錦麗 (創紀之城五期(apm))

營業中

休息中

話說之前見到雜誌鋪天蓋地嘅宣傳，話錦麗係越南最好味嘅越南粉，然後竟然係香港開分店，行過幾次都大排長龍，仲要售罄添⋯⋯⋯今次撞正A先生可以早啲去排隊，一於試試佢啦～～～河粉湯底好清，但係有香濃嘅牛味，正～～牛丸好食，其他牛肉就普通啦。不過價錢只係50幾蚊，算幾抵食！近排生左幾粒暗瘡，嗌左杯雪梨崩大碗黎清下熱，不過我相信佢嘅草青味真係唔係人人頂得住😂小食就嗌左牛油雞翼同粉卷，雞翼炸得好脆，上面有啱啱溶左嘅牛油，邪惡度滿分。粉卷嘅蝦好鮮甜，都唔錯㗎～

本身就已經好鍾意食pho所以一聽到越南錦麗終於嚟香港 真喺非常 極度 振奮😭-好鍾意佢地句solgan「一種味道 半世紀的堅持」再配合埋個裝修 完全係有種舊式情懷 -錦麗綜合粉 ($58)首先 呢個綜合粉真喺會幫到唔少選擇困難症嘅人🤤一次過可以試哂生牛肉 熟牛肉 同 牛丸👅首先 試咗個湯先 湯底有陣陣幽香 清而不油 重點喺 個牛丸好好食 好重牛味 好彈牙😍個熟牛肉就有啲牛腩 但又唔好韌個河粉又夠滑身～ 絕對止到未去到旅行既pho 癮

APM有唔少美食餐廳，天氣開始熱，想食點濕口食物，所以選了越南粉。看過門面就知有唔少人食，但小弟今次早到，唔駛等，但要搭枱（必須）。先來是小食米紙卷，蝦就唔爽，但點醬汁食都算OK的。主菜其實得三種，生牛，熟牛，牛丸三樣互相配搭，小弟見意一係牛丸，一係綜合，因為只有牛丸好食，有牛味，生熟牛有點老。雖然主菜得牛丸見得人，但這牛油雞翼卻十分野味，牛油香加上點點蒜蓉味的炸雞翼，是不怕肥的各位必食小食。普通蔗汁，無野講。結帳214元，兩人兩粉兩小食兩飲品，中價。枱上一早準備香葉牙菜，越南粉上有大量蔥，唔喜歡的可以走青，雖然小弟忘了。牛湯底清而有牛味，但總感覺到有少少芫茜味。無二人枱，兩個人必須搭枱是一個問題，位置唔算寬敞，上菜時間一般，總之早食完早點走。整體感覺一般。

係open rice無意見到尼間餐廳，見到有得食生牛肉河，第二日就同朋友尼食。個日去到，已經有好多人排隊。我地排左十五分鐘左右啦，一入到去就叫左兩碗生午肉河同蝦米卷😋一黎到就被個湯底吸引住😍個湯底真係無得輸，好濃郁嘅牛肉味，而且好鮮甜。最重要係佢唔會飲完口渴👍🏻😋我之前飲過唔少嘅生牛肉湯底之後都要飲好多少，因為個啲味精好重尼碗簡直係我心目中嘅no.1😋個米卷我認為可以啦，不過不失。仲叫左杯薏米水，但無影啦。

經過APM 4樓見到有間餐廳勁多人排隊本住"排隊就係正"既態度我同朋友又排埋一份 好彩都唔算等左好耐餐廳內唔算大間 但全部都係搭枱而且大家都知好多人等緊所以個個食完就好快走~餐廳都有instruction教大家點食pho一叫完野就會收到一份配料入面有九層塔 青檸 辣椒同埋芽菜唔夠好似可以再問店員拎落多落少可以自己控制同朋友叫左蔗汁同薏米水每杯$16 都唔算貴~2杯飲品都唔算太甜 好飲過左一陣碗粉就到啦~錦麗綜合粉 $58 一黎到首先就飲左一啖湯飲落好濃味 而且都算幾清 唔太油~錦麗綜合粉生牛肉 熟牛肉同埋牛丸生牛肉黎到其實已經熟左 但都唔會咬唔開熟牛肉就好有咬口~ 而牛丸好彈牙!炸手作蝦餅 (2件) $38 即叫即炸 食落好彈牙雖然得2件 但都幾大架 值得一試法式牛油蒜蓉雞翼 $34 依個雞翼是不得了的 炸到勁勁勁脆牛油同蒜蓉味都好重 熱辣辣食真係冇得彈!整體黎講質素都唔錯排隊值唔值得就見仁見智啦~如果碗pho既份量可以再大啲就更好啦~

