金山海鮮酒家

營業中

休息中

有老友call出來. 唔去唔去點知都係覆左個call說出黎. 四個麻甩, 盡談生活碎事. 開支啤酒. 簡單地叫小菜食飯. 人未齊時, 先來了一個燒腩仔, 同一碟青芥末墨魚片. 墨魚片不是太欣賞. 因為不太喜歡那青芥末味. 反而燒腩仔. 真的食完一件又一件. 肚餓其實是次要原因. 味道鮮味, 豚皮爆脆就是我食不停的主要原因.人就到齊了, 開始點菜. 近來出街食連鎖大酒樓又好, 獨家經營的大飯店又好. 總有一兩味益街坊既菜式. 晚市孖寶: 豉油雞半隻, 同蒸帶子6隻. 豉油雞半隻, 皮爽滑. 雞味不夠但肉滑. 豉油皇既雞皮, 爽爽的, 有點彈牙式既脆口. 彌補了雞味的不足. 帶子, 剛同食友討論, 有些餐館利用雪藏帶子, 放返落個殼度, 再蒸出來充當一隻新鮮連殼帶子. 話未說完, 奇怪地發現, 點解帶子是離穀的.....難道我所講的東西應驗了......算吧, 特價菜, 由它吧. 食落, 帶子都夠爽口. 鋪面的粉絲充滿了蒸帶子既蒜蓉同豉油汁既精華, 味道是好的, 不過....我同食友講既野, 應該應驗左.爐食友總愛叫返個肺湯, 補一補. 豬肺湯, 好多時同食友撐檯腳, 都有. 事因豬肺,

我好鍾意食焗蠔, 男友試過此店海鮮, 帶我一試有砵酒焗蠔, 薑蔥炒聖子, 粉絲蒸中元貝焗蠔好香酒味, D蠔新鮮, 脹卜卜, 聖子好鮮甜及爽口蒸元貝D都好大粒, 正呀希望下次男友再帶我試其他靚海鮮啦

同以前一齊去旅行的朋友飯聚. 見食評咁好, 都抱有期望. 菜式由朋友發板:燒鵝--- 好耐冇食過0的肉唔靭的燒鵝, 而且好香鵝味, 唔駛點燒鵝汁或酸梅醬已夠味, 比起0係深井名店吃的有過之而無不及, 美中不足係0的皮唔夠脆. 茄汁焗大花竹蝦 – 出色之作!! 一般酒樓整呢個菜都係只有蝦殼有味, 蝦肉就冇味, 更離譜的會係蝦肉有腥味. 但呢度0既竹蝦處理得好好, 蝦殼盡黏滿茄汁, 蝦肉有茄汁味之餘仍保留鮮味, 個人都食0左三隻!!! 果皮蒸龍躉頭腩 – 個人對蒸頭腩從來都不大興趣, 因為每次唔係因為勁重果味而冇晒魚0既鮮味, 就係成碟都有魚0既腥味. 但今次0係呢度吃, 竟然果皮味恰到好處, 魚仍有鮮味, 一0的都唔腥, 而且魚肉爽口好滑, 可見師傅調校火候非常熟練. 平時吃頭腩都係一舊起兩舊止, 今次吃0左只少5-6件 !!! 翡翠炒球 – 又係傑作!!! 自問吃親呢0的炒班球都係唔吃魚皮, 因為好腥好滑, 感覺好怪. 但呢次, 吃0左3-4塊班球, 都係連皮吃!! 因為魚肉鮮嫩不在話下, 連魚皮都處理得好好, 好煙靭, 好有魚香而唔係腥味!初時未睇張order list, 以為係石斑

在佐敦一大班人吃晚飯,想吃河鮮可以去"順德公","樂壽",如果吃海鮮,金山是其中一個最佳選擇.位於佐敦吳松街的"金山海鮮酒家",長年門外聚集著等候的食客.年前在同區開設分店,一樣大收旺場.分店在莊士倫敦廣場七樓全層,環境比老店光鮮衛生.是夜的中學同學"雙星:生日聚會,便在此擺下陣,即日致電訂位也能夠安排到.如果貿貿然走上來的話,便一定摸門釘了.同老店一樣以海鮮為主打,是夜要遷就大家的預算,還是點些小菜為主.價錢大約五,六十塊一個例牌份量小菜,不過我們一行十三人,好些菜式要加大,雲英雞是店內其中一道招牌菜,賣一百六十多一隻,算是便宜,雞皮爽脆而雞肉嫩滑,可是雞味不算明顯,沒法子,在這個年頭鮮雞難求.近年無論在各文化層面,一起吹著懷舊風.古法懷舊菜當時興,好像金錢雞是其中一個例子.單是看這一味在大小飯局出現的頻率,可見一班.在菜單上見到有此味,即刻要兩個例牌來試試.賣相麻麻,面頭的叉燒乾如煙肉,夾著的雞肝甘香豐朕,冰肉就不夠大件,咬落也有油潤感.眾人覺得,金錢雞還是得龍做得最好.本來要個菜膽豬肺湯,可惜已賣光,以粟米魚肚羹代替.窩貼小棠菜是街邊小炒王,熱賣菜式之一,但是並非間間做得好,有些

