錦麗 (創紀之城五期(apm))

營業中

休息中

Apm既食店大部分已經食過，不過近日就進駐左一間新既越南粉，個名都幾特別，同我同事個名一樣。 每次經過都見大排長龍，好想知佢威力有幾勁，今日特登早少少出黎排隊。 排左一陣就可以入坐，食物選擇唔多，全部都係湯河，仲有小食等等，價錢喺apm來講算平價。 因為大家入黎一定會食湯河，所以一坐底店員已經遞上芽菜等配料，枱上亦有各式醬汁自己添加。 錦麗綜合粉 $58雖然只是一碗湯粉，但十分豐富，裡面有生牛肉，熟牛肉和牛丸。生牛肉好快已經熟透，口感稍腍。熟牛肉感覺似牛腩，頗有嚼勁，又有脂肪位。牛丸都幾彈牙。食之前可以先加入餐廳已預備的薄荷葉，青檸及辣椒粒。湯底的酸咸討好不過份，味道濃而不膩，與口感滑的河粉配合得不錯。 不得不提，雖然店內好忙，店員的服務態度仍然好好，而且湯河質素確實比一般的越南粉高，難怪次次都排滿人。