金玉滿堂

營業中

休息中

一家人去到旺角行街，晚餐當然食個小菜🍲呢間【金玉滿堂】好有親切感，座位寬敞，乾淨光猛！🔸杞子螺頑燉雞湯 $48入面好足料，有好多杞子,豬肉,雞肉去燉，一壺壺熱辣辣好新鮮，味道不會太鹹，所以飲完都不會口渴，養生又滋潤！🔸奇妙炒拉骨 $108有沙律醬撈排骨，排骨比較多骨，非常有口感，味道酸酸甜甜好開胃🔸椒鹽脆鮮魷 $108外脆內軟，一定要點附上的醋，才有味道👅🔸椒腐通菜牛肉 $108有一款是沒有牛肉的，便宜$10，不吃牛肉可以點那款！牛肉都是新鮮牛肉片，鮮嫩的！🔸沙嗲粉絲肥牛煲 $98用砂煲上菜，保持熱辣辣的溫度，裡面粉絲金菇都好入味，沙嗲味岩岩好不會太鹹！肥牛份量都多，這道餸用來撈飯一流！🔸白飯 $13正常一碗白飯，有湯有飯有餸咁先完美！⚠️餐廳有加一服務費（餐牌沒有寫明，要留意）

🐟老檀酸菜魚（小）💰$198🐔花膠麻辣雞煲💰$268/半隻🥢七味炸豆腐💰$65🥬金銀蛋浸娃娃菜💰$98.⚡️呢排有舖港式癮，所以揀咗間就腳嘅大排檔餐廳✨金玉滿堂過下癮，店舖乾淨企理，店員們非常好客+有禮貌，加分～呢到每份小菜都超足大份+足料，淨係炸豆腐都10幾舊✨，真係個胃細啲容量都唔得🤣.⚡️🐔花膠麻辣雞煲好驚豔，因為冇諗過花膠同雞嘅配搭會咁襯🥳，花膠量好多，雞雖然只係半隻，但每件都啖啖肉，醬汁惹味過癮，超啱送啤酒🍻.⚡️🐟老檀酸菜魚果然酸菜好食過魚，偏甜多過偏酸，魚肉爽口鮮嫩💯；🥢七味炸豆腐必須大讚，外脆內嫩🤩擺咗一段時間都依然脆身～🥬金銀蛋浸娃娃菜不過不失，依然份量爆澎，是日纖維攝取get✅

話說我係睇社交平台雞煲關注知道呢間野叫左d小食同幾個小菜小食魚皮好爽口，麻油味幾香，唔錯！豬手好入味，濃濃既酒味雞煲叫咗花膠雞煲半隻啲肉都算幾滑不過就冇社交平台入面講到咁神然後店主再推介左個脆米元貝真係超好味另外仲有個小炒王又有炸魚仔加埋入去炒好好味椒鹽粟米都不錯反而乳鴿就麻麻，因為真係太細隻，冇乜肉食雖然地點係街市嘅巷仔度但係小菜真係幾好味會再返去食當晚我哋六個人食買單都係1132 好抵食

之前食過好食…話過會回訪😌襯住今日同屋企人食飯就嚟呢度啦！傍晚嚟到已經有數枱客人用餐中…邊歎小菜佳餚邊把酒談歡😃是晚小菜水準依舊出色👍🏻拍得住大酒樓質素👍🏻即刻分享吓今晚食咗乜先：.✨豉汁蒸白鱔 $168非常新鮮！即叫即蒸！白鱔肉厚又鮮嫩！質感彈牙！加有豆豉, 葱花, 豉油 更為鮮味加分😁😁.✨脆皮一品燒雞 (半隻) $148再次回點嘅菜式🐔外皮炸得卜卜脆！雞肉嫩滑又冇雪藏味！！讚😋.✨蒜蓉炒油麥菜 $85青菜新鮮翠綠🥬簡單以蒜蓉炒已經好好食！鑊氣十足🙌🏻🙌🏻.✨秘製乾炒牛河 $98有驚喜😚😚牛肉入味唔韌！醬汁均勻掛於爽口河粉之上！呢道鑊氣港式炒粉CP值超高！

