金鳳大餐廳 (D2 Place TWO)

營業中

休息中

第一次食金鳳嘅分店亦第一次試佢地嘅下午茶裝潢同餐牌都同總店好唔一樣西冷牛排配薯格（$51） （薯格已經換成薯角）西冷一向都比較硬身，可能因為價錢，都幾細塊下，同鐵板西冷唔一樣，牛味同肉質都唔同，鐵板好食啲。薯角方面就正常，都算脆，但本身好想食薯格，店員都唔知幾時會有番薯格，可能短期內都唔會轉番。蒜蓉汁就冇咩蒜蓉味，但味道唔錯嘅呢個餐有埋餐包同湯，同總店一樣，包熱湯熱！好食！吉列豬柳什果沙律（$38）豬柳有驚喜，好香豬味，炸皮夠脆，雖然好平，但比牛扒仲大塊，什果沙律好大堆，不過有好多西芹，味道太搶。兩個餐都包飲品，冷熱同價，冷飲唔駛加錢都好大杯，抵飲，但味道就麻麻，奶茶完全冇茶味，檸茶好少少咁多，當有啲野飲下就算。總體如果食mood去番總店，分店勝在唔駛排隊，未食鐵板比較唔到味道，另外服務亦幾好，有禮貌，上菜好快。