嚟到門口已經好多人排緊隊，大約排咗20分鐘終於有位坐喇。錦麗係越南胡志明市好嘅出名嘅牛肉粉專門店，所以梗係要試下佢嘅牛肉河粉，牛丸河粉，另外再叫咗蒜蓉牛油雞翼，椰青和凍越式滴漏咖啡。牛丸河粉$54好味，啲牛丸絕對唔係平時粉麵鋪嘅牛丸，好明顯新鮮手打，彈牙有肉汁而且有少少牛肉嘅so味。生牛肉河粉$56，驚喜唔係咁大，牛肉夠腍，可以隨喜好落青檸汁，芽菜，香葉，辣椒絲。蒜蓉牛油雞翼$34，即叫即炸熱辣辣，炸粉和味道啱啱好，新鮮香脆好食，如果蒜蓉味再多少少仲正！

和好友的每月一聚，今次揀佐近期好多人討論既錦麗，朋友6:30才到，我6:15到也已經全場爆滿，等了一會兒就安排入座。鋪面唔算大，大部分客人都是食完就埋單了。我們選了綜合粉，貪佢咩配料都有，小食選了雞翼和米紙，飲品揀佐2款薏米水同青檸梳打。來得最快的是米紙，味道幾清新；之黎黎既係綜合粉，芽菜等配料可自己加取，不喜歡也可以不加丫，但第一次食緊係跟番教學啦，飲了一啖湯，好喝丫，粉也很快食，最驚喜係生牛肉，我地一路傾計一路食，生牛肉都變熟牛肉了，但估唔到係浸佐咁耐既牛肉竟然仲係淋唔硬既，呢個真心推介丫；至於壓軸登場既係雞翼，呢個真係好好味，好香既牛油味，雖然係炸既，但入面既肉仲好多汁，呢個如果下次再幫襯要再encore丫。至於野飲青檸梳打好味丫，朋友的薏米水都唔差。總括黎講呢間味道好，價錢中間，至於服務都尚可既，始終人流不斷。推薦食飯時間最好6:30前，我食完7:30左右門口成20多人已經，都幾誇張

成日見人排隊，一心諗住要試番次，獨個兒去光顧，但職員安排入坐手法欠彈性，明明有吉位，就是不編你入坐，怪不得外面長期排隊！叫碗生熟牛肉粉😪😪😪，首先湯無味，即使所有香葉落哂都無昧味！D粉成餅野，明顯係預先整左再翻熱🤦🏻‍♀️🤦🏻‍♀️！生牛肉又係成餅野，仲成八成熟，何來生呢🙈🙈？無計！唯有試熟牛（牛腩），唔好話硬唔硬啦！簡直柴皮！！想點👎🏻👎🏻？？難食到要我出手寫野，呢間都算一絕！好野....佩服！🙇🏻‍♀️🙇🏻‍♀️🙇🏻‍♀️

平常去到apm也有選擇困難症呢，加上好像沒什麼新意這店剛開張期間都有和朋友經過，她驚訝地說這裡竟然有分店她說這間必嘗啊(因為她早前去了越南)終於來到試一下，午市完全大排長龍啊 (立即更有信心保證)每張桌都會擺上一杯香草 有青檸、豆芽等 可以隨自己的喜好加進去啊(還細心地貼了一張紙，推薦不同的吃法與風味)點的綜合粉，香氣已經好吸引！先嚐一口湯底 沒有很油膩的感覺 相對清香嚐一塊生牛肉 挺嫩滑的 但好快就會變熟 (視乎個人喜好快點吃吧)而熟牛肉就好較多既口感~牛丸不過不失 咬開有少許湯汁，好吃亦要小心熱好喜歡加很多芽菜~河粉是相對幼細滑嫩~一啖湯加粉 好滋味！而且還有幾款小食的賣相都好吸引，下回再來要點特別是那大蝦扎肉米紙~未去過越南先嚐下其風味。

每次經過呢間越南粉都排哂隊，我又帶住小朋友排好耐隊係無可能既事。今日6點無人排隊就試下，有bb櫈供。熟牛肉粉唔係牛肉係牛腩，湯好濃牛腩好淋河粉好滑法式牛油蒜蓉雞翼，炸完入面既雞肉仲好juicy👍🏼