❤️‍🔥平時去旺角食開台菜、日菜、Cafe，但其實旺角區都有好多臥虎藏龍既美味中菜館。今次同朋友黎到呢間位於廣華醫院附近，煙廠街小巷弄中既隱世美味中菜館，一嘗粵菜風味 🎉🎊🔹 麻香爽魚皮先點一份小食魚皮，質感爽脆，未點醬前可品嘗到淡淡既芝麻香味，點上醬油後，魚皮既有醬鹹淺味，又有 Wasabi 帶黎既辛辣味道 🌶️🌶️🔸 老檀酸菜魚（小)一大盤酸菜魚包含份量十分多既魚肉、豆卜、酸菜等等，都只係 $198，而且幾乎係本人係香港食過頭三位好食既❗️比起傳統既川式麻辣，餐廳調製後既湯底加入左粵菜既風格，味道更多層次、豐富，先後呈現出甜、鹹、酸、辣多種味道 🌈 最令人讚不絕口既係魚肉既味道，魚肉結實，夾開不散，既有魚肉既鮮甜，又能掛上湯底既酸辣。酸菜青翠爽口，加上泡滿湯汁既豆卜食，超級滿足‼️😙😙🔹 薑蔥焗魚卜餐廳推薦小菜，上枱只見魚卜同青蔥係煲內滋滋發響，撈勻醬汁食極有火氣，魚卜軟中帶韌，甜鹹醬香兼顧，青蔥添加些許清爽意味。份量不少，食極都有 🤪🔸 椒鹽脆鮮魷食親中菜都會點上既一份小菜，表面淺橙色，乾爽脆身，魷魚新鮮彈牙，拌飯食正好 😛😛🔹 醇滑嘉士伯清涼易入口，邊飲嘉士伯邊食小菜 🍻🍻 即刻倨哂！🔹

清一色都係好評就知咩料 自己諗啦 食完真係唔明點解個個都讚到天上有地下冇咁 想中伏就去試下 上菜慢份量少 你話價錢好值我又唔覺 因為佢份量就唔係多 咁嘅價錢我覺得比多佢有突環境又唔係好好 野又唔係話好好食 正常味道 成班係到吹到話幾好食幾好食坐係到就聞到陣腥味 因為佢出邊有個污漕到爆嘅魚缸見佢唔多人食位就試下 點知就中伏 一定唔會再黎食旺角一定有好食好多嘅港式餐廳 根本唔需要試呢間

原本同朋友食飯，點知佢食到飽咗，好少一個人去食小菜，朋友食咗少少試味大讚好食👍成碟差唔多我食晒，我同朋友仲試咗兩款燉湯，全部冇味精，好好飲🙏仲好足料正！下次再帶屋企人同朋友去食😋你

中菜之鬼又黎啦，醒起一間朋友好耐之前就推薦既中菜餐廳，唔想諗一於試試！😆👅酸菜魚 $198魚肉新鮮，完全唔霉，口感非常結實！😝除左魚肉之外，仲有大量酸菜，芽菜，豆卜，芋絲！份量兩個人食岩岩好呀！👅七味炸豆腐 $65未擺入口就已經聞到勁香！食落調味香口，但唔係重味精要狂飲水個隻，就咁食唔餸飯都冇問題！完全做到外脆內軟👍🏻完美演繹炸豆腐既精髓👅糖醋咕嚕肉 $98就咁睇以為普通咕嚕肉，點知食落非常有驚喜！咕嚕肉完全係外脆內軟，肉味又夠濃，真係大推！👍🏻加上菠蘿係新鮮菠蘿，唔係市面上個種罐頭菠蘿，簡直係誠意之作🌟👅腐乳通菜 $88慣左每餐都要食菜，所以叫多個通菜😌通菜超滑，完全唔老，加埋乳腐一齊炒，通菜索曬乳腐，餸飯之選！老闆娘同員工服務態度都好好，好好人！仲要有埋差電服務，細心到你驚😝廚師出菜快，上菜速度更快！絕對可以再戰！舔舔脷指數：4.7/5性價比指數：4.7/5金玉滿堂 (旺角)旺角煙廠街6-20號華新大廈地下14-14A號舖

