金山海鮮酒家

營業中

休息中

還有幾天，便到中秋節。我和Honey一起吃做節飯。Honey今晚在佐敦附近工作，所以，就在佐敦附近覓食。上Openrice網瀏覽，看到莊士敦佐敦廣場七樓的金山海鮮酒家，其食評不錯，所以，我倆來試試。我們點了一個｢晚飯孖寶｣：豉椒炒蜆和豉油雞。豉油雞很入味！不太鹹。豉油味甜甜的，豉油的蜜甜入味在雞肉裡。雞肉剛剛熟，非常嫩滑。啖啖肉，半隻，份量不少。然後，豉椒炒蜆上桌。熱騰騰的，豉椒很香口！很有鑊氣！也不會太鹹。而蜆肉很大粒！蜆肉飽飽滿滿的。蜆肉大粒而鮮嫩。原本，還想點薑蔥炒聖子皇， 但是晚無貨。所以，改為點了乾燒砵酒鱔。鱔肉球是用錫紙包著在上桌的。鱔肉球無骨，啖啖肉。 味道是蜜糖甜的。外皮炸得香脆，肉很肥美！熟度剛剛好，咬下去，很｢彈口｣。而且，鑊氣很香！Honey讚不絕口。已經非常飽了，正想結帳埋單。侍應說，送甜品。我們還以為，是糖水。原來，是蛋散，真想不到。連甜品都很好味！鬆脆的蛋散，淋上糖漿，鬆化可口。滿足的一餐！我和Honey甜甜蜜蜜的過節！祝大家：中秋節快樂！人月兩團圓！

為朋友慶祝生日，訂了20:30，仍要等到差不多21:00才有位，沒關係，客人多，可以體諒！坐下來馬上點了六款菜，有三款售罄，沒關係，點其他吧，下次可以再早點來晚飯！帶了蛋糕來為朋友慶祝生日，一位男侍應竟然拿了我們帶來的蛋糕去另一枱客人處，幸好我眼銳看到，立即通知另一侍應取回蛋糕！22:30開始食蛋糕，就要求埋單，沒問題，遲早也要埋單吧！詢問那位拿錯蛋糕的男侍應是否有蛋散？黑口黑面地走開，再黑口黑面拿碟蛋散來，五個人給三條蛋散，簡直當人來乞食過份事情越來越離譜，23:00開始，酒樓員工在隔離枱食煙，亦有員工在另一張枱賭博，而那個拿錯蛋糕黑口黑面男侍應跟我們說要關門，要執枱了，叫我們離開！！！這間酒樓營業時間到00:00，如要趕客走，何必給人訂位後又不能準時入坐，客人準時入坐就可以提早離開，，為何要這樣對待客人，這是客人錯嗎？？？在這間吃了幾次，未曾試過這麼受氣！我們也不是沒禮貌，卻受到這待遇！我絶不會再介紹朋友來這間酒家吃飯，也會通知介紹我來的朋友及我本人也不會再來光顧大家想受氣，就來這間不知所謂酒家好好享受吧！！！

the food is not fresh and the restaurant is really crowdedi strongly don't recommend this restaurant to u

今天在倫敦廣場雲雲食店中選了這間'舊式酒楼試試、這裡地方不太寬敞、楼底很矮、飲茶的多是熟客、侍應十分親切、由於我坐近窗邊沒一点压逼感、都相當舒服。開了茶聞到茶香、真的嚐到水滾茶靚、再看菜牌很多懷舊菜式和点心……春風得腸、裡面包了一層鬆脆米網腸粉滑、餡料爽脆！每一件都有大大隻的爽口彈牙鲜蝦和爽口馬蹄粒順德魚蓉粥……粥底鲜甜稍嫌不夠熱、但鲜甜有鱼和果皮香味粥有油炸鬼跟、比起跟薄脆更有懷舊感覺！鲍汁鳳爪……醬汁不太濃、味清、鳳爪滑而厚肉、北菰棉花雞……不油膩、菰厚肉、滑鱼肚鬆軟、雞肉爽滑、不錯！

