鏞鏞．藝嚐館

營業中

休息中

Yung's Bistro is a charming restaurant specializing in Cantonese barbecue dishes. I love the tasteful decor and inviting atmosphere there. The outdoor terrace, which offers a limited number of tables, provides an enchanting view of Victoria Harbour. If you're interested in dining al fresco, I'd suggest booking a table outside in advance. The menu at Yung's Bistro boasts a variety of mouthwatering Cantonese dishes, each expertly crafted to showcase the region's distinct flavors. A standout dish t

呢間係鏞記尖沙咀副線，餐廳環境同老店好唔同，相比中環鏞記老字號傳統味道，佢明顯行輕鬆及簡約時尚風，座位之間空間感充足，家庭用餐定商務聚會都應該唔錯。 話得任鏞記旗下餐廳，最出色當然係燒鵝，燒鵝皮有炭香同鵝嘅油脂香，肉嫩得嚟有肉汁。店內另一名物係雲禮子蛋白兩口飯，雲禮子即係BB蟹d蟹膏，聽講每一份都要幾十至過百隻蟹嘅蟹膏，撈飯一流。仲有佢個叉燒都令人印象深刻，整體肥瘦適中，食落口感比其他餐廳更諗，每舊都有濃密嘅蜜糖焦香，味道都算出眾。椒鹽大蝦皇食到啲蝦新鮮彈牙，屬正常質素。味道：9/10環境：9/10服務：8/10

同朋友去咗鏞鏞.藝嚐館食飯，感覺唔錯！鏞鏞係鏞記酒家嘅新品牌，專門做粵菜，但係有啲創新同埋時尚。今次無點到佢哋招牌嘅燒鵝，試咗幾個小菜：流心西施炸蝦丸、蒜香油鹽大蝦球、桂花蟹肉炒粉絲、銀棯醬乾蔥鮮雞煲等等，每樣都好好味，流心西施炸蝦丸係朋友推介嘅菜式，外皮香口，入面有芝士汁流出黎💯💯桂花蟹肉炒粉絲係我最中意嘅菜式之一，粉絲爽口，鮮拆嘅蟹肉見得到都多又大塊，扮桂花嘅炒蛋火候啱啱好，唔會過老，食完仲想再食。而銀棯醬乾蔥鮮雞煲嘅雞肉滑溜入味，乾蔥同埋銀棯增加咗唔同風味服務都幾快捷有禮貌，環境ok，等天氣再暖少少可以試下坐室外。

鏞鏞作為鏞記嘅年輕化餐廳，燒鵝嘅出品絕對係OK嘅，對得住個招牌其他菜式中規中矩，嚟飲下茶食下點心都唔錯，好適合啲女仔嚟影相，因為室外風景真係好正好有feel好似雪茄果味最令人印象深刻，下次嚟都會再試

This is my first public review to a restaurant, extremely bad dining experience ever. The food is not bad, but pricey. But the worst part was the waitress strongly recommended a dish, we later realized it was an expensive dish. She didn’t inform us the price in advance, and claimed that the price already on the menu. Which they have two versions of menu, the one I had was no price on it, and they showed me the other version with price afterwards. We were only two adults with one kid doing causa

想搵間靚餐廳舒舒服服食燒鵝，首選應該係鏞記，如果我呢唔想過海嘅九龍人，就要試佢尖沙咀間鏞鏞‧藝嚐館。菜單明顯無中環鏞記咁豐富，不過主角燒鵝就一定有！話晒係招牌， 燒鵝燒得好靚，佢哋嘅鵝皮一向唔太脆，個汁幾特別，入口有花生香味，鵝肉嫩滑，不枉叫招牌菜。個銀棯醬乾蔥鮮雞煲啲雞肉質香滑細嫩，用銀棯醬再加埋乾蔥，令味道更加豐富；最後嘅生炒臘味糯米飯，味道好正，每一粒糯米都吸收晒啲汁水，粒粒油亮飽滿，夠晒美味。

