金玉滿堂

營業中

休息中

餐廳位於旺角煙廠街，位置非常方便。店內主打雞煲，有多款雞煲選擇，而招牌款式是「龍蝦雞煲」。金玉滿堂龍蝦雞煲（小）雞煲只需煮沸便食得。一開蓋香味溢出，好香！第一口夾舊雞食，雞既色澤較為深色，索晒湯底味好濃味，甜甜地幾好食，雞件都好嫩滑！龍蝦🦞斬左件，份量都好足。龍蝦肉彈牙，成舊肉拆出嚟大啖食，好幸福☺️［招牌燉湯］杞子螺頭燉雞湯羊肚菌燉響螺湯燉湯係我至愛，是健康好飲的選擇。兩碗都熱熱地放上枱。兩碗的配料份量很足，有豬肉粒、雞腳及螺片，味道清甜。

冬天必食羊腩煲，暖d又滋補😋有中size同大size俾你揀，大大煲軟林林羊肉🤤脆卜卜大隻黃金蝦😋雙冬扣黑草羊腩煲+唐生菜 $368黃金珍寶蝦球 $158想講個羊腩煲份糧係勁多，2個人爭d食唔晒，入面有腐皮吸晒d湯，好好味，仲有冬菇都炆得好林，勁大煲😋個煲草藥味較重，同出面食既完全唔同味，比較特別同出色，有風味😋黃金蝦隻隻都好大隻，好中意食用咸蛋黃煮既餸，每隻蝦都包滿咸蛋，好好味😋記得提早book位，因為超多人

新出花甲海蝦雞煲、海肉蟹雞煲😍 必食🤞🏻位於旺角的這家中式餐廳以其豐富多樣的菜單和美味佳餚而聞名。無論是本地居民還是遊客，都會被這裡的獨特風味所吸引。讓我為您介紹這裡的兩道招牌菜：海肉蟹雞煲和黑椒薯仔炒牛柳粒。首先是海肉蟹雞煲，這道菜以新鮮的海鮮和嫩滑的雞肉為主要食材。這道菜以獨特的煮法營造出濃郁的湯汁，使得每一口都充滿了鮮美的海鮮和雞肉的滋味。蟹肉鮮嫩多汁，與雞肉的鮮甜味道完美結合。您可以品嚐到蟹肉的鮮甜和雞肉的鮮嫩，令人回味無窮。另一道推薦菜是黑椒薯仔炒牛柳粒。這道菜以嫩滑的牛柳粒和炒香的薯仔為主要材料。牛柳粒經過適度的烹調，保持了其嫩軟的口感，與黑椒的香辣味道完美融合。薯仔的鬆軟口感提供了菜品的豐富層次感。每一口咬下，牛肉的鮮美和黑椒的香辣會在您口中繚繞，給您帶來一種獨特的味覺享受。除了這兩道招牌菜，這家餐廳還提供各種其他傳統中式菜餚，滿足各種口味的需求。無論您是喜歡辣的、清淡的還是口感豐富的菜餚，這裡都能找到適合您的選擇。除了美食，這家餐廳的用餐環境也非常舒適和溫馨。裝潢典雅，氛圍溫馨，是與家人和朋友一同享受美食的絕佳場所。如果您正在旺角附近尋找一家中式餐廳，這家餐廳絕對是您的

位於旺角煙廠街< 𝐌𝐤 𝐆𝐨𝐨𝐝 𝐅𝐨𝐨𝐝 >, 一間地道中菜餐廳, 設有多款菜式, 與朋友及家人聚會是不錯選擇。金玉南非鮑魚雞煲(細煲) $⁴⁶⁸放有四大隻肥美鮑魚, 及海量嫩滑雞件, 再配上香菇、洋蔥和辣椒, 份量十足, 非常惹味。麻香爽魚皮 $⁵⁵質感相當爽脆, 麻香撲鼻。准杞螺頭燉雞湯 $⁴⁸湯頭鮮甜, 放入超大塊螺頭, 非常滋補。鹹檸七 $²²送菜一流。金玉滿堂 (旺角)📍旺角煙廠街6-20號華新大廈地下14-14A號舖

