影片
更多
2011-06-09
332 瀏覽
香港地潮流興飲茶文化，而家無論一家大細男女老少情侶知己，都鍾意嘆下一盅兩件，過返個悠閒的下午。因此，香港的茶樓、酒家開到港九新界，成行成市，幾乎好似便利店咁，梗有一間係左緊。不過，講到質素高，又要價錢平嘅，真係可遇不可求。今日咁啱就比我遇一間－－－金山海鮮酒家。我都係個朋友介紹上黎飲茶，佢一早BOOK左位，一入到去，D位有D迫，我問侍應130號台係邊，佢仲話：「我地無130號台喎！」原來張台係角落頭，好彩個朋友向我揮手，如果唔係我真係以為自己去錯酒樓。朋友黎過呢度幾次，所以我叫佢揸FIT叫點心，實無死錯人。佢叫左5樣野，除左麻蓉包之外，都係普通酒樓有的，豉汁蒸鳳爪、潮州粉果、鮮蝦馬蹄餃，以及排骨蒸陳村粉。又估唔到喎，樣樣點心都幾有水準，鳳爪賣相靚，唔會「燶口燶面」，又幾JUICY幾入味喎。伴碟的花心都幾腍。粉果好大粒，落足料，好多粉葛，仲有3、4粒花生，唔似得有D酒樓咁，D粉果好似肌肉萎縮咁。蝦餃皮薄，馬蹄爽脆，大小適中，一口一粒剛剛好，唔錯！排骨蒸陳村粉我只係試左粒排骨，無雪味，唔會太瘦，不過蒜味不足。D粉如果唔落豉油，會好寡口。壓軸登場嘅係... ...麻蓉包！！！正呀！！！出面頂
因此，香港的茶樓、酒家開到港九新界，成行成市，幾乎好似便利店咁，梗有一間係左緊。
不過，講到質素高，又要價錢平嘅，真係可遇不可求。
今日咁啱就比我遇一間－－－金山海鮮酒家。
我都係個朋友介紹上黎飲茶，佢一早BOOK左位，一入到去，D位有D迫，我問侍應130號台係邊，佢仲話：「我地無130號台喎！」原來張台係角落頭，好彩個朋友向我揮手，如果唔係我真係以為自己去錯酒樓。
朋友黎過呢度幾次，所以我叫佢揸FIT叫點心，實無死錯人。
佢叫左5樣野，除左麻蓉包之外，都係普通酒樓有的，豉汁蒸鳳爪、潮州粉果、鮮蝦馬蹄餃，以及排骨蒸陳村粉。
又估唔到喎，樣樣點心都幾有水準，鳳爪賣相靚，唔會「燶口燶面」，又幾JUICY幾入味喎。伴碟的花心都幾腍。
粉果好大粒，落足料，好多粉葛，仲有3、4粒花生，唔似得有D酒樓咁，D粉果好似肌肉萎縮咁。
蝦餃皮薄，馬蹄爽脆，大小適中，一口一粒剛剛好，唔錯！
排骨蒸陳村粉我只係試左粒排骨，無雪味，唔會太瘦，不過蒜味不足。D粉如果唔落豉油，會好寡口。
壓軸登場嘅係... ...麻蓉包！！！
正呀！！！出面頂多只有賣蓮蓉包、豆沙包、奶黃流沙包，好少有麻蓉包，仲要咁好食！
點好食法呢？麻蓉未食入口，已經聞到好香芝麻味。
一入口，唔～～～勁滑！香甜得黎又唔覺得膩，一絕！自己本來怕甜都覺得佢唔係好甜！可能係師傅知道麻蓉本身比較膩，所以特登整厚D個包皮，令到咬落去中和返。
哇～忍唔住冒住增肥嘅風險都要啪返兩個先！
講埋D茶葉，還可以啦，飲普洱無怪味怪色，已經不錯。
你估下埋單幾錢？
$101咋！比埋貼士都唔心痛啦！
張貼