錦麗 (創紀之城五期(apm))

營業中

休息中

原本同朋友打算去觀塘廠廈的一間餐廳, 它當天全場滿座, 因未有預先訂座而要另覓地方； 一直聽聞APM有間好出名既越南餐廳, 既然我同朋友都未太肚餓, 於是我地決定去排隊； 我們到步時是6:45, 門口已有約20多人排隊, 我們等左約30分鐘才被安排入座, 原來這裡主食牛河, 小食與飲品選擇亦不多； 我同朋友各叫了一碗綜合粉（即有牛肉、牛丸和牛腩）, 在調味架邊貼了食法指示, 我們便跟著指示加香料等, 第一步就是要飲一啖湯, 湯味道清甜, 沒有感到太重味精, 牛腩同牛丸都唔錯, 牛丸又香又彈, 在apm眾多餐廳中, 錦麗應該係三甲之選。

觀塘之前一直都沒有食pho 的餐館 錦麗開左一段時間 鍾意粉面ge 琴日我終於有機會去試下la我不食牛肉ge 純屬個人理由 非宗教因素 坐低先發現menu d pho 全部都係牛肉口味不過唔緊要 牛肉湯我是ok 的叫左個牛丸pho 走牛丸 每一碗pho 都奉送一碗配料 有辣椒、芽菜、九層塔 青檸 等等 都係我至愛 落左香好多 主角pho 黎啦面質不會過軟或過硬湯底鮮甜 有牛肉味但不會太over 我差不多飲曬d 湯ah一碗粉$54係商場黎講 都不算貴ge 要比舖租 無辦法啦

錦麗綜合粉 ($58)好似話係越南最好食既pho？！綜合粉有生熟牛肉同牛丸~牛肉幾香 都重牛味既 熟牛肉都唔會煮到韌 仲要似似地牛腱既部份 唔淨係有肥牛肉 份量亦足；牛丸有驚喜 好juicy咁爆唒汁 而且肉香十足又彈牙！每個客人黎到 佢都會俾一杯調味料幫自己既pho加料 入面有香葉 芽菜 青檸 同辣椒~因為個pho其實唔係好夠熱 所以唔中意食生芽菜既話唔好落 因為你浸到食唒碗粉佢都未熟架…另外 辣椒係落唒都唔辣既 要落佢枱面個樽辣椒碎先辣 落 一粒已經辣好多整體覺得唔錯既 但敗筆之處係個湯底到 佢食落係甜既 不過偏油 而且食完之後發現口渴左一晚 大大扣分

係網絡上見到來自越南既正宗河粉要係apm開店，不禁興奮了一陣子！！第一次來到既時間門口真係超多人排隊，於是決定下次冇咁多人再黎！但點知第二次黎既時候河粉竟然賣哂🙀🙀🙀得返小食，但我最想食既就係河粉啊！！！只好下次再黎！終於，第三次就比我食到喇，不過都係要排隊，但就一開店時咁多人，所以等左一陣都入得喇🤗～入面位置比較窄，客人與客人坐圓枱，都係搭枱坐架喇～食既時候難免有點點不方便，不過都係接受到既😊。同男朋友一人點左一個河，再加多一個小食，已經夠飽👍🏻係時候入正題💁🏻食物1.錦麗生熟牛肉粉由於心絲絲，唔知食生定熟好，所以一於兩溝喇😂但原來食落真係有分別！！個人推薦食生會較好味，因為比起熟既肉質較鮮嫩～～而河粉方面就超級滑的說👍🏻👍🏻非常好。至於湯底就普通，但就太過咸了！！就算跟桌面上既指引黎品嚐湯頭，都係冇咩分別，只係後者更有味。2.錦麗牛丸粉牛丸食落非常彈牙，其他方面同上。3.炸手作蝦餅熱辣辣，即叫即整～唔點醬食都已經OK，但點左會更好食😂～整體黎講，個人覺得小食可能仲好食主打既河粉，試一次都夠🤗

