金鳳大餐廳 (D2 Place TWO)

營業中

休息中

公司附近有間扒房出名，價錢唔貴，仲可以懷舊昔日餐廳風味，我地成日幾個同事都會叫番公司食。很多年前吃過一次太子的店！！牛扒的份量依然巨大，整塊鐵板都被肉佔據，而扒亦十分厚，從飽腹的角度看，金鳳不會令你失望，可選不同生熟度。牛味可以,不會像一些茶餐廳般很重蘇打粉味。羅宋湯酸甜酸甜很好喝，大大塊牛扒確是不錯最後仲有杯餐飲! 凍飲唔洗加$２! 都好喝全餐一百有找，非常抵食很滿足，當然，受不了油煙的，則止步了！

港式牛排餐，第一次去這港式Grillroom. 牛排有非常多的選擇，午餐set有紅或白湯，牛油麵包，主食當然是鐵板牛排加好味的港式黑椒或蒜蓉汁，再有咖啡或茶。牛排餐也有十分種可選擇，價錢九十幾蚊至 一百九十幾蚊都.有。我們一行3人，兩人點了牛柳餐，我只是要六成熟。食物上得非常快。我的牛柳餐件牛柳非常大塊，我食一半已很飽，應是晚餐的份量。塊牛排好鬆軟，有牛肉味，可惜我要的牛排要六成熟，當倒埋啲汁上塊肉時便變了全熟，有些可惜.。我朋友叫了件T bone steak, 比牛柳餐貴些，但當然連住骨和比較肥但也好大塊。我食完後覺得非常滿足，又平又好食，港式牛排餐有水準，也不一定要食貴的和牛。物有所值，一定會再去食個飽！好食。

👍🏻👍🏻👍🏻👍🏻/5分金鳳大餐廳 (D2 Place)GOLDEN PHOENIX RESTAURANT (D2 Place)-帶子牛扒餐🥩金鳳聽聞係港式高質扒所以想試下☺️真係大件夾抵😆個牛扒5成熟真係啱啱好～唔硬😇個牛厚切又有牛肉香😄個帶子都大舊😊不過湯同埋麵包就普普通通😆不過呢個價錢都個質素算幾唔錯🤣-🚽(5🌟滿分)🌟🌟🌟🌟🌟好耐無去d2place 食飯🤪好彩都keep到乾淨同埋有足夠紙巾🧻同埋同層行2步就到

今日平日好想食扒，荔枝角來到D2的金鳳，見$62有BBQ汁西冷牛扒餐，又幾抵wo! 仲包埋餐湯，餐包和飲品。點餐都無1分鐘就送來餐湯餐包，效率超高！羅宋湯都幾好飲，好多料，餐包又夠鬆軟！西冷扒個樣就好靚仔又好大份，但我有少少失望，不過可能係我自己問題，因為以為西冷會係比較薄同肉會比較熟啲，但來到係好厚身，入面偏紅較生。所以來食lunch的朋友如果想食熟d，記得要講聲。份量好足，肚餓真係要來食，一定夠飽！

早上途經此店，可惜未開門，未能惠顧，故拍下有關餐單，以供大家參考。我見那些扒餐很吸引似的，又不是太貴。而午市套餐價格又好似好抵食似的，$55-$62就有餐包、餐湯、主食及飲品，凍飲還不用另加錢，真的超值，有機會一定要試試啊！

2020年最後一日當然要食番個好d嘅lunch😊, 之前已經聽聞金鳳嘅扒餐好味大件夾抵食, 而家仲有88折免加一😆, 於是今日小妹就同同事一齊去試下🤗! 1點去到已經勁多人排隊, 好好彩我地大約等左20分鐘就入得去! 由於事先已睇左menu, 所以我地都好快落單, 食物亦好快送到!😊是日忌廉湯（上）羅宋湯（下）鐵板牛柳🐂小妹叫左5成熟要黑椒汁, 牛柳一上枱淋汁嘅時候已經聽到喳喳聲, 非常吸引😋! 牛柳超級大塊而且好厚身, 切落去超軟腍, 食落肉質軟嫩, 肉味濃肉汁多, 而且鐵板好夠熱, 食咁耐塊扒都仍然熱辣辣, 出哂煙👍🏻! 黑椒汁亦夠香夠辣! 唯一不足係牛柳上枱時熟左少少, 多過5成, 不過整體味道唔錯, 推介!😋荷蘭豬扒🐖同事點左蒜蓉汁, 份量又係超級大, 兩大塊豬扒骨少肉多, 肉質鮮嫩, 一d都唔韌, 而且豬扒帶有少少脂肪, 食落有微微油香!

嗌咗外賣 鑊仔牛柳 沙律 叫咗盡量少將 但係到頭來成兜都係將 啲沙律好少 跟餐送羅宋湯同埋忌廉湯 羅宋湯 好咸 嗰個白湯忌廉湯就超級咸 好似一碗鹽水咁樣 製作非常粗濫 下次應該唔會再幫襯 外賣雖然比堂食價錢平 但係冇理由咸得咁緊要

