錦麗 (創紀之城五期(apm))

營業中

休息中

晚市8:30已經話無河粉，究竟點做生意？仲要個客人等左咁耐先話無，真係太過巴閉！！！！咁出名就預多少少貨源，加上星期日咁多客都應該早有準備，令食客太失望！！！！

我等左半個鐘食呢間野， 聽講係最好食嘅越南粉 我入到同友人去叫左個錦麗綜合粉一上到黎個樣就正常， 要自己加芽菜， 青檸嗰啲調味。 一夾落去， 哇， 個河面仲未散開， 仲係一個碗形！ 睇黎廚房就咁擺個河粉入去之後就倒啲熱湯落去 好冇誠意 跟住啲牛肉又冇牛味， 好rubbery 個湯又勁鹹， 我想要杯水， 個呀姐話，。熱定凍， 九蚊支！ 當堂呆左。 奉勸大家可以唔洗去食。 overall impression: dont waste your money and time

平時成日經過，次次都見到有人排隊。尋日終於同老公同奶奶去左觀塘錦麗試食越南野！晚上六點鐘已經要排隊！大概排左15-20分鐘就有位坐。一坐低見到個Menu ，下？得牛咋？無辦法啦，都試下啦！我叫左碗綜合粉，即係有生熟牛肉加牛丸！碗麵嚟到啦！個湯好夠熱，湯底都好好味！店入面嘅枱都有寫教你點食，食之前落哂九層塔，香葉，芽菜，加青檸汁！已經好香，我再加少少魚露，個個風味立即就出哂嚟！其實另外仲叫左炸蝦餅，同牛油蒜溶雞亦，都好好味！個雞超正飲品方面，薏米水就一般，而香茅青檸薄荷梳打係勁好飲！餐廳環境比較細，客與客之間坐得好逼，等食物其間我發現餐廳地下超污糟整體嚟講，食物美味係值得推介嘅，至於衛生方面就仍有進步空間！

呢間鋪頭，之前朋友大力推介，咁有次見小人就同朋友入左去食，食完後…真係会再去！再去！！牛肉湯底濃味不在話下，碗汤又夠熱，真係其他出名xx拉面，都比唔上！！！牛丸真心好食，回味左几日…牛油雞亦又夠脆，又唔会炸到乾身，又回味左几日…杯青檸香芧，比出面其他越南食店好飲，起碼成支香芧比你當匙篤青檸，夠晒味朋友碗半生牛肉河，我又偷左二塊試，有筋肥膏邊位，又唔un又好咬口，加埋熱湯一流二個人食左百六，七蚊到…唔贵，真係值得再去！！！

上星期約左友人係APM食晚飯, 大家都無咩意見之外..我地就決定來試下過江龍~錦麗.由於我早來到商場就來搵位先, 平日晚上6點左右到達, 幸好唔洗排隊被安排到一張大的8人枱, 講真座位都幾迫下又要真係坐得幾唔舒服.每個位都已經放上一張好細的點菜紙同每人一杯既配菜, 睇下餐紙河粉都係得5款選擇, 小食亦只有4-5款; 飲品算多有10多款.我同友人點左生牛肉河; 熟牛肉河另外再點左一客牛油雞翼. 初時見到個碗好細, 以為份量都唔多, 點知原來河同牛肉份量都多.先試左一啖湯底十分清甜, 特別喜歡佢地的河粉好滑, 再來我點既熟牛肉有牛肉腩位咁好淋身帶少少牛香; 而友人既生牛肉河既牛就覺得會比較滑身D牛.整體上二款既牛肉河又真係做得唔錯, 反而覺得佢地既小食就非常一般..牛油雞翼炸得好油連碟上都仍然有好多油; 而且亦無牛油香.我地食到一半時已經見到門口有一條人龍等位.整體上這店既牛肉河粉又真係唔錯,仲要唔洗加一價錢都公道..唔怪之得開業已有一段時間仍然會有人龍啦.地址:觀塘觀塘道418號創紀之城5期(apm)4樓19號舖

