阿木台灣麵 (豉油街)

營業中

休息中

長期人氣爆滿嘅台食店阿木，是日見唔係好多人等，就㩒張飛仔碰下運氣，點知又幾好彩下一張枱就入得座👍入到店，都真係全店滿座，三點都咁爆😂快快寫單落野食先。🐂紅燒牛肉麵濃郁鮮味嘅肉湯，炆得軟腍入味的牛展，仲有彈牙掛湯的台灣麵，成碗牛肉麵都十分味美😌可以喚醒靈魂的一碗好麵。🇹🇼台灣小香腸正宗的台灣腸，甜味有咬口，入口唔油膩，配上生蒜同吃真心正👍🥤四季春青茶最後再飲返口青茶，味道清新回甘，爽🤭好味得黎價錢貼地，所以成日都要等位等好耐😂哈哈。

今次又嚟✨阿木台灣麵了！ 初開業時期、爆紅長龍時期都有幫襯廣華街店，反而豉油街店係第一次嚟~ 呢邊舖面大d，亦有不同種類的台灣地道自家食品販賣～由於夜d要去training ~ 呢個下午茶一定要食得飽d！🐮🍜麻辣牛肉牛筋麵身為麻辣控，第一啖當然係要試下個湯底先啦！香濃牛肉味、甘甜帶麻辣，麻辣味適中不嗆喉～ 😋愛好更麻更辣如我呢～ 枱面仲有一罌麻辣醬比你自行調味～ 麵條用上粗麵，入口頗順滑～ 主角牛肉牛筋份量多，大約共有6、7件～ 牛肉入口軟滑鬆化，牛筋香軟入味～ 成個麵份量頗多🌟必食推介！🐔鹽酥雞至愛嘅台灣小食之一😍炸得酥脆～ 內裏肉質都keep到唔會太乾～ 本身特地調味較淡😜自己再加枱面嘅特製鹽酥雞粉，食落更加惹味！🥤芝士岩鹽奶蓋炭燒烏龍自己好鍾意食咗八成奶蓋之後先成杯飲😂呢個芝士岩鹽奶蓋creamy好味~ 炭燒烏龍茶味偏濃，兩者一同入口實在是非常好的配搭~ 呢度特別用上坊間少見嘅鐵杯盛載飲品呢~堂食期間都見好多人叫外賣呢～幫襯咗咁耐都keep到水準～ 另外枱面上的獨立包裝餐具衛生得嚟又精美👍🏻值得一讚！

為嚟緊去台灣旅程做準備香港嘅台灣菜質素參差，聽過好多人介紹呢一間喺旺角嘅阿木台灣麵，今日終於得閒過嚟試吓！鹽酥肉便當 （多肉燥）❤️❤️❤️❤️❤️多餸少飯我至愛，跟餐有三款小食，肉燥好在唔咸，味道恰到好處，香脆熱辣辣古早味炸排骨❤️❤️❤️❤️呢個菜式我未食過，味道都幾有驚喜金鑽 鳳梨汁❤️❤️❤️❤️口感清新，粒粒鳳梨肉好好飲餐廳裝修簡約風，乾淨企理，叫幾多嘢都夠位擺，價錢都算合理，行過可以試吓。阿木台灣麵📍旺角豉油街60-102號鴻都大廈地下3-4號舖

去旺角行街，行吓行吓見到一間阿木台灣麵，個名好似好熟面口咁😂，所以入去食吓先。台灣小食對於我嚟講，離不開一定要食鹽酥雞🤣，於是我就試一試佢個鹽酥雞，我就叫咗個鹽酥雞-肉燥拌麵連飲品$56，跟餐仲有三款前菜。拌麵係幼麵，食落爽口，肉燥汁味道較淡，肉燥面有青瓜絲，可以去油膩感。鹽酥雞好香脆，熱辣辣，炸粉適中，不過就無乜味，但食完之後，上網發現，原來係要自己加鹽酥雞粉😂，如果店員會提醒，就更好喇！☺️

今日同friend去咗阿木台灣麵😌太耐冇去台灣，真係好掛住啲嘢食呢度嘅價錢，在同埋有好多唔同嘅選擇我自己就叫咗台灣牛肉麵，一個小食就係奢薯條酸梅粉，仲有一杯嘢飲就奶蓋烏龍茶，好creammy 又唔係好甜跟住我朋友就叫咗一個撈面😌😌😌份量都幾多🤩同埋啲嘢食嘅味道唔錯 好似真係搭咗飛機返台灣人😸😸仲有其他蛋餅果d都好正gumm will try next time😌同埋見佢着邊度有賣幾多台灣嘅食物，有興趣可以試吓

