影片
更多
2021-08-12
763 瀏覽
之前去過D2 Place Two，講真人流真係唔算多，唯獨呢間金鳳大餐廳門外堆滿客人等位！不過foodie 係唔會因為要等位就放棄架！我一定會排除萬難，直到食到為止😆，（況且香港人最鍾意排隊，因為多人排就係好野😁），食完真係要捧住個肚走，好飽呀🤰🏻～🌖大蝦牛柳餐 $158本身想叫鮑魚牛柳餐，因為我最鍾愛新奇組合，第一次睇到呢個combination 梗係order 啦，可惜無曬貨🥲。好在大蝦🦐都唔錯，唔會霉之餘仲要有咬口又易剝殻；牛柳份量攞曬分，一碟有三大件，仲要嫩滑多汁，加埋生蒜🧄同黑椒汁就更加惹味，不過你就要預咗會有一陣生蒜味，分分鐘吸血殭屍嚇得走😆。🌗香燒羊架餐 $153一份有三大件，骨嘅比例唔算多，但其實有部份係脂肪嚟，切走之後會係正常份量，食落都好夠飽。肉嘅羶味唔算重，生熟亦都啱啱好，唔會太生入唔到口或者太熟咬唔開。🌖黑牛、雪糕紅豆冰跟餐加$18 仲有得叫特飲，雪糕球🍨有預先冷藏過，唔會好快就溶，食曬件扒都未溶曬，飲之餘仲有甜品食😋。平時去餐廳見到侍應可以一手拎住幾隻碟已經覺得好勁，估唔到連熱辣辣🔥嘅鐵板都可以！餐廳經理單手已經可以拎住四份鐵板餐，一轉可以同時送到五份餐，奇人
🌖大蝦牛柳餐 $158本身想叫鮑魚牛柳餐，因為我最鍾愛新奇組合，第一次睇到呢個combination 梗係order 啦，可惜無曬貨🥲。
好在大蝦🦐都唔錯，唔會霉之餘仲要有咬口又易剝殻；牛柳份量攞曬分，一碟有三大件，仲要嫩滑多汁，加埋生蒜🧄同黑椒汁就更加惹味，不過你就要預咗會有一陣生蒜味，分分鐘吸血殭屍嚇得走😆。
🌗香燒羊架餐 $153一份有三大件，骨嘅比例唔算多，但其實有部份係脂肪嚟，切走之後會係正常份量，食落都好夠飽。肉嘅羶味唔算重，生熟亦都啱啱好，唔會太生入唔到口或者太熟咬唔開。
🌖黑牛、雪糕紅豆冰跟餐加$18 仲有得叫特飲，雪糕球🍨有預先冷藏過，唔會好快就溶，食曬件扒都未溶曬，飲之餘仲有甜品食😋。
平時去餐廳見到侍應可以一手拎住幾隻碟已經覺得好勁，估唔到連熱辣辣🔥嘅鐵板都可以！餐廳經理單手已經可以拎住四份鐵板餐，一轉可以同時送到五份餐，奇人奇技實在令人嘆為觀止😱😱😱❗️做食客更加要小心，唔好比小朋友走圍走，唔小心撞到鐵板真係會好危險⚠️。
張貼
