金山海鮮酒家

營業中

休息中

與老友北上回來, 到這裡吃晚飯, 二人叫了 :砵酒焗桶蠔 - 四大一小, 大的有成三寸長, 非常肥美, 但沒甚麼砵酒味, 勝在不怎麼油膩豉汁炒聖子王 - 味道剛好, 不太濃, 沒有搶了聖子的鮮味椒鹽蝦 - 比較油, 蝦不是很大隻, 也不是很新鮮, 但味道很好。 炸乳鴒 - 比預期好 , 大小適中, 皮很脆, 很香口蒜溶芥蘭 - 真是不時不食, 賣相與煮功都很好, 但芥蘭實在太老, 太硬, 扣了不少分豬肺湯 - 有別於一些高檔酒家的的杏汁白肺湯, 這窩可分六碗的湯, 用大白菜, 南北杏, 豬肺, 雞腳, 廋肉明火煲出來的湯, 非常清甜, 甚至連煲湯後的大白菜也很甜, 我們最後連吃不完的湯料也打包走, 而這窩湯只賣六十八個大洋雲英雞 - 這裡的名菜, 有少少海哲伴碟, 但就不見了傳聞中的雞腎, 肉很滑, 很有雞味甜品送了蛋散 - 太飽了, 沒有吃, 老友整碟幹掉了環境很迫, 很嘈, 其間還有一個像老闆模樣的人大聲罵伙計, 大殺風景, 不過食物真的幾好, 價錢亦合理, 下次還是會來的。埋單五佰七十個大洋。

之前行過見到好多人等位, 加上聽過同事講,呢到幾好味,岩岩FRD生日,一行9日去食生日人飯,BOOK左7點15一入去就有位,唔使等,個WAITER叔叔好NICE< 一來叫左個豬肺湯......好耐冇飲LA...好好味,大妁分到6碗.之後叫左8個食送,包括1. 豉椒炒聖子- 不過不失2.乳鴒 - 味道岩岩好3.多士蝦餅 - 呢個普通左DD, 不過D蝦好大好正,建議可炸得更加香口4. 鮮蝦小棠菜鍋貼- 呢個好SURPRISE, 好好味,仲以為一咬會林PATPAT,黠知一咬都唔似係小棠菜,好好味,D蝦好味5.瑤柱琵琶豆腐 -幾滑6.薑蔥焗生蠔 - OK,不得5只,,,,唔夠食7. 焗'善' - 一般8. 咕嚕肉......一般送:蛋散 甜品-OK....9個人$880元...幾抵食..味道幾好,服務都幾好,KEEP住都會加水.不過好多人排隊唔可以吹咁耐水

今日卒之食到哩碗魚蓉粥，次次來都沒晒，今次可能因為早左，果然好味，魚蓉都唔少，又幾傑身，另外叫左幾款點心，其中春風得意腸勁好味，裏邊有蝦，仲有好似系帶子，食落爽脆又鮮味，贊！仲有叉燒幾好，唔會硬身，飯就麻麻，其他就同出邊差唔多。總結系用料新鮮，味道幾好，招呼普通，環境麻麻，都幾迫下。

香港地潮流興飲茶文化，而家無論一家大細男女老少情侶知己，都鍾意嘆下一盅兩件，過返個悠閒的下午。因此，香港的茶樓、酒家開到港九新界，成行成市，幾乎好似便利店咁，梗有一間係左緊。不過，講到質素高，又要價錢平嘅，真係可遇不可求。今日咁啱就比我遇一間－－－金山海鮮酒家。我都係個朋友介紹上黎飲茶，佢一早BOOK左位，一入到去，D位有D迫，我問侍應130號台係邊，佢仲話：「我地無130號台喎！」原來張台係角落頭，好彩個朋友向我揮手，如果唔係我真係以為自己去錯酒樓。朋友黎過呢度幾次，所以我叫佢揸FIT叫點心，實無死錯人。佢叫左5樣野，除左麻蓉包之外，都係普通酒樓有的，豉汁蒸鳳爪、潮州粉果、鮮蝦馬蹄餃，以及排骨蒸陳村粉。又估唔到喎，樣樣點心都幾有水準，鳳爪賣相靚，唔會「燶口燶面」，又幾JUICY幾入味喎。伴碟的花心都幾腍。粉果好大粒，落足料，好多粉葛，仲有3、4粒花生，唔似得有D酒樓咁，D粉果好似肌肉萎縮咁。蝦餃皮薄，馬蹄爽脆，大小適中，一口一粒剛剛好，唔錯！排骨蒸陳村粉我只係試左粒排骨，無雪味，唔會太瘦，不過蒜味不足。D粉如果唔落豉油，會好寡口。壓軸登場嘅係... ...麻蓉包！！！正呀！！！出面頂

