金鳳大餐廳 (D2 Place TWO)

營業中

休息中

說起港式鋸扒，便一定會想起的金鳳大餐廳🍴是小編的童年回憶之一(曝露年齡系列🤣)小時候總會跟父母一起到此進餐～小編小時侯最喜歡的便是它們的餐包🤣這一次小編在逛市集後看見了這間餐廳🍴所以便進去尋找回憶裡的味道🤣#貴族牛扒 $188首先是餐湯和餐包，分別點了紅湯和白湯各一🤣不得不讚的是羅宋湯🤤完全是回憶中的味道🙈而且材料十足，絕無偷工減料🤣味道濃郁而蕃茄味道香甜～配搭帶甜的餐包，令人回想起小時候的味道❣️而套餐包括了餐湯、餐包、主菜和飲品～這次小編點了貴族牛扒，即是美國牛肩肉，價錢略為偏高一點，不過物有所值！肉質鮮嫩而且不會有太多筋🤤而且是美國🇺🇸高級牛肉，有質素保證～味道小評分：😋😋😋😋😋/5#牛柳餐 $108而白湯是經典港式忌廉湯🥰，屬於不太濃稠的忌廉湯，內裡有一些肉碎和粟米粒🌽～另外點了牛柳餐～同樣牛柳是牛肉中較軟腍的部位，而總共有兩大塊牛柳，底部放滿了薯角和不少蔬菜🥬牛柳經過醃製所以味道較濃～味道小評分：😋😋😋😋/5🌟喜歡可以Like&Follow, 有你的支持是小編的動力🌟整體味道指數：👍🏻👍🏻👍🏻👍🏻/5性價比：💰💰💰💰💰/5環境：💕💕💕/5服務：✅✅✅✅/5打卡指數：📸📸📸/5

金鳳一直係童年回憶，今日去開荔枝角知道有分店滿心期待咁去，結果換來一肚氣同失望服務態度：去到有幾個人排緊隊，當時只係8:45pm, 員工竟然話9點半要截單，等到就等，唔一定入到，一副唔想做既態度，不過當時其實都係等3張飛，所以照等入座時間係9點正，餐牌都未拎比我就催落單強調9點半要截，大拿拿仲有半個鐘！同埋你唔比餐牌我我點落單呀？到想落單，叫極都冇人應，有個男員工仲要落落下走左去再換個人黎上菜，叫左5成熟鐵板上，黎果陣係碟上，叫佢換番，黎到起碼8成熟囉餐包又硬又凍，扒過熟，羅宋湯似罐頭湯完全冇樣野得👎🏿咁既食物質素再加咁既服務態度真係唔會有下次，貼錢買難受我唔知係餐廳退步定個別分店問題但呢間野真係好趕客囉，童年回憶都破壞埋

金鳳茶餐廳出名性價比極高的扒房，作為平民的小女子當然要光顧一番(✪ω✪)午市套餐除了主菜之外，更附送餐包、湯和飲料，份量對於小女子非常大又令胃口大滿足(๑´ڡ`๑)食評：7.5/10 💛💛💛價錢：7.5/10 💛💛💛推薦度：7.5/10 💛💛💛🔺野菌鑊仔牛扒（配沙律）HKD$62 💛💛💛💛初初看見「鑊仔」名字，總以為會用小小的鑊上菜，感覺幾特別(∂ω∂)最終出來的結果只是用簡單的西式餐碟上菜，看來是我FF太多(￣▽￣)/牛扒非常軟熟，不會過硬咬不開，口感、熟度對於小女子剛剛好(σ′▽‵)′▽‵)σ野菌鋪在牛扒面上點綴，感覺幾襯(▰˘◡˘▰)套餐可選飯、意粉和沙律，小女子選取了沙律，沙律醬非常多，配有不同種類的蔬菜，口感清新，份量又大滿足ヾ(´ε`ヾ)除了有蕃茄之外，最特別的是居然有大量的爽脆青瓜，不是每間餐廳都採用，呢一點非常特別，認真抵讚(ᗒᗨᗕ)/🔺牛油餐包、忌廉湯、熱奶茶（隨套餐附送） 💛💛💛正常水準，附送小女子喜歡的牛油餐包💛忌廉湯尚算杰身、濃郁ヾ(*´∀ ˋ*)ﾉ相比之下，熱奶茶卻差一點點(⋟﹏⋞)茶底不夠濃郁，奶味都少少(╥﹏╥)

