金山海鮮酒家

營業中

休息中

當晚約了 3 位朋友去金山食飯 , 一向都知金山係老舖 , 環境一定麻麻 , 結果比想像中差好多 .我地晚上九時到了 , 當時人流一般 , 都差不多滿坐 , 我地要等成 20分鐘才可入去 , 不過當時我地發現有幾檯客係打尖來 , 佢地好似識人 , 一來就有人打招呼 , 而且一陣就入坐 , 明顯佢地係冇訂檯 , 唔通係熟客就直行直過 到我地入坐 , 地下好多垃圾 , 又有水 , 真係好易滑倒 , 檯面都 ok .我地點左 : 雲英雞 , 焗魚腸 , 炸小棠菜 , 炸大腸 , 蒜蓉芥蘭 , 啤酒雲英雞都保持水準 , 不過今次肥左少少 .焗魚腸過了火 , 可惜出面好少好少人再做此菜 , 雖然係差左少少 , 不過都算數 .炸小棠菜 , 香脆 , 不過油多左 d 炸大腸 , 都幾香脆 , 不過我地果碟全部係肥腸 ..............蒜蓉芥蘭 , 有鑊氣 , 幾香蒜味 啤酒都夠凍

燒鵝，皮都OK，不是很脆，熱騰騰才好食。呢都即叫即整，我估都係整定一半，呢個菜，大概25MIN上台。我ORDER賴粉作伴。評： 8／10奄仔蟹，爸爸的最愛， 新鮮甜，不過呢款清蒸無難度。貴，＄400幾呢碟。評：7／10*蝦乾蒸肉根送飯一流，咸味同蝦乾加少少飯，肉根脆口，NICE NICE，不過呢個送一到大家已放了筷子，不便拍照。評：8．5／10

4個大2小 ORDER 芝麻蝦餅 - 騙人的!!! 應該是蝦吐司, 很油膩的小蝦吐司砵酒焗鱔- 已走油!!!非常乾是油炸鱔非焗鱔!!!!其余的豉汁聖子王 - O.K 魚湯勝瓜 - 清清地! 不錯豬 潤啫 啫 雞-又是已走油!!!乾/無雞味北菇魚唇XX - ok 生菜底很好味!!!!飯X 2 米粉 x 3最好的是米粉湯底是甜甜的，蠻好吃!!!Total $ 643不貴但不好吃

今日係我既生日，我既家人book左去呢到同我慶祝。未到6點半酒家內已經高朋滿座，幸好有訂所以有張在門口附近既抬。雖然位子不似太舒服，但係食物足以互補不足吧！這裏的招牌菜非椒鹽大瀨廖蝦莫屬^_^炒得香口惹味，肉質新鮮彈牙，是久違了的味道。而我另一個「飛佛」就係豉椒炒聖子，豆豉既香味加聖子的鮮味，正！其實呢間嘢之所謂好味係佢真係真材實料，用料新鮮，同埋佢處理得d海鮮好好，完全無沙，值得一試！

由於，大人們鐘情這店，AUNTIE的生日指定之選。奄仔蟹評：好貴，不過都好肥，好香，清蒸無難度。7／10評：招牌，油鹽水花甲，SO NICE，好野味，潮州人好BUY呢個菜。8／10評：跟SET， OK，不過不失了。評：蝦乾肉跟，好好味送飯首選，起LIKE ！！！！ 10／10評：牛油白飯魚，10／10我的最愛，脆，脆，脆，小食送酒佳物。評：新鮮製的燒鵝，加賴粉，十分合拍，勁正，D燒鵝肉OK籍，SKIN脆的。9／10送的飯後甜品，7／10，好甜但好鬆化。

雲英雞例牌, 雞皮厚度超越理想程度, 太肥, 不可能與雞肉一起吃, 要做手術切除, 但雞肉算滑, 不及媽媽在街市買回來的新鮮, 無疑是冰鮮貨, 雞味尚可, 砵酒焗桶蠔, 錫紙包著焗, 中等大隻, 味道略淡, 蠔味不足, 但咬口尚好, 彊蔥炒聖子, 新鮮彈口, 一片生菜放底, 只約三人粉量, 味道尚算鮮甜, 椒鹽瀨尿蝦, 中型呎吋, 肉質彈牙. 蒜容辣椒不足, 味道略淡,

