鏞鏞．藝嚐館

營業中

休息中

上星期日本朋友帶同大兒子來港幾天，幾位老朋友必然安排聚餐見面！ 事前用餐地點安排考慮到一位幾歲屬於非常好動型的小男孩，同時用餐環境亦要適合友人們安坐長談，而食物質素和口味更要兼顧小朋友和大人的口味，於是想到 K11 Musea 的 「鏞鏞」，正好日本朋友的酒店也在附近！上一次到訪「鏞鏞」是 2021，四年之隔，發現食物水準依然不錯，大家對食物和服務也十分滿意，加上配合天朗氣清的好天氣，飯後到露台欣賞香港美不勝收的維港夜景，此飯聚實在完美！第一道前菜是雞樅萵筍靈芝菇 HK$118，滑溜的靈芝菇配以重香微辣，十分開胃。軟滑中搭配爽口的萵筍絲和香氣十足的雞樅菌，為口感和味覺帶來不一般的滿足！友人說來到「鏞鏞」一定要嚐燒鵝，我認為是對的！鏞記正宗燒鵝 (例牌）HK$300 的份量切合我們幾位女士胃納的容量。若要評當晚吃過的幾道菜式，燒鵝不算差，但是應該是最沒驚喜的一道！「鏞鏞」秉承「鏞記」半脆半腍的鵝皮特色，說不上是我杯茶，但本已是意料之內，要挑剔是鵝肉未見得有過人的吸引力，例如平淡的鵝肉香氣，幸好鵝肉不算粗糙！而我喜歡的亮點是帶有花生香氣的鵝汁，為鵝肉平添不少滋味，而軟硬適中入味的蠔油豆和梅

平時好少嚟K11 MUSEA，但朋友推介話鏞鏞藝嚐館值得一試，於是book咗位試下，點知真係有驚喜。餐廳裝修帶點現代感，但menu同味道完全係正宗粵菜，畀到我一種熟悉又新鮮嘅感覺。一坐低就即刻點咗炭燒燒鵝，真心係我近排食過最正，肉汁鎖得好好，油香濃郁，點啲酸梅醬食，直情人間美味。仲叫咗瑤柱櫻花蝦炒飯，炒飯好香，瑤柱同櫻花蝦嘅鮮味好出，飯粒乾身又夠味，食到停唔到口！其他菜式試咗花膠瑤柱扒西蘭花，花膠軟糯，醬汁濃郁，西蘭花爽脆，係一道好有質感嘅菜；甜品點咗紅豆湯配芝麻湯圓，紅豆湯甜度啱好，湯圓煙韌，仲有陣陳皮香。環境方面，坐近窗位望住維港真是一個bonus，夜晚應該仲靚，不過假日都幾旺場，建議要book定位，唔係可能要等。

同班朋友相約去K11 MUSEA搵食，決定試下Yung's Bistro，果然冇失望！一入餐廳，環境好有格調，落地玻璃望住維港，夠晒chill，但又唔失傳統粵菜嘅親切感，啱晒我哋呢啲鍾意有新鮮感嘅人。重點當然係佢哋嘅炭燒燒鵝，肉質嫩滑，油香四溢，點少少酸梅醬，入口勁好味，一碟四人share都嫌唔夠，差啲想再叫半隻！另外點咗揚州炒飯同清炒時蔬，炒飯粒粒分明，火候啱啱好，蛋香同火腿粒好match；時蔬簡單但夠鑊氣，平衡晒啲濃味菜。甜品揀咗大白兔糖奶凍，奶香濃郁，仲有陣陣白兔糖嘅回憶味，食完真係好滿足！下次要試埋佢哋嘅點心，見到隔離枱食好似幾正。

踏入K11 MUSEA的玻璃穹頂下，循著香氣找到這間隱於藝術空間中的寶藏餐廳——鏞鏞。新派粵菜的精緻與現代美學在此交融，每一道菜品都像藝術品般令人驚歎！招牌燒鵝外酥裏嫩，香氣縈繞舌尖，搭配秘制醬汁，傳統與革新碰撞出驚喜。水晶吊燈灑落暖光，綠植與藝術裝置環繞，用餐時仿佛置身都市桃源。服務員態度親切專業，細節處處顯心思。無論是情侶約會還是家庭聚餐，這裏都能讓味蕾與心靈雙重滿足。強烈推薦給追求品質的你！

我們是去飲茶的。 這間菜館所有的食物價錢不菲拍得住麗晶的中菜館但講真食物的質素一般沒有什麼特別。 燒鵝例牌要大約$300但完全食得出是隔夜的因為皮不脆肉也韌。 鮑魚鍋飯極之肥味道唔識講總之唔好食。 茶的質素沒有特別和坊間一般酒樓一樣但收$38一位。 唔係有心彈呢間菜館，但收咁嘅價錢提供這樣的食物質素和服務我就覺得不值啦。

朋友生日，带我嚟K11 Musea呢间超有格调嘅中餐，环境非常安逸，第一次係餐廳呢個角度望住維多利亞港，而且食物出品都幾有水準。第一次試呢味皮蛋配酸姜，真係估唔到原來皮蛋同埋酸姜係可以咁夾，燒鵝皮脆肉嫩，肉汁豐富，油香四溢，醬汁特備，不虧為佢哋嘅招牌菜。大白兔奶凍完完全全就係童年時嘅味道，淡淡嘅奶香又唔會特別甜，搭配可可脆片，既中和咗甜味又增加口感層次！