心血來潮好想飲豬肺湯不想花時間自己預備所以特意來飲, 原本想去新天地, 但沒有開這間地點方便, 於是改去這間好扺極力推介湯 鮮味 不腥有紹興酒味湯渣也不錯有五碗之多一定再來補一補人不太多不用等位

同屋企人O係街搵野食, 行到尖沙咀見到有間酒樓, 於是走上去試下, 因為時間都仲早, 所以一入去就有位。味道野食味道都OK既, 唔算得上好好食, 不過都煮得唔差菜膽燉豬肺湯: 個湯都幾清甜, 有好多豬肺, 正!豉椒炒大蜆: 冇乜特別, 度度食到既都差唔多蜜椒蘭花鱔球: D西蘭花好爽, D鱔球就一般薑蔥焗桶蠔煲: D蠔都幾好, 冇乜腥味, 而且上黎果陣熱辣辣, 好野味生汁芝麻蝦餅: 呢個係個人推介, 好少地方有得食, 幾特別, 個蝦餅入面真係有原隻蝦, 再加埋上面D芝麻, 好好食!蛋散: 食完飯冇糖水送, 不過送蛋散, 都整得幾好食既, 又脆又唔太甜環境:一般酒樓裝修, 地方唔算大, 迫迫地。佈置唔富麗亦唔精美, 只岩一般食飯, 有野慶祝我就唔會黎呢度服務:一般。D服務員唔太殷勤, 亦冇乜笑容, 係一般酒樓既水準

Tucked away on the 7th floor, Kam Shan #2 features a more comfortable seating compared to the original one. Seafood is Kam Shan's specialty; thus our meal was mainly seafood including: fish tail, salt and pepper shrimp, baked oysters, some special long clam, to name a few.All of the dishes were well prepared, not too salty nor oily. Service was also attentive and friendly by the waitstaff, which was definitely a plus. Despite being on the 7th floor, the restaurant was still slightly cramped, in

我在起碼兩星期前訂枱。當到達金山時，發覺沒有一張枱寫上我的姓名，便去問知客，因這已不是第一次訂了枱沒有位要等。誰知去問知客，態度極差，那個經理態度更差，被他教訓了一頓！這是什麼世界，什麼是待客之道。這樣的經驗已不是第一次，實在氣難平。食物質素如何也沒關了，吃氣也吃飽了。奉勸各位三思 ：（

呢個星期都嚟左兩次金山啦今日嚟到下午點零鐘.十分多人兩人座位很容易便等到一坐底就叫咗個魚蓉粥我同朋友十分欣賞呢度嘅魚蓉粥有不少魚肉.啖啖都有料到粥底亦十分綿.味道亦調得唔錯仲有叫了個油雞飯.呢度油雞飯雞肉好嫩滑.雖然是特價雞肉份量都不少.有時候仲成隻脾位仲有一個皮蛋三寶.有皮蛋、豬耳同牛展味道都不錯.豬耳點少許沙糖夠爽甜還有脆皮燒腩仔.嚟到仲熱架一碟仔都有成二十件咁多皮夠脆.不算太肥.肉有香味環境就是一般酒樓咁樣但佢有好多窗口位都係見到街或馬路服務都係一般.見到好多都是熟客而我們就是半熟客又熟唔哂果種

又黎呢度,兩個人簡簡單單一碗油雞飯幾好 (次次必叫)炒連偶爽口又鮮甜可惜太多油九才豬紅好惹味飯後加個耶皇,香甜又玆味埋單每人五十大元唔係貴地方就腳在佐敦區久不久會再來

睇咗openrice嘅食評好似幾好, 所以去試試, 一般, 冇咩嘢特別同老公兩個人叫咗砵酒焗桶蠔, 豉椒聖子王, 椒鹽瀨尿蝦(大), 紅燒乳鴿一隻(大), 咸魚炒芥蘭砵酒焗桶蠔 $88 - 兩個人得4隻, 之前睇另外一位食家寫佢哋4人有6隻, 咁即係點呀, 2人4隻, 4人6隻, 咁6人有6隻定8隻?? 同一價錢不同份量 要$22一隻蠔, 真係好貴!!!! 啲蠔都幾大隻, 幾香酒味, 但冇蠔味~~豉椒聖子王 $88 - 唔可以話係聖子王囖, 但都係大size, 有5隻, 啲殼擺咗係隻碟度, 所以數度, 味道幾好, 但啲聖子唔係特別鮮甜, ok啦~~椒鹽瀨尿蝦 $38/隻 -咁嘅size 要$38/隻貴咗啲, 之前係屋企附近食同一個size, 都係$22/隻, 真抵食~~紅燒乳鴿 $38 - 咁嘅價錢, 冇要求~~另外提一提佢哋嘅服務, 流水作業,出菜好快, 好似快餐店, 快食完快走, 輪到下一圍我都唔知比ok好定喊臉好, 要咁嘅價錢, 普通味道, 冇服務, 唔係好值