FD哩牌唔舒服，話想飲靚湯，揾到哩間鋪頭提供好多款靚湯，咁試試。鋪頭唔大，人氣都好旺，睇落都係街坊。先一人來一盅湯，羊肚菌燉響螺湯，配料好豐富，有雞腳，雞肉，響螺片同羊肚菌，湯飲落就知煲足火候同埋落足料，好清甜。蟲草花燉雞腳湯，比起羊肚菌燉響螺湯黎講，飲落會更甜少少，可能落咗唔少蟲草花同紅棗，好健康。紅燒BB鴿，鴿子炸得脆啵啵，皮脆肉厚。鴿子預先醃制過，唔洗點鹽已經好夠味。豉椒炒花甲，哩份真係不得了，炒得好有鑊氣。花甲冇沙，醬汁少少辣，食落好惹味。分量都幾大下，點食都食唔曬TIM。金玉小炒皇，好特別嘅搭配，有蝦幹，魷魚，腰果，細魚幹同韭菜芯。腰果先炸再炒，食落勁香口，FD食到停唔落口。哩啲鋪頭一般都係街坊幫襯，所以質素真係好高。

好耐冇食過粵菜或者各種港式小炒啦。所以今次嚟左旺角依一間金玉滿堂，食下佢嘅餐點。首先一入座即刻叫咗一個半隻嘅花膠麻辣雞煲，非常之唔錯。而且雞煲入邊亦都會有菇類，洋蔥同埋蒜頭等等，令到個雞煲更加香。然後我仲叫咗個辣妹子炒蜆，呢一個就相對比較辣，但係非常之香，令人食完一啖又一啖。仲有我叫咗一個上湯鮮菌白菜仔，上湯非常之清甜，而且菇同埋白菜都煮得好軟腍，好入味。我最後仲叫咗一枝烏龍茶同埋一罐汽水。環境相當之貼地，而服務員亦都好好傾，以大排檔嘅角度嚟諗，都頗為不錯。

最近想食大排檔嘅小炒，見到網上有人推介呢間餐廳，所以就係OpenRice book枱約埋三五知己出嚟試吓！本身都知道OpenRice 嘅正評可信性唔高，所以都抱住試吓嘅心態去呢間餐廳。一去到，餐廳環境比我想像中更差，而且我哋被安排到一張天花板滴水嘅枱度坐，仲話因為其他枱都已經有booking所以無得轉枱。咁一場嚟到，唯有將就住坐，希望食物可以加番分。我哋點咗：“麻香爽魚皮”除咗爽口取勝，成碟魚皮無乜味，佢有另外配wasabi 豉油，但我覺得一啲都唔夾“糖醋咕嚕肉”呢味餸不過不失，但價錢唔算平，有其他地方煮得比佢優勝“豉汁蒸白鱔”口感正常，但豉汁唔算入味，而且唔知係咪蒸得唔夠熟？d肉同骨痴得好實，浪費咗好多魚肉“豉椒炒鮮鵝腸”本身對呢碟餸抱好高期望，點知一食真係極度失望！好明顯鵝腸預先用滾水煮好，然後就咁炒個豉汁就淋上面，d鵝腸完全唔入味，而且一d都唔彈牙，超級失敗嘅一道菜！“椒絲腐乳通菜”除咗溫度唔夠熱，呢碟算係最正常除咗食物一般之外，一位疑似係老闆娘嘅中年女士令到餐飯印象深刻😀我本來book咗夜晚7:00嘅，點完菜等上菜都無咗半個鐘，然後有位男侍應係我哋食緊飯嘅中途話宜家比較繁忙，想

