金雞去骨海南雞專門店

營業中

休息中

第一次黎西貢唔係食海鮮係食海南雞飯間鋪有少少難搵 因為係內街水準唔錯 完全無骨 但啲肉再滑啲更好價錢都合理 普通海南雞$52 麻辣海南雞$57我就建議食返普通海南雞 感覺正宗啲 但麻辣比較香口店鋪位置較細 所以食完就要走架啦無得慢慢坐下 同埋職員都好nice

偶然想去感受一下寧靜，及吹吹海風，所以覓食到這裡！當然西貢既選擇有好多，大大小小既橫街小巷，各國既美食平日入夜，遊人亦唔多，所以食肆等位情況未有出現走到這條美食街小巷，第一間鋪滿是明星合照，雜誌介紹，唔試一試又點得呢？鋪頭細細，約十幾個座位，入到去都需要搭枱，環境一般，選擇同種類亦唔多，主打係買海南雞飯，難得一場黎到，當然係試最出名既……二人套餐：包餐湯，南瓜豬骨湯，唔覺有味精，鮮甜海南雞，主菜，又香又油，唔愛食雞胸既我，都覺得正，唔《鞋》，配埋三式醬料一流元蹄，主菜，夠淋又入味時菜，美中不足，煮太淋唔爽，冇咗口感配咗雞油飯，好香，煮得剛好又唔會好硬，又唔太淋包餐飲兩杯另加肉餅，食慣有肉汁既肉餅，感覺有的怪怪，炸得乾身脆囗，有另類既新鮮感

今日和老公相約好友到西貢行山，一天疲勞至極，肚子又餓人又累之制走過其中一條小路有好多間泰國小店，每次經過都無試食今日太餓了，向來鐘意食海南雞飯既老公見到尼間有黃秋生演員推薦既無骨海南雞飯即刻雙眼發光要去試試啦咁我地就來到當然食招牌飯啦一人來一碟《去骨海南雞飯套餐》$52 包例湯，轉雞脾加$10一來試上左個例湯，例湯無味精住家口味等左5-10分鐘就上碟海南雞無轉脾雞件好少，油飯頗多的每件雞都吾肥而且好嫩滑，配合3色醬汁豉油、泰式辣醬、薑蔥油，真心吾夠喉啊我個人比較鐘意個油飯，同出面食既好吾同，油飯不會太油，有一粒粒脆脆既蒜粒，再配埋個薑蔥醬油真係好好味另加熱飲☕️$6

這間位於西貢的「金雞海南雞飯」，鋪頭面積唔大，座位亦大概只有十零個，所以經常要排隊等位。但這樣都無阻我要入去食海南雞飯的決心，因為佢真係做得比其他餐廳好。一份原味的海南雞飯套餐，除了雞飯之外，仲包埋一碗中湯和一杯熱飲，很豐富，夠晒食。中湯係南瓜、紅蘿蔔煲豬骨，湯很甜、無味精。每次我都會飲晒和食晒湯渣主角無骨海南雞，味道一流雞肉很嫩滑有肉香，唔韌唔痴牙。再配埋三種餐廳提供的醬汁-薑蔥蓉、甜醬油、辣醬，滋味程度倍增。飯可以選擇油飯或者白飯，但我當然選擇油飯啦。佢本身已經帶點味道，又有油香，就咁食都很好味。食飽飯，飲返杯熱檸水幫助消化，咁就完全滿足晒了。

這家海南鷄飯我已經光顧了很多年，從完全不出名直到現在，一年縂會來一兩次。上次來的時候還見到黃秋生。今天再來，味道基本上依舊（飯仍然偏硬少少，但我個人覺得可以，但有些朋友就覺得太硬），但很明顯無論湯的份量及鷄的份量都減少了。兩個人如果肚餓也許要叫二人餐，叫兩個雞飯就有機會不夠飽。縂覺得一家食肆如果要通過減少份量去增加收入是很可惜的一件事。荃灣那家分店我都試過一兩次，感覺還是差少少，要吃還是要到西貢本店。另外，今天剛好遇上一對内地客人受到不太禮貌的對待，其實那兩個人也沒有什麽，衹是開始時把背包放在座位上（當時沒有人，也沒有人排隊，後來也願意把背包放在其他地方），及問老闆娘拿杯水（被拒絕）而已。我看那對男女應該是第一次來，男的先點餐，女的再看了一會，然後再點，但老闆娘已經黑臉，很隨便的告訴另一個店員幫她們下單，結果應該是沒有下單，那個女等了一會發現沒有下單就憤然離去。其實我覺得小店老闆那種親切感很多時是其中一種吸引光顧的原因。善待客人是一種基本態度吧。

