阿久根和牛拉麵屋

營業中

休息中

喺Openrice見到呢間拉麵店好多人讚, 約埋我好鍾意食拉麵嘅朋友過嚟食～😆聽啲人講,有時都要排隊,點知我呢日嚟到唔使排😆😆好開心呀❤️呢間小店真係有去咗日本嘅feel ,餐廳佈置同裝修都好用心,好有feel, 雖然佢細細間,但係完全唔會覺得壓迫或者坐得唔舒服,可能因為坐高櫈, 對牆坐唔洗望到其他人, 感覺都幾有空間感,係傾到偈嘅👍🏽坐低之後我哋就揀野食。我同朋友都想試吓個濃蝦湯。要咗一個招牌三色拉麵(慢煮A4和牛、鶏肉、焼き豚肉)$138，同埋一個慢煮A4和牛叉燒拉麵$158。另外要咗兩支細嘅啤酒($25@1)上菜嘅速度都幾快🤤好快就有得食🤤個湯底真係勁正,應該真係用咗新鮮蝦熬製,好有蝦味。拉麵夠彈牙。A4和牛大大塊,燒得好香,肉質嫩,和牛牛脂好豐富,入口即溶,大滿足✨豚肉雞肉都好食,燒得啱啱好😋特別一提係餐枱上有好多唔同調味料,可以自己加。我見到有拉麵胡椒, 加落拉麵度真係好好食, 我都加咗好多😆🤭仲有芝麻,加咗好香🤩

最近拉麵癮起，食極唔厭，今日同朋友約食飯又揀返拉麵！.➜招牌三色濃蝦湯拉麵 （慢煮A4和牛/雞肉/燒豚肉）好耐冇飲到好味嘅蝦湯，難得飲到清底！揀咗有齊3款配料嘅拉麵，一啖肉一啖麵都冇問題。慢煮和牛固然出色、但估唔到雞肉完全唔鞋口，好軟滑！.➜慢煮A4和牛叉燒雞白湯沾麵以石鍋熱辣辣裝住嘅雞白湯，淨係見到滾到冒晒煙都流口水！湯底濃厚，每啖麵都可以沾滿湯，配料豐富，男仔食都好夠飽！.➜雞軟骨餃子見到新品嘅餃子都忍唔住嗌咗一客，軟骨咬落好有口感！

收工約左朋友去阿久根和牛拉麵屋食拉面，好彩去到咁啱有人走，唔使等好耐。我地品嚐了慢煮安格斯牛小排濃蝦湯沾麵、慢煮薩摩雞拉麵和雞軟骨餃子。慢煮安格斯牛小排濃蝦湯沾麵既牛小排肉質非常軟嫩，慢煮過程中讓肉的口感更加柔軟，入口即化😋搭配上濃郁的蝦湯，味道更加鮮美。個湯頭非常濃稠，吃起來讓人感覺很滿足，拉麵亦十分掛汁，無諗到煙廠街有間咁好食既沾麵👍🏻慢煮薩摩雞拉麵的雞肉經過慢煮後非常嫩滑，口感非常好😍加上拉麵的彈性和湯頭的濃郁，令味道昇華。麵條的口感都好獨特，吃起來非常有咬口，非常適合喜歡嚼口感的人😙雞軟骨餃子，這道小吃也非常好吃。雞肉和軟骨的比例非常恰到好處，咬落會有"索"一聲，口感非常豐富。餃子皮非常薄，搭配埋鋪頭既餃子醋，味道更加出色😁旺角呢間阿久根和牛拉麵屋既拉麵沾麵都唔錯，份量充足，而且價格也非常實惠。下次有機會再黎食佢個虎蝦拉麵🍜

📍 阿久根和牛拉麵屋 (旺角)旺角廣華街13號廣輝大廈地下1號舖尋日朋友帶我去左食呢間隱世和牛拉麵店，性價比超高👍餐廳位於廣華街交界轉角位附近，地點比較偏僻少少🤏但係都容易搵☺️一望門口已經充滿濃厚的日式風格裝潢，甚有特色，入面座位唔算好多，但係坐得舒適❤️招牌三色拉麵 一碗已經有齊豬牛雞，包括慢煮A4和牛、雞肉及豚肉🤭和牛油脂非常豐富，入口即溶，超有滿足感🤤雞肉肉嫩又滑、豚肉肥瘦相間，食落唔會靭🤤🤤加埋濃郁湯底，令人回味❤️燒牛肩胛拉麵朋友唔太好和牛嘅油脂口感，所以點左呢款牛肩胛，肉相對較瘦，少左油脂，但係充滿牛味。湯底可配濃蝦湯、雞白湯、香蔥醬油湯，任你選擇😊另外朋友都有額外加雞白肉😁沖繩苦瓜餃子🥟第一次見用苦瓜釀餃子😆新奇又接受到一定要試🤭食落係幾特別，因為苦瓜味比肉味更突出，不過我比較喜歡原味嘅味道😊#阿久根和牛拉麵店 #和牛拉麵 #和牛拉麵推介 #美食推介 #人氣拉麵 #隱世拉麵 #旺角美食 #旺角搵食 #廣華街美食 #日式拉麵 #yummy #foodie #igfoodie #香港探店 #lamen #noodies #japenesefood #mk #hk

