金雞去骨海南雞專門店

營業中

休息中

剛好轉左新工，因為長期要喺沙田馬鞍山西貢一帶出沒，由原本新界西轉戰新界東，繼續搵野食，今次剛好入西貢，可以拜會一下，早10年前已經聽過嘅「海南雞」餐店。下午四時多黎到舖面，舖頭細細，但係坐滿晒人，不過我一個人，長期搭枱無有怕，坐底後當然係叫海南雞飯，仲有例湯送聽到廚房師傅手起刀落既「彭彭」聲，唔洗一陣，老闆娘就攞出我既饍食，一望到去就覺得奇例湯竟然係中式紅蘿蔔湯，而唔係瓜湯，需然係咁，依碗例湯都好甜好夠味。之後到主菜海南雞飯，飯有D應該係炸蒜既野係飯入面，整個油飯額外香口，雞更加係皮香肉嫰，再有一細份無皮既雞胸肉，肉味十足，一碟海南雞飯有四種不同口感，確係一絕。但係始終一個人黎，食唔到其他野，相信短既日子內我會再黎一試再試

每次經過這店都很多人，都試不了出名的海南雞飯，今次午飯時間前來到，終於有位了，叫了一碟招牌海南雞飯，雞好滑，但只得數塊，油飯好得，落了八角，調味料有3款，掂可能太好味的關係，食完都不是太飽

剛搬來西貢當然要遊街覓食喇！原來西貢碼頭旁有咁多小店！特別是地道泰國菜，就如小小九龍城！被這個西貢第一店字眼吸引到，買了個外賣回家給家人試試。雞肉的確幾滑，但醬汁略嫌不夠純正。一隻雞$158 還算不錯👍🏻姐姐推介要埋個雞油飯，maybe next time! ;)

So like most Hongkongers, we may choose to go for a hike. If you are a hiker who only knows dragons back then... begone noob.Now, if you are an avid hiker who likes challenges and choose for the superiors MacLehose trail like myself, then I am very aware after that long dehydrating hike, you are now in search for a rewarding treat. Not something crap for a quick bite, but a satisfying meal to reward yourself for the challenge you have overcome.Came across this Golden Chicken shop after walking

每次來西貢上山下海前，都會來這家店醫肚，雖然附近的泰國餐廳都有賣海南雞飯，但都不及這家的嫩滑～又想吃辣又想吃原味的海南雞飯，幸好今次兩個人來，試曬佢～海南雞飯 |雞肉雖然切得比較幼，但每一塊都非常嫩滑，而且好幸運每次都吃到雞脾或雞翼的部分。麻辣海南雞飯 |麻辣比想像中好食！初時以為只係用豆板醬，但原來用了辣油，很麻香～也不會蓋過雞味～順帶一提飯裡面也有炸蒜片，飯有雞油香但也不會太腍，很有口感～通常揹住大背包餐廳都不太歡迎，但老闆娘都會好體貼和親切幫我們安排放的位置，又不會阻到人～

大概兩年前我嚟過呢度食海南雞飯，果次一食驚為天人，所以今次我對佢有比較高嘅期望。有外面睇你淨係見到一個大大嘅招牌，裏面環境比較細，只係有幾張枱，但係勝在啲餐黎得快人又食得快，所以人流都OK。我見今次入去老闆娘都唔喺度，有兩個後生仔喺廚房裏面煮，可能因為開咗分店老闆娘會向另外果兩間分店度做 ？我真係唔太清楚。坐低左嗰位泰國婆婆好快來take order，服務態度好好而且見我哋多嘢攞多咗張凳俾我哋擺袋添。話咁快間海南雞飯嗰個南瓜湯就嚟啦！同兩年幾前飲一樣咁好味，清熱下火冬天或者夏天飲都一樣咁好。不過湯好似比以前少左d。海南雞飯好快就到啦，個樣擺得冇以前咁靚，個飯散左少少不過可能午飯時間比較多人，所以冇辦法做得咁靚。海南雞飯食落冇咗以前果種驚喜，個飯嘅雞味都出嚟，啲雞都OK。去咗皮嘅雞肉冇乜雞嘅鮮味，但係有雞皮雞肉就好味啲。比起兩年前食好似差左少少因為個雞冇以前果種爽口同埋雞鮮味。可能我美化左以前嘅經歷但係今次食落個海南雞飯有啲平平無奇，但係飲嗰啲汁就好好味。特別喜歡佢有少少辣嘅醬汁，應該就係嗰個泰式醬汁啦。