因工作關係，所以要5點幾到apm食飯之後再開工。之前一直想試錦麗㗎喇，但奈何超多人排隊。機會嚟喇！5點幾去，無隊，即刻入座。叫咗一碗生牛肉湯河！嘩，個湯底好清呀，完全唔覺得油膩。枱面仲有青檸、芽菜、魚露同其他配料俾你再加落去。正！

見新開又多人排隊同依個商場無乜新嘢就試吓。排排吓又幾快喎。先嚟係每人一杯落唔落由你控制芽菜同佢啲fd。窩心佢個菜單好簡單。唔多款式揀。叫咗綜合河粉。一嚟竟然都係有蔥同芽菜啲fd。收返窩心有生熟牛肉同牛丸。河粉比較碎。熟牛怪怪哋。牛丸羶味都幾重。裏面有啲怪硬粒。只有生牛肉ok。另外叫咗個炸蝦餅。入面好多香草配料。唔係好食倒蝦味。但都可以。話佢熟牛怪係因為臨尾食倒塊咁嘅色嘅牛。話都好食喎。咁攬佢就放佢一馬啦。另外叫咗僅有選擇嘅小食炸蒜雞翼。超好食。炸嘢好少衰。佢熱辣辣脆卜卜又夠大隻加埋蒜香好惹味唔會炸到柴皮咁。嘢飲叫咗甘蔗汁同香茅青檸梳打。甘蔗汁淡咗啲。香茅嗰杯真係有支香茅好正。好refreshing。不錯。

Was expecting a real Pho due to the commercials, i guess i'm wrong again.There are nothing like a real PHO (if you are from USA).Very limited choices on the menu. 餐牌無咩揀, 失敗. 啲"越南粉"一夾就散, 失敗中嘅失敗.

每次經過錦麗店鋪門外 總是排著隊朋友提議午餐去試一試三人行二點半左右到達 排隊約十分鐘茶餐廳式搭枱食 空間很細少一坐下枱上已放芽菜 青檸 辣椒等枱面清潔得不太干淨 店員不太理會客人掛住做自己野 一係就圍埋傾計下單叫左五聲都冇反應 收得呢個價錢 服務也應合理 錦麗生熟牛肉粉 先試一啖湯 好好味呀 湯底濃而不俗 忍唔住飲多幾啖呀！生牛肉滑口 熟牛肉好入味 咬落好林 生熟牛肉牛味濃略嫌河粉份量少錦麗熟牛肉粉錦麗生牛肉粉 （冇影相）牛油蒜蓉雞翼用新鮮油炸 很香牛油和蒜蓉味 很不錯凍薏米水不太甜 有姜汁味 不太習慣呢個味道

今天是第二次來。仍然要排隊，這回大概等了15分鐘。今次都是吃了生牛肉河、牛丸河、炸蝦餅、飲料是青檸崩大碗、青檸薄荷梳打。由落Order 到食物上臺約10分鐘。兩次來吃當然是希望取得中肯的食感：生牛肉稍嫌熟，牛丸師傅味太濃、湯是很好也熱騰騰，一啖湯一啖河粉，加上牙菜充足，有八分一青檸揸汁令湯清新，這無疑是更添越南風味。炸蝦餅有水準，一碟四件，蝦味充足夠彈口。飲品都OK.小店菜式選擇不多，是快一族不錯的選擇。

今天中午是我第3次光臨錦麗，之前過黎2次，都覺得唔錯，今次再來，保持一向水準，雖然湯底唔算太濃郁，但剛剛好，不啖不咸，好味到飲晒d湯，而最好食的是牛丸，牛味濃郁，大粒，食過番唔到轉頭，小食最推介是牛油雞翼，太香了。我會再去支持的！

我覺得可以接受，無想像中好食！牛肉唔滑乾，佢D湯好D,份量太少，我又叫咗杯香芧檸檬梳打飲，杯香芧檸檬梳打買相幾好，飲落口幾清新，杯裡面有條香芧當作匙用作篤檸檬用。