每次到APM逛遊路過錦麗都看到很多人排隊, 不論午餐或晚餐時段, 看到長龍都不想食了, 今晚6:00路過, 只見幾個人排隊, 數一數, 第三張枱就到我啦! 排~餐紙上…可選擇不多 牛…牛… 全部都係牛!柯打了… … 生牛肉河粉 當河粉上枱, 雖然時下喜愛相機食先, 但最好是趁熱喝一口牛湯味, 真的很鮮甜, 但不覺有香濃牛肉味, 試了第一啖湯後, 將九層塔等香葉撕碎, 全部放進湯中, 再加入青檸汁, 辣椒和芽菜拌勻, 可以開始大大啖吃啦! 河粉夠滑 不過仍然 “成餅”麵在碗內! 要自己夾散開, 夾著爽口的芽菜一起吃, 真的不錯 可惜主角: 牛肉有點乾身.凍越南滴漏咖啡 越南出名滴漏咖啡, 當然要試試, 待咖啡慢慢滴下完後, 把咖啡和煉奶攪拌, 再倒入冰粒中, 淺嚐一口, 雖說咖啡味不是太香濃, 但加了煉奶後, 口感細滑, 甜度適中, 如果不愛甜的朋友, 可能會覺得甜了些.食後感: 食物方面: 沒有大驚喜令我再來多次, 但食物質數是OK的.  環境方面: 被安排坐在近門口的長枱, 人龍就在我坐的長枱旁, 真的有點不自在, 像有廿幾對眼望著你, 如果下次再來而坐門口, 就不會光顧了! 太o

黎到已經好多人排隊，都好多人食！又有外賣大概等15分鐘左右就入得！需要搭枱！不過好食就得啦睇下餐牌先～自己寫～包無錯吾多野揀岩曬選擇困難症既人精而不多每個位都會有呢個配菜!自己加～～你知有時有人會吾鐘意金不換既味甘你又可以吾使揀返出黎枱面有支辣醬～用黎點牛肉好好味！主角黎喇～牛肉片半生熟！牛腩都好淋～牛丸都好好食～又彈牙～不過得半粒半粒湯底清澈得黎都好有味～吾會太濃👍🏼配左河粉～河粉比較細同好滑🤤紙米卷裡面都有金不換！蝦好新鮮又彈牙～吾會「煤」、配埋佢個汁～都好開胃蝦餅好彈牙仲有d類似芹菜既香菜！食落好夾好好味～又吾會油膩牛油蒜蓉雞翼～皮脆肉嫩小小油～但好香又吾會好濃滴漏咖啡～味道相當濃～底部會有練奶～等漏完自己溝混～再倒入冰杯～～～仲有叫左杯薏米水！吾記得影相！佢地既薏米水有小小薑味

難得夜晚入觀塘，於是去試試這間聲稱正宗越南河的餐廳，好失望。 😰以前屋企附近有越棧 ，成日都會走去食，因為方便快捷 ，唔洗諗咁多。後來，越棧搬走左，一到落雨天想食番碗熱騰騰的充滿肉湯味的河粉，總會掛念越棧，不是特別好吃 ，但很有回憶就是了。🤤這間餐廳見有很多人介紹，又有小小人排隊，心諗都唔會太差吧。。。。唉我叫左個綜合粉和牛油雞翼➡️🤷🏻‍♀️➡️綜合粉裏的牛肉，冇牛味，湯底很淡，只係靠青檸和其他香草提味。。。。🤦🏻‍♀️➡️➡️牛油雞翼: 好油!!!!!! 唔特別，出邊普通越式餐廳都係咁上下。。。。。總結: 伏到喊，臨走時見到其實係太興集團𣄃下嘅。。。FYI。。🤔🤔

