金山海鮮酒家

營業中

休息中

一行6人我地叫了1. 黃金墨魚餅 - 超級好食, 好彈牙及好有墨魚香 (一客6件), 最想encoure既一味菜.2. 煮花螺 - 好多配料, 味道唔錯.3. 焗蠔- 都唔係焗既, 又無咩酒味, 不過蠔夠肥好食.4. 柚皮- 不太會食黎味菜, 所以個人不太喜歡6. 炒勝子- 好甜美.7.西蘭花炒鱔球-鱔球好彈牙, 再多幾舊就更好.8. 瀨尿蝦 - 好香口, 不過好小肉.真係想連穀都想食埋呀

去大當家食飯時,見七樓原來係金山佐敦分店. 上次係舊舖食過佢嘅雲英雞念念不忘. 已經幾耐未食過有雞味嘅新鮮雞. 但由於佢舊舖環境比較地戊,所以都唔係太有動力再去. 今次見佢新店又大又光猛,有地毯,有檯布,都應該可以帶媽咪嚟試試.椒鹽瀨尿蝦 - 媽咪對瀨尿蝦又愛又恨. 愛佢肉質鮮甜,恨佢厚殼難處理. 不過今次叫$28中size已經好唔錯. 可以用較剪剪開硬殼,方便好多. 呢個肉質真係幾鮮甜,$28抵啦!!!招牌雲英雞 - 半隻$80都真係唔平,但係一食你就知味道!! 雞皮脆口,雞肉嫩滑又有雞味,真係好好好好食呀!! 再加埋薑蓉真係一流呀!!!蒜蓉粉絲蒸貴妃蚌 - $68半打有咁嘅質素真係超班. 每隻蚌都肥大肉厚,夠鮮味又冇沙. 一大啖食真係好滿足呀!!!銀山砵酒焗桶蠔 - 見食評個個都點呢味就即管試試. $78有約六,七隻大蠔又唔算貴. 果然個邊仲脆,亦滿有砵酒味,真係做得唔錯.黃金墨魚餅 - 我個魷魚,墨魚怪見到食評推介就一定要試. 墨魚餅厚身又彈牙,仲有粒粒墨魚肉,真材實料,唔係一舊粉餅. 送飯美味!敬送果皮西米紅豆沙 - 最後送返個甜品都做得好認真. 紅豆煲得起沙,再加上香香嘅

母親節同阿媽阿姨阿婆去飲茶, 去旺區酒樓一定有排等位, 所以特登揀呢間, 同埋之前淨係食晚飯, 未試過茶市質素十點開門, 如我所料, 唔洗等位, 人少少, 唔會好似其他酒樓咁嘈, 坐得又舒服1. 燒腩飯: $8.8, 有一隻菊花碗o既份量 (大概兩個酒樓飯碗份量), 用南乳汁整, 配香芋片, 燒腩配南乳汁好味, 芋頭有D "腎" 2. 蝦餃: 有4粒, 夠大隻, 多蝦, 蝦都新鮮 3. 百花釀涼瓜: 涼瓜苦味適中, 百花好大舊, 唔馬虎4. 煎腸粉: 唔同其他酒樓用扁腸粉, 呢度用幼o既, 煎得夠香, 雖然只係煎一邊, 但係都脆口5. 叉燒包: 熱到拎唔到, 要用筷子食, 無乜肥肉, 又夠juice, 幾好仲有其他牛肉燒賣, 火腩粥, 勝瓜蒸餃, 蒸蘿蔔糕, 過得去啦食到十一點幾, 所叫左個$88 燒鵝套餐同蝦子柚皮6. 燒鵝套餐: 有一小窩蔥花瀨粉, 一碟例牌燒鵝, 一碟油菜, 瀨粉太咸, 唔鍾意, 燒鵝依然脆皮, 我覺得係因為個醃料調味好, 同埋燒得好, 所以好味7. 蝦子柚皮: 蝦子成碟都係, 但係太細粒, 明明食左, 但係又feel 唔到, 個柚皮炆得o岩o岩好, 唔會散點心真

