錦麗 (創紀之城五期(apm))

營業中

休息中

錦麗越南牛肉粉專門店自1970年越南胡志明市開業依家喺香港 觀塘同九龍灣都有分店之前聽朋友講佢啲嘢幾好味所以有一晚咁啱經過APM就去錦麗食個晚餐先繁忙時間需要排隊等候餐廳算係速食型 食完就會被收碗餐具唔會坐得耐嘅一種所以等位都算快等左十分鐘就有位依度馳名嘅越南河粉基本上湯底同河粉都一樣所以只係需要揀餸有牛丸/熟牛肉/生牛肉或者綜合咩都有第一次黎食梗係揀綜合可以試晒所有三款餸裏面牛丸最好味好有牛味又彈牙 超鍾意下次黎食一定會叫全牛丸粉食河粉前先飲左啖湯底幾濃郁嘅牛湯味配料例如九層塔等香菜丶芽菜會分開上自行添加小食類叫左蝦餅丶牛油雞翼丶春卷蝦餅有芫茜味 個人唔食芫茜所以就不太喜歡牛油雞翼炸得過火左春卷就正常飲品叫左推介嘅凍椰青崩大碗崩大碗係越南特式飲品可以清熱解毒崩大碗屬性寒涼 孕婦同體質弱都不易飲用我覺得味道好似飲緊D芹菜汁帶少少甜環境氣氛： ★★★☆☆食物質素： ★★★★☆服務態度： ★★★☆☆

其實我都幾鍾意食越南菜但係喺香港搵到一間好食嘅越南菜真係唔係咁易 呢間咁咪標榜正宗越南菜 入到去 個decoration 好靚 我特登tea time嘅時間先去 避開左人流多果浸錦麗招牌綜合粉 牛肉 入口即溶 牛丸彈牙 河粉好滑 個湯好鮮味 油唔算多 最後我成碗飲晒😂😂😂 越南炸春卷 食落好似粉粉的 係芋頭紅蘿蔔絲木耳絲 生菜包住 點埋魚露 中和返個油膩感 好正再點左個冰滴咖啡 但無計 電話無電😩影唔到 越南咖啡唔落糖 落煉奶 好重咖啡味 係正宗嘅

二人假日下午排了15分鐘試試被美國Wall Street Journal譽為越南胡志明市最好吃的牛肉粉食物選擇不多、食客點餐快見多人排隊、大家都自律食完就走、turnover好快什錦牛肉粉有生熟牛肉、牛丸個人十分愛九層塔、請店員多給些先呷一口湯、牛湯精華所在、正！再將九層塔、鵝蒂放入湯，再加芽菜生牛肉不錯、浸至半生熟呈粉紅色牛丸最捧捧、像潮汕牛丸牛味濃郁而熟牛像牛腩，沒有特別下次會點牛丸粉法式牛油蒜蓉雞翼真係一試難忘平時去食越南菜一定會點牛油雞翼很多都是「浸」住一灘油上檯錦麗的雞翼真係一絕外面脆身入面嫩滑蒜蓉牛油味好出但不會過油推薦！

門面光鮮，感覺唔錯就入去試吓！原來要坐得好迫而且好似車仔麵咁自己剔嘢食，湯粉選項不外乎牛同蝦，其實香港人好多都會戒呢2樣嘢，畢竟毒同敏感嘛~但都有人排隊，證明佢有實力！錦麗綜合粉~湯底好重牛味，牛肉片、牛腩同牛丸份量都足夠，多元化集於一身，但好可惜個粉根本淥得唔夠透，一餅餅咁，要自己撩開咁囉~扣分呀﹗大蝦扎肉米紙卷~其實米紙本身無咩味，不過有個好香既汁配埋就好夾喇~法式牛油雞翼~炸得好脆口，入面嘅雞肉仲保持到嫩滑多汁~牛油睇落好似好多，但食果吓又出奇地唔覺好膩bor~滴漏咖啡~食完個粉先滴哂，要忍一陣唔可以心急既item~炸春卷~唔會炸得太燶十分香脆薏米水~薏米又有去水腫嘅功效，而且佢加咗薑，感覺好養生最離譜係結帳時，收銀員表示唔收卡，我諗喺apm佢都算係稀有地唔收卡的食肆，好彩咁啱有現金喺身，如果唔係就真係要留低洗碗喇~