今日去左金山食lunch，先發覺原來呢度d點心甘好味嫁！例如個小籠包，皮薄味鮮咬落爆汁，滿口鮮味，絶非行貨，回味無窮！另外個燒鴨皮脆，肉滑！而且吾會太膩，加埋個汁一流。

今日，生日前一日選擇左同屋企人渡過屋企人知我近期食好多日本料理 西餐 泰菜所以佢地都選擇左同我食中菜慶祝 一家人食飯 食咩都開心咁當然呢一餐都係由佢地發板啦燒味雙拼我地叫左燒腩仔同差燒睇賣相其實我會覺得佢係普料係食落口後覺得好食WOO燒腩仔外皮桅得好脆口, 亦肥同肥膏比例亦平均咬落口唔覺得好肥.. 肉亦入味亦半肥瘦既差燒 比例好好!魚香茄子煲呢個煲又係好值得推介味道濃郁, 咸魚亦唔細粒送飯一流~~炸大腸外皮炸得好脆口 再加埋佢腸內既肥膏無清哂..不得了, 呢味小食送酒無得輸!墨魚餅外層唔夠脆口食得出唔係粉多過墨魚最後一樣, 豉椒炒蟶子蟶子夠新鮮鑊氣十足非常惹味

HAPPY FRIDAY！！等左一個星期，又到同朋友食飯既晚上。今次去食中菜，之前都聽過同事講過金山海鮮酒家架喇，今次終於試到喇環境同一般酒家差唔多，訂定位所以都唔算等得耐～最重要既梗係食物啦，叫左椒鹽瀨尿蝦，蒸蓉粉絲蒸帶子，炒蜆，炸小堂菜，燒鵝，等。。。瀨尿蝦一隻隻肥DUDU，好夠味，好食！蒸蓉粉絲蒸帶子大大隻，多粉絲，入晒味！炸小堂菜都不錯，送酒一流！燒鵝應肥得肥，應油得油。比起一D專門賣燒鵝既鋪頭仲好食！其他小菜都OK。食完飯，仲有飯後甜品，有蛋散（好有懷舊FEEL），芒果布甸唔會太甜。同其他酒樓既普通甜品相比，呢到既甜品，比我覺得好有心！最後，比錢～物有所值！食完呢餐飯好滿足！正！下次一定要再去食～～

金山除左小菜好食之外，估吾到小食都好正！特別值得一提系呢道尖椒釀魚肉，外表金黃，一咬落去尖椒爽口香甜，裏面魚肉彈牙，微微香辣！人間極品！而另一道流沙剪堆，一咬好鬆脆，香噴噴嘅芝麻流出，香甜可口！吾經吾覺清哂碟！今次實要返去跑幾圈了！

金山呢間平民小菜館一直係我既心水小菜館之一。地點方便，又近地鐵站，約大班朋友吃飯，環境一流！（最緊要係又平又好吃）今次試到呢個滑牛麵根煲，直係好吃！牛內又滑，麵根又好入味，送飯一流！最後見到好多桌都點蛋散，諗住學人懷舊又點下，點知佢地成大碟送俾我地吃，雖然蛋味少左d，不過好有誠意，如今都唔係咁多地方有蛋散order～

經過莊士倫敦廣場問下有什麼酒家，隨便選了金山海鮮酒家，菜式好像挺多的，我們選擇了鴛鴦炒飯，因為太肚餓了，吃個炒飯醫肚，多汁飯香，不錯不錯。環境都舒服燈光柔和，可以坐久一點又嘆下茶，一流。有機會會再試試其他菜式，價錢又合理，值得推介。

