金玉滿堂

營業中

休息中

📍金玉滿堂😍旺角高質素雞煲👍～食物質素高😍店員服務態度好👍～花蛤海蝦雞煲（細）😍好耐冇食過咁正嘅雞煲🥰細雞煲都份量勁多😘雞肉嫩滑👍調味非常香濃😘花甲勁大粒🥳海蝦食落勁新鮮😍～椒鹽鮮魷❤️椒鹽鮮魷炸得勁香😘好有鑊氣😘調味亦都做得非常之好👍每條魷魚咬落都勁煙靭爽口🥰👍～下次一定會約埋一大班朋友再嚟食呀🥰🥰📍金玉滿堂 (旺角)旺角煙廠街6-20號華新大廈地下14-14A號舖

今日約左舊同事食飯，同事介紹旺角金玉滿堂食大排檔，真係好岩聚餐食飯。花膠麻辣雞煲（細 ）$288一嚟就先揀左個雞煲，岩哂配酒配飲品，細煲的雞份量都好多，2至3個人都無問題，小辣醬汁唔會好辣但亦保持到雞煲的惹味，雞件吸哂味之餘又唔老好嫩滑，花膠大大件啖啖肉，仲可以加湯打邊爐，加左生菜同即食面，兩樣野吸哂湯汁精華，好正。椒鹽鮮魷 $128外皮做得好薄，所以炸的時間唔需要太長，魷魚唔會過熟，真正做到外脆內軟，配上醋汁食多幾舊都唔油膩，又係好岩送酒的餸。餐廳就係旺角，位置好方便唔同朋友都可以約埋一齊。服務仲好好，服務員好留意每張枱，要加單或者拎野都即時回應，但同時又唔洗趕住走，真係好岩朋友聚會。

🍖黑草羊腩煲｜$368（中）🦀生拆蟹粉生煎元貝皇｜$198🥬魚湯雜菜煲｜$108天氣凍打邊爐/烤肉食到膩，決定轉戰羊腩煲😂第二次回訪金玉滿堂，私心好愛嘅一間大排檔小店基本上每枱都有嗌黑草羊腩煲，羊腩量激多✨炆得好霖又夠入味，羶味唔重🤤如果係羶味味愛好者可能會失望～醬汁唔會過份咸好抵讚，煲內仲有冬腐竹、馬蹄、冬菇，另外仲送生菜，食材咁豐富咁嘅價錢真係幾抵～🙌🦀生拆蟹粉生煎元貝皇，見到即心心眼😍蟹粉量足，元貝皇亦好大粒，煎嘅熟度啱啱好，口感彈牙又軟熟🥬魚湯雜菜煲，個人認為性價比頗高嘅一款菜，魚湯鮮甜，入面有粉絲、大蝦乾、金針菇、白菜，纖維攝取即時達標✅

呢排香港好凍，我哋就知道要捉緊冬天嘅尾巴，因為香港真正凍嘅日子真係唔多。我就把握機會去呢一間食羊腩煲。佢可以話係我食過嘅羊腩煲最好食嘅一間。 🍖首先係羊肉嘅數量，其他嘅羊腩煲一般都係件數唔多，從好嗰方面諗，就係我哋可以叫多啲其他嘢食，負面啲，就係唔夠食。呢度嘅羊腩煲，你一打開就見到裡邊，都係滿滿嘅一盤，而且下面唔係好似盆菜咁，搵啲嘢墊起佢，而係仲有好多羊肉。 🍖羊肉嘅質量亦都相當高，羊本身一定有啲騷味，如果太肥，就會變得勁騷，食得幾舊就唔想食，呢度嘅肥瘦均勻，皮同埋瘦肉中間，一定會夾雜住肥膏，但係唔係過分，而係剛剛好可以帶出肉香，所以總括一啖咬落去，會食到皮嘅滑嘟嘟，肉嘅軟腍腍，同埋脂肪嘅香噴噴。 🍖跟住就係湯汁，有淡淡嘅藥膳味道，唔會太濃，所以令到更加產生補身嘅感覺，而且非常配合肉嘅味道，絕對唔會喧賓奪主。店員又會好細心咁喺中間未煲透但湯又滾起嘅時候嘅時候，將啲湯汁畢起，淋係肉上面，令到每件肉都可以充分覆蓋湯汁。 🍖當然我哋都叫咗荷蘭豆炒蝦球同埋醃魚皮，兩樣嘢都非常爽脆，但係係唔同嘅脆，蝦球同荷蘭豆一齊發揮爽彈嘅口感，而且用一個好富有詩情畫意嘅碟上枱。魚皮仲正，食落真係以為食緊海蜇，