一早訂好桌, 一行5人6點45分黎到, 訂左7點正, 都要係門口等入座即點菜, 好多海鮮都想食, 樣樣都好吸引!豉椒聖子皇 - 入口鮮甜及爽口, 生菜塾底, 可吸走一些油份, 送飯一流呢!生煎蓮藕餅 - 粉不算太多, 蓮藕已切碎, 混入馬碲後再生煎, 入口非常不錯!脆炸乳鴒仔 - 即炸, 所以勁熱辣辣, 但不覺油立立, 肉幾嫩!金山招牌炒飯 - 煲仔上, 所以即炒即食新鮮入口, 料多, 飯粒分明, 5個人share都好夠飽肚呢蜜糖涼蛋散 - 由入門口一刻就想食, 原來係食完飯先有得送架! 經理仲多送一碟比我地呢! 真係好!如果訂左位, 唔洗再等就入得, 就更加好!

我家是金山的常客，今晚不去地鋪，因為呢邊冷氣比較充足，坐得又好D，環境又NICE D是日家常菜＄839，一家五口。1）豬肺雞腳湯＄78 （例） ﹣ 忘記影相評：清， 不用味精。9／10分2）燒鵝 評：好味，汁OK不是好咸，鵝肥先香口，5個人，剛好，不用食太多。小食多滋味， 其實比深聯井更好。呢到熱呼呆上桌，又可以叫賴粉食。9／10分3）椒鹽白飯魚評：“脆” 一字，“香”一字， “真”一字 10／10分4）椒鹽蝦評：新鮮，新解，脆!！！9／10分5）乾蔥肉蟹評：驚喜，今晚有膏，拍照不來，已被BA BA 食左了。乾蔥汁，不是太濃，令蟹味出，新鮮新鮮。8／10分6）蝦乾蒸肉筋，Highly recomment !!!!!評：送飯首選！！！蝦乾有CHEWING，咸香！肉筋OK 有CHEWING ， 送飯一流！！！！好抵食！！10／10分 送甜品：炸蛋散， 不是道道都做呢D野，懷舊！！！如果，不要海鮮，平時大概$120人頭。總評，十分滿意。

早三天前訂枱，訂6:30的。酒家回應說8:30交枱。今晚一行七人準時6:30到場，現場沒有很多人，雖然招待的有笑容，但坐下已有催促落單的感覺。要了一個四至六人餐，因有一位朋友未到，欲先落單套餐，待朋友差不多到時再落單兩至三道菜。服務員說起菜甚快的，問是否叫起，我們說可以，因為打算把餸菜留起給遲來的朋友。落單不夠5分鐘已上湯和雞了，接着不夠十五分鐘，已將所有五六道菜都上了，擠滿一桌，根本就是想你快點走。事實上的確人開始多，最後是全場滿座兼多人等位。所謂比較好吃點的只有炒頭腩和蝦球伊麵，鮑魚靭加沒有鮑味。在朋友在到前約十分鐘，我們要加單加兩道菜，叫人取來餐牌時黑面，加了焗蠔和咕嚕肉。服務員稱蠔只有四隻，不夠分，因我們當中有人不吃蠔，所以沒有問題。之前在openrice中見過相片，焗蠔頗大隻，所以$118 4隻不出奇。上枱時，一打開，內裏有6-7隻中蠔，基本上和一般大排檔吃的薑蔥蠔大小差不多，味道還算中等偏上，勉強過得去。不夠8點，自動送上單來埋單，我們並未示意埋單，也罷，環境已身擠迫及嘈吵，早點埋單也好。最後有幾位要上洗手間，其他人便坐着等，服務員已急着收拾枱面，更出聲請到升降機口等，也就

