錦麗 (創紀之城五期(apm))

營業中

休息中

見新開又多人排隊同依個商場無乜新嘢就試吓。排排吓又幾快喎。先嚟係每人一杯落唔落由你控制芽菜同佢啲fd。窩心佢個菜單好簡單。唔多款式揀。叫咗綜合河粉。一嚟竟然都係有蔥同芽菜啲fd。收返窩心有生熟牛肉同牛丸。河粉比較碎。熟牛怪怪哋。牛丸羶味都幾重。裏面有啲怪硬粒。只有生牛肉ok。另外叫咗個炸蝦餅。入面好多香草配料。唔係好食倒蝦味。但都可以。話佢熟牛怪係因為臨尾食倒塊咁嘅色嘅牛。話都好食喎。咁攬佢就放佢一馬啦。另外叫咗僅有選擇嘅小食炸蒜雞翼。超好食。炸嘢好少衰。佢熱辣辣脆卜卜又夠大隻加埋蒜香好惹味唔會炸到柴皮咁。嘢飲叫咗甘蔗汁同香茅青檸梳打。甘蔗汁淡咗啲。香茅嗰杯真係有支香茅好正。好refreshing。不錯。