廣華分店執咗轉場試吓食呢間。以往堂食外賣都好多人排隊搞到我一直未有機會食。今次見無乜人，即卡去嗌外賣，都幾快手，唔使等好耐，但係外賣要加$5。一般來說，麵類堂食比較好食，但外賣都唔算太差。番茄牛肉牛筋麵味道ok，好多番茄油。肉燥拌麵乾爭爭無汁嘅，啲麵略粗唔係其他人所講嘅幼麵。特別想講佢個芝士肉鬆蛋餅，睇落脹卜卜好多料，但其實芝士同蛋得好少，完全食唔出芝士味。肉鬆勁多，但食落乾爭爭，如果多啲醬油濕吓口可能會好啲，不過我應該唔會再試。

呢間餐廳近油麻地方向，長期都排晒長龍，用app拎定飛就唔洗等咁耐～🍱鹽酥雞便當滷肉飯可以揀多飯同多肉燥，仲係免費升級🤩，鹽酥雞份量算多，不過略嫌唔夠多調味粉🥺而配菜有菜脯，滷水蛋。總括黎講性價比都幾高～🍜蕃茄牛肉麵平時食開紅燒牛肉麵，今次試左蕃茄牛肉麵，湯底好濃既蕃茄味，唔似落茄膏個隻～牛肉好厚身，而且煮到好淋岩晒口味😋🫔芝士肉鬆蛋餅 蛋餅係必食既小食😝餡料好多，一夾舊蛋餅就跌晒啲肉鬆咁濟😂而且個皮好煙韌，超抵食！🍍金鑽鳳梨汁 唔係糖水個種甜，仲有鳳梨粒好有口感😍

紅燒牛肉牛筋麵$74黎到必食嘅牛肉麵，今日我揀有埋牛筋，無論牛肉同牛筋都炆得好淋，一咬就咬得開，麵質彈牙，麵上面嘅雪菜同葱其實都好多，唔係放幾粒做裝飾，我自己就好鐘意食，而且全都食光光。梅子地瓜條$39炸物平時我食得唔多，覺得好油膩，但今次呢款炸地瓜，灑上話梅粉，令到炸物食入口，除左脆重帶點酸酸味味嘅味道，咁就令我食完又食。💗只要食物花心思，食客感受就唔同d⋯⋯💗黑糖珍珠奶茶(凍)$16我愛飲有珍珠嘅奶茶，奶茶唔甜啱我口味，我勁鐘意咬珍珠煙煙韌韌嘅感覺，貪心嘅我，我希望珍珠可以再多啲😜

阿木台灣麵 📍旺角豉油街60-102號鴻都大廈地下3-4號舖睇到好多人介紹阿木既台灣麵～今日來左一試♥️真係好味喔～。麻辣牛肉牛筋麵 $74牛肉同牛筋燉得軟熟❤️又入味配上自家熬製濃湯😆同入口有咬感麵條加上辣醬～食落惹味又過癮👍🏻•芝士肉鬆蛋餅 $44勁足料～超大份～好滿足芝士、肉鬆、雞蛋🥚配上蔥花、雞蛋餅皮完美配搭♥️食落口感QQ的～芝士岩鹽奶蓋炭燒烏龍＄19奶蓋芝士味濃郁～配上炭燒烏龍～茶味香～

呢日經過諗住食個Late lunch, 又有位唔洗排就食到啦🙊🙊🥢麻辣牛肉麵 $70· 大讚個牛肉煮得軟腍, 同埋牛味重但唔羶!! 麻辣湯底有少許藥膳味, 而麵質都幾爽身彈牙, 唔怪得每次經過都大排長龍🙈 🥢芝士肉鬆蛋餅 $44· 蛋餅有六件完全可以兩個人share, 蛋餅非常有台灣味道, 滿滿肉鬆加上芝士好好味! 係個比較煙韌既餅皮👍🏻🧋芝士岩鹽奶蓋四季春青茶 +$19· 面頭既芝士奶蓋完全唔孤寒🙊 四季春青茶比較清香易入口, 最終攪勻飲都好飲唔會太甜

呢間店食物質素同味道係幾正！但因為同員工發生咗啲溝通上嘅問題，令我覺得喺呢度嘅體驗不太好。食完飯同朋友傾耐咗，冇留意到時間，有位服務員行過嚟講：「唔好意思因為有客人等緊所以要交枱。」我哋意識到我哋嘅做法令到其他人等好耐，覺得唔好意思，即刻一路講sorry一路執嘢走。個員工繼續講：「其實我見你哋都坐咗好耐，入嚟都差唔多兩嗰鐘啦，出邊好多人等緊㗎！」我哋明我哋真係麻煩到人，即刻起身交枱，但係最後嗰下嘅態度同語氣令我哋聽完有啲唔舒服。建議下次可以有堂食時間限制，同埋早少少提醒客人，兩邊都可以冇咁舒服。無謂「講說話」令大家唔開心。

