鋿晶館

營業中

休息中

呢日同屋企人嚟咗荃灣市區嘅一間點心店食午餐 喺門口經過見到呢個時間近早市時段 全場爆滿 所以我哋就入咗嚟食啦😎 11點前有醒晨孖寶同埋正價點心紙好多項目都有八五折㗎 多人幫襯都唔出奇嘅🥳 月半彎晶瑩鮮蝦餃呢個蝦餃非常大粒 皮薄餡靚用呢句形容完全唔誇張🦐 蝦肉幾彈牙 入面蝦嘅份量應該有兩隻 食完真係好想再加多籠😂黑松露北菇燒賣皇面頭嘅黑色部分係黑松露 北菇燒賣王入面都有好大粒蝦仁 豬肉部份都幾彈口又新鮮 整體味道唔會好鹹🐷 齒頰留香脆蘿蔔腸脆蘿蔔腸真係唔係度度地方有得食 所以一見到就好想嗌嚟食下🥰 腸粉外皮啱啱好 唔會太厚 入面嘅蘿蔔 蘿蔔絲再加埋脆脆 餡料好豐富🥕 鮮蝦菜苗餃晶瑩嘅餃皮包住好大粒嘅蝦仁 同埋菜苗 菜苗好嫩口 三隻都大大隻 好抵食🥬咱家秘製叉燒包叉燒包餡料豐富 入面仲有好多叉燒粒粒 叉燒醬調味同個包好夾 即叫即蒸香噴噴🍞百吃不厭鹹水角炸鹹水角嘅外皮比較橙色 鹹水角嘅皮好煙韌 每粒鹹水角炸到脹卜卜好飽滿😄 呢度嘅點心好高質素 如果喺優惠時段嚟更加抵食😙 點心種類多 下次仲想試呢度嘅牛肉球😛

得閒就想飲啖茶，食個包！喺荃灣廣場附近，地方乾淨企理，職員招呼都唔錯！所有點心即叫即做，聽講師傅係多間米芝蓮酒店及大型連鎖酒樓集團做主管，經驗豐富！老爺鮮蝦腐皮卷（$36）外皮卜卜脆，包住新鮮大蝦，好味推介！月半彎晶瑩蝦餃（$20）外皮唔算太薄，但蝦肉新鮮爽彈，大大粒口感滿足！黑松露燒賣（$38）大粒飽滿，充滿肉汁，如果黑松露味再突出d就更正啦潮州粉果（$22）係我食過最足料嘅潮州粉果，花生香脆、仲食到蝦米粒，口感勁豐富呀！鮮蝦菜苗餃（$30）一樣好大粒包滿菜苗，新鮮爽脆，配搭健康！百吃不厭鹹水角（$22）外皮香脆，內裏軟糯，餡料係蝦米、肉碎、香菇，加埋香甜惹味，下次都會再返點！半肥不瘦叉燒腸（$33）腸粉嘅皮夠嫩夠滑，包住好多叉燒，同樣係好味推介！

之前係旺角食鋿晶館，爸媽都非常滿意，佢哋啲點心現場即點即做，價錢都合理唔貴。行街發現荃灣都有分店，太好喇🙌🏻👉🏻蝦餃、燒賣可以叫2粒非常好，試多幾款唔會太飽。兩樣都皮薄餡靚冇咩肥肉，好正。👉🏻鮮蝦菜苗餃好多蝦肉，菜苗夠晒鮮嫩，感覺健康。👉🏻齒頰留香脆蘿蔔腸好中意食呢款腸粉～入面係非常香脆嘅蘿蔔絲，即叫即炸熱辣辣。👉🏻咱家叉燒包啲阿姐服務態度幾好，會推介有咩點心係招牌，又介紹師傅做過東京富麗華同埋米芝蓮酒店🥳