相信好多人都係去過油麻地的金山，覺得好食才再幫襯呢間新店。萬萬料不到侍應部長們全部有恃無恐，服務態度九流，慌死你會去幫襯第二次咁。我地一行十幾人，原本 request 要房，但係去到的時候話無，ok 啦，坐埋一邊都算。然後我地叫送，叫左十幾個，之後等左半個鐘，才有第一味上。之前叫左的炒菜、海棠豆腐、沙拉骨之類全部無晒影。唔追由至可，一追才發現部長甲落完單之後，根本無打入電腦。部長乙解釋，話我地未齊人（which is 我地只有兩個人未來），所以只幫我地落住先。我地當時已經好嬲，話一早叫左部長甲可以上菜。肚餓到爆炸的我地當然忍唔住埋怨未有野食，點知部長乙一邊入電腦，一邊話「再講野就仲遲ｄ至有得食」－－家陣咩野態度先？又ok，我地叫左那十二個白飯點計？部長乙話，原來部長甲只落左兩個飯！我地忍唔住又問，可否即刻上返未上的飯。對方的回應係：ｄ飯蒸緊。頂～～嬲到差ｄ想即刻埋單走！之後部長甲無再 serve 我地呢圍，變左係部長乙，但係佢全程眼超超，連埋單都係咁。心諗，食左餐咁既飯仲肯俾錢你，執到啦，仲眼望望？全檯十七個人一致決定，呢間野幾好食都好，都唔會有下次。

再次跟一班老友記聚首吃飯。老友食家提議來這裡，小弟當然不會反對，因記得第一次去在吳松街的老舖時，吃過後覺得食物既價亷又味美，唯獨麻煩一點的便是人多得水洩不通。若不是早點去找位，可敢說是真的連插針也插不入的，有沒有訂位根本沒有甚麼分別故此當知道在倫敦廣場開了分店後，便一直想來了....萬料不到攪手老友食家是夜因工作太忙而來不了。翌日跟他通了一道電話，馬上跟他說 : "慶幸你昨夜沒來，不然必然會邊吃邊"扁嘴"....環境是比舊店乾淨企理而且大得多，怎知食物卻是.....朋友還沒到齊，肚子已是餓得咕咕作響。先挑個金錢雞拼腩仔作餐前小吃。腩仔皮挺脆，而且是芝蔴皮，為小弟的摯愛而且肉也很嫩，不過味卻是不夠鹹香，肥肉層是略嫌薄了點，失色；金錢雞就差勁得很了 ---- 連那層甘香豐腴的爽口冰肉也欠奉，還吃甚麼金錢雞 ?就算是义燒的蜜味夠足、雞肝夠滑膩，又有何用 ?一口氣叫了多味海鮮類菜式，但都是落得失望而回.....油鹽水浸蝴蝶蚌 ---- 之前未吃過這蝴蝶蚌，吃過後覺得肉挺肥美，殼的樣子很像大蜆，而肉的部份卻像北寄貝。可惜的是好好的蚌肉，卻被那濃濃的味精粉湯所破壞了砵酒焗蠔 ---- 這個就更是離

晚餐 : 佐敦金山樓 (大嫂請客)1. 中例湯 (青紅蘿蔔馬蹄雞腳湯), 很熱, 不覺太重味精, 可分約9小 碗.2. 豉油王鵝腸 (汁幾好味)3. 椒鹽豆腐 (本來order豉汁蒸鱔, 後來過了10分鐘才說只有鱔球, 沒有原條鱔), 味道好而不過咸.4. 油鹽水煮蜆 (是辣的, 有泡菜味, 味道和以前不同, 很怪!) 5. 豉椒炒蟶子 (份量及味道都滿意) 6. 半隻金山燒鵝皇 (半隻都比較細碟, 食棧較好食)7. 八隻砵酒焗蠔 (等於兩個例牌)8. 西蘭花鮮魷 (新鮮)9. 5碗白飯 + 1碗瀨粉 + 1支汽水10. 送6碗渣咋(好味) + 2 碗杏仁茶$770, 6大1小坐得很寬鬆, 不過近牆的地面突起少少, 令該位置的椅子前後高低不平而有些晃動. 6: 30 入座, 未夠1 小時已上齊餸, 我們亦快速的完成,不過在7: 25時 (下面的食友形容貼切, 真係開行咗個Turbo咁狂上菜), 一女部長居然在未送上糖水時提出先埋單 ,雖然我們一家吃飯速度一向很快, 亦不喜歡白坐浪費時間, 仍是覺得她很沒禮貌, 加上在埋單時向她提及曾改動餸菜款式, 希望她留意, 但她的回答語氣很