是日小妹與好友結伴到萬宜水庫行山，感受大自然既山水壯觀，不得不提得倆漫步上山既慢活係舒爽既雖然沿途牛屎很多，但亦笑談我倆都是來自溜牛的新界地區，地質及大石讓我嘆為觀止大開眼戒水清得能驟見水底如果有時間不妨親身到訪行完山之後，當然係要醫醫肚餐牌簡單易明，餐廳地方細細，但人情味足雖然在小巷內，但地膽街坊似乎都經常幫襯招牌海南雞飯 $52 ★★★★飯是本來跟上湯的，今日是南瓜湯，十分清甜不渴，飲得出既住家老火湯飯既份量以女生來計是剛好，男士就可能欠一點量但海南雞嫩滑加上醬汁直是佳品雞不算少可以接受有芫茜味我青醬，甜味極重的醬油及酸辣開胃的辣醬小妹最喜歡辣醬了加10蚊叫了凍檸樂一杯行山之後既救星，一喝清涼有機會可以再戰，但略嫌稍稍貴了點

常常去西貢也會吃泰菜或海鮮, 今次試新菜: 海南雞!!!在大街小巷坐下點了二人餐: 足料木瓜湯, 海南雞又滑又有雞香味, 最驚喜是肉餅! 香脆可口!!!非一般的肉餅!!!! 推介這套餐連菜+飲品!! 絕對是豐富又有風味的一餐!!!!

連黃秋生也稱讚的「金雞去骨海南雞專門店」，坐落在西貢食肆雲集的小巷內，店內位置不多，安坐後看一看餐牌，餐牌上選擇不多，更確信「金雞」海南雞質素一定非一般，單靠一道招牌菜已能撐起半邊天。點選了二人餐，包括南瓜老火湯、半隻起骨海南雞、香煎咸魚蓉肉餅、時蔬、白飯及餐飲。去骨海南雞雞皮晶瑩剔透，吃起來啖啖嫩滑雞肉，連小朋友也可安心享用，搭配三款不同醬汁：薑蓉、甜豉油及泰式酸辣醬，滑嫩的雞肉與每款醬汁都很合得來，款款各有特色，雞肉吃完後，忍不住用醬汁拌著油飯吃，滋味十足。咸魚蓉肉餅煎得金黃香脆，厚薄適中，魚香味濃郁，用來送飯一流。

上星期日行完山，跟朋友來食海南雞，叫了海南雞同麻辣雞，又叫左元蹄熱烘烘南瓜湯是送的，好甜好味，正適合行完山馬上醒一醒神海南雞夠滑，食雞柳都不會覺得鞋，而雞皮的確如黃秋生所講要食，精髓所在麻辣雞都好食，但辣令雞失了點原味，所以初次一定要先試海南雞，食到想有變化才食麻辣雞油飯煮得好好，一粒粒，水準之上，所以朋友一早叫了多飯元蹄唔肥膩，好有膠原，豬皮又係必食，好味疑似老闆娘好好人，又好介紹，解釋詳盡，食得開心

今日同女朋友去西貢郊遊, 食左個早餐之後行左成5個鐘, 鬼死咁肚餓, 搭返車出西貢巿就要拿拿淋搵食。女朋友話之前見到黃秋生大讚呢間海南雞飯店, 好想試下, 見佢又咁近車站, 咁就非常好啦! 本身餐廳座位都幾少, 不過可以坐埋去附近一間茶餐廳個位, 都唔駛等位。睇一睇就好快揀左二人餐$176, 望落幾抵食, 難得黎到西貢食, 就食豐富啲啦!招牌去骨海南雞半隻, 隻雞真係份量十足, 雞肉嫩滑, 特別係雞脾, 無得彈, 又有雞味, 雞皮有D 啫喱狀咁, 滑嘟嘟, 甚有油香, 拍得住新加坡的海南雞。滷水狀元碲例牌, 個汁好黑似好濃, 但味道唔過咸, 剛剛好, 豬手皮佔好大比例, 有豐富骨膠原但難免少少肥, 肉部分好鬆化入味。住家老火靚湯係南瓜湯, 無咩湯渣, 啖啖香濃, 真有無味精老火湯感覺。油飯香而不膩, 仲混有一D 炸物粒增加口感。女朋友平時少食飯, 竟然食得晒成碗, 好利害, 因為好多餸好夠送飯吧。整體都好滿意, 下次黎要試埋肉餅!