五點已經超多人排隊嘅越南粉餐廳錦麗綜合粉一次滿足三個願望有牛丸、生牛肉、熟牛肉跟佢食法先先飲一啖湯底果然夠濃好有牛肉味之後倒晒啲配菜落去生牛肉正正常常 熟牛肉夠淋身同入味 牛丸反而估唔到係最好味 幾彈牙得來味道夠濃郁 係個粉質地一般最後試吓用牛肉點越式辣醬嚟食 第一次咁樣食又幾新奇法式牛油蒜容雞翼唔係炸得好脆 牛油味唔係好重 不過蒜香同味道係好食既 對於雞翼愛好者既我黎講係合格既最後飲埋蔗汁同薏米水 大滿足 快快趣交枱俾下一個人

剛開業不久的錦麗人氣爆燈，上次7pm來到門口排著20-30人放棄了。今次專程5:30pm來，等一會就入得每人一份分配好的配料- 內有九層塔、青檸、辣椒、芽菜。先來三份小食。大蝦米紙卷 $28米紙卷皮很薄、大蝦爽口、配青瓜和米粉很清新炸蝦餅 $38新鮮炸起、內裡蝦膠彈牙，超正法式牛油蒜蓉雞翼 $34外層香脆、有濃厚的牛油蒜蓉味，好香呀到主菜喇～錦麗熟牛肉粉$54呷一牛肉湯真的好重牛肉香味。湯底清味濃而不膩、牛肉好淋好入味、有些像是牛𦟌肉亦好軟。加入九層塔等香料，把牛肉的鮮味更加提昇，齒頰留香錦麗牛丸粉$54牛丸亦爽滑彈牙，味道不錯蔗汁 $16 - 不太甜薏米水$16食物唔算多款式，勝在每樣都做得不錯～會再來。

Apm既食店大部分已經食過，不過近日就進駐左一間新既越南粉，個名都幾特別，同我同事個名一樣。 每次經過都見大排長龍，好想知佢威力有幾勁，今日特登早少少出黎排隊。 排左一陣就可以入坐，食物選擇唔多，全部都係湯河，仲有小食等等，價錢喺apm來講算平價。 因為大家入黎一定會食湯河，所以一坐底店員已經遞上芽菜等配料，枱上亦有各式醬汁自己添加。 錦麗綜合粉 $58雖然只是一碗湯粉，但十分豐富，裡面有生牛肉，熟牛肉和牛丸。生牛肉好快已經熟透，口感稍腍。熟牛肉感覺似牛腩，頗有嚼勁，又有脂肪位。牛丸都幾彈牙。食之前可以先加入餐廳已預備的薄荷葉，青檸及辣椒粒。湯底的酸咸討好不過份，味道濃而不膩，與口感滑的河粉配合得不錯。 不得不提，雖然店內好忙，店員的服務態度仍然好好，而且湯河質素確實比一般的越南粉高，難怪次次都排滿人。

錦麗越南好出名，得知該集團顧問周圍試，試咗好耐決定要「佢」。一心就是諗住去試下味⋯⋯叫了一碗招牌綜合粉+凍滴漏越南咖啡⋯⋯⋯雖然賣的也只幾款粉、小食及飲品，但碗粉也等了大約十分鐘才上，相信也不是求求其其般粉底、加餸、加湯即上嗰d快餐吧！終於到我喇，首先就是乜都唔加試咗第一口湯吧！感覺一般，牛味未見突出，綜合有三份半粒牛丸，如果問我，我會覺得小家咗少少，一係比兩粒全粒啦！熟牛肉一片，好味、夠淋、有牛味、有口感。生牛肉，我想話完全係得相片上面嗰d碎，完全食唔到咁⋯⋯其實點解唔大方少少一片大完整上？要知就算一整片上縮咗都細咗⋯⋯而家碎上縮咗似配菜？？反之河粉分量和口感不錯，我碗也沒有太碎上，質感也不太淋⋯⋯另外叫咗杯滴漏咖啡，滴完飲咗啖先再倒入冰到，本人覺得無乜啡味，不過$28又唔可以要求到d乜，但最終都飲淨半杯⋯零願飲返自己袋住d水～～結論：未試過就平常心可以試一次，如果要排隊本人覺得唔駛專登排（好彩我今日也不用排）我知道佢地會繼續開分店，希望會進步啦！重有食完其實都好口渴下⋯⋯

今日陪屋企人觀塘買野，午餐選左呢間越南河。點左生牛肉河，湯底正，味道濃郁，有濃濃的香味。牛肉入口質感不錯，亦有少鮮甜味。最可惜是河粉少得過份，唔飽肚，可能要3碗先夠😓 其實都唔算特別便宜，基本份量都唔夠...