金鳳大餐廳 (D2 Place TWO)

上星期四，我和朋友到了位於荔枝角D2 Place的金鳳大餐廳享用了一頓美味的晚餐。整體體驗可謂相當愉快又滿足，最正是有懷舊鐵板餐。特飲也有這麼多的選擇！上鐵板之前，我先來碗羅宋湯。羅宋湯的色澤誘人，湯底濃郁，略帶酸甜，番茄的清新味道與肉類的鮮香相得益彰，是餐前的絕佳開胃菜。朋友說忌廉湯滑順可口，奶香濃郁。朋友點了什扒餐（配蒜蓉汁）。這道菜的蒜蓉汁香氣四溢，完美地提升了肉質的鮮嫩。特別是豬扒的熟度恰到好處，外焦內嫩，搭配蒜蓉的濃郁味道，讓每一口都充滿享受。我點了鴛鴦扒餐（配黑椒汁）。豬扒和雞扒的組合非常吸引，黑椒汁的辛香與肉質的鮮美交融，令我食慾大開。特別是豬扒，肉質柔嫩，適度的脂肪使得口感更加豐富。懷舊紅豆冰清新解膩，紅豆的甜度適中，冰品的口感滑順，讓人回味無窮，仿佛帶回了童年的美好時光。完美啊！最後更以雪糕作為句號！金鳳大餐廳的菜式不僅味道出色，份量也相當足夠，是一個值得回訪的好地方。…查看更多

今次我地過左黎黎荔枝角呢邊同BB上play group，順便過埋D2 Place行下市集，夜晚就係度食埋飯先走✌🏻呢間金鳳大餐廳就好出名，以前食開太子店，依家開左好多分店，D2 Place都有一間，呢間分店都好旺場，全場滿座，需要等位，座位都新淨舒服👍🏻餐湯&餐包鐵板餐都包左一個餐包同一碗餐湯，餐湯就可以揀羅宋湯或忌廉湯，羅宋湯香濃蕃茄味，少少酸，仲有蔬菜係湯入面，忌廉湯就正常水平，個人覺得羅宋湯比較滿足d🫕招牌牛柳餐（$152）鐵板餐可以揀黑椒汁或蒜蓉汁，呢份揀左蒜蓉汁，醬汁倒上鐵板上滾起好正，仲要落好多汁，一定足夠食成個餐，兩大件牛柳肉質柔軟，鎖住肉汁，厚切有口感，係餐廳既銷量冠軍🥇西冷牛扒餐（$152）西冷牛扒就要左黑椒汁，塊扒好大份，直頭大過塊鐵板，牛扒就相對簿切，口感冇咁啖啖似，肉質好嫩，同時都有鎖住肉汁既感覺，而西冷牛扒就係佢地既亞軍得主🥈餐飲跟餐包埋一杯餐飲，我地分別叫左凍檸茶，凍奶茶🍹呢間餐廳不嬲都係高質，我食到一半先醒起應該要加生蒜蓉，生蒜蓉都係佢地既出名之作，加埋真係再令個味道升級，再黎食一定要加蒜食，做會員仲可以線上排隊，下次唔洗等咁耐😍…查看更多