💕超人氣正宗台灣料理💕今日行街經過豉油街見到阿木台灣麵排晒長龍 行埋去睇menu 下午茶餐都幾抵食 A+B+C都係38蚊 份量仲要好多添 啱晒我呢啲樣樣都想食既人😁今次我就order咗紅燒牛肉牛筋麵(HK$74),牛肉好冧牛脂肪重牛肉一層一層好有口感～麵質軟硬度剛剛好 另外湯底好濃郁 對於我個人就偏鹹咗少少 但係整體上都幾好食嘅～重口味啊你就啱晒啦跟餐仲可以選擇一份小食 我哋order咗我哋最愛嘅鹽酥雞 脆卜卜非常好食~每一啖都充滿着台灣嘅地道風味 🤭雖然想食呢間餐廳都要預留時間喺門外等候 但係食到咁有質素嘅台灣料理 都好值得如果大家都有興趣 不妨都去試吓啦💕📍 阿木台灣麵 (豉油街) (旺角)旺角豉油街60-102號鴻都大廈地下3-4號舖#旺角美食 #台灣料理#豉油街#好食推介系列 #牛肉麵#blogger#foodie #美食記錄

永遠經過呢間鋪都係大排長龍，今次唔係Rush Hour，終於試到😛▫️芝士肉鬆蛋餅 🧀🍳👉🏻餅皮好薄，質感軟熟煙韌，加上蔥花好香口😋餡料多到滿瀉，尤其係肉鬆，但個人會想芝士味再突出啲🙈⭐️⭐️⭐️⭐️.▫️麻辣肉操拌麵🍝👉🏻 拌麵係幼麵，咬落都幾爽口彈牙，麻辣醬好香好惹味，但如果再麻同辣多少少會再正d🙈肉操以瘦肉為主，面頭大量青瓜絲令到口感冇咁油膩☺️⭐️⭐️⭐️⭐️.▫️鹽酥雞👉🏻食得出係新鮮炸起，咬落熱辣辣脆卜卜，炸粉唔厚又唔會好油，口感又未到Juicy 但就唔會鞋口👉🏻第一啖食嗰陣完全冇味，之後發現要自己加鹽酥雞粉（檯面有一甖）🤣⭐️⭐️⭐️⭐️

話說我真係超級鍾意食台灣菜，位於旺角嘅阿木台灣麵，一直都係我all time favourite但係佢晚餐真係要排好耐，所以有次我就去試佢嘅下午茶呢一間餐廳嘅下午茶套餐都算係超抵，下午茶餐A+B+C都係$38，只係我加多左$10飲凍珍珠奶茶，同埋下午茶去唔洗排隊佢嘅小食款式好多，我今次叫左鹽酥雞，台灣香腸同埋滷豬耳。我最欣賞佢嘅鹽酥雞係即叫即炸，外脆內Juicy，至於另外兩款小食就正常水準。主食同飲品方面，我叫咗肉燥飯同埋凍珍珠奶茶。肉燥飯嘅調味剛剛好，唔會太鹹又好送飯。另外凍珍珠奶茶真係有因應客人要求而少甜，飲落唔會太膩。整體都係正常發揮，冇失準不過下次我都係會試吓餐牌入邊嘅其他食物，有機會再同大家分享相信女士一定夠飽，我食咗成個套餐都係$48埋單，下午茶份量可以頂到一個晚飯，抵讚

#肥婷中伏｜📍阿木台灣麵😳成日都見好多人排隊但係食完一次都真係幾失望…覺得呢一間餐廳太過受吹捧了🫡 ☞鹽酥雞便當（多肉燥）☜｜💰$56首先鹽酥雞唔係新鮮炸起，食落係凍嘅😑份量出乎意料嘅少，調味亦都唔夠重🫡好彩枱上有調味粉可以自己加配🚬我會建議行多幾步路去豪大大買份即叫即炸夠熱、夠酥、夠香嘅香香雞嚟食😉落單明明揀咗多肉燥，但個份量都係唔夠撈飯😑又唔係特別香，食落好無癮…寧願佢俾少啲飯我食，反而會食得開心啲😀如果單嗌一個肉燥飯$36蚊都係呢個水準嘅話，本人極力推薦雙餸飯😊便當配菜方面🚬菜脯可以就咁食，唔會過辣過鹹，出乎意料淡味但仲係可接受水平😕面筋個味好奇怪…唔推薦🫡☞炸甜不辣☜｜💰$32見到份量比鹽酥雞多，倍感欣慰🫡食落好有嚼勁，比珍珠更有嚼勁😑味道偏淡。如果臨時賣哂珍珠應該可以攞佢嚟代替😂🫡只可以講行多幾步路唔止可以去豪大大買鹽酥雞，仲可以買埋甜不辣🤫（打完之後去op睇過下，原來旺角豪大大無甜不辣🥺之前喺觀塘店食過幾好食，唔知係唔係停賣咗🥺💔）☞芝士肉鬆蛋餅☜｜💰$44🤔蛋餅皮本身有蔥食落唔係香脆果款，相對淋身啲。芝士方面好似得一片而且無燒溶，就算係蛋餅中段最飽滿果part都係完全係無