一向食開油麻地金山, 想食奄仔蟹焗糯米飯,油麻地金山d店員話佢地倫敦廣場7樓有得食,於是一試,點知無糯米飯,只有奄仔蟹蒸飯,都接受,於是叫左油鹽水花甲, 砵酒焗鱔,同奄仔蟹蒸飯,因為知道奄仔蟹只有3-4兩大,所以叫侍應稱兩隻奄仔蟹,之後無拎d蟹比我地睇淨係話1斤2兩,即係18兩, 9兩太大,叫佢改為一隻,點知前後只係一分鍾之內,佢竟然話已經殺左兩隻蟹! 我心諗有無可能咁神速呀? 問佢,我有無得選擇,佢望左一望經理,然係話無!好! 算! 硬食!油鹽水花甲:叫左唔好落冬菜雪菜之類,結過照落! 砵酒鱔 一般,不過有少少炸得勁過頭,  都接受到!奄仔蟹蒸飯 黎到,當堂O嘴! 有兩隻小蟹毛放在面前! 蟹殼長度約3寸! 大佬呢隻蟹最多3兩左右, 你竟然話有9兩? 即叫經理來,我問佢:呢兩隻就係 你同事講18兩重的蟹?經理:ae...! 我地每隻來貨價都80蚊! (我問重量,你講來貨價做咩?)我: 我指重量woh?經理:我地會計埋d繩....我:繩? 你知道海關條例嗎?經理:知道! 不如我減返比你?或者cancel!我:咁計幾多?經理:12兩我:只有6兩蟹,計12 兩?經理:ae......!我:咁

我們一大班中學同學中，有好幾位會至少每年一聚，而且會找來兩位當年的良師，來一個團年餐聚。其中一位良師，就是我父親，由去年開始，葉同學邀請我加入，自此便同父親一同前往，每年同老朋友及良師，好好一聚。今年，大家都事忙，雖早說好了日子但遲遲都未有定下來，直至該日子來臨的前兩日，才通知大家，我們在《金山海鮮酒家》食晚飯。在佐敦食晚飯，《金山》可以說是老字號的首選之一，不過，《金山》老店的環境，實在是不太好，所以，好多人要來食《金山》的話，都會來到這位於倫敦廣場的分店，環境好好多。近歲晚，晚飯時段好多人，我們訂了8點的檯，來到，人齊，都要苦等。苦等，加上不斷要去囉嗦班服務員，才能夠盡快安排都位置。未坐底，負責點菜的同學已經選好我們是晚吃什麼，檯一準備好，茶水準備好，效率極快的服務員就端來大窩湯，燉豬肺湯。燉湯，通常都比較清，而且豬肺湯呢家野，在家整太麻煩了，在外飲最好，而這一個湯，是飲得出的滋潤，可是，我覺得燉得未夠老。之後來了一例牌豉油雞，皮肉光鮮的雞，入口很嫩，而且皮充滿了醬油香而且爽口，加埋有雞腎相伴，味道不錯。金錢雞，是一個令吃貨極興奮的，傳說是遲早會失傅的廣東燒臘美食。但，近來好多打住

今日lunch又去倫敦廣場搵野食, 成十個人緊係去飲茶啦, 最後就有朋友揀左7樓既金山飲茶, 佢話之前食過覺得好好味喎, 咁我地緊係要去試下真唔真啦.12點上到去趁人少少就揀個靚位坐, 坐低等朋友叫野食之後就等開餐, 途中侍應好熱心咁幫我地換返對唔同色嘅公筷, 廢事我地會搞亂咁話, 加水同叫單都快手, 服務非常好! 講返金山嘅點心先:蝦餃熱辣辣, 外皮夠哂薄, 入面隻蝦大大隻, 正!燒賣好大粒 (同我以前食開嘅比), 但豬肉調味較重, 鍾意清淡既朋友可能唔鐘意蛋散岩岩新鮮出爐, 夠哂熱同脆, 係面嘅糖漿品好甜, 同蛋散非常夾,炸小棠菜 – 聽聞呢道菜係金山既招牌菜, 當然要試一試先啦, 成碟有好多脆皮, 岩哂撈飯食, 入面層蝦膠夠爽口, 成道菜非常香口, 唔怕熱氣既朋友一定要叫!牛肉球 – 牛味濃, 同埋好大粒!生炒牛肉飯夠哂鑊氣, 落足料, 啖啖都食到牛肉.馬拉羔比起其他點心算係比較遜色, 雖然口感同溫度都做得好好, 但味道較淡.鳳爪炆得好入味!食到停唔到口!义燒腸 –义燒多到趺出嚟 , 腸粉皮都好薄, 唔錯!其實仲有叫其他點心, 例如咖喱土魷同芝麻煎堆等等, 但係自己無食到, 所以