提供有拉麵和沾麵，而湯底有濃蝦湯、雞白湯、香蔥醬油湯、黑酸濃湯，更有20種不同拉麵、沾麵嘅選擇，除左拉麵外仲有幾款餃子🥟同小食👍🏻招牌三色拉麵（濃蝦湯）💰138有慢煮A4和牛、雞肉、燒豚肉，而且份量唔少，真係啱曬鍾意食肉嘅朋友，湯底的蝦鮮味突出，鹹蝦香味濃郁而唔會口渴👍🏻慢煮薩摩雞拉麵（雞白湯，濃厚）💰95極濃滑的奶白色湯底，每一啖都係濃稠嘅雞白湯、彈牙嘅拉麵、超嫩滑嘅雞肉，再加上溏心蛋，超滿足😌滑嘅雞肉，再加上溏心蛋，超滿足😌

朋友介紹多次，終於可以一齊去食沾麵🥰，地點位於廣華街，門口已經好有日式風味，主打慢煮和牛，但太多人食，7點已經沽清，因為始店有自家熬湯底，用日本食材👍🏻人氣燒牛肩胛拉麵-見到師傅用火槍燒牛肩位，見到都港口水，湯底選了濃蝦濃，濃底果然好香櫻花蝦味道，牛肩胛結實，但細嫩，好有彈牙感，入面有流心蛋，木耳絲，蔥花，拉麵彈牙，配上湯底正慢煮安格斯牛小排濃湯沾麵-招牌人氣之一，上格分開2碗，熱熱濃湯及沾麵，濃湯，好濃好稠身，所以放入沾麵吸入濃湯好適中，麵條夠粗身，彈牙，做掛麵一流，牛小排肉質鮮嫩，油脂分布平均，牛小排可按自己生熟程度放入濃湯再入口，掛麵入面有流心蛋，木耳，荀，洋蔥絲及紫菜，水準一流，濃湯超正😍雞軟骨餃子-外皮超簿，咬口超脆，加上餃子醋更升華，必點😍整體好味，沾麵更是我估不到好味，下次再來

上網已經留意左呢間拉面店好耐，因為呢間拉面店係以和牛為主，同平常人食開的拉麵店有唔同，所以呢日就約埋朋友收工過來試一試，店舖座位唔多，平日時間收工過來都已經要排隊。排隊嘅時候，店員已經俾左點餐紙我地可以揀定食乜，到入左嘅時候，廚師就可以即刻煮，慢省等候時間。餐廳好有日本風味，牆上掛滿唔同嘅同日本有關嘅畫。我點左慢煮A4和牛叉燒拉麵濃蝦湯（＄158）：和牛叉燒有兩片，大大片，而且燒得粉嫩，油脂味很香口，濃蝦湯很杰身，而且拉麵很彈牙，亦有很多配料，紫菜很清脆，木耳很爽口，筍，香蔥及糖心蛋，糖心蛋蛋味香濃，而且熟度剛剛好。朋友點了炙燒豚肉拉麵（＄92），朋友食量比較多，另外追加了三片慢煮薩摩雞（＋＄38）。最好的是湯底可選清爽或濃厚，朋友點了濃厚，燒豚肉帶有甜味，肉質柔軟，雞肉有鮮甜味，三片亦很厚身，口感柔軟。沖繩苦瓜餃子（＄48）：本身也喜歡吃苦瓜，加上未吃過苦瓜餃子，一看到就立刻選擇了，覺得很吸引，餃子煎得很香口，皮薄餡靚，而且苦瓜不苦澀，帶有甘味，原來苦瓜配餃子也很好吃，而且苦瓜和豬肉的比例剛剛好。

📍今日心血來潮想食日本拉麵，就黎到阿久根和牛拉麵屋止一止癮！舖門口設計已經好有日本風格，左邊有個繪馬，因為小店關係，入面座位唔多。但佢BAR枱個日式屋頂設計就好別緻，令到個氣氛生息不少。🍴招牌三色拉麵 $138因為店家未有A4和牛供應，所以試唔到個和牛，而店家就轉為較大份量既雞肉同豚肉，有少少可惜。上枱後個麵質係幼麵，都算彈牙，個驚喜係個雞肉，好嫩，煮得岩岩好。個豚肉有厚度，唔會好薄，加埋火灸，超香。🍴香煎虎蝦沾麵 $128個拉麵一上枱個湯底仲不斷沸騰中，食慾大增即刻！佢仲會比張咭仔教你點樣食，好暖心。先飲左啖個湯底，味道好濃郁，滿滿既蝦味。隻虎蝦仲要大大隻，食落超滿足。🍴日式餃子 $48即叫即煎，夠哂新鮮，而個餃子皮又薄，一啖一隻。