現在冬季，都會令人想起食羊腩煲，位於旺角繁華地的一間餐廳，羊腩煲真正唔錯。餐廳裝修企理整潔，坐得舒適。餐廳響應夜繽紛，九點後全部海鮮八五折餐廳主打羊腩煲、花膠麻辣雞煲及小炒……等中菜。黑草羊腩煲$368，羊腩煲內都是骨肉相連的羊肋骨腩，一邊滾一邊食，件件口感軟滑腍，骨腩瘦中帶肥，帶出羊肉的脂香味，點腐乳就更為惹味！配料苳菇、筍、枝竹及馬蹄，解滯又惹味！還跟配一個唐生菜，清新爽口。鹹蛋蒸肉餅$98，肉餅瘦中有均勻比例的少少肥，食落帶豬肉的清甜，拌飯食就最好了！熱辣辣的配翻個冰凍的可樂最正！

話說我提前四日喺OpenRice預約呢間餐廳，理應係比到位我，直至到我預約日子嘅前一日下晝，佢哋公司先WhatsApp我話無位俾我，然後我要個解釋，對方以人手不足安排出錯為理由，俾唔到位我，你地人手不足就唔應該係openrice開放預約功能，呢個係你自己嘅問題，唔應該客人嚟為你承擔.原本睇多人介紹先諗住試一次，間公司咁不負責任無必要試！

呢兩日無啦啦勁凍得七度左右，又到左食羊腩煲嘅好時機！😎朋友做完research之後揀咗呢間同我試☺️我哋6:30去到已經開始要等位，奉勸大家要提早打黎book🙈❤️雙冬扣黑草羊腩煲（中）一打開見到個賣相就已經對佢好有信心🤩個汁底好香好濃郁，羊腩夠入味，唔羶👍外皮彈牙滿滿膠質既口感，肉質軟腍😋枝竹同生菜吸曬個湯汁好好食🤤❤️ XO醬碧綠炒大蝦球蝦球超大粒！見到都覺得好開胃😇蝦球爽口彈牙，蜜糖豆爽脆冇渣👍我同朋友坐好近出餐位置，見到佢哋其他菜式例如酸菜魚同燒雞賣相都好掂！😍下次要搵多幾個人嚟試多幾款菜式先得😆

呢幾日又開始轉凍，系時候又要食下羊腩煲補補佢去旺角行完入左呢間茶記，估唔到晚市有羊腩食，同朋友叫左個中size share ，再送埋生菜，正冰鎮豬手$65見隔離枱個羊腩煲好大份咁，驚食唔曬叫多個冷盤盤冰盤豬手酸酸甜甜好開胃，豬手滿滿骨膠原，冰鎮住又幾爽羊腩煲$368羊腩煲一打開嘩左一聲，勁大煲好多羊腩每件羊腩都好肥美，羊腩多肉，腩肉好冧陣柱候味好香好入味羊腩上面層皮好爽，連埋腩肉食無得頂叫羊腩煲贈送生菜，浸落個湯式好入味食完成個人暖笠笠，建議三個人share ，真心大煲

啲野好難食兼樓面爛仔／師傅去完廁所5洗手／要惠顧請3思／因上次去完之後樓面粗口／廚房又爛仔／所以以後不會去仲有廚房師傅打人。評難食即打人所以真係要3思因為呢間出名爛仔仲有名叫慧姐是老闆娘縱容下屬打人

去開旺角喺OpenRice見到呢間餐廳有羊腩煲，所以專程嚟試。等位大概15分鐘。叫咗一個羊腩煲、金銀蛋豆苗同埋白飯，食完個豆苗同埋白飯仲要等咗15分鐘，羊腩煲先嚟。羊腩煲冇羊味，360幾蚊一煲唔值。枱太細，一打開個蓋羊腩汁彈到一褲都係，然後隔籬枱個羊腩煲打開蓋啲汁又彈過嚟。全場得兩個服務員但係客滿，換gas都等好耐。金銀蛋由娃娃菜改豆苗又無講要加30蚊，直到埋單先至知，兩樣餸、一碗白飯、一支啤酒，埋單624，係尖沙咀酒樓價。環境、食物質素、服務都不值。不會再光顧。

今晚收工，好耐無同同事宵夜，又涼涼地即係係關注組同openrice睇下，呢間排名都幾高，仲要兩三年都係勁多人讚，行過去十分鐘唔洗。9點半去到竟然要等位，仲問我有無留羊腩煲食唔食，香港人唔執輸心態梗係即刻叫佢留個大啦！記住今晚係星期二！等左一陣都即刻有得入，同的comment一樣，普通格局，唔會好靚裝修，但招呼又真係可以喎。又有熱水洗碗筷。正常啊！羊腩煲滾滾下想叫哥仔幫我開，佢叫我滾多陣會幫我開添，咁就食餸先啦。魚皮好正（無影）咕嚕肉真係好好味，唔係普通大排檔料，但講唔出有咩分別因為9點後生海鮮85折，就叫左個蟹粉龍蝦蒸飯，龍蝦係生猛架！羊腩煲食得，每一舊都連皮，同埋無個的骨多過肉個的，味道好啱口味，夠濃唔騷，份量就正常，總括以我唔係專家計，係好好味道！😋埋單先不得了5個人食，292蚊一個人又龍蝦又羊腩又食餸仲有4/5支啤酒，物超所值！掂！同埋星期二都爆到咁，正