見好耐冇飲茶，就揀左位於荃灣福來邨對面的手作點心店。餐廳所有點心都係即叫即整，店員態度好好，服務好周到，非常親切。聽店員講先知，點心師傅曾於日本東京富麗華就職多年，serve親都係富豪、名人、明星等，返港後亦係多間米芝蓮酒店以及大型連鎖酒樓集團做主管，經驗相當豐富同有水準！ - 手作腸粉 - ⦁齒頰留香脆蘿蔔腸 $35腸粉嫩滑，包住炸蘿蔔絲網卷，絲網卷入面包裹的唔係蘿蔔絲而係蘿蔔條，加分加分。令到口感同份量更加十足，加上外脆內軟組合，簡直係完美配搭！ - 香脆美點 - ⦁濟寧蒜香蝦春卷 $36黎到發現份量都幾大，因為現炸，黎到個陣熱辣辣兼脆口，所以食個陣要小心😘。淨睇切面已經覺得餡料好多，食落仲要好香蒜味🧄，好滿足。 - 南北包點 - ⦁咱家秘製叉燒包 $21本身我唔太鍾意食叉燒包，因為以前食過好多都係叉燒又乾又硬。今次見大佬食第一啖，d汁多到漏出黎，已經叫大佬留番個俾我。食落真係有驚喜，多汁之餘，叉燒唔乾唔柴。👍🏻👍🏻👍🏻- 蒸蒸日上 - ⦁月半彎晶瑩鮮蝦餃 $20/2粒⦁黑松露北菇燒賣皇 $18/2粒蝦餃燒賣可以揀 2 / 4 粒，岩晒乜都想食而食唔多既朋友仔，所以我地各

經過呢間野唔少次，不過仲未試過，繼續都係發掘荃灣西附近嘅野食，睇下有冇驚喜🥢齒頰留香脆蘿蔔腸🥕 $35平時飲開茶見到有都會揀呢款，入面包住蜂巢型嘅炸蘿蔔絲卷，正😋🥢月半彎晶瑩鮮蝦餃 🥟（2粒）$20呢到嘅蝦餃真係必嗌！大大粒，比平時食開嘅蝦餃大好多，餡料有兩隻大蝦🦐皮薄餡靚，鮮味十足🥢黑松露北菇燒賣皇🍄 （2粒）$18黑松露迷表示ok😍冬菇豬肉燒賣表面放上少少黑松露，菇味濃郁，值得一試🥢百花釀魚肚🐟$42魚肚吸晒啲湯汁好入味，上面嘅蝦滑都幾多，爽口彈牙🥢濟寧蒜香蝦春卷🦐 $36春卷兩大條開半，入面見到飽滿蝦肉同蔬菜，外面金黃香脆，熱辣辣勁香口🥢鳳爪排骨金鳳飯🍚 $34呢到嘅蒸飯竟然係用金鳳米🤩🤩正中我心❤️蒸出黎嘅飯特別香軟，直頭將個飯昇華左，排骨偏肥，逢星期一至五仲可以搭配套餐，送燉湯🍲同時令蔬菜🥬，抵叫👍🏻👍🏻🥢茶位🫖$7相比茶樓飲茶就平一半有多，如果想飲啲特色茶，仲可以另外加錢揀白桃烏龍、玫瑰烏龍、人參烏龍、桂花鐵觀音等等點心整體比一般集團式酒樓好食，推介👍🏻

好耐都無早餐飲個茶食個包喇！ 呢日早上同男友去開荃灣嗰頭，諗起之前上網見過有呢間即點即做手作點心店好似幾唔錯，而且聽講點心師傅喺日本東京富麗華做咗好多年，專為高層、名人同明星服務，又喺香港多間米芝蓮酒店同大型連鎖酒樓集團做主管，經驗好豐富~加埋餐廳係自家品牌，當然唔會錯過啦！ 🧡齒頰留香脆蘿蔔腸（$35）腸粉皮包住啲脆脆，入面帶有軟淋蘿蔔絲，軟脆口感非常夾，唔錯！ 🧡濟寧蒜香蝦春卷（$36）春卷炸得香脆酥口，餡料飽滿結實，蒜香味十足，好食！ 🧡咱家秘製叉燒包（$21）叉燒包入口舒服，餡料高質，醬汁濕潤調味好，肉質爽淋唔乾柴，肥瘦適中，讚！ 🧡月半灣晶瑩鮮蝦餃（$20）蝦餃大大隻非常飽滿，內裏包住有足兩隻蝦，蝦肉新鮮，咬落爽口彈牙充滿蝦味！ 🧡黑松露北菇燒賣皇（$18）大大粒燒賣，黑松露味突出，燒賣肉質厚實，咬落充滿豬肉香氣！ 🧡黑椒醬皇金錢肚（$30）黑椒味香濃，金錢肚夠哂爽口，份量亦好足！ P.S. 呢到嘅姐姐服務態度非常好，加分！