之前去過D2 Place Two，講真人流真係唔算多，唯獨呢間金鳳大餐廳門外堆滿客人等位！不過foodie 係唔會因為要等位就放棄架！我一定會排除萬難，直到食到為止😆，（況且香港人最鍾意排隊，因為多人排就係好野😁），食完真係要捧住個肚走，好飽呀🤰🏻～🌖大蝦牛柳餐 $158本身想叫鮑魚牛柳餐，因為我最鍾愛新奇組合，第一次睇到呢個combination 梗係order 啦，可惜無曬貨🥲。好在大蝦🦐都唔錯，唔會霉之餘仲要有咬口又易剝殻；牛柳份量攞曬分，一碟有三大件，仲要嫩滑多汁，加埋生蒜🧄同黑椒汁就更加惹味，不過你就要預咗會有一陣生蒜味，分分鐘吸血殭屍嚇得走😆。🌗香燒羊架餐 $153一份有三大件，骨嘅比例唔算多，但其實有部份係脂肪嚟，切走之後會係正常份量，食落都好夠飽。肉嘅羶味唔算重，生熟亦都啱啱好，唔會太生入唔到口或者太熟咬唔開。🌖黑牛、雪糕紅豆冰跟餐加$18 仲有得叫特飲，雪糕球🍨有預先冷藏過，唔會好快就溶，食曬件扒都未溶曬，飲之餘仲有甜品食😋。平時去餐廳見到侍應可以一手拎住幾隻碟已經覺得好勁，估唔到連熱辣辣🔥嘅鐵板都可以！餐廳經理單手已經可以拎住四份鐵板餐，一轉可以同時送到五份餐，奇人

突然間好想鋸扒，而家香港🇭🇰都絕無僅有幾多間好食嘅地道🥩扒房，難怪等位等到超過一個鐘都繼續等🥺.選擇離不開🐽豬🐮牛🐑羊🐓雞，貪心嘅叫份雜扒咩都有得食，最緊要係淋上醬汁💦嗰吓「滋滋聲」，呢份感覺係最窩心😌———————————————————————————🍽丅骨扒🐮、西冷牛扒🐮、羊架🐑💬份量十足，塊扒仲大件過塊鐵板🤣，熱🔥辣辣加入黑椒汁滿瀉咁滯，啖啖肉實在好滿足☺️

D2 Place 都算係我近年最想去嘅商場，因為商場pet friendly, 可以帶埋狗仔一齊行街，甚至乎一齊食飯都冇問題，當然成為我行商場嘅首選。今次就揀咗食金鳳大餐廳，品嚐港式風味牛扒。餐湯套餐包左餐湯同埋餐包。羅宋湯算係佢哋嘅招牌菜，有大量嘅蔬菜之餘亦都帶有香辣味道，一試難忘。貴族牛扒（美國牛肩肉）牛肩扒肉味香濃，牛扒厚身，口感甚好，有咬勁，又爽口彈牙嘅感覺。如果你同我一樣鍾意食厚切牛扒，呢個真係你嘅不二之選。美國牛小排餐牛小排肉質結實，肉香十足。相對貴族牛扒而言佢會比較薄少少，但係鍾意食牛仔骨嘅朋友都知道牛小排嘅味道真係一流，鍾意食軟林林口感嘅朋友一定要試。食金鳳，真係記得要食貴族牛扒！今次個侍應姐姐仲教我地可以試下叫碟上咁先係最正！可惜我地已經落左單叫鐵板下次一定要再試下！

懷舊感覺充滿歲月回憶，❤長期都人氣高企，lunch time更加係多人等位。今日tea time見冷門時間終於人少少，🤓一定要趁機嚟試下先，叫咗佢嘅招牌羊架，set仲有羅宋湯或者忌廉湯，餐包，同飲品，🥳豐富之餘好飽肚。羊架上到嚟，份量好大好抵食，一共有4大舊，🥰店員會係你面前先倒醬汁，煙霧騰騰，好特別。食落真係好有肉汁，鮮嫩之餘，口感好好，而且唔會好肥，😙最啱我哋想keep fit嘅女仔。熱杏仁霜同樣唔錯，加錢都值得。