香港很流行過江龍的食店，尤其最近多了很多來自日本和韓國的拉麵和炸雞店，但是來自越南還是第一次聽見。難得假期，今日帶了爸爸到觀塘APM一間來自越南胡志明市的餐廳，主打生牛肉湯河的店。以前錦麗在越南時以車仔檔起家，愈來愈受客人歡迎，被稱呼為「最好食的越南粉」，果真沒錯。下午二時來到的時候，店面門口還是有長長的人龍，等了10分鐘方可進入就坐，不愧為過江龍喔選擇的不太多，以主食不同款色的牛肉湯河為主，另外有兩次三款小食如米紙卷和蝦餅，最後還有特別的越南飲品。小店的菜式沒有套餐提供，以散叫為主。左至右分別為是拉差辣醬，海鮮醬和魚露！是一種在美國加州生產的辣椒醬。是拉差，是泰國春武里府的一個小城。以香甜加辣為主，不會嗆喉，加埋海鮮醬來點越南粉的牛肉最正！這個食法是以前在美國的Vietnam Town學翻黎，以尊在休斯頓，朋友說當地的越南粉分分鐘好食過越南，名不虛傳！加上芽菜金不換等香料，我所有都加進了粉入面。青檸加左好開胃！而是次點的錦麗綜合粉，除了有生熟牛肉，仲有牛丸！先呷一口湯底，清甜濃郁，網上說湯頭，用牛骨與牛腩，加上草果、香葉、肉桂等香料熬煮而成，才做到濃而不膩。再加入香葉一嚐越南傳統食法

早前APM 開左間牛肉河，好似日日都排晒長龍，今日放假就可以去試一試啦。一點幾去到，人唔多，有吉枱，但D waiter都唔太主動安排人入去，要你排一排先問你幾位再安排入坐等左個零字終於入到去每個新坐底既客都有一杯芽菜，九層塔，青檸比你自己落，好體貼。香茅薄荷梳打，原條香茅，大量冰同薄荷葉...不禁諗起食神一句說話。支飲管有咁粗得咁粗，D冰有咁大粒得咁大粒，D野食有咁咸得咁咸，嗱嗱聲飲完又叫多杯......BTW,係幾好飲主角牛肉面，有7至8片牛腩，分量OK既試一啖湯，食神說話又應驗啦，咸，咸，咸！河粉幾滑，牛肉都稔，幾好。整體我就覺得一試就算，無乜好大衝擊

1️⃣錦麗綜合粉$58 評分: 7.5/10 一碗綜合粉咩都有🐶生牛肉、熟生肉同牛丸🙈牛肉湯用左6小時熬製，飲落幾香🙈吾會好油🐷食法可加上鴨舌葉，九層塔，青檸汁 芽菜一齊食👅或姐加辣醬同甜醬一齊食🙊肉方面，生牛肉係澳洲牛，食落牛味幾重，牛丸都係另一亮點，夠彈牙，牛味都幾重 2️⃣炸手作蝦餅 $38/4件 評分: 7/10 手打蝦餅，外層香口，口感吾錯 3️⃣大蝦扎肉米紙卷 $28 評分: 7/10 煙韌米紙配大蝦，就咁食係比較淡 4️⃣越南滴漏咖啡 $25 評分: 6.5/10 睇住佢滴漏既咖啡，下層係煉奶 上層係咖啡，但最好嗌少甜喔 5️⃣法式牛油雞翼 $32/4pcs 評分: 7.5/10 好重牛油味！食落好邪惡🙉但又幾香，加埋d蒜，食落幾香口 6️⃣雪梨崩大碗 $22 我就麻麻陣草青味🤔但友人飲得好開心 7️⃣小米糕 $38/4件 評分: 7/10 用𥺦米粉製成，食落口感似砵仔糕🐷撈上花生碎同魚露，鹹鹹地幾好食