佢地既慢煮雞肉真係好嫩滑🤤，而且件件雞肉都有份咁上下份量! 平時食得多醬油湯底，先黎個雞白湯先! 濃厚雞白湯配上佢地既拉麵同雞肉，雞味都幾突出，亦唔會覺得好"溜" 而且我再另外叫多份木耳，大份得黎仲要好爽口，浸耐D係個湯到，木耳掛到湯汁，一啖拉麵一啖木耳，正!而另一碗係三色拉麵，但因為和牛冇貨所以分別有3件叉燒同3件雞肉配濃蝦湯另外再加面 加糖心蛋~ 濃蝦湯飲第一啖真係覺得好香蝦味❤，叉燒亦唔會太肥膩，叫多份筍，份量岩哂大食既你~不得不推介，沖繩苦瓜餃子，真係有好香苦瓜味，食完個口仲有回甘，雖然係$48 4隻，但味道係真係有驚喜!🥰

🔸慢煮A4和牛叉燒沾麵 （$168）🔸先嚟講下阿久讓既慢煮A4和牛叉燒沾麵，佢嘅A4和牛肉味道真係好濃郁，加上肉質好嫩滑，一入口就可以感受到佢嘅鮮美。麵條方面，質地好有咬口，粗身彈牙，食落又唔會冇嚼頭，好適合麵條控。最特別嘅係佢嘅雞白湯，一直保存喺石鍋裏面，所以即使食到最後一滴，都仲係好熱，而且湯底濃郁雞味，鹹度適中，唔會太咸，真係好開胃又滋味。🔸慢煮A4和牛叉燒拉麵 （$158）+配慢煮薩摩雞 （$38） 🔸而慢煮A4和牛叉燒拉麵就唔同啦，佢嘅拉麵比沾麵幼細，湯底就冇咁杰身，但味道都好濃郁，令人一食就愛上。如果想加強味道，可以追加慢煮薩摩雞，佢嘅肉質同樣嫩滑，令啲拉麵更加豐富多元化。 總括來講，阿久讓既慢煮A4和牛叉燒沾麵同叉燒拉麵，都係值得一試既好滋味。

今日行過旺角，想食下拉麵，就係附近拉左間拉麵小店入去試下，入到拉麵店，地方唔算好大，但好有日本特色，好似入左間日本既拉麵店咁，好有感覺。🔹🔸🔹🔸🔹🔸🔹🔸🔹🔸🔹濃蝦湯香煎虎蝦拉麵 $109拉麵入面一隻煎香左嘅大蝦，肉質都算彈牙。依個拉麵嘅濃蝦湯好正，用左自家製蝦油同新鮮蝦熬煮，味道好濃郁鮮味，好有蝦味。拉麵煮得岩岩好，幾彈牙。整體嚟講，成個拉麵好唔錯，如果食到辣嘅嘢話，可以加辣椒粉，呢度有三款，不過辣度都幾辣下！🔹🔸🔹🔸🔹🔸🔹🔸🔹🔸🔹招牌三色拉麵 $128拉麵入面有三種肉，分別係：慢煮A4和牛、慢煮薩摩雞同炙燒豚肉。依個招牌三色拉麵都係濃蝦湯，相對上大虎蝦嘅湯底更有蝦味。慢煮A4和牛係用鹿兒島阿久根西冷，肉質超嫩，牛脂香味好足。炙燒豚肉口感好軟，肥肉瘦肉都有，淡淡油香好好食。慢煮薩摩雞滑嫩好食，但要比較既話，都係和牛最好食。🔹🔸🔹🔸🔹🔸🔹🔸🔹🔸🔹啤酒食拉麵🍜一定配埋啤酒，解渴又清爽！🔹🔸🔹🔸🔹🔸🔹🔸🔹🔸🔹總結：食物質量好高，不論係和肉定蝦湯，都做得好出色，價錢唔算貴～👍🏻職員既服務都好好，下次黎會想試下沾麵😁😁❤️💛❤️💛❤️💛❤️💛❤️💛❤️

