口得來又帶點濕潤。蛋香味超濃，再加埋台灣鹹味肉鬆及超重芝士味嘅芝士。 食落超幸福！肉鬆多到滿瀉，好足料。如芝士做到拉絲就更完美。紅燒牛肉牛筋麵 $71牛肉脂肪比例平均，煮到好冧、牛肉勁厚，入口即溶。 牛筋燜到好入味，好爽口。 台灣麵店主自己手工製作，煮到好彈牙。湯底標榜不加味精，每日將牛骨煮20小時，再加藥材等香料。 完全perfect match，好養生。 湯底唔會膩，非常濃郁。另外，還加入大量酸菜，酸味更能將牛肉濃郁味道發揮到極點。 珍珠奶茶🧋$15珍珠好彈牙，煙韌。 奶茶不夠茶味，如再香濃會更好。 過甜。

阿木台灣麵聽過好耐，今日終於嚟食。估唔到平日下午三點人流依然咁多，成場滿晒啊，叫咗一碗麵、一個小食同一杯飲品🔸蕃茄牛肉麵🍜份量不得之了，有四大片牛肉，每一片都勁厚切，煮到好入味又軟腍，超讚！湯底都濃郁，見到有啲蕃茄碎粒，麵條有彈性且掛湯！面頭仲有好多酸菜同埋蔥花，惹味之選🔸家傳鹽酥肉🐷店員推薦我食呢個小食，係鹽酥豬頸肉，外皮炸到好酥脆，咬開肉質肥美爽彈，每件都好大條，啖啖肉食好正！🔸芝士岩鹽奶蓋四季春茶🥤芝士奶蓋好厚身，芝士味好濃，四季春茶味道清新，配奶蓋飲好夾

已經食過幾次嫁喇每次都好滿意🤤🤤🤤今次食既係lunch set，好抵食！J. 麻辣牛肉麵（角切) $60一如以往碗麵嚟到，好香！ ！ ！角切意思就應該等同於牛筋腩真係有成6-7舊真係勁足料！🤤🤤🤤麵質一啲都唔淋，煮得啱啱好🤤🤤🤤有海量嘅酸菜，超級好食！味道唔算好辣，但係好香加咗$4要凍奶茶因為嗌埋珍珠奶茶真係食唔晒😂幾香幾滑，不過不失😛入舖頭有一大級，如果冇人幫應該就入唔到了🥺店員好好，次次都會安排近門口嘅位置，不過始終舖頭有少少窄，行過都會俾人撞到😅味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️🦽👍🏻: ⭐️⭐️ 🚗：附近都有錶位，不過可能要等一陣

最近到訪了幾間主打台灣菜的餐廳，當中阿木台灣麵的牛肉麵湯底最吸引我🥰⁡👉🏻食物: 4.4/5⁡▪️紅燒牛肉麵湯底非常合我口味😋🤩入口味道香濃，相比其他餐廳顯得清而不濁、更為平衡，令人想一口接一口！重點是飲完整碗湯都不會口喝，極加分！個人建議點幼麵會比粗麵更相搭！⁡牛肉有四大件😮每件都筋肉夾雜，厚但入口細嫩！如果味道再稍為入味就會完美😍⁡▪️芝士粟米蛋餅相比肉鬆蛋餅略淡，但吃到有芝士的部份就充滿咸香！蛋餅富有雞蛋和蔥花的香味！⁡▪️香烤小香腸外皮烤得頗香脆，一定要配上蒜片😝😋⁡▪️鹽酥雞肉燥飯相比下較失色，鹽酥雞不夠香脆，肉燥飯沒有太大記憶點。

行過旺角突然想食台灣野，見到豉油街阿木台灣麵排哂隊，咁多人食應該唔會差得去邊，於是就排隊試試佢。紅燒牛肉牛筋面正宗台灣既咪道，牛肉味濃牛筋淋身，係久違既感覺。麻辣肉燥拌麵肉燥除左跟飯，原來喂麵都好夾，餐廳有自家麻辣醬放喺枱面，唔夠辣可以再加，鍾意食仲可以買走。炸花枝丸熱辣辣啱啱炸起，加上椒鹽更惹味。台式炸大腸大大碟皮脆，處理得好好冇內臟味，唔好多肥，亦唔會好油膩。黑糖珍珠鮮奶珍珠煮得好淋，加上黑糖鮮奶，甜度冰度可以自己選擇，非常貼心。芝士岩鹽奶蓋炭燒烏龍茶芝士奶蓋好濃厚好重芝士味，放喺烏龍茶上面咸咸地令到茶味更突出。

今日下午茶試左呢間想試好耐嘅台灣店，平時排晒長龍，今日見冇乜人所以入咗去。點了個鹽酥肉便當❤️盬酥肉同肉操飯分開上。首先，鹽酥肉新鮮，酥炸皮薄，入面肉juicy,一啲都唔乾。由於本人比較大食，肉燥飯免費多飯，雖然只是叫了多飯，但肉燥也好像多了，份量很大。飯質乾爽，加上肉燥簡直一絕!😁另外茶餐配了個小食：滷牛腱❤️肉質非常淋，加上枱上放置嘅調味料自家製麻辣醬，好香麻辣，非常配！🥰餐飲點左芝士岩鹽奶蓋炭燒烏龍，芝士味很濃，入口好滑，茶味很香，叫了少甜，好好飲，停唔到口！服務員態度很誠懇友善，一定會再來！🤩🤩