金鳳大餐廳 (D2 Place TWO)

營業中

休息中

唔知幾時開始物價飆升到四五十蚊一餐飯都好閒。有時四五十蚊食堆豬潲般嘅劣食都要催眠自己「係咁㗎啦」。原來唔係㗎！呢個價位都可以有堪比高級扒房嘅質素！即使已經到咗下晝接近三點，呢間座落荔枝角D2 Place嘅金鳳大餐廳依然座無虛席，我同朋友都等咗十零分鐘先有位入座。我哋叫咗瑞士西冷牛扒（$62）同夏威夷豬扒（$58）；一碗羅宋湯一碗雞蓉忌廉湯；飲品就一杯熱咖啡同一杯熱檸水。西冷牛扒同夏威夷豬扒嘅份量大到令人驚喜，完全符合扒房嘅定位，遠遠超越一般茶記嘅質素（但價錢居然唔差得幾多，真係抵到爛！）而且好難得可以食到美國扒香嫩又帶韌勁嘅肉質，易咬兼且充滿肉汁，食到停唔到口。相比起外面好多煎到太硬梆梆嘅扒，呢間扒房簡直嘅五星級教材！甜餐包同餐湯都幾好。餐包有成個拳頭咁大，比得好豪邁。我飲嘅羅宋湯黑椒味都幾夠，啱曬我呢啲鍾意嗰種辣辣哋刺激感嘅人。熱咖啡都有啲驚喜，睇色相都大概估到奶比得夠足，而且飲落口個質地好柔滑，非常舒服咁流過喉嚨，可見咖啡同奶嘅比例拿捏得好好，味道上同口感上都好細膩（又一個超加分位！）tldr：好正，好抵，快啲去食！———————————————#金鳳大餐廳 金鳳大餐廳 (D2 P

自小都在大角咀金鳳吃午餐，在荔枝角金鳳是第二次了。我是喜歡哪種懷舊感覺而去，對食物的質素及要求都不會有太高要求。可惜今次實在太氣忿，真的忍不住不寫下食評今次點了兩份假日午餐，其中一份是黑松露蟹蓋天使麵，來到只見到4條蟹柳，味道就不要提了，看看我食剩的相片就知道。我作出投訴，侍應反應是「你落單時無人話你知賣哂蟹蓋嗎？」我真的無語，沒有任何道歉，沒有任何賠償，我還是去回大角咀吃好了，希望還可以見到老闆老伙計聊聊

因為2個仔考試成績都唔錯，所以獎佢地食餐好嘅😋🎉就帶咗老公同阿仔佢哋去D2 Place 嘅 「金鳳大餐廳」鋸扒，滿足吓3位食肉獸😂. 金鳳稱得上老字號的平民扒房，特別係返工仔女，點都會食過😀 諗番起以前返工，間唔中都會同d同事lunch去金鳳鋸扒，常餐價錢，可以食到大大份扒，超滿足！😊今時今日依然保持「抵食夾大件」嘅特色👍😍 . 仲以為荔枝角工廈區平日晚會冇咁多人，點知一樣咁爆場，要攞籌等先有位😳 可能我好耐冇返去荔枝角啦，原來金鳳都勁多小朋友食😂 依家d小朋友真係好幸福呢😁豐富嘅晚餐有：2個仔識食，揀美國扒餐😂🙈細仔揀➡️ 美國德州頂級西冷餐 (碟上) 大仔揀➡️ 美國牛小排餐 (鐵板上) 👍😋老公揀➡️ 什扒餐 (鐵板上) 至於我呢👉👈 係負責執2個仔手尾，因為d扒餐好大份，佢哋一定食唔哂😆服務員先送來羅宋湯同忌廉湯、餐包，唔知大家有冇人同我一樣，好鍾意扒房d餐包呢？😆 唔知點解特別香又軟熟架,😁😋 我飲羅宋湯，酸香帶一點點辣感，好惹味，唔鹹good，令人想encore 👍 🥩個人推介「美國牛小排餐」😎❤️當晚選了淋上黑椒汁，唔會好辣，小朋友都食到 👍😀 (因有d地方整得好重黑椒，未必個個