荃灣沙咀道臥虎藏龍小店有米芝蓮質素即叫即整手作點心作為荃灣人，已經食過呢間手作點心好多次，已經係我飲茶必去嘅地方，我中意佢地所有點心即叫即整，服務態度好，啲姐姐好親切！好啱傾，今次去先聽啲姐姐講，話佢地師傅曾經喺日本東京富麗華做咗好多年，serve親都係明星、名人、富豪咁，返嚟香港仲喺米芝蓮酒店及大型連鎖酒樓集團做主管，怪唔之得咁好食，同埋啲點心咁presentable！又靚又好味齒頰留香脆蘿蔔腸 $35最中意食呢間嘅腸粉，之前一直叫開叉燒腸，已經覺得勁好食，今次第一次試蘿蔔腸，腸粉依然好嫩滑，入面有包住炸蘿蔔絲脆脆，外脆內軟組合，完美配搭黑松露北菇燒賣皇 （4粒）$34呢間可以叫兩粒或四粒，由於我同老公都好中意食，所以今次叫夠四粒！上一枱已經聞到好香黑松露味，燒賣比坊間酒樓更大粒，一咬開覺得好彈牙，肉質厚實有口感，有大大碌鮮蝦碌，好鮮美。月半彎昌瑩鮮蝦餃（４粒） $39大大粒蝦餃，鮮蝦爆量，餡飽滿實在，皮薄要小心夾爛呀，又係比坊間大粒20%，蝦身爽脆彈牙，食得出超新鮮。外皮煙韌，我自己食咗三粒。濟寧蒜香蝦春卷 $36好大份量，食完勁滿足，餡料有好香蒜味，炸得香酥脆口，要小心辣親呀，因

第一次的起心肝寫comment 因為實在太嬲 。1：56pm外賣一個臘腸滑雞飯，好唔好食未知。因為太不滿，所以未食都想寫完comment 先。2：09pm吹阿姐有未，有問廚房，但未有。要等到2：20pm話唔要，先有得攞。要等 差唔多半個鐘先有嘅外賣蒸飯實在太難接受。

餐廳其實係荃灣廣場後面，位置都幾方便。鍾意食點心的我，晚市都來食返一盅半件。香茜滑牛腸牛肉腸粉份量多，腸粉外皮超糼滑，sir一聲就落左喉嚨。牛肉加上果皮和芫茜調味，不會太單調。脆皮蝦多士是厚多士，感覺有點像炸饅頭，外皮脆，肉裡又鬆軟。加上鋪滿表面的爽彈蝦膠和黑白芝麻，食落香氣四溢，口感十足。馳名南翔小籠包上枱熱辣辣，小籠包的外皮很薄，一咬落去，肉汁四溢，湯汁鮮美，十分高質。招牌流沙包包的外皮鬆軟，內裡的流沙效果一流，蛋黃漿緩緩流出，和奶香平衡得剛好，食落超滿足。月半灣晶瑩鮮蝦餃蝦餃皮晶瑩剔透，裡面的餡料超飽滿，蝦肉爽彈鮮甜，必食。紫金名醬蒸鳳爪鳳爪炆得超軟腍，食落又夠惹味，鼓汁很香。臘腸滑雞金鳳飯用砵煮的飯粒粒分別又有米香，加上超嫩的去皮雞件和臘腸的汁和油香，食落暖笠笠又飽肚。餐廳的點心是自家制，即叫即做，所以食落溫度夠，味道也達標。加上款式超多，岩晒咩都想試的我。侍應姨姨親切有禮，大家都食得很盡興。

