金山海鮮酒家

同fd去食飯，佢係「永遠8分人」，無論食咩都話「唔錯呀～8分啦」。 但我今次真係忍唔住只可以俾4分。🙃 🍽️ 今餐點咗： - 金沙粉絲蒸聖子 🐚 (166) - 招牌雲英雞 半隻 🍗 (126) - 老虎斑 一條 🐟 (368) 💸埋單 $759，兩個人。 ⭐️fd評語： 「蒸聖子好香口，雞都幾滑，條斑都幾新鮮喎～8分啦！」 😶我評語： - 聖子：我食嗰隻竟然有沙！咬到咯咯聲，成件事即刻冇晒feel；fd就話冇事，仲照樣開心食。😑 - 雲英雞：確實滑同嫩，但鹹到爆燈，食咗兩啖要即刻飲茶沖淡。除咗口感，冇咩特別。 - 老虎斑：最大失望位，唔止overpriced，仲煮到過熟，魚肉乾晒，好似食緊$368嘅魚乾。🤦🏻‍♂️ 整體感覺：出面好多酒樓都做到差唔多水準，仲平啲。呢餐真係「價錢海鮮級，味道一般」 …查看更多

我和老公到過金山海鮮酒家吃過幾次晚飯小菜還不錯今天第一次到金山飲茶好唔得點了各種點心鹹的甜的煎的每樣都唔好食最重要是每款點心上桌溫度是溫溫吞吞的吃完第一件吃第二件時點心已經唔熱煎茄子上桌時只是僅僅暖上面的醬汁已經「琼」了布拉腸粉太黏太淋夾起來的時候很難將腸粉分開只有灌湯餃是熱的僅暖是黏轜的但吃後黐牙也是溫吞吞的溫度總之整體感覺不太好整棟大廈都是茶樓我想下一次在這裏飲茶應該會選擇其他酒家…查看更多

Chef Ecy’s Dining Experience:🥰 Food | Ambience | Service | Price | Easy Access | Restroom Cleanliness | Wheelchair | Easy Parking 🙂 Cake Cutting Fee | Corkage Fee😠 Pet FriendlyThis restaurant is a very traditional Chinese restaurant serving many famous chinese dishes. It is located in Jordan right at the corner of Nathan Road and Austin Road. It‘s easy to access there by bus, minibus and MTR. Just get off at Jordan MTR station, take exit D and walk 2min. There is lift available to different floors, so wheelchair is ok. If you drive, there is a public parking opposite in the Kowloon Park or some meter parking around. The price performance is great. There are many dishes you can order from the menu like seafood, roast goose, chinese soup etc etc… All are very delicious. Their seafood dishes are signatures like they oysters, cuttlefish, steamed fish, fried fish fillet, fied fish meat, shrimps etc etc…. They also have old style chinese dishes like 焗魚腸. The presentation is so so but the food quality is excellent. The ambience is good, bright and clean. There are big windows along the side overlooking the street view and the park. Restroom is available inside the restaurant. It’s clean and spacious! There are corkage and cake cutting fee but the amount is minimal, only $50 or less.…查看更多

由舊鋪食到宜家，廿幾年，食物質素真係無得挑剔，樣樣都一樣咁好味，價錢又實惠，碟頭又足，水準保持得非常好，每逢有外地嘅親朋戚友嚟香港，一定會帶距離金山食返餐好嘢，個個都讚不絕口。無奈，今時今日咁嘅服務態度真係唔得㗎，呢班公公婆婆叔叔伯伯嬸嬸姑姑，係時候退休安享晚年啦，而家嘅經濟環境已經唔好，有人嚟食飯，捧你哋酒家場，已經好好啦，你哋俾啲好啲嘅服務態度嚟得唔得？我嚟食飯㗎，唔係嚟受氣㗎，真係未試過俾錢要受人呼呼喝喝。食物真係滿分💯係服務態度真心差。…查看更多