琴日晏晝見有時間，就同班同事去左公司附近嘅金山飲茶, 上到去勁多人，不過好彩等左唔夠十分鐘就有得坐低, Lunch Time嚟講都算快啦.雖然人多，但係坐得都算舒服, 呢樣值得一讚!因為我係第一次嚟食嘢, 所以都係由同事 ”發板”, 最後叫到成檯餸, 真係見到都肥幾磅 其實整體樣樣餸都好好味, 但係其中有幾樣係必食:燒腩仔 – 嚿嚿外皮都”脆卜卜”, 肉質又嫩又Juicy皮蛋酸薑海蜇 – 淨係見到溏心已經流哂口水, 食落去又滑又甘甜. 海蜇夠哂彈牙又夠味. 至於酸薑我自己本身麻麻, 所以唔評論啦.窩貼鮮蝦小棠菜 – 呢碟絕對係金山嘅震店之寶, 外層嘅”脆脆”皮十分鬆脆, 入面嘅蝦肉新鮮又入味, 我淨係食左一嚿就比人清哂春風得意腸 – 用腸粉皮包住鮮蝦春卷, 特色係外軟內脆. 而金山嘅春風得意腸做得非常好, 除咗春卷皮鬆脆之外, 入面嘅蝦肉同鮮蝦小棠菜一樣夠哂新鮮, 調味岩岩好, 唔會話太淡或者太咸. (攝鏡嘅蛋散一樣好味, 但怕熱氣只係食左少少, 脆卜卜”又唔會太甜)總結嚟講金山嘅午市點心做得好好, 除左上面講嘅味道之外, 籠籠都熱到出哂煙, 唔會食到涷點心. 絕對會嚟食

星期五與位舊同事在金山樓有個小聚兩點多午市已經過了，比較容易找到位坐下不久，喝啖茶後，首先來一份招牌皮蛋酸薑海蜇，皮蛋可謂晶瑩剔透半熔的溏心甘香可口，沒有苦澀味海蜇清爽的咬口水準不俗酸薑味道醃製得宜, 酸薑爽口酸甜得來不太辣食完後口腔充滿酸薑香氣紅燒乳鴿 ， 乳鴿燒得很香皮也很誘人，皮脆肉嫩乳鴿肉味十分突出比很多酒樓的水準做得有過之而無不及飲茶必吃的點心就是蝦餃這裡蝦餃皇的澄皮做得又薄又軟配合彈牙的蝦肉饀料，每一口都很滋味想飽肚一點，加個XO醬排骨炒麵首先是它的麵條有點彈性又不會太乾的口感我就很喜歡,加上夠惹味的XO醬光吃麵就越覺得微辣,忍不住一直吃下去了另外麵裡面有排骨洋蔥等味道和口感都多了份層次美中不足之處油膩了吃擺感覺膽固醇升高了不少時間過得很快，傾不到兩小時此店通常在四時半左右整個午市完結在飲下午茶期間已經預備晚上餐敘擺位下午茶埋單定位也不便宜四款點心合共二百元多少許其實這裡是沒有分午市或下午茶十多年來都是同一樣價格只是裝修有很多地方更新之外而店員也都在這裡工作十多年不變呢