陪朋友嚟旺角買露營用品，行完就順便喺附近食埋飯先返屋企。友人想食中菜，揀咗呢間位於煙廠街嘅「金玉滿堂」。餐廳主打新派粵菜同游水海鮮，另外亦有鑊氣小炒、羊腩煲、麻辣雞煲等可供選擇。點咗個雙冬扣黑草羊腩煲 ($368/中)，羊腩煲選用新鮮黑草羊，羊皮爽彈有咬勁，腩位豐腴肥美，入口羶香肉嫩，味道濃郁但又唔會過鹹，吃時更帶陣陣南乳香，補身又暖胃。配菜用料亦非常豐富，除了爽脆馬蹄、軟腍枝竹、新鮮冬筍同厚肉花菇外，仲有索味嘅唐生菜，食完成身暖笠笠。另外仲點咗半隻脆皮一品燒雞 ($158) 同 鮑魚撈飯 ($68)。燒雞外皮極薄又夠脆卜卜，肉質非常嫩滑，而且皮下無乜脂肪，入口雞味十足，用嚟送飯一流！鮑魚撈飯連刀叉上，鮑魚有掌心般大，質感腍滑，軟糯又入味，配埋啲鮑汁撈飯食，滋味倍添。

在家樂購物後，就在附近街市的小菜館晚餐。因為這裡有羊腩煲囉！天文臺預告氣溫進一步下降了！跌到12度！天寒地凍，自身脾胃虛寒，手腳冰冷。實在要食返個補氣益血的食物，暖一暖身。在內堂就座，點了羊腩煲二小食一支啤。麻香爽魚皮 魚皮十分爽脆，跟一般Q彈的魚皮有明顯分別。下方有香麻油和鹹香雞汁，以wasabi豉油，來替代豉油和辣椒。七味炸豆腐 大大碟，件數多，方便多人分享。炸豆腐表面除了七味粉，還有炸蒜。炸皮不油膩，香口小食，讓人一口接一口。雙冬扣黑草羊腩煲 自家間中會製作羊腩煲，可是買料備料，羊肉砍件出水，爆炒炆煮几個鐘，實在嘥時間嘥煤氣，費時又費力。能懶則懶，所以到餐廳享用更方便。餐牌註明是＜扣＞，把材料放在大碗裡排好煮熟，倒扣在瓦煲裡，然後上枱加熱。真身:羊肉排整齊排好，呈圓拱形；非因煲蓋，全賴大碗。主角是羊肉，還有冬筍冬菇馬蹄炸支竹等材料，跟柱候醬，薑，葱蒜一起搞出來。羊肉軟身容易咬唔乾柴，羊皮煙韌也是軟綿綿，無需太多牙力即可享用。湯汁鹹度適中，沒有蓋過其他食材的原味。 炸支竹易掛汁，我所愛也。馬蹄清甜，冬菇厚身，筍脆口。有羊腩煲，當然要配生菜。 生菜吸盡羊肉精華，又有纖維幫助消化，美味

餐廳位於旺角煙廠街，位置非常方便。店內主打鍋物及小菜，有多款選擇，而今期冬季推介款式一定是「羊腩煲」。［羊腩煲］煮沸後慢慢煮一段時間讓羊腩更軟熟及入味先食。一開蓋香味溢出，好香！湯頭色澤情深啡色，好濃味。支竹索晒湯底味好濃味，馬蹄粒甜甜地幾好食，羊肉都好嫩滑（一定要連皮食）😝［✌🏻鮑魚位上］晚飯整返個位上嘅鮑魚撈飯先！鮑魚彈牙，底下既飯糰加左照燒汁好惹味～［🔥海鮮］蒜蓉蒸蟶子，店外有個魚缸放養海鮮，蟶子食落肉質好鮮甜，口感彈牙。［小食］酒釀豬手（冷盤）：骨膠原超豐富！