#港式eatcovery #荔枝角eatcovery💡 最具代表性嘅港式鋸扒餐廳鋸扒有人選擇到高級餐廳食靚西式牛扒，但小編就對港式鋸扒情有獨鍾，今次搵到間平靚正又經濟實惠嘅鋸扒餐廳。🍽 羅宋湯紅湯配料好足，入面有好多雜菜，香濃好味。加上湯係微辣，飲落就更加惹味，停唔到🤣🍽 周打魚忌廉湯湯嘅質地偏稀，但仍然保持到有魚肉同忌廉味，湯入面仲加左啲黑椒胡椒味，令成碗湯飲落更加濃滑creamy！🍽 野菌鑊仔牛扒飯牛扒有兩大塊，真係大件夾抵食😋😋 牛扒煮得夠入味，又唔會太老，keep到嫩滑。食落去鬆軟，完全唔韌，港味十足！配菜有甘筍同翠玉瓜，可以換下口感，唔會咁悶。🍽葡汁焗牛肉意粉意粉係粗身嘅意粉，煮得比較腍身。而葡汁加入忌廉，令成個汁好濃郁同creamy，夾埋意粉食就啱啱好，唔會太dry。另外，牛肉嘅外皮有煎炸過再拎去焗，所以食起上黎牛肉入面仍能保持嫩滑，不過就咸左小小。🍽 柚子檸檬梳打係D2place分店期間限定， 柚子蜜加上新鮮檸檬、梳打，飲落去好清新，啱曬而家夏天飲，即刻啹曬！🥰#荔枝角美食 #荔枝角 #港式 #好西 #平民美食 #荔枝角食咩好 #港式扒 #葡汁焗牛肉意粉 #葡汁 #鑊仔牛

去開荔枝角，夜晚係D2 Place搵野食。上次食過金鳳其他分店覺得唔錯，今次就試下D2 Place呢間。D2 Place金鳳人流好旺，坐滿人，需要等位先有得入座。金鳳的扒餐包餐包、餐湯同飲品，都幾抵。餐湯我揀左紅湯，好濃蕃茄味，我幾鍾意。餐包送上黎係暖的，幾貼心。我今次揀左西冷扒，肉質算細嫩，同時又大件夾抵食，食到好飽。老公揀左羊扒，我怕羊膻味無試到。老公食開羊肉就話覺得幾多汁幾好味。扒餐鐵版上，好夠溫熱度。職員亦都淋好多汁落去。飲品我另外加左錢，升級做雪糕紅豆冰。我鍾意港式懷舊飲品，雪糕紅豆冰好適合夏天! 飲品可以後上，咁就唔怕雪糕會溶。

D2 place 不嬲都幾多好野食，呢間都幾出名，成日都大排長龍。我地兩點嚟到餐廳已經有人等緊，都要等咗一陣先有位，不過絕對值得等。BBQ汁西冷牛扒 $62食西餐通常一切塊牛扒就知質素，呢塊牛扒超易切，唔會有根切唔到，咬落好軟腍腍。個汁就係普通平民扒房嘅燒汁，不過唔會太咸。六十蚊就有咁嘅質素，認真唔錯。午餐配餐湯同餐包，湯有紅湯白湯揀，白湯個味幾濃郁，仲有雞肉。牛油餐包好食，超鬆軟!夏威夷豬扒 $58豬扒比起牛扒更有驚喜，豬扒夠大份，肉質比較軟。雖然個汁同牛扒係一樣，但係都算幾夾，上面仲有菠蘿同翠肉瓜。

金鳳係香港豉油西餐代表之一，歷史悠久，名物港式鐵板扒加蒜蓉，食到嘅係果份港式扒房浪漫回憶，另外出名性價比高，抵食夾大分。今次嚟到位於荔枝角D2 Place 嘅分店食午餐，午餐套餐有主菜丶飲品丶餐湯及餐包。野菌西冷牛扒美國西冷牛扒厚身大塊，點左七成熟，切開入邊仲有少少紅色，肉質鬆軟，容易入口。另外伴碟嘅雜菜好多，有肉有菜，感覺健康。歐陸拼盤歐陸拼盤即係All day breakfast，材料好豐富，有吉列炸蝦丶炒蛋丶薯格丶奶油脆豬丶茄汁豆等。奶油脆豬份量好大，外層微熱脆口，內裏鬆軟，炒蛋夠嫩骨，吉列炸蝦同薯格即點即炸，食落酥脆。羅宋湯羅宋湯好足料，雜菜好多，味道酸酸辣辣咁，濃郁開胃，加埋落左牛油嘅餐包一齊食好夾，餐包暖暖地同好鬆軟。唂咕唂咕係老香港飲品之一，估唔到係金鳳都有，可以飲到嚐純可可嘅香氣，即使係凍飲，都可以飲到味道濃郁帶苦澀嘅味道。熱咖啡叫咗一杯凍嘢，另外試下杯熱咖啡。咖啡口感絲滑細緻，味道濃郁，好適合配埋歐陸拼盤等菜式一齊品嚐。