今日放工突然好想食點心。上#openrice 揾到呢間#鋿晶館 。記得之前係#上環 行#永安百貨 附近見過佢。不過今日我就去間近我嘅#荃灣 分店食食佢。上網見佢話係日本嘅高級餐廳做左好多年，之後番香港就做米芝蓮酒店嘅主管。所以到啲點心都有番啲期待。想知啲點心整得好唔好，就一定要試下腸粉同蝦餃。💋#蝦餃作為一個老母好鐘意飲茶嘅女兒，我都會成日去下唔同酒店飲茶。佢依間嘅蝦餃，真係有酒店嘅質素。先講個皮，薄而唔爛，仍然好有texture. 蝦有兩三隻爽口大蝦係入面。所以你見到個size 真係好大隻。高質！💋#脆蘿蔔腸粉依個蘿蔔腸粉我第一次見。佢就好似腸粉皮包住加左少少辣味嘅蘿蔔絲酥，外脆內軟。腸粉皮亦到做得好岀色，唔軟爛。💋黑松露北菇#燒賣皇最怕燒賣入面包左勁多肥膏。但依個燒賣食落一啲都唔油膩。入面嘅肉打到好綿滑，北菇好香，加上黑松露，成個口都係菇味。💋鮮蝦菜苗餃餃入面嘅菜苗仲係好新鮮。一定係即叫即包先會有依種菜味。如果係提早整定嘅雪藏貨，啲菜會變到好淋。由此睇得岀佢嘅點心係自家制。總括嚟講，性價比好高。下次想食點心，我會再嚟依家幫襯。同類型#點心店 ，我覺得完勝#添好運 。

平日一早來飲早茶，其實相比酒樓的價錢不是很便宜，但食物質素值得這價錢，比一般酒樓高水準。平日早茶有優惠套餐，正價點心都有85折，點了鳳爪排骨飯、小籠包、叉燒腸、菜苗餃、蝦餃。先說一下菜苗餃非常飽滿，而且很重薑汁味叉燒腸是我覺得吃過最滑溜的粉皮，不誇張其實夾開的時候已經感覺到，不過忘了拍照，下次再去的時候補拍吧小籠包有驚喜，大大粒，內裡的湯汁很鮮味，值得推介，至於另外兩樣其實也不錯啦，但我下次會想再上試試其他，見到點心紙有蝦多士、雙皮奶，希望下次可以食到啦。茶位每位6元，只有普洱和鐵觀音可選，其他茶葉要另外再收錢，但全店不設加一收費，見到有不少公公婆婆都來光顧。

今日放工時間去左食點心，食得非常之滿足。聽聞呢度嘅大廚係嚟自星級酒店。平民價錢就食到五星級質素嘅點心，性價比高。點心賣相好，見到都好想食。呢度嘅待應服務態度好好，啲姐姐非常之親切濟寧蒜香蝦春卷呢個點心好特別，香脆得來非常之足料，仲好Juice，因為餡料有菜蔬嘅關係又唔會覺得太膩，喺其他地方食唔到。咱家脆皮蝦多士呢個點心都好特別， 厚厚嘅多士上面有一層彈牙嘅蝦膠，厚多士炸得好酥香，有少少似炸饅頭。黑松露北菇燒賣王黑松露真係比足料！好重黑松露味，鮮蝦好爽脆，做得非常好！月半彎晶瑩鮮蝦餃同鮮蝦菜苗餃呢度嘅餃都整得好出色，皮薄餡靚，材料豐富又新鮮。總括而言，呢度係平民嘅高級點心明物店，真心推介！