與好友飯聚, 一行4人好叫菜雲英雞半隻: 招牌菜, 雞算滑, 但不夠雞味.砵酒焗蠔: 一碟5隻, 很少, 已整定, 因好快上枱, 比較咸, 普通.魚付浸波菜: 好清, 魚湯好甜, 好味荷塘豆腐: 一碟8大件, 豆腐面有一片菇及雲腿, 豆腐夠滑, 味道亦好好.最後送的紅豆沙, 豆起沙, 不太甜, 正!因沒有叫海鮮, 所以算抵食, 每人亦不用$100

Early celebration for X'mas with family. We ordered the popular dishes as recommended by other foodies, including:- 雲英雞 (half for $80): 滑, 有雞味 (學May姐話齋)- 豉椒聖子王 (around $90): ok- 砵酒焗桶蠔 (around $80): 6 pieces, 大隻, 味道調得幾好- 瑤柱琵琶豆腐 (around $50): normal- 椒盬瀨尿蝦 ($38 each x 3): 香, 不過好似無mud肉4 people, 5 dishes, and total of $515. Totally worth it.

呢間比老店"吳松街" 坐得舒適得多, 座個周圍都看到電視!!沙薑雞腳 ~ 超掂...咁大隻雞腳唔知來自邊度, 煮好淋入晒味, 好濃沙薑味..必食!!招牌雲英雞 ~ 叫咗半隻, size 唔係好大, 雞爽嫩好有雞味!!油鹽水花甲 ~ 一上枱湯面係橙紅色, 以為好辣, 原來一啲都唔辣, 湯底沖好濃, 我地連湯都飲晒, 花甲煮得啱啱好, 唔韌, 必試!!豉椒聖子王 ~ 有四隻大size份量, 肉厚鮮甜爽口不韌, 吃不停口!!豉油海中蝦 ~ 炸到乾身且炸過火, 蝦肉韌, 食唔到豉油味, 買相也看不到, no good!!明爐鮮草羊腩煲 ~ 掂...到爆...草腩好嫩, 炆得好淋, 淨係用羊腩煲d汁, 都可以食兩三個白飯, 當然係講緊飯痴....仲有生菜跟!!菠蘿生炒骨 ~ 買相好有睇頭, 份量亦不少, yummy!!砵酒焗桶蠔 ~ 呢個係我既最愛, 錫紙上, 平時滋味十足, 蠔面焗至乾身脆口, 今次過咗火, 生蠔好韌, 淨係可以食到肚位, 味道買相得, 韌就失望!! 瑤柱扒豆苗 ~ 好多瑤柱, 無乜特別!!瑤柱琵琶豆腐 ~ 瑤柱份量十足, 好琵琶呢, 炸得脆脆香口但一d都唔覺得油, 豆腐仲好嫩

前晚一行三人到此食dinner,第一次嘗試,到訪也因在openrice發現它的分數好高,評論唔錯.決定一試,結果亦令人滿意!!!我們叫左大家介紹的"雲英雞"(好滑,唔鞋口),"窩貼鮮蝦小棠菜"(好香口,好好食,幾特別),"薑蔥炒聖子"(好新鮮,好肥美,唔錯...),另外:加左個例湯-"杏汁豬肺菜干湯"(幾鮮甜,飲完唔喝,幾好)下次可再試其他款式,正!