已經買過好幾次外賣，不過不失啦，係個忌廉汁魚麻麻地，不過都仲有order嘅。如常叫外賣，app話15分鐘，一向準時但今次等左30分鐘！首先職員俾左一個外賣，仲有另一張單未取，職員知道後拎埋另一張單嘅外賣過黎，我地就趕車走左啦。點知過左30分鐘我地都仲搭緊車時，收到餐廳電話問我地係咪未拎，原來餐廳俾錯餐我地，單號一樣，差個英文字母...本來都唔緊要，打返去話俾餐廳知出錯餐，我地冇任何要求，想叫佢地唔駛等，點知女職員2次話係我地拎錯，一向都係放響度等客拎！真好笑，今次明明係職員拎過黎啊！佢仲話唔緊要，原本點嘅食物會拎返去廚房，「你拎錯嘅」仲貴d嫁！仲加多句邊個拎錯唔緊要啦，下次大家對清楚先啦。其實佢態度似客氣，但實質講野有骨，真係難聽過粗口！如果如佢所講任客拎，即係職員平時唔對單？咁又點下次大家對清楚？如我地所講係職員俾錯，即係佢地對錯單啦！我地點兩個餐但佢俾錯左一個，雖然佢俾左個貴d我地，但我冇jetso嫁，少左個餐係會唔夠食嫁！又或者個客唔食得牛但你俾錯佢，佢都得物冇所用的。唔好講到個客專登拎錯搏大霧先得嫁！唔好意思都冇句，仲要俾佢訓話咁下次小心d，氣難下！杯餐飲又蓋唔實，搞到倒瀉左！

今晚去晚餐食鐵板，野食一般。埋單共233元，我比500元個收銀阿姐，佢找錢放响收銀機前面疊餐牌上面，我攞晒佢找比既錢行出門口兩步發覺找左167元，咁我即刻轉身入番去，個收銀阿姐行開左，我等佢行番埋黎佢問我咩事，我同佢講我比500元你架喎，佢即刻攞張100元拍响疊餐牌上面仲話我：你攞漏左呀！我等你番黎攞呀！我肯定無攞漏，見佢咁無禮貌，我都唔客氣話番佢：乜係呀！😠實係攞漏啦，找少左錢仲賴人！唔老實！唔會再去！

Happy Friday , 食 lunch 想有感覺豪少少✌🏻 chill 少少， 可以考慮金鳳嘆牛扒餐。老實講，價錢唔係貴，但成個餐份量，牛扒肉質真心講物超所值。 梗係要嘆番杯馳名奶茶啦我揀咗白湯加軟綿綿餐包，個包好好食呀嗰塊扒好大嚿又夠厚，仲有好香好脆嘅薯條

成日經過都好多人，排曬隊，煙霧彌漫，不停滋滋聲。好吸引甘！所以趁今日平日兼準時放工，去試下先！7點上到去，等左大概5分鐘就有位啦！2個人撐枱腳，老公叫左貴族牛扒5成熟，木板上，汁另上。我叫左帶子牛柳，都係5成熟，但鐵板上，走汁。黎到賣相唔錯。啲扒用刀切得開，一啲都唔柴皮鞋口，仲要係超淋。食落口無咩牛味，真係超淋，淋得黎個口感有啲怪🤨唔係肉質本身既天然淋。似用啲野拿淋佢？有啲怪怪地，好假甘。講不出聲，講不出聲🎶side dishes、薯條薯格都炸得脆，都ok！個兩粒帶子都有5蚊銀甘大粒嘅！題外話，隻鐵板好細，無位切😅餐湯羅宋湯，都幾辣。(本人辣嘅程度係屬於BB Level，給好似我呢啲唔食得辣嘅人做參考😂)餐包正常。牛柳都係食反苡喬好過，價錢仲平啲。下次有機會試下其他豬扒雞扒同海鮮，再openrice 分享過。比多次機會佢🤣其實呢個價位都仲有好多選擇！

港式懷舊風味西餐廳，每到晚飯時段必定大排長龍最少等候半個鐘或以上..每日客席滿滿..源源不絕的渣渣聲鴛鴦扒餐(豬扒+雞扒）$92+1內有餐湯+餐包+餐飲叫完個餐轉..轉個頭已經有餐湯同餐包食..服務效率一流👍🏻餐包暖粒粒又鬆軟..塗上牛油再沾上忌廉濃湯湯，絕配🤤跟隨步伐..餐飲同扒餐隨之而上鐵板餐上枱已經滋滋咋咋叫過不停🤚🏼店員再淋上黑椒汁..一下子渣一聲冒煙不斷..爽🤟🏼🤟🏼黑椒汁唔會太咸...完美覆蓋每一條曲紋薯條..可惜薯條太少不能再三回味..豬扒同雞扒大塊到吾知從何開始..肉質鮮嫩多汁又爽口.. excellent 店員服務一流..淋汁既時候怕我哋被汁燙傷..所以再三幫我哋調整餐紙角度👍🏻

首先，攞咗一大袋外賣返公司，先發現溜咗嘢無俾，要特登返去攞返。點知第二次返到公司，打開咖啡睇，原來得半杯。另外啲嘢食係凍，8，9月份，幫襯仲係好好味，我仲推薦咗俾同事。10月開始失準，好可惜。#無下次

在Open Rice search D2，見到有金鳳，見係老字號就去試下啦！去到已經有人等緊位，攞了號碼飛，等了大約5分鐘就有得入坐。叫了蘇格蘭牛扒， 蒜蓉汁，大約15分鐘就有啦！塊扒係大塊，但係冇肉味，有啲失望。付款要$100以上才可用信用咭，但當時帶唔夠現金，侍應不情願的過咭，結果又可以喎。

西冷牛扒韌過擦膠。成塊都食唔到，都唔係第一次，次次食都係咁，其他扒都冇事，就係西冷完全唔得，垃圾到爆炸，老闆你正視下啦。好生意都唔係出啲咁嘅嘢比客人食架。唔好將貨就價啦！