錦麗 (創紀之城五期(apm))

營業中

休息中

今晚約左朋友放工做運動。運動前當然要醫飽個肚先啦，唔係邊有力做運動啊(誤)。近近地去apm逛下有咩食。最後揀左呢間越式湯河。由於我地去到嘅時間算早，所以唔使等位可以直接入去。我地order完，原來出面已經大排長龍，好彩早到一步。過江龍嘅魅力果然非同凡響。佢嘅選擇唔算多，以湯河為主，另加幾款小食，同特飲。是日叫左熟牛肉河，佢嘅牛肉淋滑，一啲都唔痴牙，份量足夠。湯底十分清甜。每位均附有芽菜，金不換，青檸等。店內台上有溫馨提示點用呢啲伴菜， 加左伴菜個湯底層次即刻豐富左，忍唔住飲多兩啖湯。牛油蒜蓉雞翼，外層炸得十分香脆，入面嘅雞肉仲保持到嫩滑多汁。但牛油同蒜蓉味唔突出，只有鹹味，有啲失望。食飽飽，抖一陣，做運動去。