🌸荔枝角美食🌸金鳳大餐廳🥩今天晚上到了荔枝角D2 Place閒逛❗然後就發現了一間人氣歷史悠久的港式扒房餐廳 - 「金鳳大餐廳」的分店，更被店內傳來的陣陣鐵板牛扒的香味吸引著❗因此今晚決定在這間扒房吃招牌扒類套餐👍🏻餐廳鋪面寬敞舒適而且五臟俱全❗而且餐廳極具復古格調，有以紅磚色的懷舊古老梳化的座椅，配上優和的燈光，充滿著歷史港式扒房風格❗而服務員的工作態度也十分友善，他們都非常之清楚了解餐廳提供的食物❗能夠向客人詳盡地介紹餐點❗餐廳的座位寬闊，客人都能在輕鬆舒快的環境下享受餐點❗扒房的餐點價錢親民，份量十足❗炎炎夏日，近期餐廳也推出了各式各樣的夏日特色飲品❗餐廳設有晚市套餐（包括前菜及飲品），我們一行2人共點了以下餐點：1️⃣🌟鮑魚牛柳餐 🥩（黑椒汁） $158這是鐵板牛柳塊配飽魚的套餐，包含了2大塊份量十足厚厚的牛柳扒、一隻鮑魚、粟米柆、甘荀條及扭紋薯條。是次我們惠顧了五成熟的牛柳，而牛柳在熱烘烘的鐵板上，細心的店員在替客人加上醬汁前會提醒客人用附有的紙巾遮蓋著身子以避免被醬汁濺到。香濃美味的黑椒汁加上熱烘烘的牛柳鐵板時，「咋咋」的聲音拌隨著牛柳的香氣漸漸散發出來，充滿淡淡焦香，肉質鮮嫩

小時候爸爸會喺特別日子帶一家人去金鳳鋸扒。D2 有間金鳳，接老公放工順路就去懷緬一下鋸扒時光。5點半即刻入得餐湯餐包先到羅宋湯同忌廉湯配上熱辣辣餐包羅宋湯味濃不稠，有微微香辣味，唔會好刺激。甜酸辣調配得好好，夠哂暖肚醒胃。餐包軟熟加上牛油真係好味。美國貴族牛扒5成熟碟上，黑椒汁另上牛扒大大塊好有睇頭，牛肉味濃，切開係粉紅色，肉質好鮮嫩，睇得到JUICY。脂肪較少，肉質彈滑，沾上黑椒汁就夠哂惹味。配菜薯角脆卜卜，小朋友爭住食。美國牛小排5成熟碟上，蒜蓉汁另上牛小排肉質細嫩，一切就已經切得開。啖啖牛味湧入口，牛味勁重，食落口感好鬆軟好獨特。沾上蒜蓉汁，蒜香味讓牛味倍增。加$2 有新鮮蒜蓉，香口辛辣味道讓肉味更上一層。懷舊雪糕紅豆冰紅豆粒粒軟棉加埋雪尼雪糕甜味岩岩好一家食得好滿足

因為近公司所以lunch成日叫午餐。牛扒豬扒大塊得黎唔係茶記果啲垃圾雪扒， 算ok。 如果見牛肩肉就最好試下，唔係大塊，但堅係進口野，幾有牛味，唔係日日有的。炒野，意粉果啲就正常，你可以話佢偏貴，但唔會比垃圾你，無伏。焗野就唔好叫外賣，啲錫紙盒唔多掂，有時會成個面燶晒堂食就唔怕叫。同埋佢個啡係即磨的，抵讚！！午餐外賣用app訂有專用套餐，有心思， good.要彈既就係忌廉湯同茶記一樣垃圾白汁溝水，紅湯就幾足料，多菜，不過無肉