由開張到而家，每次行過都見到店外排哂長龍打哂蛇餅，如果冇人排隊，就代表住果日已經全部售罄～受歡迎程度真係可想而知~~今次難得可以排到隊當然要把握機會好好試真d啦手作炸蝦餅，唔好睇佢個外型好似好普通咁～咬落去熱辣辣好香口，外表微脆之餘又唔會將裏面炸到乾哂，就咁食或者沾醬食同樣好味道！法式牛油蒜蓉雞翼，呢樣真係邪惡！因為一上枱啲香味已經不斷誘惑大家外皮係非常脆，而且蒜香味恰到好處，唔會太搶，雞肉又滑一滑！必食！然後就到是日主角河粉，佢有牛肉、生牛肉、牛丸、生熟牛肉同綜合幾款揀，為左可以試晒咁多款，當然要叫綜合款試吓先啦！係等河粉到嘅時候，侍應店員會先將配料一杯杯咁俾客人，大家就可以按自己嘅口味落配料唔使煩惱！以為得一粒辣椒咁簡單？原來佢哋會額外再俾多一碟辣椒，適合鍾意勁惹味嘅客人！結果筆記既朋友立即醒哂神，落左半碟😂驚唔知點落配料既朋友都唔使驚，店家好細心咁係每張枱角貼左點樣食！有埋教學勁正！主角現身喇！就咁睇就係我地平日食既牛三寶河粉唔太特別。但不試個湯底，立即明白佢受歡迎同排長龍既原因，好香濃，而且感覺好正氣好補身咁😂撈起睇下麵底都算多，唔怕食完唔夠飽！河粉相當有彈性！睇下餸方面份量都

越南過江龍，山長水遠黎觀塘試下啦！未點菜，已有一杯裝著香葉、芽菜、青檸、辣椒配料。叫左錦麗綜合粉，有牛丸、熟牛肉、生牛肉。湯很香濃，但不太有牛味，牛丸有驚喜，很彈牙，肉味濃，熟牛肉有啲似我地港式既牛腩，又淋又入味，生牛肉反而比較普通。麵質都很滑，有蔥花和洋蔥絲增添風味，最正的是那杯香葉配料，撕碎後加入湯中，即刻升grade幾倍，呢杯野最有Heart！不過眼見很多食客都沒有加這些配料，或只加了其中一兩款，感覺很浪費，因為很多港人都唔鍾意食芽菜香葉，希望餐廳改改制度，按客人要求而奉上。甘蔗汁，剛來到時蠻好喝的，清清甜甜，但冰粒溶化後就覺得偏淡了。整體來說都幾滿意，價錢又唔算貴，有時係街食碗普普通通越南粉都要4、50蚊啦！

每次經過apm 都見好多人排隊，令我真係好想試下係唔係真係咁好食！試完之後，終於明白點解咁多人排隊喇🤣真係係我食過最好食既越南河！佢餐牌上可以選擇既種類其實唔係太多，但貴精貴多，每樣食物都好似好好味咁～最多人叫既就係呢碗綜合牛肉牛丸河～湯底真係無得頂呀！好清好甜但又會飲到好濃郁既感覺～牛肉方面就不過不失～牛丸就一定要試，真係好好好味，佢明顯地係真材實料既牛丸，好彈牙亦好有牛味～下次我一定會叫浄牛丸河，我要一次食晒5粒😂😂😂食牛肉牛丸都記得試下點埋甜醬同少少辣醬，味道會估唔到咁夾!

由於去過越南食過好多正正越南pho ，所以對pho極鐘意食，清甜湯底同港式魚蛋河兩種完全唔同感覺同味道，見好多網上宣傳呢間野係越南第一，搞到好想試，六點半已經排長龍，但人流去得快半個鐘就有位，值得等。以下是食物，總括黎講價錢唔貴同抵食，比起越棧會覺得呢間湯底正很多😍😍超濃味鮮甜，小食好好味，特別係蝦餅😍😍但係牛油雞翼就認真麻麻，唔係特別出眾好食，但小食價錢合理，所以呢餐晚飯覺得好抵😍😍好好好食阿😍