8點半, 店內仍人山人海, 但等位的已不多了!店舖以食海鮮為名, 但眼見周圍幾檯, 都食家常小菜為多!原想點眾人推介的豬肺湯, 但可惜, 賣光了, 只好轉海底椰雞, 湯好清, 味精唔多, 足6人份量, 但memu 寫2-4人??其餘的有油雞, 嘩, 真係好油, 而且無雞味 唔記得甚麼浸蜆, 小小辣, 香茅味幾重! ok! 鼓椒炒聖子, 好爽, 幾大隻. 不過成30蚊一隻, 有d 貴! 香橙骨, ok! 幾送飯! 換下唔使次次食咕嚕肉! 椒絲腐乳炒通菜, good! 炒得比較乾爽!窩貼小唐菜, 唔多油, 幾香口, good! 泍酒焗蠔, bad, 無酒味, 無蠔味! 最後送嘅蛋散, 反而幾好味, 唔太甜, 幾鬆口!服務都唔算差, 不過趕客趕得太出面, 不停係身邊轉來轉去, 仲要放埋張新檯布係旁邊, 都成10點, 無客等, 點解要咁啦?? 一字咁淺 - 早d 收工

個帶位服務奇差!!! 一入去，我地4個人俾張2位我地，咁我地梗係唔坐啦，問帶位個女人，佢仲鬧我地：話我地阻著哂，唔坐就坐！都唔知有冇搞錯架！！叫左1個炒菜心, 略嫌多油, 但爽脆。頭抽豉油雞 - 汁太少，沒有特別感覺。豉椒炒聖子- ok la。咕嚕肉- 唔好食蛋散：送的…全晚最好環境很迫, 及嘈吵請我都唔會再去啊

兩個人係佐敦搵地方飲茶 隨意找了這間試試好肚餓下 一下子點了四款點心 一碗叉燒飯懷舊點心'豬膶燒賣' 好味道鮮蝦腐皮卷 外面脆卜卜 蝦肉爽甜蒸排骨,潮州粉果 水準一般叉燒飯 嫌叉燒切得太薄又太瘦 食落好柴口 似肉片多些,無用蜜汁煮水夠滾 茶夠香 可惜叉燒實太差,拉低分..

食海鮮，市區平價質高的不多，OPENRICE常見笑臉的海鮮酒家，决心訂枱一試。當晚沒心情...VIP房(間開一大枱)側就慘，VIP房內傳出煙味，向侍應投訴都冇用避風塘炒蟹 - 大隻肉厚，辣咗少少，非常好味豉椒聖子皇 - $98-2隻，好似好貴...但想再來一碟椒鹽瀨尿蝦x2 - 大隻....$68一隻...真係唔可以叫大隻...4-5兩一隻左右,味道絕對OK油鹽水大蜆 - 香料過多...食不出蜆鮮味上湯菜心 - 鮮甜油泡龍躉＋兩 - 不多...油太多...較失色金錢雞 - 都算OK送蛋散 - 有点像脆麻花...合格共890元

是晚在佐敦都有飯開！一間非常地道的街坊酒樓 -「金山」，餸菜又平又很好下飯。晚飯孖寶 $138 (一) 頭抽豉油雞豉油味濃，不會一味死咸，雞肉嫩滑。晚飯孖寶 (二) 豉椒炒大蜆大蜆惹味，完全沒有沙，好吃。魚湯魚滑浸勝瓜 $58魚湯鮮甜，勝瓜 亦不老。蜜糖蛋散 (免費)免費的就不用理這麼多，不錯吃就行了！

這日和另外2位友人到金山的分店食晚飯。這分店位於商廈內，裝修較廟街附近的老店新淨，地方也看來較衛生企理。我們食了﹣焗蠔： 很大隻，很入味，好吃。胃口不大的我們，食了一隻已開始感到飽了。椒鹽特大瀨尿蝦：沒想像中特大。肉不夠厚和彈， 一般而已。牛油白飯魚：很脆很乾身，十分美味！真有衝動打包一份回家當薯片零食吃 不過可能是油炸和牛油的關係，很快就覺得有點'漏'了。支竹涼瓜斑腩：魚肉很一般，還是支竹和涼瓜較吸引。生煎蓮藕餅：餅應該是炸得過火了，吃下去太硬太乾，失敗。炒莧心：菜雖不算嫩，但也不老，鍋氣也夠，就是下油太重手了。蛋散：送的甜品。我已太飽太膩了，投降沒吃。友人說還算做得不錯，夠鬆和香。這店的食物大都算新鮮、味美，夠鍋氣，價錢也很便宜，menu中幾乎都是under $100。服務也可說有禮。但對我們來說不能常吃，因為食物都偏油膩，但偶爾試試，也頗有風味的。