金鳯好耐好耐以前吃過晚鈑，今特去D2 2期試吓午餐，D2 2期好多食肆，但金鳯都要排隊等齊人才可入座，可見頗受人歡迎，慶幸員工們都快手快腳，坐低無耐就有餐湯和餐包奉上，食到5成時，主菜餐茶就上了，雖然等位等了20多分鐘，但因上餐很快，依時食完仲夠時間上班，不用遲到。👍🏻 我們倆人都點了相同午餐，可能牛扒餐$62真係至底食。個紅湯好好味，有少少辣又夠濃，如果大碗D更好主菜份量充足，可配飯/意粉/薯菜或沙律，我們都選了沙律呀😋碟係有兩舊牛扒的，不過配得兩條磨菇，開頭碟野送到面前時仲以為兩條野係薑絲添😅，牛扒煮到7成熟，故仍很鬆軟可入口易咬。沙律份量頗多，我們都食剩各一舊牛扒，終於要打包拎走，埋單$125，同場沒影到凍檸茶餐茶，其實都很大杯下，咁嘅價錢而份量又足，下次若無帶飯要出街食，金鳳絕對係不二之選。

好耐好食過鐵板餐..今日黎左幾十年歷史既金鳳..同一般懷舊冰室一樣…都係主打食鐵板餐餐包黎到熱辣辣同埋好軟熟而湯個味道就普普通通..唔係太濃凍檸茶同雪糕紅豆冰呢杯紅豆冰非常推介鮮奶加上好有咬口既紅豆，加埋雲呢拿雪糕甜味剛剛好。雜扒餐有豬扒，牛扒，火腿，香腸和少量薯菜。豬和牛肉質都多汁，重口味既人可以加2蚊有新鮮蒜泥，蒜泥辛辣香口，但加左就完全遮蓋肉味。T骨扒餐叫左6成熟，不過不失..但我本身喜歡有咬口既肉質，呢款扒肉質有點軟爛既口感。

第一次食金鳳嘅分店亦第一次試佢地嘅下午茶裝潢同餐牌都同總店好唔一樣西冷牛排配薯格（$51） （薯格已經換成薯角）西冷一向都比較硬身，可能因為價錢，都幾細塊下，同鐵板西冷唔一樣，牛味同肉質都唔同，鐵板好食啲。薯角方面就正常，都算脆，但本身好想食薯格，店員都唔知幾時會有番薯格，可能短期內都唔會轉番。蒜蓉汁就冇咩蒜蓉味，但味道唔錯嘅呢個餐有埋餐包同湯，同總店一樣，包熱湯熱！好食！吉列豬柳什果沙律（$38）豬柳有驚喜，好香豬味，炸皮夠脆，雖然好平，但比牛扒仲大塊，什果沙律好大堆，不過有好多西芹，味道太搶。兩個餐都包飲品，冷熱同價，冷飲唔駛加錢都好大杯，抵飲，但味道就麻麻，奶茶完全冇茶味，檸茶好少少咁多，當有啲野飲下就算。總體如果食mood去番總店，分店勝在唔駛排隊，未食鐵板比較唔到味道，另外服務亦幾好，有禮貌，上菜好快。

週末晚餐時段的金凰，食物依舊保持。但提醒各家長要謹慎看管自己的小朋友。眼見最少有兩枱送餐時專揀有兒童位置放餐。顯然意識到方便他們。但以一間以鐵板餐馳名的大餐廳實屬危險動作。更有一枱家長好言相勸也詐作聽不到。作為一間以兒童為首的商場，金凰真的有改善的空間。不只是好食的食物就能給顧客這種所謂服務。

話說尋晚係D2搵野食，經過金鳳，男人比佢陣香味吸引左，大大話話都有超過十幾年無食金鳳啦已經坐低揀野食既時候，留意到枱面無抹得乾淨，特選晚餐餐牌上面有粒蒜蓉，就連隔離梳化位都係咁，竟然有滴湯都無人肯抹，鋪內衛生情況有待改善講返食物，最後我地一份叫左牛肩肉碟上5成熟，180蚊左右，本來呢個係跟薯格，不過侍應話無唒，只可以變薯角，咁佢都講到只可以，咁咪薯角囉另一份叫左西冷3成熟，呢個預設係鐵板上，加左2蚊要蒜蓉，兩份扒都係蒜蓉汁餐包正正常常，不過個紅湯認真麻麻個牛肩肉幾好食，不過180金鳳好似貴左啲，最後兩個人330埋單連埋2杯凍檸茶