臨時臨急先約到屋企人食飯，book到呢間餐廳，座位非常迫，5個人坐4個人既位。都算啦，諗住繁忙時間無辦法。豉汁蒸白鱔算係幾唔錯，調味略淡海鮮價既鮑魚，介紹個陣就話$48一隻，埋單個陣就$78一隻。唔知椒鹽係貴d定點樣。屋企人埋完單先知呢個價錢，感覺取巧。鮑魚算彈牙，但係咸得滯。冰梅骨，等左好耐，味道唔差的，不過無梅味既另外叫左瑤柱豆苗同一品炒飯，都係$138，瑤柱芡汁多過瑤柱，唔推薦。一品炒飯有唔少帶子同蝦仁，而且有鑊氣。5樣野食左$1000左右

好鍾意食大排檔鑊氣小炒，但有時又怕街巿地區太污糟，黎呢d大排檔style嘅小店就最啱。餐廳位於旺角，地點方便，價錢合理，同三五知己食下小炒啤啤佢就最啱🍻我地先叫左2味香口小食，分別係椒鹽豆腐同椒鹽白飯魚😋 2味都好香脆，乾身唔會成口油。椒鹽味道惹味，口感外脆內軟，食到唔停口😋主菜朋友叫左佢最愛嘅咕嚕肉，呢度嘅咕嚕肉味道偏甜，略略帶酸，非常開胃。不過今次我地無叫白飯，反而叫左好考工夫嘅肉絲炒麵🥘 炸麵底好脆，加上上湯肉絲汁，唔會太熱氣但保留微脆口感👍🏼最後食左咁多香口野，叫番個菜清一清，叫左金銀蛋娃娃菜🥬估唔到份量會有咁多，娃娃菜用上湯浸住，清清地但有金銀蛋咸香😋

行完旺角家樂坊就搵吓附近有乜餐廳可以食晚飯，同行朋友想食中式小菜，搵到呢間小店好似幾有風味，睇啲相好似幾有鑊氣，就去試吓。蜜味鮮果牛柳粒 $128鑊氣小炒，一上枱香氣撲鼻😍黑椒牛柳粒火候剛好，唔會乾柴，肉質鬆軟，配上香甜多汁嘅菠蘿粒同埋惹味嘅青紅椒，加上脆口嘅腰果一齊爆炒，呢個組合簡直係絕配👍🏻XO醬碧綠炒大蝦球 $158大蝦球肉質超級爽彈，有少少XO醬嘅香辣惹味😋，好香好香。配上爽脆嘅蜜糖豆同埋本菇一齊爆炒，一啲草青味都冇，食得出夠晒鑊氣👍🏻紅燒BB鴿 $78/隻BB鴿細隻得來都有啲肉地，皮香肉嫩，沾上准鹽食吊吓味，更加滋味👍🏻生煎粟米墨魚餅 $88墨魚餅厚厚一件，好紮實，墨魚膠加入左粟米粒增加咗啲爽脆嘅口感，沾上泰式甜辣醬食，係幾開胃嘅一個小食😋如果可以再加入一啲墨魚粒粒咁就更加有𡁻口。

又是和朋友的餞行飯, 大家都是麻甩佬就去小廚吃鑊氣小炒, 加多兩三支大啤就是最好最暢快的晚餐. 這家餐廳名字矜貴, 但吃的是充滿街頭風味的平民小炒. 中價等級的價錢, 份量夠也是吃得夠爽的, 黃金蝦的鹹蛋黃平均沾在大頭蝦身上之餘, 也夠入味, 而且不會一夾就脫落, 蛋黃也夠起沙. 豉椒炒蜆的蜆肉無沙, 而且絕大部份的殼也是開的, 比較細隻但汁醬味道濃, 送酒一流. 火腩蒜子鱔魚煲湯上枱時夠鑊氣, 肉質爽彈而不會太淋, 件頭夠但略嫌蒜頭味可以再重一點. 梅膏骨醬汁真的有梅子香味, 啖啖肉而餘先炸後也是保持肉質不會太老. 人在異鄉，未必能夠時常吃到這些食物, 希望老友會喜歡, 我們在江湖見.