店內環境優雅，有無敵海景相伴，可以話係佔盡地理優勢，服務都尚可。嚟到必點招牌燒鵝，又香又嫩，口感非常好，本來覺得燒鵝呢味菜其實每間都差唔多，直到今次體驗咗呢度嘅燒鵝先知到原來可以咁好食

位置係K11嘅7樓，有啲唔係咁易搵到，環境乾淨整潔開敞明亮，服務都唔錯，響應比較及時。菜品方面比較驚喜，比較深刻應該係各樣精美嘅點心，尤其果味雪茄卷，口味總體都唔錯，燒鵝同陳皮牛肉味道都好正，臘腸都唔錯，價位中規中矩

招牌燒鵝依然保持著鏞記一貫的高水準，皮脆肉嫩，汁水豐盈，搭配秘制酸梅醬，令人回味無窮。蜜汁叉燒肥瘦相間，香甜可口，也是不容錯過的經典之選。香煎鵝肝配黑醋汁，鵝肝入口即化，黑醋汁的酸甜恰到好處地中和了鵝肝的油膩感。松露菌菇餃，外皮晶瑩剔透，內餡鮮美多汁，松露的香氣更是畫龍點睛。餐廳的點心也是一大亮點，造型精緻，口味獨特。例如，黑松露蝦餃皇，蝦肉鮮甜彈牙，黑松露的香氣濃郁；香芒楊枝甘露，清涼爽口，是餐後甜點的絕佳選擇。

環境：開係最富麗堂皇的K11，別具一格，一覽無遺的海景，令人陶醉的夜色口味：羹非常好吃的清淡，蛋花從口中絲滑過直接入胃，口味淡到層次豐富，體現了廚師的高級之處，燒鵝好像帶有麻將，第一次吃到這麼特別的服務：10分打個7-8分吧

放完sem break約同學嚟食嘢，呢度環境靚但價錢都偏貴少少。最後發現佢下午茶時段有tea set，兩個人有齊鏞鏞招牌嘅手捲雪茄、蝦餃、叉燒酥，仲有甜品同飲品，幾抵食！叫咗： 🥟 手捲雪茄 (脆卷配鵝肉，好特別！) 🥟 翡翠金冠蝦餃 (蝦餃皮薄餡多) 🥐 芝麻蔥茸叉燒酥 (酥皮夠香脆) 🍮 宇治抹茶鮮奶凍 (抹茶味道幾香)份量兩個女仔食啱啱好！以後可以帶屋企人嚟飲茶～

人均$300幾，以現今市況計唔算貴，適合商務宴請或舊友茶聚。服務都唔錯，見到佢有VIP房,有需要可以提前預訂，方便傾談。今次約咗幾個朋友，點咗幾道經典：秘製咖喱金錢肚，南乳味香濃不膩老干媽醬蒸鳳爪，醬香惹味迷你南瓜咸水角，酥脆可口 主菜必試「鴛鴦遠年陳皮牛肉」，兩食各具特色，陳皮香氣撲鼻。另配海底椰銀耳燉萬壽果，養生滋補。近年港式食肆少有如此用心，可見廚師功力。

琴日帶阿爸阿媽嚟鏞鏞食飯，揀呢度因為交通方便，又有電梯直達，最重要係夠闊落舒服。試咗個銀棯醬系列，帶子蒸豆腐同銀棯淮山炒海斑球都唔錯，魚新鮮，豆腐滑，老豆都話夠水準。叫埋個生磨杏汁潤肺湯，湯底幾濃郁。甜品揀咗個舊陳皮紅豆沙湯圓，幾特別，媽媽話紅豆沙香濃夠滑。侍應態度好好，成餐飯都見佢哋幾貼心服侍啲老人家。諗住帶家人食飯，呢度都係幾好選擇。

環境唔錯，係7樓望落成個風景其實真係好加分，服務好滿意，上菜速度快，燒鵝同鏞記比真係食唔出有乜區別，除咗燒鵝我更加推薦鮮鳳梨咕嚕肉，酸甜可口好開胃，至尊肥燶叉燒味道夠足，性價比嚟講都唔錯!

在這個舒適的環境中，享受著美食佳餚，加埋 happy hour的優惠，是一種難以抵擋的享受。無論是與朋友聚會，還是獨自放鬆，都是完美的選擇.我喜歡我杯熱的蘋果茶，酸酸甜甜，啱晒冬天飲嘅果茶，簡直要添飲。另一杯嘅玫瑰花Cocktail，係威士忌Gin,簡直係色香味俱全睇得又飲得，最啱女士飲。加上咁靚嘅環境同氣氛，實在太浪漫令人陶醉。再加上一啲小食，實在係令人回味無窮心曠神怡，所以我都推薦俾大家，好開心我今日發現咗呢一個地方，簡直就係打卡影相食飯聚會好地方。交通非常之方便，喺地鐵站上蓋。服務非常之細心，而且有禮貌，我好滿意。