呢間餐廳喺旺角街市附近，餐廳裝修，卡位比較多，都有啲大圓枱適合返一班人聚會！每一碟小菜都唔會太貴，就算兩個人嚟食，都可以試多幾款！菜式方面有多款大排檔嘅鑊氣小炒，仲有自家製嘅足料燉湯，選擇都幾多！平時如果鍾意食鑊氣小炒，但普通大排檔有成日食，可以試吓呢間，叫埋佢哋個招牌足料燉湯，食美食嘅同時都可以順便養吓生～😌------------------------------🐚◖黑松露醬爆元貝皇◗ $158用咗黑松露醬同海鮮菇去爆咗個帶子，帶子本身帶有勁香濃嘅黑松露味，再同啲甜豆一齊炒，香脆爽甜！🐖◖欖角冰梅骨◗ $108排骨嘅肉比較多，包裹住一層脆身嘅焦糖皮，加入咗欖角去炒令到排骨有一陣獨特嘅香味，食落去口感有啲似咕嚕肉，味道都係偏甜，口感層次都唔錯，但就略嫌佢個外皮炸粉有啲厚～🥬◖魚湯雜菜煲◗ $98魚塘多幾清甜，加入咗大量雜菜，好似菜心、西蘭花、雜菌，仲有啲粉絲煲成一個雜菜煲，索晒啲湯汁，食落一啲都唔會寡～🐓◖花膠響螺燉雞湯◗ $68呢盅燉湯都幾清，湯料幾多，俾咗一舊花膠同埋好多雞件，健康養生之選～🥤◖Zero◗ $18🍵◖烏龍茶◗ $18🌟 Encore指數：8/10

朋友👩‍💻勁鍾意瓹窿瓹罅搵嘢食，其實我都係😆，呢日喺旺角，我哋就一齊發揮呢種精神💪，呢度行吓嗰度望吓，行到嚟呢間餐廳🥢門口，見到係食local 嘢，朋友👩‍💻話不如就呢間啦🤩，咁我就舉腳贊成🤣$65「花雕醉豬手🐷🖐️」：豬手皮爽脆得嚟有啲煙靭，有濃郁嘅花雕酒香味😋，特別之處係帶微辣，食落好開胃🤩$78「紅燒BB乳鴿」：BB乳鴿皮燒到脆脆哋，BB乳鴿肉幾嫩口🤩$85「蒜蓉炒白菜仔」：白菜仔🥬細細條好新鮮，加咗大量蒜蓉🧄去炒，簡單好食😋$138「豉汁帶子蒸豆腐」：豆腐勁滑😋，帶子新鮮肉質鮮甜😋，仲加有超濃郁嘅豆豉汁😋，用匙羹一啖食晒 豆腐+帶子+豉汁，爽呀🤩$58「羊肚菌燉嚮螺湯」：見到有 羊肚菌、嚮螺、瘦肉、雞肉、雞腳、紅棗、杞子 等，真係落足料，湯底濃郁、清甜、好飲🤩$18「烏龍茶」

同朋友去咗旺角金玉滿堂食飯，多款菜式選擇，食物夠鑊氣，做出大排檔嘅風味▪️椒鹽炸粟米粟米炒至金黃色，做成外脆內嫩口感，香甜粟米配上惹味椒鹽，再係面頭灑上大量炸蒜，食到停唔到口▪️秘製鹽水鵝平時多數鍾意食滷水鵝，見到餐牌有鹽水鵝，即管試吓，肉質滑嫩，味道清香，例牌份量都多▪️椒鹽脆鮮魷魷魚爽口彈牙，炸皮好薄，口感香脆，食落唔油膩，份量都算多▪️沙嗲粉絲肥牛煲去大牌檔食飯必點嘅菜式，沙嗲味香又惹味，有肥牛、粉絲同芽菜，粉絲完全吸收沙嗲汁，每啖都惹味香濃，好好送飯

路過旺角，在煙廠街的街坊小廚，吃傳統的港式小炒。脆皮壹品燒雞半隻$148雞皮烤得香脆，肉質尚算嫩滑。雞肉肥瘦適中，味道不錯。豉汁蒸白鱔，$168 白鱔十分新鮮，肉質彈牙，味道鮮香。豉汁調得十分惹味，白鱔火候控制得宜，伴飯佳品，十分美味！椒絲腐乳通菜牛肉$108夏天通菜當造，口感爽脆，牛肉肉質軟熟，腐乳咸香味濃，開胃可口。三餸一湯，$500有找，街坊價錢。 花膠螺頭燉雞湯 $68真材實料，清甜滋潤。絲苗白飯，港式小炒不可少。