今日去左荃灣西呢邊行街，有Aeon有donki好多野行，夜晚行過見到呢間點心店入面幾多人幾好生意，我地又好耐冇食點心，所以就入去試下。一入到去啲姨姨好好客咁招呼我地坐低，再好快咁幫我地開左壺鐵觀音，俾我地一路嘆茶一路揀點心食。因為我地行左好耐，都幾肚餓，所以都叫左唔少點心，蝦餃、燒賣、叉燒腸、叉燒包、春卷、鹹水角、鮮蝦菜苗餃。點心黎到樣樣賣相都好吸引，然後第一口食落去真係超驚喜，感受到咩叫新鮮滾熱辣，啲食材又新鮮又夠曬熱，超好味！原來呢度所有野都係即點即做！而且每件點心都超足料，例如蝦餃咁，平時去酒樓可能得一粒蝦，但係呢度有三粒，而且啲皮都夠曬薄，點心師傅既手勢都好好！另外都好想特別讚下佢嘅春卷同埋腸粉，佢嘅春卷入邊嘅料配搭得非常好，加埋佢哋嘅醬汁，外脆內軟嘅口感，成件事非常惹味，仲有因為佢嘅春卷係同平時d茶樓嗰種卷法唔同，所以佢呢一隻春卷啖啖有好多餡料，唔會有一口佢淨係食到啲皮，好好味。 腸粉方面，一食已經feel到師傅嘅功架，佢嘅腸粉嘅皮唔係啲好林好容易碎晒嘅，而係非常之有彈性， 黏力好夠，食落去口感好彈牙，同時皮薄餡靚，做過米芝連餐廳既師傅真係唔同d！超值得推介既點心餐廳，好滿足

一早同朋友👫去咗行山⛰️，行完山之後落咗荃灣，想食個簡單嘅 early lunch，行幾步😆，見到呢間小餐廳🥢，食點心，幾啱我哋呢日嘅需要😆，咁就決定入去開餐😆我哋叫咗幾個點心share嚟食😆：包括「鮮蝦菜苗餃、黑松露北菇燒賣皇、月半彎晶瑩鮮蝦餃、齒頰留香脆蘿蔔腸、咱家脆皮蝦多士、蒲江春鮮竹牛肉球」，基本上全部都幾好味😋；其中特別啲嘅有「鮮蝦菜苗餃」，有啲似「鮮蝦粉果」再加爽脆嘅蔬菜，好味😋；「燒賣」上邊加咗少少黑松露，幾香😋；另外「蝦🍤多士🥪」上邊脆卜卜下邊嘅麵包就好鬆軟😋仲有，呢度嘅食物名字真係改得幾有心思😆

平日晏晝冇時間去飲茶，唯有夜晚先去點心嘅專門餐廳。喺荃灣區，我必然會揀「鋿晶館」，平民價錢就可以食到大酒樓嘅質素。月半彎晶瑩鮮蝦餃（兩粒）最抵讚係佢可以嗌半份蝦餃，可以試多啲唔同嘅點心。蝦餃皮夠薄，晶凝通透，可以見到鮮蝦嘅淡粉紅色。蝦嘅份量頗多、夠新鮮，而且夠彈牙，食得出蝦嘅鮮味。黑松露北菇燒賣（兩粒）大大粒嘅燒賣，配上肥瘦度適中嘅豬肉，食落口感夠爽口，配埋冬菇和黑松露香濃嘅，味道十分豐富。鮮蝦菜苗餃餃子皮做得晶瑩通透，所用嘅菜苗都好幼嫩，食落唔會有渣，還帶出蝦嘅鮮味。齒頰留香脆蘿蔔腸外層粉皮夠滑，然後包住十分鬆脆嘅網狀中層，最底層再充滿鮮甜嘅蘿蔔絲，口感層次豐富。濟寧蒜香蝦春卷春卷皮炸得好鬆脆，內裏鮮蝦混入雜菜，令整件事變得健康，而且蒜香味濃郁，啱晒我口味。最後食埋個滑滑大良燉鮮奶，大滿足