本來偏愛食牛河的我，去完越南更對牛肉Phở念念不忘。得知觀塘APM開了家有Phở食的錦麗，當然當然是去試試！店位於四樓，空間不算大但裏面食客都坐得密密麻麻。店內除了用越南帽做燈飾就沒有其他能代表越南了每位客人枱上都放一隻裝著芽菜、香葉等預備放入Phở內，這更是無限量供應。三個人叫了一碗雜錦牛河、生牛河及兩份越式小食店員放低食物時態度真是有待改善。錦麗綜合粉有生牛肉、熟牛肉、牛丸湯頭偏甜，牛肉份量當然不能跟越南媲美，味道亦一般，牛丸的牛味極濃，最像樣是河粉了，但都偏腍小小。這個Phở不過不失吧。法式牛油蒜蓉雞翼一碟四件，炸得略脆，牛油味豐富反而蒜味不出，非常邪惡越式炸春卷以米紙包著木耳絲、甘筍絲等，用料正宗，配酸汁食非常開胃又減少熱氣感是日APM店本來寫兩點關門個最後因爲湯底沾清，所以提早關門。真係人人愛食Phở👅

每次經過apm都見呢間餐廳好多人排隊，以為味道應該會好好，所以都心思思想試。有日早放工，下午5點左右經過，見到無人排隊，即該入去試。我地兩個人，分別叫左錦麗綜合粉同錦麗熟牛肉粉。結果好失望。d粉太冧，d湯又無咩味，牛肉又無特別，唔好話正宗越南味道，一般既水準都達唔到。而且份量比較細，女仔食岩岩好，但男仔可能會唔夠飽。如果以同樣價錢，我會揀同是在apm的御泰坊或連鎖的越棧，佢地既河粉都比呢間好味。仲有，如果你唔叫野飲，係度係連杯水都無架。

APM都有很多選擇，最後還是決定簡單的越南麵。叫了一個牛丸粉、一個綜合包括生、熟牛肉、牛丸粉，牛油雞翼、香茅薄荷青檸梳打和凍椰青崩大碗。越南河粉出名牛肉、牛丸和湯底，今次就試試看，這店常常排隊，心想一定很好吃😋結果最欣賞是飲品而已牛丸有雪味，而且牛味很濃，這可能我不太喜歡重牛味至於生熟牛肉，只不過全都熟了。湯底也很清淡，可加入牛骨煲湯會更好。至於牛油雞翼，賣相吸引且很香，但欠缺味道，應該是無味的

上菜時碗是熱的！這是在香港越南粉店首次遇到，給點誠意分。湯底清澈見碗底、味道香甜，也是廚房夠誠意表現。眼香份量細，食落覺飽肚，可能是選用牛肉脂質均勻，吃多了動物脂肪。

聽聞前排APM商場新開左一間越式湯粉店，吸引吾少人黎，本身麻麻地越南菜既我都比人搞到心思思想試下去既時候系晏就，2點幾去到，同朋友排隊咁岩原來我地已經系最後一個即系我地後面戈個已經截左龍，頭湯賣完就要得到5:30先有番湯粉食，戈陣得番小食同飲品，如果系下午去既人記得早啲去。冇乜私人空間，入到去先知原來係要同人搭枱，除咗排排坐食粉果嘅長枱之外，仲有款係圓枱，一張圓枱坐6個人，逼逼地，食嘢嗰陣動作大啲就會撞到隔離嗰個餐牌其實真係唔多菜式，不過以食嘢嘅經驗黎講，一間餐廳專做嗰幾味反而係好好食，因為做太多嘅菜式就好難專注喺同一款菜式入面，菜式質素吾能會參差，所以對呢間餐廳嘅食物都有啲期望。聽聞黎到識食一定系食綜合粉，材料有生牛肉、熟牛肉、牛丸，首先講下個湯，其實個湯好油⋯⋯生牛肉則太硬，系側邊戈兩舊牛腩同埋牛丸反而吾錯，牛腩兩舊都軟林林，牛丸既味都幾鮮。另一招牌菜系炸手作蝦餅，$38有2件，同友人叫左4件黎食，味道不錯，吾會太硬亦吾會太油，系正宗蝦餅既味，不過吾中意食芫茜既我真系覺得芫茜味重左啲，始終吾系個個中意隻味，如果少啲芫茜味道好完美。飲品都系傳統既越式飲品，原本想揀椰青不過好貴，最尾揀

喺apm行完街之後見到呢間好出名嘅越南餐廳就走左去試下~ 我地去食嗰日係平日夜晚黎~ 但都要等一陣位 值得留意嘅係 佢一定要你齊哂人先會俾你入去坐🙈 原來錦麗嘅餐牌只有5款河粉 (其實都係將佢拆開咁😂😂😂😂) 我地叫左佢最出名嘅綜合河粉 有生熟牛肉 牛丸 都算幾多材料 湯底好香好濃 撈埋個河粉一齊食好正~ 牛丸好彈牙小食方面, 我哋叫咗個大蝦米紙卷~ 其實即係粉皮包住啲菜粉絲同埋大蝦係一齊 幾特別不過略嫌乾身呢 呢間冇想像中咁好食 可能地方比較細嘅關係搭枱之餘都食得好急因為店員會係咁叫你走呢😐