服務惡劣，訂枱時冇限時，冇可能中餐都限時，常常問我哋食完未，未到八點上埋佢送嘅甜品，跟住就收晒我哋啲筷子，清枱話仲有客等緊。難得舊同事聚餐，掃興而歸！以後都唔幫襯。點解可以做到咁差服務？嬲爆？…查看更多

員工懶到爆，打電話訂位，又唔想跟進，叫客人隨時上嚟都有位。上到去冇位又話唔接你單。一句對唔住，唔好意思都冇講，完全唔想處理，態度囂張。好多冇人嘅大枱都唔會諗住幫吓客人安排，唔怪得知香港飲食界越做越差服務差，影響香港飲食界…查看更多

本身嗰日係去尖咀某著名印尼菜餐廳食晚飯,點知幾次專登去幫襯,次次都落閘,唔做生意,又勁大雨,轉陣地去以前同同事成日去聚餐既金山，上到去都幾多人，要等十幾分鐘先有位,望餐牌,個龍鳳孖寶A幾吸引,屋企人又鍾意食魚，首先上龍躉球,啖啖肉,大大件,有六丶七件，再黎龍躉頭腩無偷功減料,仲有苦瓜,支竹,燒肉,有鑊氣鍋貼鮮蝦小棠菜,香脆唔肥膩,目測都好多人叫此菜式南非孔雀鮑魚以$68一隻黎講都算抵食兩個人叫四個餸,三個白飯,一支大藍妹,茶錢再加一盛惠$721…查看更多

最近，我帶著滿滿的希望前去品嚐，但不幸的是，結果卻令人相當失望。首先，菲力牛肉令人大失所望。牛肉煮得過熟，又硬又韌，幾乎無法享用。它很乾，缺乏您所期望的上等肉類的嫩度。接下來是焗生蠔 - 如果您喜歡吃鹹到舌頭發燙的食物，那麼您可能會喜歡這些生蠔。但對其他人來說，這些生蠔幾乎無法食用。鹽分完全蓋過了生蠔細膩的味道，讓它們吃起來更像鹽水，而不是任何新鮮或美味的東西。感覺就像是廚師忘記了調味時平衡的基本原則。另一道令人失望的菜是烤鵝。烤出來的鵝大部分是骨頭，只有很少的肉。它感覺更像是一塊屍體，而不是一盤精心烹調的菜肴，考慮到它的價位，這實在令人沮喪。但也許這次體驗中最令人反感的是服務。為我們服務的女士不僅不專心，還非常粗魯。當我們下單時，她幾乎沒有跟我們打招呼；當我們問一個關於菜單的簡單問題時，她的回答既粗魯又不屑一顾。在她離開時，還說了一些髒話。…查看更多

六人晚飯，要響油尖旺，想起好耐冇去金山海鮮酒家，所以快快手早兩日訂位最想飲豬肺湯同食燒鵝坐低即落單。豬肺湯好清甜滋潤，六個人剛好每人一碗燒鵝唔肥，女士都話好食，個皮脆又香👍燒腩仔更加好食，肥瘦均衡，皮極脆焗蠔就稍嫌淡味啲啲，而香橙骨甜酸度剛剛好另外有三個小菜，以百花蒸豆腐最正，豆腐極之嫩滑，配合蝦滑一食，口感有唔同層次，要讚個豉油咸甜度相當好配合豆腐再加白飯真無敵加埋啤酒茶介加一，每人二百零幾蚊，咁就開心一個晚上，經濟實惠又美味，難怪座無虛席，飲食市道寒冬嚟計，算係咁啦！…查看更多

今天在佐敦金山海鲜酒家吃了頓988元四人套餐，本身环境至有点残舊，其中上湯焗游水海蝦伊面，海蝦全是雪藏味，不新鲜，伊面淡而無味，非常难吃，其他菜式味道一般般，没有惊喜，更不像一家經營多年的海鲜酒楼的风范及味道，最后，甜品是蜜糖炸云吞皮，感觉草草了事，我们饮了两支啤酒，最后收费是1250元，另人感覺整顿晚飯又貴，味道不好和失敗，没有再次光顧的慾望。希望他可以作出改善，否則，香港又多一家令人失望的酒家。…查看更多