來到西貢成日都食Café/泰國菜 但今日只想簡單食少少野睇相見到海南雞好吸引就決定食呢間 去骨海南雞套餐($52)加$10轉雞脾肉 跟湯首先來過南瓜湯 南瓜煲到一絲絲 好清甜 飲完唔口渴 海南雞的賣相真係頂呱呱 切得好靚仔雞脾肉果然係唔同D 食落好爽滑 保持到油香又唔會太肥去埋骨食真係好爽 搭配三個醬都好味 可惜個雞油飯就爭左少少 飯上面有些炸蒜片係唔錯的但個飯有點硬 而且食唔到雞香味 總結來講 個海南雞一流 但個飯就爭少少或者下次黎正係打包隻海南雞加餸就ok

星期六難得好天冇落下, 所以去左西貢行下, 食下野係同一條街食左d小食, 唔太餓得黎又唔夠飽喎, 咁點算? 咪再食野囉條街好多野揀, 有泰國野, 車仔麵, 海南雞本身都想食唎間架喇但見要排隊就行前d食d小食同埋睇下仲有咩食食完小食見對面車仔麵都好似唔錯但長期都好多人排, 所以就行返去金雞睇下, 點知咁岩又冇人咁就入左去食店鋪位置唔大, 得10幾個位左右, 食物選擇都唔多, 主要都係海南雞,豬碲,同埋魚餅叫左個去骨海南雞飯同麻辣去骨海南雞飯海南雞既雞味講真就唔重架喇, 但即使係雞胸都做到好嫩滑油飯入面有d炸蒜, 食落幾香好少見海南雞飯有得揀麻辣, 所以叫左個試下原來就係去骨海南雞飯上面加辣油辣油好香, 好多渣, 似係XO醬, 只係麻味唔太夠, 不過都幾辣下仲有個南瓜湯送, 湯入面有少量南瓜蓉

海南雞又係一種易做難精既嘢食今日黎到西貢，遠道搵咗金雞，先講結論，唔差，但記住呢7隻字，山長水遠減味道海南雞飯既油飯係特別既，乾身有蒜絲，唔油但夠香氣，比其他油飯健康度更高💓 比較其他海南雞飯，另一個特色係佢跟南瓜湯，唔係平時既清湯🙄 南瓜湯本身唔太濃密，都同雞飯唔大衝突既😁 至於雞肉，好夠滑，不過唔好彩，無比到厚既胸肉位，而且肉份量都唔多🙄另外狀元碲都做得唔錯，醬汁濃厚，豬手有肉地，混白飯食👍要一讚個香茅魚餅，煎得香，將香茅同魚味合拼得唔錯👏👏 加埋個辣醬，做開胃小食👌其實成餐飯不過不失，但就無feel, 唔係食咗令你靈光一閃上腦個隻，加埋山長水遠減味道，真係可以講句 OK 啦👌

難得的一個中午遇上一片蔚藍天冒名而來試試一頓海南雞飯吧閒日的中午店內不算人多清淨的環境令人心情愉悅食客也低著頭專心吃叫了招牌的海南雞飯和狀元蹄飯先上的是每人一碗的南瓜湯試一啖便捨不得放手清清甜甜正正清潤一下味覺剛好為這頓飯上一道序幕接著店員端上一碟海南雞飯來一啖油飯，飯粒硬度適中有飯香且油而不膩再來一啖雞肉，沒有加錢轉脾位所以雞身不是最滑的部位這價錢可不能要求雞有鮮雞味雞的味道跟肉質是正正常常淡淡的雞肉味跟油飯是挺配的覺得味道不夠，也可配一點醬油另外狀元蹄也不錯，多一份選擇醬油味道是濃一點，元蹄的口感是軟嫩的兩者各有特色，豐富了這一頓午餐飯後也沒有吃過味精的難受感下次再入西貢定必再來