終於試到這間人氣拉麵店！網上有眾多好評及推介~ 餐廳門面亮眼，內裡裝潢簡約日式風，氣氛熱鬧，環境乾淨企理，彷彿進入了日本地道拉麵小店🥰 食物方面有多款沾麵、拉麵、小食及飲品，質素高 食得好滋味🥰 今次去到和牛同虎蝦都賣晒，希望下次有得食🥹晚市二人消費：$335（不設加一服務費）𝑹𝒂𝒎𝒆𝒏🍜慢煮安格斯牛小排沾麵 配濃蝦湯 ($148)✨配菜有糖心蛋、紫菜、竹荀、大蔥及木耳牛小排肉質入口軟滑，牛味相當濃郁，肉質相當軟腍👍🏻 糖心蛋口感味道一流湯底非常濃稠，鹹香惹味🤤 拉麵粗身 好掛湯，麵質軟硬適中 口感煙韌彈牙😋👍🏻🍜燒牛肩胛拉麵 配濃蝦湯 ($99)✨配菜有糖心蛋、紫菜、竹荀、大蔥及木耳蝦味好香濃🔥 配上牛肩胛，肉質相當軟腍有咬口👍🏻 溏心蛋口感味道一流湯底偏濃稠，味道一流 完全不會覺得鹹，拉麵幼身，麵質軟硬適中 口感煙韌彈牙😋👍🏻𝑺𝒏𝒂𝒄𝒌沖繩苦瓜餃子 ($48/4件)✨好特別的餃子🤩 煎過外皮微焦，好香口，入口淡淡苦瓜味 很不錯👍🏻𝑫𝒓𝒊𝒏𝒌津路烏龍茶 ($20/支)✨

招牌三色拉麵 包括有：慢煮A4和牛、燒豚肉、雞肉和牛好肥美，肉紋超靚😍豚肉燒得剛剛好！表面微焦好香口👍🏻而雞肉就幾嫩滑～濃蝦湯味道好濃郁‼️ 同拉麵超夾😍燒牛肩胛拉麵湯底揀咗雞白湯～牛肩胛燒得好香～油光閃閃好吸引😍入口好香，肉質嫩嫩的👍🏻沖繩苦瓜餃子 第一次見苦瓜餃子點可以唔試吓😋餃子加咗苦瓜肉，有少少甘味，好特別～而且比較清爽一啲都唔會油膩👍🏻阿久根和牛拉麵屋 (旺角)旺角廣華街13號廣輝大廈地下1號舖

招牌三色拉麵 $138慢煮薩摩雞拉麵 (濃厚) $95限定大啤 $38烏龍茶 $20好多時拉麵屋都係主打一至兩樣皇牌食材／湯底，而今次推介呢間真係好似樣樣都幾出色咁，有和牛，有蝦湯，有五花肉，有慢煮薩摩雞，所以就乜都試下佢！三色拉麵係以蝦湯做底，有齊A4和牛，雞叉燒，燒豚肉。A4和牛做咗個慢煮之後再用18小時去浸自家醬油，所以入晒味又口感好好；豚肉好有驚喜，用咗24小時入味再灸燒，加強左當中油脂香味，又肥瘦均衡；雞肉選用咗脾位，所以夠嫰，水準同樣唔錯！蝦湯濃到好重蝦膏味，完美做到掛麵效果！另一碗個雞白湯有得揀正常定係加強濃厚，店家用薩摩雞20小時熬製湯底，的確算濃～不過對比之下，個人認為呢度嘅蝦湯係正過雞湯嘅～下次嚟，會試埋啲沾麵睇下

呢排對拉麵幾有興趣 所以呢晚又搵咗啲特別嘅拉麵店食啦🐮 一睇個餐廳名就知主打拉麵上面嘅牛肉啦 呢日係星期五 加上拉麵店座位有限 所以門口都排咗條小人龍😮燒牛肩胛拉麵有三款湯底可以選擇 我揀咗香蔥醬油湯🍜 湯底唔會好重鹼水味 飲落口唔會得個鹹字 仲同幼身拉麵幾夾 幾鍾意佢嘅牛肩胛 燒得好香 而且唔會太熟 唔會好韌咬唔開😉慢煮安格斯牛小排濃蝦湯沾麵呢碗係粗身拉麵 食落口粗度幾似烏冬 但相對較有咬口😚 我就鍾意呢個沾麵多啲 可能係本身我個人偏好粗麵掛湯嘅口感多啲😛 安格斯牛小排慢煮過 再放入熱辣辣嘅沾麵湯入面可以更加半生熟 呢個濃蝦湯呈橙紅色 味道好濃郁 仲有啲櫻花蝦喺入面 雞軟骨餃子呢間拉麵店有好多款餃子選擇 比較特別嘅有苦瓜餃子或者wasabi餃子🥟 不過呢晚就食佢嘅新產品雞軟骨餃子 有雞軟骨令到餡料多咗爽脆嘅口感飲品烏龍茶同罐裝啤酒都係好夾呢間餐廳嘅氛圍同食物 呢度嘅啤酒仲要係Kirin🍻雖然呢次冇揀到有和牛嘅拉麵 但係牛肉嘅質素都有中上質素🥰 難怪大家要排隊都嚟幫襯呢間拉麵小店