之前有朋友推介呢間海南雞飯，話好多人特登入西貢都係為左食佢，今日難得經開，就緊係黎試下…叫左海南雞飯，配例湯… 個湯真材實料，有紅蘿蔔同瘦肉，足料唔係味精湯。之後個海南雞飯都到埋，好好食，雞件非常滑，食海南雞，個醬汁都好重要，佢配左姜蓉，酸甜醬同醬油，三個醬汁都好好味，姜蓉個味好特別，同出面既唔同，應該係自家製。最出色既我覺得係個飯，我好多時好怕海南雞飯個飯太多雞油，但呢間做得好好，好香滑，佢加左一粒粒好香脆既配料, 好正，未試過食飯食得咁開心!

上星期六一時興起同左朋友去挑戰吊手岩原本諗住好難爬既⋯點知過哂去到馬鞍山山頂先知原來吊手岩一早就經過左睇黎我體能都唔係想像中咁差姐！咁黎到西貢已經6點嚕⋯話食雨午茶又太遲晚飯又太早但醒起呢度有間海南雞飯好出名！！印象中黃秋生都有大力推介過～就一於試下啦我地叫左二人餐$176除番開都係貴過單叫飯2、30蚊～但有湯有茶有飲品同小食！咁就十分抵比啦！首先黎既係老火靚湯～好濃郁！～湯料勁多～而且最重要係冇落味精！好開心唔係飲化學湯呀～我地叫左油飯～食海南雞配油飯係絕對需要㗎！一共有3款醬汁點雞：醬油、酸甜醬、蔥油主角接住上～海南雞半隻！配任何一隻醬汁都好好味 因為佢啲雞肉真係一啲骨都冇！超 級 嫩 滑！最危險既雞胸肉都做到好滑口我地連嘆左幾聲點解可以整到咁滑！小食我就揀左手剁魚蓉肉餅～以為佢係蒸既原來係半煎炸！雖然有啲熱氣既感覺，但味道好好喎幾特別，出面好少見，份量又大！佢底下仲有幾塊㗎最後就係菜心啦，新鮮有菜味！熟度啱啱好，唔會太熟或太生！總括黎講好滿意老闆娘都好好服務～會搵位比我地放背包又同我地講冇落味精～問我地好唔好食，都幾親切！

與老弟說好往西貢拜訪米珈琲，先吃午餐是常識吧！旺泰與金雞兩者取其一最後老弟說吃海南雞，就坐下來吃吧！位置不是太好坐，但都是吃午餐，好吃的話也就不要緊了！海南雞飯外也有麻辣雞或煎肉餅可選。49元一客已包湯，我們都想吃雞腿，也只是加$10。先來是湯。青紅蘿蔔粟米湯是簡單但美味的，沒有有油，喝的滿意。接著就是主角海南雞飯了。雞不算太有雞味，但肉質嫩滑就沒有投訴了。三色醬油味道恰如其份。至於油飯個人認為有點太乾身不夠香，是因為我們吃的是尾水嗎？整體來說$59我會說是可接受的，但要特地吃就不必了。不過見到荃灣有分店，找天經過也可再吃一回看看水準如何吧

專程揸車入西貢，真心想搵到間做海南雞出色的食店。因為抱有希望，結果超級失望。原因有兩點，收費雖不貴但不算平，當然不能期望店家用上新鮮雞，但以這收費只少也應用貨源靚的冰鮮雞。第二 ，雞和飯味道不見特出，油飯還尚算可以，沾醬做得好壞絕對重要，但感受不到廚師重視。煎肉餅吃一口已不再吃，超級無誠意，煎肉餅是需用心及時間才能制作到好出品，不是像這店家拿肉餅去炸成肉乾，若不願花時間或不懂怎樣處理才能做好，還是不做好了，不要讓食客難受。

今日天氣好好，同女朋友去左西貢行下。我地搵到呢間都幾出名既餐廳，就入左去試下。話明海南雞飯專門店，就當然要試吓佢哋嘅去骨海南雞啦，我仲加左$10要雞脾，果然冇揀錯。雞肉非常嫩滑，d雞皮好爽，油飯得黎又唔油脷，仲有d炸乾蔥喺飯入面，真係好好味呀！而女朋友就要左個比較傳統少見既香煎手剁鹹魚蓉肉餅飯，肉餅係比較薄身，煎到好香好脆，鹹魚蓉份量剛剛好唔會太鹹。跟餐仲有個青紅羅白南瓜湯，好滿足。去西貢都唔一定淨係食西餐，食吓港式風味都唔錯！