聞說呢間海鮮好抵食，所以拚死一試砵酒焗蠔味道唔錯唔錯～蟹肉扒豆苗～扇貝不過不失～白灼螺肉有口感～戲肉係鼓椒聖子皇同埋椒鹽賴尿蝦～＠＠　美味到死～～佢地啖啖肉又新鮮，ｄ汁唔單止冇搶左海鮮味，反而仲令到更惹味～～呢２碟皇牌都即場再ｅｎｃｏｒｅ＠＠不過個ｗａｉｔｅｒ　ｃｈｅｒ　住上ｄ　餸，搞到我地都食唔切下次再食，要ｒｅｍｉｎｄ佢慢慢上～～～

新分店地方不能算寬敞,但比較衛生和光生猛,一定比舊舖坐得舒服,價錢和菜式完全一樣!!推介菜當然是28蚊隻的椒鹽瀨尿蝦, 其次是招牌雲英雞,金山燒鵝皇和每天不同的例湯ｏ其實它們的60蚊的蜿仔翅都OK,金華火腿很香,翅湯很甜,但要用一個餸的價錢换一蜿仔,不值,也和金山的經濟實惠不相襯!!所以從未有食評推介過！

我第一次學人寫食評, 完全係因為一碟焗蠔, 太好食, 所以要推介因為唔係我點菜, 所以我唔知exactly 個蠔叫咩名個焗蠔用錫紙上, 每一隻蠔都好肥好大隻, 睇個樣, 乾身得黎, 醬汁o岩o岩好包住成隻蠔作為一位男仕, 我個口都唔細, 但係一啖唔會吞得哂成隻口感方面, 外層有少少脆o既感覺, 咬落口爽滑鮮嫩, 味道唔會太濃, 唔會嗆左蠔本身o既鮮味一隻未食完, 已經想encore, 但係之前叫左好多菜, 應該食唔哂, 所以冇咁做除左個蠔, 跟住就到燒鵝皇, 脆皮, 肉嫩, 唔太肥其他推介: 枝竹炆頭腩, 蝦餅, 荔茸大腸, 炒蟶子, 瑤柱扒豆苗

上週4 呼朋引類 一共8人幫趁 可能新 地方好多客都未知 7 8成滿 同一時間舊 鋪卻要等十多張枱 試了以下菜式:1) 清 蒸杉班 两斤多少少 時間 掌握剛好 啱離骨 好鮮嫩 夠滑 好快 擦剩棚骨 ;2) 燒鵝一只 皮脆肉嫩 不過稍嫌 醃得吾夠入味:3) 椒鹽尿虾 一字形容 " 正" 送酒一流 外殼咸 香脆 咬落啖啖肉;4) 窩 貼小棠菜 外皮鬆脆 內餡彈牙 ; (推介)5) 豉召蟶子皇 蟶 子爽口 加 上惹味鼓召炒 yummy yummy;6) 粉絲蒸元貝 呢個反而一般 下次可不試;7) 砵酒焗桶蚝 另一招牌 菜推介 蚝夠大隻鮮味 邊皮 焗至脆口 咬落嫩滑有汁彈出;8) 清炒菜心 大大碟(送 的)加上半打飯 + 白粥 (夠綿 有米 香) 九成九飽肚 再 食 埋送嘅 紅豆沙 + 杞子桂花榚 已經要解鬆兩格皮帶扣 新鋪地方較闊落 坐得較舊鋪舒服 侍應全新班底 招呼殷勤有效率 不 下換碟4 5次 侍客有礼夠笑日間十点已有茶市 自僱點心師傅非交來山寨貨 揾次試下先

屋企提早做冬，咁橋金山又開左新店，就諗住走去試下。水準竟然同之前已經幫襯左好多次既舊鋪(吳松街) 一樣，D野食好掂又經濟，而且新店環境仲舒適好多！D海鮮真係好新鮮，燒鵝D皮好脆……………..正！本人推介菜式:- 豉油皇焗大花竹蝦- 鹽油水浸大蜆- 金山燒鵝皇- 豉油皇鵝腸- 菠羅生炒骨仲有兩小時免費泊車！