趁著晚飯時間之前來到越南過江龍的pho店，來吃碗越南麵，主打以牛骨經許多小時而熬成的生牛肉湯河，所以選擇只有牛肉。選擇困難症的我見到有錦麗綜合粉，當然二話不說就選了那個，什麼也有得試一點。很快就端上來了，可按自己喜好，加上九層塔、辣椒粒、香葉、生芽菜、青檸汁，醬料如魚露、辣椒油、甜醬等等。湯頗香口鮮甜，越南風味，牛肉不肥膩，肉頗厚，牛丸亦頗彈牙，不過筋有點多，另外生牛肉浸在湯裡久了就變得太熟太乾了，所以建議盡快把生牛肉先吃掉。而河粉亦很滑，吸了湯的味道，很入味！不過個人還是較喜歡越南粿條。

開業幾十年 由越南過江龍黎到香港仲曾經比wallstreet journal譽為「全個胡志明市最好食既越南牛河」黎到香港 到底係咪依然咁好食呢?😂只能夠講 平有平食依個價錢值依個質素😂如果食開Brass spoon價錢同質素既朋友依碗牛河未必滿足到你地喇錦麗綜合粉 ($58)牛肉湯尚算鮮甜 但完全唔重牛味🤦🏻‍♀️唯一值得讚 就係湯底唔太肥膩生牛肉令人失望雖然有一定厚度 咬落唔鞋但肉質偏乾身💀 似打邊爐牛肉牛丸反而仲好食👌🏻😋-青檸辣椒既份量更加係少得可憐😭得一粒....整體黎講 未免吹捧得太過份...同金鐘Brass spoon冇得比😂我相信 越南錦麗係會比香港依間分店出色好多🎈法式牛油雞翼 ($32)-錦麗既小食反而幾好 價錢親民4件牛油雞翼只需$32賣相方面 牛油汁頗多而且頗香濃😆師傅好貼心咁剪開其中一邊方便客人食用-雞翼經炸過並淋上牛油汁和蒜蓉後過左幾分鐘後先食依然脆口👍🏻不過牛油汁就肥膩左少少唔知係咪新開張關係 質素會有參差見到對面枱碟雞翼一滴汁都無🙀

聽fd介紹過依間錦麗，好似講到好好食，唔食唔得咁，今日得閒少少就去左APM試下，間野基本就係得牛河，同幾款小食，好在11點25分去到，開始排隊入，坐底無耐，嘩!!!!出面以經要排隊!!!叫左個錦麗綜合粉，好似個名咁，乜都有dd囉，生牛肉、牛腩、同牛丸，每樣都真係得小小，唯有小食多滋味，湯底夠清，清得黎唔淡，幾鮮味，啖啖河粉都掛滿湯汁，幾好食!so far都唔錯，可惜d料太少，唔係好夠喉囉LOL.....另外叫左個米紙卷，完全唔好食，佢除左碗粉食得過，d小食應該都唔叫好過叫LOL......

錦麗綜合粉 $58————————————————整體得分：7分 (10分滿分)————————————————👅食評：1️⃣口感 7/10姐姐教食之前要趁熱呷啖湯，試下個鮮牛肉湯嘅味道先估唔到牛肉湯可以濃得黎清純，唔會好漿好溜，非常清粉唔會食食下碎晒，軟硬度對正常人黎講適中嘅，不過對👅黎講就淋左少少。2️⃣味道 7.5/10真係冇諗到個牛肉湯會咁高汁😍唔單止冇半點牛膻味，每一啖都充斥著濃濃嘅牛腩牛骨香！食個時可以因應自己喜好，加鴨舌葉、九層塔、青檸汁、辣椒同芽菜👅就鍾意另外攞隻碟仔載啲是拉差辣醬同甜醬沾點牛肉食更好味😋3️⃣抵食 7/10 一路食一路話，唉呀點解食極都有嫁😤但又唔覺係啲粉非漲，搞到食極都有喎😂58蚊黎講，雖然價錢係比平時嘅牛肉粉貴啲，但個湯好惹味之餘都幾多配料下☺️