Shitty experience with shitty food and shitty service with shitty price tag. Let's start with the food, you can lower your expectation to the bare minimum of Just Etable, the texture of the steak is god awful biting into it was like eating a freakng sponge, on top of that the disgusting taste of stale meat oozed out, seeped through your teeth not even the overpowered garlic and pepper can mask the rotten sense.And that's the nice part, the service you getting there align with being caged in a Zo

真係好難食！難食都要寫食評晚市好多人，排左20幾張枱。。。但食物係咁嘅質素。。。呢塊叫肉眼？真係薄過紙，嗌7成熟，咁薄其實=全熟完全無牛味，無肉味，唔知自己食緊乜，我都無食過咁難食嘅扒，茶餐廳80蚊嘅鐵扒質素都好過佢朋友食T骨，塊扒係厚好多，不過一樣無肉味，肉質好淋，但係鬆化到好似食空氣咁，無牙嘅阿婆唔洗咬都吞到落肚，究竟塊扒嘅質素可以有幾差？究竟落左幾多野去令塊扒發脹到唔似一塊肉？另外，扒下面幾塊薯格鹹到爆，完全食唔落咁嘅肉眼餐都要$174，仲要加$1，差唔多$200，真係差到無野講

行過荔枝角道成日都見到金鳳門口大排長龍，我估應該都好食掛，今日喺CGV睇完戲，佢果個商場都有金鳳，咁就決定去試下！等位嘅過程都算順利，雖然都有成十幾張枱，但係都係等咗大概20分鐘左右就有位啦！一入到去，佢舖位比較細所以啲枱都比較密！我被安排咗係個角落嘅二人枱，咁我一個人坐當然就冇乜問題嘅。金鳳最出名嘅就係鐵板餐加蒜蓉，咁我就order咗個鐵板牛柳黑椒汁加蒜蓉，雜菜湯，熱奶茶。唔夠2分鐘，個湯已經嚟咗，仲跟埋個餐包添！個湯入邊有好多料，一飲個湯，一股好強勁嘅蕃茄味，但只有蕃茄味，冇其他味！個包就睇得出係嘉頓嗰啲餐包仔，冇驚喜。飲完個湯，個鐵板牛柳就出現啦，佢會比定塊大嘅紙巾你去遮住彈出嚟嘅汁。一上個扒，佢會俾時間你去打開塊紙巾，佢就會落汁，渣渣聲好似好high咁！咁佢渣完之後，就開始食個扒啦！個扒好大塊，鋪滿晒成塊鐵板，切落去個下都好冧，我叫5成真係嚟5成熟！但食落口，完全冇牛味之如，仲要個黑椒汁冇味，成塊牛都係冇味，好在加咗蒜蓉，咁就仲有一陣蒜蓉味！我食咗一半就放棄咗！至於跟餐嘅薯條，由於佢放喺塊牛扒嘅底度，索埋啲黑椒汁，嘩！成件事肥到呢，咬落條薯條會成口油。配菜仲有我極度唔鍾意食嘅翠

黎過幾次，都真係因為d食物好食，我先keep住黎。但食埋今日呢次，就算d食物再好食，我也不會再幫襯。首先，已經唔係第一次經歷員工扮望唔到我舉手。今日果個明明望到都係照唔理我，最後第二個員工幫完佢先走黎睇下係咪要幫手。另外埋單時，收銀果個俾說話我聽，話我食唔哂。大佬，未叫過個餐，比我想像中大份，我已經好盡力食，食唔哂都要有說話聽，呢度又唔係放題，我都係叫一份餐，我又無叫到成台野食唔哂，洗唔洗咁都俾說話我聽？唔會再幫襯，已經唔係第一次食到頂住條氣。