一朝早就紅雨黃雨再紅雨，天氣十分差，但今日係禮品換領日deadline，點都要出黎佐敦拎左佢，拎完啦就去附近飲茶，橫掂出左黎淋雨，無理由咁快走嘛。黎左莊士倫敦廣場，目測有幾間茶樓，朋友話揀金山，見佢個名夠老土喎😂搭𨋢上到茶樓，見茶客同伙計都年近半百，呢間茶樓好有傳統味。⭐脆皮炸鮮奶最先上枱係炸鮮奶，外脆內軟充滿奶香，好食👍⭐鬆化雞蛋散勁大碟！勁大碟！勁大碟！新鮮炸起鬆脆有蛋香，重要勁多糖，超正！！⭐笑口叉燒包正常叉燒包味囉，餡料無過甜，合格。⭐乾蒸牛肉賣個樣同味道都同山竹牛肉差不多，同印象中嘅牛肉燒賣唔一樣🤔但係好食嘅，牛肉球軟滑，有馬碲芫茜等混合。⭐潮州蒸粉果好多芫茜、沙葛同花生，香口又有口感。⭐原籠馬拉糕好鬆軟，正！呢間茶樓勁多伙計，兩個人負責一條lane，雖然年紀大，但收碟沖茶不停手，感覺良好。…查看更多

本身出佐敦同屋企人飲茶，嘗試啲新派點心店。但同老人家去好似坐得唔係咁舒服。所以決定去番d傳統嘅酒樓飲下午茶。呢間茶樓除咗多款食之外，仲有一啲傳統點心選擇。雖然佢個翠奶係用新派嘅簡易版做法，但係比起出邊好多舖頭做到得好出色。先出邊個多士皮唔會成口油，淨係個塊麵包都炸得恰到好處外脆內軟，裏便個牛奶炸漿唔會一嚿嚿，食落去似溶咗芝士咁，忍唔住食咗兩條。碟尖椒一啲都唔嗇色，呢鯪魚肉好厚好滿足。個鮮蝦菜苗餃個皮都好薄超讚。另外個雞絲粉卷，啲餡料都好足，個腸粉皮唔會食到有粉嘅感覺。牛肉角個被用咗好似細個時食嗰啲魚翅餃啲皮咁好有回憶。牛筋同爽肚都好入味，唔會「汁內分離」㗎感覺。另外，見佢啲小菜晏晝都有嗌，忍唔住嗌咗個焗魚腸，用個匙羹喺上邊解開嘅時候係卜卜脆，望落似係將個魚腸焗完之後上邊再灑一層脆漿反轉去落油鍋和再炸，出面好少見到個面做得咁好，只係略嫌個魚腸裏面就未夠乾身，重點係不用$100就食到。但係個豬膶燒賣就失色咗少少塊豬膶食咗有啲嚡，不過整體嚟講成餐下午茶都好滿意。…查看更多

今晚約了姊姊弟弟一起來這家酒家聚餐，環境很熱鬧，服務很不錯，食物彼佳，第一次光顧，有驚喜，有缽仔焗魚腸，這菜式已不多店家有，要好好珍惜，另一出色是菜膽南北杏豬肺湯。…查看更多

一個字差。服務態度十分惡劣，完全沒有禮貌，而且趕人埋單，趕人走。不想吃到一肚子氣，就千萬不要選這間酒樓。餸剛上沒多久就問需唔需要白飯就當時我和朋友談話中，無奈地要中斷話題答她，我話已叫了炒飯，1分鐘後又問需唔需要白飯，又再中斷我同朋友之間的對話，十分不尊重客人。飯餸還沒食完，已自動收走餸菜，然後就俾單據我地，迫我們走。酒樓都沒有寫時間限制。我經歷了一個十分不愉快的晚餐。…查看更多

服務態度十分惡劣，趕人走。食物都未完就收走跟住叫人埋單。餸黎到時就問人要唔要白飯，人地傾緊計，就係甘問人要唔要飯，一d都唔尊重客人。唔想俾激氣就千萬唔好黎食。食野都一般般…查看更多