Food was just average. Service was extremely bad.. the waitress don’t even acknowledge when we tried to order. She literally just glanced and walked away. I understand she’s busy but still.. it’s a tiny place and lots of shouting. Overall a very stressful dining experience.

黃昏時，剛好女朋友來到西貢，便和她在食街遊逛一下，順便試食海南雞飯，點了金雞二人餐(HKD 176)。上菜速度: 15分鐘上菜速度快，大約下單後15分鐘便來齊食物。食物還是要熱食為佳。招牌去骨海南雞飯: 雞嫩滑、飯不夠油香去骨海南雞有半隻，雞肉嫩滑多汁、不過飯則不夠油香，也不夠熱，使到整個菜色失色不少。醬汁以辣椒醬為佳，黑醬油和薑蓉甚為普通。咸魚蓉肉餅: 咸香鬆脆，值得一試肉餅外脆內軟，煎得不俗，餐廳將其切件，方便人吃，值得一讚。菜: 較為軟身，味道普通南瓜湯:香甜可口，沒加味精最後176蚊埋單，總體而言，味道尚可，只是油飯和菜不夠突出。如果想平平地試食海南雞飯，這間絕對可以一試。

成日落西貢食金雞。每個月起碼食一兩次。佢間店好細間，所以之前成日都要排隊，現在佢擴充左，唔使排甘耐，甚至可以直入。我老公非常鍾意食。佢d雞軟滑，又無骨。仲有佢既自制紅綠醬。紅醬係酸辣醬（唔係好辣），而綠醬係薑蓉。我就點紅醬，我老公就點綠醬。甘就唔使爭啦。我地每次去食都係食2人餐，配煎肉餅。煎肉餅一定要叫師傅煎得乾身d。甘先係最好食，點埋佢個黑色的甜甜醬，真係絕配。個油飯都好出色！👍無得彈。個餐仲包例湯，飲品同菜。好鬼底食，都係$176。4人餐仲底食。提提大家：座位少，又多人流，所以以食雞為主，不適合吹水。請各位留意。

下午在九龍城開會，提前一點泊好車覓食。車子停在南角道，恰巧西貢海南雞名店 “金雞”就在跟前，以前在西貢吃過，感覺蠻好，於是就進來點了一客海南雞飯。雞很滑，醬料夠味，總體依然出色，油飯我只是隨便爬了幾粒，在此不評。吃畢意猶未盡，走到侯王道的“酥妃王后”加了一個一向大力推介的36層酥皮蛋撻，滿足得很，可以去工作了。九龍城南角道正值新老交替之時，一邊是已經越來越少見的一整排五十年代初期典型三層高唐樓，另一邊則在建全新的沙中線地鐵站入口，相信不久將來，九龍城將有翻天覆地的再變遷。

今日繼續喺西貢返工，下午茶時間同朋友出咗去食飯，朋友一直都好想試吓呢一間海南雞飯，因為好似話喺西貢都幾出名㗎，所以就嚟咗試喇！我哋好快就叫咗兩個去骨海南雞飯，製作時間好快，唔使5分鐘就上到枱，個飯仲會跟個南瓜湯！果然名不虛傳，啲海南雞真係好滑又好嫩，食過返尋味！一件一件擺入口，好快就食哂，仲有仲有啲飯既質感都好特別，有啲似唔黏既糯米飯，好特別好易入口至於南瓜湯，確係好多南瓜蓉，不過咸左少少，但都係唔錯嘅！如果下次有機會，都會想試吓佢其他小食！