鏞鏞藝嚐館係K11 MUSEA 7樓，位置好易搵。裝修以綠色為主調，氣氛舒適，最重要夠空間感，好適合同朋友或者家人一齊嚟食😋今次主要試咗啲點心，活火山叉燒飽正常水準，勝在夠熱，外皮略厚咗少少，叉燒醬汁尚可。鮮蘆筍蝦餃餃皮好薄，餡料又夠多，蝦肉又鮮又甜，配上蘆筍清爽好味。松子竹笙野菌餃有松子同竹笙嘅香味，餡料好豐富，素食者一定鍾意。服務算周到，侍應全程有笑容同埋都肯細心介紹各款點心。最重要喺K11 MUSEA度，食完就可以行街，逛吓商店、藝術館，好方便。

燒鵝有驚喜，外皮色澤同顏色都好靚，燒鵝油香同肉香啱啱好，點埋酸梅醬食真係冇得頂，擺盤都好有心機，炭爐上真係貴咗少少但個樣好靚。欖角骨不錯，上枱夠鑊氣，肉炸得好脆，都食到啲欖角甘香。飄香鮮蝦荷葉飯份量足夠一家人食，最重要唔會太乾太硬，又食到荷葉清香。環境光猛空間感十足，整體色調唔似一般中餐廳咁死氣沉沉，行young啲嘅路線，啱一家大細或者幾個朋友小聚。

近日天氣轉暖少少，趁天朗氣清，坐喺鏞鏞藝嚐館戶外平台嘆返餐靚茶，呢度望到維港景，近又可以欣賞尖沙咀街景，陽光普照時享受午餐，夠晒舒服！點咗蝦餃皇，Ｄ蝦餃夠彈牙；流心西施炸蝦丸，外脆內軟，流心係腐乳醬，有創意但我一般；秘製咖喱豬皮及魚蛋，醬汁濃味，豬皮同魚蛋都彈口；沙薑手絲雞，雞肉嫩滑，整體食物質素幾好，服務亦都好細心，舒舒服服hea兩個鐘

鏞鏞·藝嚐館必試菜式一定係「嘆」燒原隻鵝脾，廣東黑鬃燒鵝髀連炭燒爐一齊上枱，原汁原味又有炭香。另外道禮雲子蛋清配飯都好正，蟛蜞卵味道甘香濃郁，配埋白飯啱啱好，係個份量真係偏細，完全未夠喉。陳皮牛肉陳皮味唔算濃，好在牛肉都好嫩滑，味道不錯，原本想試黑草羊煲但原來要預訂，唯有下次再食過。

平時食得西餐多，過年當然係要食返粵菜，中午帶媽媽去吃午餐，睇得出每道菜都係用心準備。呢度有美味嘅食物，提供優質服務，餐枱之間空間感十足，出面仲可以望到維多利亞港靚景，一流服務，一流地點。

鏞鏞個春日暖暖慶團圓套餐啱晒過年聚餐，撈起撈起，撈到風生水起，打頭就係道”風山水起撈得起”，意頭十足；半隻黑鬃鵝五個人轉頭就食晒，露筍星斑球嘅星班新鮮又厚肉，臘味糯米飯臘味油香浸晒入糯米度。整體食物精緻，味道好，價錢以相對這級數嘅餐飲都算適合。

交通方便,環境優美,招呼細心誠懇。招牌叉燒最好味，叉燒肉汁同秘制蜜汁完美融合，唔單止無肥膩感，仲勾起食慾，點心好味，而且仲好熱，呢點抵贊，唔似有啲餐廳返熱過咁。其他中菜都好啱打卡，擺盤有心思，靚到唔似傳統中菜，非常值得一試！

等咗一個鐘上咗三道菜我哋望住佢上菜每一次都諗緊係咪我哋嗰台喂真係肚餓到暈仲要留落單目測有7-8位同事可能因為大部份係炒散，所以如果大家好肚餓，真係要三思先好過嚟。

聖誕多聚會，呢間食物質素不錯，份量偏小但啱女仔，可以同朋友一邊舒服嘆茶，一邊欣賞海景，鐘意佢細細個嘅蛋撻仔，同白兔甜品，仲有mock tail. 食物質素整體幾好，價錢感覺比中環鏞記略平，職員態度同服務好好