鏞鏞．藝嚐館

營業中

休息中

同屋企人喺鏞記做冬，訂咗個至尊壹品雛鵝煲，鵝頭、頸、翼、掌等由頭至腳，腸、肝、腎、心、鵝紅等由內而外全部包含在內，一枱人各有所好，好快已經見底。個人覺得苦加個白飯，用鵝煲湯底下都應該相當美味。蜜味串燒金錢雞，一睇已知膽固醇超標，但好味到大家都將健康問題拋諸腦後，呢道菜據說以前好多燒味店都有，但現在已經唔多見。松花皮蛋配酸薑係鏞記名物，雖然不是我杯茶但也不妨一試；古早味蝦籽紮蹄，用蝦籽和腐竹捲扎而成，蝦籽味唔算濃，但整體口感及味道不錯。裝修後環境靚咗，服務態度好好，有禮貌，同埋問佢都會詳細介紹菜式。

好難得可以帶埋狗狗同屋企人一齊飲茶，食物好好味，最重要賣相精美，好啱打卡，狗狗要坐車或袋入面，唔可以落地但陪食都開心。員工態度友善，盡量滿足晒我哋啲要求。見佢冬至有套餐，會考慮再嚟多次餐廳出面就係K11 pet garden，食完嘢可以去玩一陣，可算週末好去處

WORST DINING EXPERIENCE I EVER HADWent to Yung’s Bistro at K11 Musea for dinner. The food was nice yet the services were way below par. Was served by a server who was ridiculously rude and impatient with a feeling got discriminated and think we were not qualified (aka rich) enough to dine at this restaurant.We had a party of two and originally wanted to check with the waiter if it’s possible to order half a portion per dish so we could try more dishes. Received a bluntly NO from the waiter with

K11 Musea多潮流打卡熱點，成座建築物環保設計，每個角落都增添咗藝術氣息，非常吸晴。鏞鏞唔係新店，只係之前一直無機會嚟哈哈哈~今次喺鏞鏞用餐，食物整體味道非常不錯，特別係有為素食人仕設計菜式，啱晒同行嘅朋友。我鍾意佢個芝士流心蝦丸，外脆內軟，芝士真係KEEP到流心效果。仲有我最愛嘅大白兔奶凍，朋友話偏甜但對我就啱啱好，甜品嘅最高境界~環境與美食結合，簡直係享受~

趁星期五教師發展日唔使返學，同小朋友到鏞鏞撐枱腳。兩個人點一份下午茶點心拼盤，有一份蝦餃皇、一份叉燒酥、一份瑤柱燒麥皇、雪茄卷同埋布丁。阿仔見到隔離枱大白兔奶凍可愛，額外點咗一份。出品毋庸置疑，雪茄春捲還原度99.99%，連煙灰都好神似，內里係雪菜鵝絲，都幾特別！大白兔外型精緻，甜度適中，滿滿兒時回憶，雖然阿仔無食過大白兔奶糖，但係都超級鍾意哈哈哈~~另外，人少嘅時候可以坐在室外，小朋友更加開心。大門外就係K11平臺花園，好適合帶小朋友放電！

十一月香港完全唔似冬天，中午坐室外啱啱好，完全唔覺得凍。鏞鏞勝在位置一流，室外大露台可望無敵維港景，係極大加分項，點咗燒鵝例牌，侍應會問客人對花生有無敏感再倒醬汁，啲燒鵝肉香嫩美味，但可能喺室外無即刻食，溫度略遜。鐵板鵝肝生煎包有酒香，夠特別！黑椒蔥爆牛肉值得推介，牛肉嫩口整體好惹味。 侍應態度幾好，會有耐性介紹嘢食，同屋企人閒坐談聊，舒服寫意

同同事嚟個Quick Lunch，食品賣相同餐具相當精緻，一次滿足味覺同視覺享受。出名嘅燒鵝同叉燒，味道不錯但未算驚喜，反而點心十分出色，蝦餃皮薄餡靚，蝦肉彈牙，叉燒酥份量細但食到叉燒同埋啲汁好味，叉燒包賣相普通但味道還不錯，xo醬豉蒜虎皮椒好惹味，我呢個唔鍾意虎皮椒味道嘅人都食咗唔少😋環境舒適，行開K11 MUSEA值得一試

菜式：咖喱豬皮魚蛋蘿蔔，其貌不揚嘅一道菜，但味道真心正，咖喱味好正宗，魚蛋彈牙，蘿蔔清甜仲煮得好入味，豬皮骨膠原豐富，辣辣啲令人食到停唔到。迷你梨型鹹水角: 外型十分討好，內藏新鮮梨肉，幫助平衡到鹹水角嘅油膩感，軟熟惹味。南乳單骨雞中翼:呢個小朋友最鍾意，方便食又超香口惹味，阿仔食完仲想叫多份蝦子紮蹄：外層係脆脆哋嘅腐皮，包住粒粒蝦子，鹹香入味環境：坐得好舒服，因為陰天無行出戶外平台，但室內都光線充足，服務亦不錯，算係全家休閒好去處  