金玉滿堂．必食黑草羊腩煲呢排天氣又凍左，好想食羊於是同朋友去咗旺角嘅金玉滿堂金玉滿堂打打海鮮同煲煲今次推出黑草羊腩煲，主打一個暖身呢個黑草羊腩煲，一端上嚟先煮佢10分鐘，開蓋就更滋味！熱辣辣嘅香氣撲鼻而來，個煲夠曬鑊氣，羊腩煮得軟腍入味黑草嘅獨特香味滲透入去，咬落每一口都充滿濃郁嘅肉香同草香而且份量十足，中份都夠三四個人開懷大嚼最正嘅係送一碟唐生菜，打邊爐落去，吸收曬羊腩煲嘅精華，清甜又解膩再嚟試試椒鹽鮮魷HKD128 嘅價錢，性價比超高。魷魚新鮮到彈牙，外皮炸得金黃酥脆椒鹽嘅味道調得啱啱好，唔會太鹹每一口都有椒香同魷魚嘅鮮甜。一口咬落去，香脆到一個點！送酒一流！白飯雖然平平無奇，但係粒粒分明，米飯嘅香氣十足。搭配羊腩煲嘅濃汁，或者用椒鹽鮮魷嘅碎渣撈埋一齊食，簡直可以扒多兩碗。餐廳嘅環境就典型嘅港式餐廳格局，地方唔算超大，但勝在乾淨企理，服務員態度熱情，落單上菜都好快。位置喺旺角煙廠街，交通超方便，行街行到攰，入去醫肚就最啱。餐廳： 金玉滿堂地址： 旺角煙廠街6-20號華新大廈地下14-14A號舖

Bookmark咗好耐嘅羊腩煲餐廳，原來就係「羊腩煲關注組」嘅大熱人氣餐廳，本身係一名羊痴，所以冬天都會自家製羊腩煲，某日收早就即刻網上訂位去《金玉滿堂》試，星期五6點零到達，人客不多，但我哋7點半左右走就已經全店滿座，見每枱客都一定會點一個羊腩煲，果然係一間羊腩煲名店。我同阿sir兩個人叫咗一個 $368 ＂中＂黑草羊腩煲，包一碟生菜，白飯同飲品另叫，已經夠飽（當然仲會出去食甜品啦，甜品係另一個胃吖嘛），羊腩煲要等10分鐘翻滾，開蓋一刻真係氛香撲鼻，見到份量澎湃忍唔住嘩～咗出聲，黑草羊、馬蹄、冬菇、枝竹、蔥係必有材料，估唔到連貴價冬筍都有，全部都炆得好腍好入味，羊腩係啖啖肉，但美中不足係羊腩完全唔羶，大量薑辟除雪味同時亦去除晒羊羶味，所以個汁欠缺咗啲羶味，唔夠香唔夠層次唔夠惹味，有部份羊腩有啲柴，同埋個腐乳唔好味，但呢個價錢呢個份量係絕對超值。二人共消費：$443

星期日約咗阿女同佢男友食飯，在網上揀咗這間羊腩煲有好評的中菜館。這間店舖像是大牌檔內的食肆，而且似乎有不少熟客，立即對它的菜有期待。我們先點了一個細的羊腩煲，及蒜蓉粉絲蒸蟶子。當羊腩煲滾起，大家急不及待地進攻。羊腩炆得完全入味，仍有些咬口，這是阿女喜歡的口感。配料有冬菇，冬荀，枝竹和馬蹄，及生菜。第一次食到羊腩煲內的冬荀是荀乾，這是扣分之舉，希望菜館以後食改。蒜蓉粉絲蒸蟶子雖然不夠大隻，勝在夠新鮮及時間掌握得好。😋最後加了一個薑葱焗蠔，出奇地蠔竟然是先上了脆槳炸後，再放在砂鍋內焗。雖然是香口，但蠔變了過熟。食第二隻蠔時，炸醬也開始變軟。我個人不喜歡這個烹調方法，但阿女卻說 OK。 😅整體來說，味道可以，服務也唔錯。下次會來試其他菜式。