#MC帶你去荔枝角.港式鐵板相信大家都唔陌生，但依間平民扒房老字號，你又試過未？！➖✨ 金鳳大餐廳 (D2 Place TWO) .依間老字號港式扒房由1969年開業至今，歷史悠久，餐廳主打港式鐵板，有「平民扒房」之稱；店內環境寬敞舒適，以紅色作主調，充滿格調。➖🥢 招牌牛柳餐 ✨銷量冠軍✨[配牛油餐包、餐湯及餐飲].牛柳煎至五成熟，肉質厚切而且帶少少粉嫩色，入口軟腍肉味濃郁，加上波浪紋薯條墊底，粗身薯條口感更滿足，搭配熱辣辣鐵板，再淋上香濃微辣黑椒汁，味道惹味！➖🥢 貴族牛扒餐（美國牛肩肉） ✨週年限定✨[配牛油餐包、餐湯及餐飲].貴族牛扒餐用上美國牛肩肉，煎至三成熟，外焦內嫩，牛味濃厚而且油脂豐富，加上薯格及翠肉瓜墊底，好香口；搭配香濃微辣黑椒汁，十分不錯！➖🥢 餐湯｜忌廉湯.忌廉湯質地濃稠，入口順滑。➖🥢 餐湯｜馳名羅宋湯 ✨人氣之選✨.羅宋湯非常有誠意好足料，搭配紅蘿蔔及椰菜，全素湯，味道酸甜帶少少辣，好開胃。➖🥢 餐包｜牛油餐包.即叫即烘，餐包外皮微脆，內裡鬆軟，趁熱塗上牛油後更香濃。➖🥢 餐飲｜懷舊紅豆冰.紅豆好軟綿，入口奶香順滑，整體不錯。➖🥢 餐飲｜唂咕（凍）.茶餐廳懷舊特色飲品之一！濃郁版朱古力，入口帶少少苦味，懷舊風味滿滿！➖➖➖➖➖➖➖➖➖➖➖➖➖➖…查看更多

如果想食鐵板燒牛扒，就一定要來出名老字號——金鳳大餐廳🥩🔥，絕對係人氣之選。金鳳大餐廳分店多，好多地方都爆棚多人。今次來的荔枝角D2 place 覓食，都見到金鳳勁爆場，忍吾住入去試試。主打踞扒鐵板燒，仲要牛扒最後歡迎，鍾意食牛🐮的朋友仔岩曬☺️1. 貴族牛扒🥩（7 成熟）黑椒汁 $2482. 西冷牛排餐（7成熟） 蒜蓉汁 $167。 落汁果下噴曬煙係基本打卡畫面😂兩份大大份，肉質嫩滑為主，吾會好粗糙，果然好食😋包餐湯，點了紅湯同白湯各一，包埋熱辣辣的餐包跟餐飲品：熱咖啡☕️，有紅牛（ 士多啤梨🍓雪糕➕利賓納）好特別的口味，呢度特色飲品都係有加雪糕的…查看更多

金鳳可以話係兒時回憶，細過成日成績考得好就話想食牛扒，其中一個吸引的原因係牛扒上枱時倒汁時的「沙沙聲」好吸引。今次黎到D2 Place的金鳳大餐廳，裝潢精緻左好多，但都保留到老港情懷的味道。睇番餐牌，估唔到金鳳呢間平民扒房係1969年創立，計計下都超過50年! 黎到金鳳，一定要叫鐵板餐，今次就叫左人氣頭兩位的招牌牛柳餐同埋西冷牛扒餐。[招牌牛柳餐]一上枱就聽到久違親切的「沙沙聲」，牛柳餐就揀左黑椒汁。牛柳屬於全牛最嫩嘅部位，油脂極低。肉質超級柔軟，入口即化，咬落完全唔駛使力，有種「細膩滑嫩」嘅感覺。金鳳都處理得幾好，首先牛柳基本係要厚切先可以做到煎到外層金黃、入面保留嫩滑的肉質。[西冷牛扒餐]西冷同牛柳截然不同，肉味濃郁，油花適中，唔會太肥亦唔會太瘦，啱晒鍾意牛肉原味嘅人。個部位肉質比較結實，有嚼勁但都保留一定嫩滑，揀左Medium咬落去啱啱好，食到肉汁同油脂嘅融合，配合埋蒜蓉汁就一絕![金牛‧紅牛] 估唔到呢度特飲可以有齊童年回憶的黑牛、白牛，而今次就試下比較少有的金牛同埋紅牛。金牛係芒果雪糕加忌廉，而紅牛就係士多啤梨雪糕加利賓納。估唔到呢兩種配搭都幾夾，飲飲下撈埋雪糕有種奶昔但又有少少氣好爽的感覺。 …查看更多