長沙灣D2 2期有一間以港式傳統鐵板餐馳名的懷舊餐廳-金鳳大餐廳今日終於有時間去會一會了😂落單之後即刻送上熱辣辣嘅餐湯🍲 & 餐包🍞-蘑菇忌廉湯 綿滑濃郁都幾好飲-雜菜羅宋湯 辣辣地相當唔錯，如果個湯再濃啲就更好啦！！-餐包熱辣辣好軟熟，配牛油食一流🤤主菜超級大份夾抵食·雜扒餐有豬扒、牛扒、火腿、香腸、薯菜等，份量驚人豬扒勁大塊，仲大塊過我塊面😂豬扒、牛扒肉質彈牙，而且超Juicy·帶子牛柳餐帶子超大粒超新鮮，一啖一粒超級滿足🥰牛柳2大塊，超級厚切7成熟的牛柳，嫩滑多汁，肉質鬆軟口感一流👍👍👍跟餐奉送凍飲熱飲☕️ 特飲 + $18（原價$35杯)·雪糕紅豆冰 雪糕+紅豆永遠都係最佳拍檔·黑牛 朱古力雪糕+可樂🥤呢個超好飲值得推介🌟依家堂食、外賣自取都有好多優惠✨

（其實連食都無食到，態度太差所以試吓寫，睇吓admin批唔批）一入到去個待應就呼喝咁叫我哋寫紙，又粗魯咁問「量咗體溫未啊🙄」，明明我哋已經量哂⋯⋯佢望都無望就問，態度差兼無心serve我哋入去。未坐低已經令人感覺好差，廢事成餐飯都要受氣就走人食過第二間。唔明點解啲客忍到，香港人真犀利😂p.s. 次次去d2經過見到啲待應都係西口西面西態度，相信唔係單一事件🤷🏻‍♂️

唔知幾時開始物價飆升到四五十蚊一餐飯都好閒。有時四五十蚊食堆豬潲般嘅劣食都要催眠自己「係咁㗎啦」。原來唔係㗎！呢個價位都可以有堪比高級扒房嘅質素！即使已經到咗下晝接近三點，呢間座落荔枝角D2 Place嘅金鳳大餐廳依然座無虛席，我同朋友都等咗十零分鐘先有位入座。我哋叫咗瑞士西冷牛扒（$62）同夏威夷豬扒（$58）；一碗羅宋湯一碗雞蓉忌廉湯；飲品就一杯熱咖啡同一杯熱檸水。西冷牛扒同夏威夷豬扒嘅份量大到令人驚喜，完全符合扒房嘅定位，遠遠超越一般茶記嘅質素（但價錢居然唔差得幾多，真係抵到爛！）而且好難得可以食到美國扒香嫩又帶韌勁嘅肉質，易咬兼且充滿肉汁，食到停唔到口。相比起外面好多煎到太硬梆梆嘅扒，呢間扒房簡直嘅五星級教材！甜餐包同餐湯都幾好。餐包有成個拳頭咁大，比得好豪邁。我飲嘅羅宋湯黑椒味都幾夠，啱曬我呢啲鍾意嗰種辣辣哋刺激感嘅人。熱咖啡都有啲驚喜，睇色相都大概估到奶比得夠足，而且飲落口個質地好柔滑，非常舒服咁流過喉嚨，可見咖啡同奶嘅比例拿捏得好好，味道上同口感上都好細膩（又一個超加分位！）tldr：好正，好抵，快啲去食！———————————————#金鳳大餐廳 金鳳大餐廳 (D2 P

自小都在大角咀金鳳吃午餐，在荔枝角金鳳是第二次了。我是喜歡哪種懷舊感覺而去，對食物的質素及要求都不會有太高要求。可惜今次實在太氣忿，真的忍不住不寫下食評今次點了兩份假日午餐，其中一份是黑松露蟹蓋天使麵，來到只見到4條蟹柳，味道就不要提了，看看我食剩的相片就知道。我作出投訴，侍應反應是「你落單時無人話你知賣哂蟹蓋嗎？」我真的無語，沒有任何道歉，沒有任何賠償，我還是去回大角咀吃好了，希望還可以見到老闆老伙計聊聊