今日請朋友食飯, 佢話喺九龍公園打波, 叫我就近搵間坐得舒服而好食的茶樓.我又唔熟呢區, 慒查查唔知定, 好在有open rice,就揀了佐敦區最高分呢間囉.之前一日訂定位, 怕星期六下晝放工多人, 其實唔使, 因為點半鐘都係七成滿, 唔知點解呢?五個人, 都係普通叫啲點心, 蘿蔔糕, 腸粉, 燒賣之類, 全部都幾有水準, 除了個豬膶燒賣粒燒賣有啲唔熟, 話俾部長知, 佢即刻拎走同取消呢個項目. 兩個男人要食飯, 一個點左是日推介的臘腸排骨蒸飯, 細細碗好的式, 原碗蒸出來的幾有心思. 到另一位要點時已經售罄, 唯有叫碗叉燒飯, 叉燒都算唔錯, 而且又大碗啲, 抵食.朋友此時又在餐牌中發現有金錢雞, 咦又驚又喜, 即叫嚟試試, 原來呢味至精彩, 肥肉爽, 肉味濃, 收$28, 時間精神心機真係蝕突俾你.

媽媽生日宴，姐姐選了這間，因舊鋪太迫。服務態度ok，只是有點亂，如部長分工，可專負責枱的話會更好。1. 蒸奄仔蟹-----好原味，有膏(個個都喜歡，除了我兩夫婦，高膽固醇)2. 群翅-----------味ok足10人用(両數部長決定)，但湯不夠令有些人有翅無湯3. 龍蝦衣麵-----味ok龍蝦夠10人用(両數部長決定)，但麵和汁都不夠4. 沙律鎮江骨--good5. 龍等2食------1.蘇炸--外趣肉渦good, 2.清蒸頭骨腩good但又是汁不夠沒豉汁點魚6. XX小棠菜餃子---不是餃子是煎餅，墨魚鮫和小許小棠菜絲外包腐皮炸之金黃。ok又趣又好味7. 辣酒煮花螺---失敗，好似喇沙味+咖哩，螺太細部長自動送 上湯浸時菜及糖水(西米綠豆沙海帶嗅草，好正足料)

佐敦 > 金山海鮮酒家朋友講搵野食又想吃海鮮，我一於奉陪到底次是友人口中「平靚正」 佐敦金山海鮮酒家一行四人，揀左三款海鮮，一個時菜最先那道椒豉蝦看到已是不可不吃大蝦以醬油、辣椒、蒜茸、洋蔥等炒香爽甜的蝦肉雖極惹味但卻掩不了本身的鮮美蟶子大約一斤重左右，豉椒炒蟶子惹味之作,大蟶子肉十分彈牙醬汁令洋蔥粒更為入味,又是鮮,香,味美的最佳組合吧石斑蒸得恰到好處,真係好滑,美中不足是蒸魚的調味豉油偏甜,蓋過魚原味,但也不錯個時菜好一般所以不值一提隨後送了甜品生果盤環境算清潔舒服, 地方又幾好坐.服務態度一般加裡一支啤酒, 兩支可樂, 兩碗白飯都只是$860, 抵呀

上一年差唔多時間同一班人同一個event.... 我地去左outback 慶祝，睇返之前自己食個寫評竟然係第一頁... 眨下眼又一年，真係時光飛逝，日月如梭。回想這一年，發生的事真不少。八月尾一定要約出黎就係因為有個大佬同aiya daddy 生日，所以一定會成班 7-8個人食親食。上年食西餐，但我個人認為一大班人都係圓檯傾計方便d，所以就決定食中餐啦。而見之前各食友都講到呢度好似幾好同埋唔太貴咁，所以我就決定左黎呢度啦。通常我決定左佢地都好少異議架啦 =)早幾日打左黎訂位，所以一黎到即刻有真係好，唔駛等位，不過我黎到都見佢未滿哂座呀，雖然都有 9 成滿架啦。大家都肚餓，當然立即睇下有咩好食啦。大家今晚都突然想食好多唔同既海鮮... 真係估唔到，平時都唔覺佢地鍾意食海鮮既。反而主角個 2 位無咩意見，最後好快手就決定左食咩啦。我想講佢D食物黎得勁快，叫完 5 - 10分鐘已經逐碟上檯，唔駛快到咁呀? 叫左個無鍚骨，嗯... 都幾好食，因為佢整到好淋，所以D骨係自動離肉既，哈哈。而且都好入味，不過由於我本身唔太知無鍚骨應該係咩味，所以唔係好識評論，但都幾好食，要黎送飯一流。之後就黎左個薑