下午成班同事去吃午飯由同事發起叫餸炸蝦餅拼炸蠔餅雲英雞一隻砵酒焗美國桶蠔兩份鼓油皇鵝長兩碟上湯才一碟點心亦有成十碟咖哩尤魚,蝦餃,蒸排骨講幾樣我比較鍾意才式砵酒焗蠔是該店出名才式蠔都好肥美.但沒有酒那香味鼔油皇鵝幾爽口長有少許肥糕更加香可惜牙才多過鵝長雲英雞好嫩滑且有鮮味其他才式同點心大至同出面酒樓都差不多,並無特別午市都很多人埋單每人一百零幾可接受

第1次黎呢到飲茶。好彩唔洗等位。不過環境比較細, 台與台之間無咩空位, 好迫。行開行埋都要唔該借借。爸爸係傷殘人士, 對佢黎講都比較唔方便‧不過d waiter已經好好, 一路開路俾我地過。讚!!3個人叫左4 樣野食。其實個到款式唔多，但野食就幾好食。見到台台都食乳鴨, 我地都叫左隻黎試, $26.8一隻, 炸得好好食, 真係色香味都有。一碗菜干冬瓜排骨粥$12.8, 個樣唔吸引, 仲要放埋冬瓜怪怪的, 但食落又ok哦, 好甜哦, ｄ排骨仲好林ｔｉｍ～蘿白糕, 3小件, 食落唔係一舊粉, 真係有蘿白絲既, 唔落豉油都好夠味。一個壽包, 因為想食蓮容包, 但又無哦, 所以叫左個壽包黎代替, 佢既壽包, 原來係一籠一大個既, 本人鍾意食一口一個, 一大個就唔太鍾意。茶錢$6 位!最後3人埋單$93, 抵食啦!可以再黎。

今晚想响佐敦食飯, 諗起好耐前响呢度食過一次, 見 openrice 有 coupon 送, 一於黎嗒嗒啦 燒腩仔: 食評好多人都讚, 一於叫碟黎試下, OK 啦, 唔算太大驚喜 ...... 豉椒炒蜆: coupon 送, 唔會因為咁而細細碟, 好夠份量, 味道都好好味, 係嫌唔夠辣囉 ...... 滑蛋蝦仁帶子: 好好味, 啲蛋好滑嘟嘟架, 蝦仁帶子又大大隻喎, 好爽口好新鮮咁, 唔會食到一陣膠味同雪藏味, 抵讚 ...... 蒜蓉蒸中元貝: $16 隻, 幾有咬感, 蒜蓉味道適中, 加埋啲粉絲, 好好嗒 ...... 馬拉盞海鮮豆腐煲: 送飯一流, 好齊材料 .......可能星期五晚關係啦, 勁多人, 樓底矮所以好嘈呀, 上菜超快, 7:30 落單, 8:20 已經嗒完可以走得, 見有成幾枱人响度等位, 都唔好意思坐咁耐囉, 不過總括黎講, 價錢同味道都抵食既 ......

一直想去吃海鮮宴, 不過鯉魚門或西貢對我來說, 路程確實相當遙遠。見此店在OR的評語很不錯, 就來一次市區的海鮮宴吧!我和哈比差不多8時才到達, 大枱已全滿, 只剩下一些零星細枱, 相當旺場。因為只有我倆, 所以不能點太多, 包括名物砵酒焗生蠔, 通菜牛肉, 蒜蓉蟶子和蠔皇鮑魚, 陣容非常豐富, 加上每道菜份量夠, 差點吃不完呢! 先說名物砵酒焗生蠔, 上桌速度超快, 有理由相信是預先整定的。砵酒味香濃, 生蠔肥美, 唯一要扣分的是生蠔不夠甜, 因為我吃過更鮮甜的。通菜牛肉大大碟, 鑊氣夠, 牛肉有回應有的質感, 沒有太多用梳打粉招呼過的痕跡。全晚我的最愛是炒蟶子, 本有多種食法, 最常見的為豉椒炒, 但怕蓋過其鮮味, 還是清清地算了。我沒有揀錯呢, 清炒最能帶出蟶子本身的甜味, 加上肥大肉厚, 真是令人回味無窮, 也吃得出廚房在處理火喉方面相當到家。我已經忘了價錢, 不過印象中很抵食。全晚最失敗的竟是壓軸的蠔皇鮑魚。一上桌已知出事, 色水全然不對, 上色上得很假, 茨汁很杰身, 味道像食橡膠, 早知清蒸好過, 好端端的鮮鮑, 就此浪費掉了, 也成為全晚的敗筆。總括來說, 這裡是市區裡