上星期同屋企人去食晚飯，坐低班伙計就落力sale嘢，OK點完餸傾計發現大家得水飲，心霖之前唔係喔，坐低問你飲咩茶嘎！跟住叫人來問，呢刻來左個卷毛哥過來（貌似部長），問距係咪要收茶位，卷毛部長話要，跟住就問距點解無人問的？跟住呢位部長厲害👍地答：我地一般睇個客飲唔飲酒或其他飲品先的，唔好以為我地服務不周！ 一路講一路走個隻喔聽完都覺得呢位部長夠霸氣！！真係代客泊車D服務態度都好過距，唔係有小朋友係度真係想搵粗口問候距！

鏞記開嘅年輕版分店，開咗咁耐終於嚟打卡嘆燒原只鵝髀$290店內自設烤爐，燒鵝同樣係以鏞記秘方醃制，用網燒炭爐上枱，精緻之外仲令鵝髀沾上炭香，食果時保持熱度，好有心思。鵝髀皮脆肉香，一咬漏汁，一人獨食一隻，非常滿足。下午茶點心set $320/2位下午茶tea set最吸引係包住雪菜鵝肉嘅炸春捲，以黑芝麻、辣椒粉扮雪茄，抵死好笑。仲有石榴棵、酥、蝦餃皇、雙皮奶，配茶或咖啡，份量以下午茶計啱啱好，仲有海景，坐下來hea一個下午，非常不錯。

生日朋友請食飯原本唔知原來呢間係中環鏞記嘅分之因為中間點所以揀咗K11 musea 由於睇視頻嘅時候見到燒鵝好正於是我哋一行四人要咗燒鵝髀 佢循例都問你有冇對花生敏感之後就幫你到果汁咁佢送食物嚟嘅時候呢係有個機械人將所有食物放晒入面除咗保持食物清潔令到佢上碟嘅時候都好夠埋熱評：皮脆同有肉味唔乾 8/10 分唔記得咗佢係上湯定係蒜蓉整，皮整得好彈牙😍😍😍推介醬爆肉片，好野味，少少辣7.5/10感覺呢個價錢好細份呢到食飯睇裝修之外環境比較寬敞唔會話坐到好密質質佢呢度仲有一個室內嘅露台可以喺出面食嘢同埋喺維港景色好多佢哋兩公婆 又叫酒又請我哋吃好西😍😍😍

朋友生日，選喺K11 Musea七樓嘅鏞鏞藝嚐館食，係老牌粵菜食府鏞記嘅年輕副線品牌。食物水準中上，風景就一流，有個露天balcony，可以對著絕美維港夜景飲返杯cocktail。六菜一湯一甜品，有東星斑、琵琶蝦、鮑魚、響螺，雞樅菇萵筍鮑魚係用一個高腳杯裝，好精緻。最喜歡甜品大白兔奶凍，可愛得嚟味道都不錯！

今日帶狗狗到K11 musea，見之前有狗友介紹呢間，嚟到就試下。我地11:30到，係無book到位，門口職員知我地無book都已經唔想招呼我地咁。其實話我知無walk-in唔緊要，我可以去第二度食，但你又要帶我地去坐outdoor位。就咁放低個制，茶都唔問我地飲乜野，㩒左2次制都無員工應我地，咁咪舉手囉！個員工好無禮貌咁話：「你地要㩒制嫁！」我夠知㩒制啦，你地都要有人應機先得～價錢貴都唔緊要，但職員態度極差，仲要唔係一個半個職員咁差，係大部分都咁差！完全唔想招呼我地。食物質素係ok，但呢種服務態度，真係可一不可再。

22/10/2022 星期六，天朗氣清，我哋到星光大道漫步及K11 Musea 7/F 搵食，想舒舒服服的享受午餐，必選鏞鏞. 藝嚐館。喜歡佢夠空間感，枱與枱之間闊落，店員服務態度友善，時不時幫我哋添茶，好細心。我哋二人，簡單叫咗兩個小菜：-燒鵝例牌，佢哋用花生燒鵝醬汁，店員倒醬汁之前，會問一問人客對花生有沒有敏感。燒鵝啖啖肉，皮脆肉嫩，確實美味😋家鄉梅菜扣腩肉，扣腩肉肥中帶瘦，煮得夠淋，梅菜甜甜地，烹調咸甜適中，撈飯食到舔舔脷😋各自一客瑤柱灌湯餃，餡料豐富，湯鮮甜😋最後加一個陳皮紅豆沙芝麻湯圓，不太甜，紅豆沙煲得剛剛好，有豆，有沙。好滿足的午餐。食店有戶外座位，可以望到尖沙咀及維港景色，天氣清涼，坐戶外享受環境，都係一個舒服的選擇。

之前朋友去過鏞鏞之後大力推薦，話好味又有格調，於是特登揀左禮拜六來，試下個下午茶套餐。份套餐300出頭，有叉燒酥、蝦餃、野菌餃、香蕉片奶凍同一份雪茄手卷，仲有咖啡同茶自選。叉燒酥唔算大件，幾啖已食，叉燒味一直留香。雪茄手卷，齋睇外型就已經超值，春捲做成雪茄樣，煙灰缸容器入邊仲有芝麻碎當作煙灰，皮脆肉香，真身其實系雪菜鵝肉炸春捲~我同老公都覺得餐點好好食，係完全會回頭嘅程度~