11/8(二) 7:30pm牛一局之最終回,跟家父一行六人到了"金山"莊士倫敦廣場店.新店比舊店雅致光鮮多.翻閱菜牌,選擇不多,六人點了金山雲英雞$50例牌,琵琶豆腐$45,上湯浸莧菜$4x,滑蛋帶子蝦仁$68,砵酒焗生蠔$78及蒜蓉蒸貴妃蚌$68.雲英雞--雞味濃厚的雲英雞脂肪少,肉質富彈性;以海哲頭拌碟;若份量添加些更為理想!琵琶豆腐--琵琶豆腐披上一層薄薄的瑤柱芡汁,豆腐略微脆,質地紮實,用唐生菜墊底,各方面表現得恰到好處!上湯浸莧菜--清甜的上湯莧菜.蝦醬通菜炒牛肉--青通沾滿蝦醬香,亦保持乾爽狀態,以牛肉汁畫龍點睛.遺憾的是牛肉自身粗糙非常.滑蛋帶子蝦仁--滑蛋滑溜得來帶點濕度,帶子鮮蝦同樣爽口,挺了得的一味!砵酒焗生蠔--先油泡再用砵酒焗香的生蠔風采不減,蠔身微脹,淺啖,蠔汁濺出,汁液充沛,酒香仍撲鼻!蒜蓉蒸貴妃蚌--體型乃抓不到癢處的份量,鮮味的話還可以的!綠豆沙--海帶綠豆沙起沙,清甜而不是瞎甜,一絲不苟的免費甜品!$550的飯局並不昂貴,水準超凡,哪怕份量幾近的骰,新瓶舊酒,亦直讓人欣喜的味道!

無意中係呢度見到呢間野，好似又平又好食，尋日就帶埋老媽老豆去試。7點去到唔駛等，但無得坐唱口位.....由於一早已諗定食咩，所以好快就可以叫送，都係招牌野：尿蝦X4，聖子X3，粉絲扇貝X6，金姑節瓜，蝦子柚皮，雲英雞半隻。D野好快就上，聖子唔錯，野味，但太少，每人得一兩舊，之後尿蝦又來，好香，但發覺我唔係好識開黎食，吉到D手指好痛.....之後用較剪好D，但都無咩肉食，不過係幾好食既，再來雞，可能之前食D野太濃味，媽子話無雞味好啖，仲要問人拿是由點，我覺得都真係啖左D，不過如之前食友講，雞皮真係無咩脂肪.......蝦子柚皮係媽子兒時情意結，我吃了一口，不懂欣賞.....金姑節瓜不過不失，家常菜，阿爸話太咸.......最後來的粉絲扇貝D粉絲索晒D味，不錯，D扇貝都幾鮮味。最後來個送的喳喳，唔太甜幾好食。總括以五百幾六百食到呢餐算幾好，但又唔係話真係好好掂果隻，我地三個總括D野食係只屬一般，未必會再來。不過招呼都唔錯，D伙計有笑容，有個阿叔仲鬼咁熱情成日笑騎騎對住我地，係帶位時有個女的無咩表情，服務OK，換碟快，我地又食得快，由坐低計一個鍾已買單走人(坐我地對面張大台那台由我地來了不久

星期六晚同老爸賀生日…姐夫話吳松街地舖果間”金山”試過吾錯又抵食…今次就o黎上樓哩間分店, 坐得舒適D…環境就燈光火猛, 坐窗邊大玻璃窗位有景致!!...服務亦懇勤有禮!8人點左8道菜...夠好意頭!海鮮類(1) 豉椒炒聖子...肉厚又爽...吾錯哇!(2) 椒盬瀨尿蝦...嘻!一向至愛!!...蝦肉鮮甜又惹味, 哩度炒得吾油又咸味適中!!...好好味!(3) 辣酒煮花螺...這個辣酒較失望...辣味吾夠亦吾多有酒香...可能白灼更出色!(4) 椒盬白飯魚...小朋友鍾意, 所以外甥仔女最期待, 話好似食薯條...炸到好透, 我自己就麻麻地... (5) 芝士龍蝦伊麵底...龍蝦新鮮肥厚彈牙, 加上芝士汁濃度調得好...讚啊!...伊麵被我包底掃晒呢!!!呵呵...小菜類(6) 招牌雲英雞…電視台飲食節目主持常被人嘲笑講”雞有雞味, 魚有魚味”好癈話…其實我吾認為咁講有問題…因為有時真係食雞可以食吾倒食味o架!!...哩個雲英雞就係例子...D雞肉做到好”稔”但吾係嫩滑...冇雞味, 話係招牌菜就實在遜!!(7) 窩貼鮮蝦小棠菜…炸漿脆脆薄薄, 熱騰騰吾油吾漏喉, 夾著o既蝦膠足料又彈