貨真價實 價錢好抵食 湯底清甜 加上青寧汁更加甜 相對食物質素比較apm分店較好 而且每日既4點30就會售罄頭湯 為了食物質素受到保障 客人可以食到牛肉既鮮味 5點30會再次供應新鮮牛肉湯 如果想避免人龍可以趁依段時間提早排隊特別推介牛油雞亦 好香口 但好油 名乎其實用牛油制作 雞亦迷可以值得一試如果有檬粉就更正希望會出更多有越南風味既面類比客人選擇 因為店鋪只有牛肉選擇 令到一啲吾食牛既客人就會冇得食 吾食牛既客人只可以選擇小食紙米卷亦有為我們健康之選既牛油果推介

差唔多9點先放工，太肚餓喇，所以食埋嘢先返屋企。咁夜又唔想食咁多，醒起之前見過報導介紹錦麗就去APM試試。喺餐廳出面昅到裡面有打橫坐嗰啲長枱，咁1個人食嘢都唔會尷尬啦。餐牌有5樣粉揀，有小小選擇困難嘅我唔使諗梗係揀綜合粉啦！枱面會有指示教人點食呢個粉先係最正宗。芽菜同其他配料都可以任叫。登登登登！粉唻到1開始就試吓個湯，清甜，有牛味。綜合粉有三樣料，生牛肉：唔係1般薄切肥牛，而係手切牛肉咁厚身，有𡁻囗熟牛肉：好腍又入味牛丸：牛味重，可惜碗裏面嗰三粒其實每粒得半粒碗粉好好味，最後我食晒啲粉連湯都飲晒。呢個份量啱哂女仔食，食完就返屋企休息啦！

今晚約左朋友放工做運動。運動前當然要醫飽個肚先啦，唔係邊有力做運動啊(誤)。近近地去apm逛下有咩食。最後揀左呢間越式湯河。由於我地去到嘅時間算早，所以唔使等位可以直接入去。我地order完，原來出面已經大排長龍，好彩早到一步。過江龍嘅魅力果然非同凡響。佢嘅選擇唔算多，以湯河為主，另加幾款小食，同特飲。是日叫左熟牛肉河，佢嘅牛肉淋滑，一啲都唔痴牙，份量足夠。湯底十分清甜。每位均附有芽菜，金不換，青檸等。店內台上有溫馨提示點用呢啲伴菜， 加左伴菜個湯底層次即刻豐富左，忍唔住飲多兩啖湯。牛油蒜蓉雞翼，外層炸得十分香脆，入面嘅雞肉仲保持到嫩滑多汁。但牛油同蒜蓉味唔突出，只有鹹味，有啲失望。食飽飽，抖一陣，做運動去。

另一個不是越南餐廳，但出售越南著名食物。 味精湯，不是原型的越南米粉，非常油膩的雞翅，迷你大小的苗條卷，強糖梨Rao Ma飲料等。 所有的食物，我從1到10分。 我給了7分。 隨著服務，分享表，快餐店安排，價格。 我只給了5分。 但是，當我看到工作人員為您服務時。 他們的手清潔桌子觸摸臟東西。 他們用同樣的手來服務你的食物。我會給負-10分。Another not Vietnam restaurant but sale Vietnam famous food. MSG soup, not original type vietnamese rice noodle, very oily chicken wing, mini size slim shrimp roll, strong sugar Pear Rau Ma drink...etc. All food, i give from 1 to 10 points. I give 7 point. With the service, share table, fast food shop arrangement, price. I giv

星期日下午兩點等左大約15分就可以入座，叫左碗錦麗生熟牛肉河，朋友食生牛肉河，再加多個法式牛油蒜蓉雞翼。叫生熟牛肉河就可以兩樣都試哂，牛味好濃郁，又唔會韌！個湯底真係一流，清得黎又好濃郁唔會油，食完啲河粉會忍唔住飲多幾啖！河粉會配一杯配料，有芽菜青檸同香茅葉，鐘意食既朋友可以無限添加。個雞翼好好食啊，一定要食！好香口，外面脆，又唔會炸過龍，正啊！餐廳裝飾都算有心機，一張圓枱坐7至8人，需要搭枱，不過唔會好逼，都坐得舒服。