秋風起，除左食臘味，最期待就係食羊腩煲，咁岩知道呢間金玉滿堂出左羊腩煲即刻約埋朋友去試試見到水滾就起筷啦，點知食咗幾舊覺得好韌就同老闆娘反映，原來佢話要煲夠8分鐘先至夠淋嫁，好彩佢都幫我地再加湯滾多陣👍🏻果然差好遠另外叫左半隻脆皮一品燒雞同金稻穗香一口牛，燒雞皮脆肉嫩👍🏻但一口牛真係太驚喜，一定要試首先上枱果下以為落錯單，落左牛肉炒飯，確認冇錯之後，食落竟然係脆既，原來係啲脆米，配埋菇菇同茄子都好夾，牛當然夠嫩喇，以為咁就完？配菜蘋果片見係最大驚喜吖😂係麻辣口味嫁，應該係醃製過，真係估佢唔到

雙冬扣黑草羊腩煲(中) $368汁底好香好濃郁 羊腩非常入味夠腍唔太羶 選用既部位肥瘦相間 皮冇毛清得好乾淨 另外配料都多同入味 有支竹、冬菇、馬蹄、冬筍 仲附送一份唐生菜煲底加左個架 防止燶底

金玉滿堂二訪金玉滿堂!! 手切牛(細) $228 份量都唔少 好重牛味 片片都有一定既厚度 用羊腩煲汁淥黎食真係一流!!椒鹽白飯魚 $118九肚魚一般大排檔都會有 但係白飯魚就唔一定! 見到就要叫! 椒鹽白飯魚熱辣辣好香脆 唔會太瘦太乾身 送酒一流呀

明明預約咗夜晚食7:30一早預約咗，隔咗幾日之後，無啦啦有人打嚟話唔好意思冇晒圓枱，剩係得長枱已經好無奈， 10個人食長枱，都冇講啲咩直接講咗OK算數諗住book咗枱去到就可以食啦，去到之後話執埋呢張枱俾我哋，執完張枱之後叫入嚟又話叫錯咗之後同佢講返，明明預約咗7:30 10位見到個職員眼神好慌張咁我都問佢咁而家係咪有枱？又要話有枱等咗半個鐘，等到八點無啦啦有一張預約俾我哋更加後嘅人，無啦啦又入咗（原本職員自己講入我哋先，先會入佢哋）跟住入去問個職員究竟咩事啦，無啦啦又喺度串話叫我哋等另一張八人枱，等佢哋食完就到我哋見到嗰張枱啱啱先入，啱啱先叫齊餸，即係有排等真係完全唔明預約個制度用嚟做乜嘢？點解可以安排到咁混亂，做唔到咪叫人走囉，點解要人哋等咗半個鐘仲要再等？等一台啱啱先嚟嘢食嘅客人食完未食先食咗成肚氣，絕對會黑名單呢一間，永不錄用

懷住滿心期待黎試下食呢度既羊腩煲，仲有其他小菜，真係好可惜，完全冇驚喜到我😅喺Facebook 啲群組比人煲到咁勁既一間小菜，真係真心令人失望。首先個地點已經夠差，門口左右兩邊就係魚檔，腥到又濕到呢…😵‍💫入到去間餐廳又好鬼細，枱同枱之間又窄又迫，真係夠攝個人打側身行，完全係迫到不得了！服務就唔好講啦，同冇係冇分別，自己出去裝水，自己黎啦相洗下啲碗既話😅羊腩煲完全唔係個羊腩煲群組講到咁癲咁勁爆好食，只可以話佢唔差，不過不失蒸蝦糯米飯呢個飯就真係超差！我係要用難食黎形容，真心又濕又難食，冇糯米飯嘅味，又濕到一Pat Pat咁….椒鹽豆腐呢個係最好食既一樣，呢個有水準👍🏻總結…我係唔會再黎，都唔會推介朋友黎👋🏻✋🏻