金山海鮮酒家

營業中

休息中

今晚一行7大1細去食晚飯，點左豬肺湯+晚餐孖寶（蝦+半隻豉油雞），蒜蓉炒通菜，Bu酒焗桶蠔，是朝炒聖子王，椒鹽排骨.首先上菜係蝦同半隻豉油雞，蝦嘅份量少得可憐，只有幾隻少蝦🤬賣相少家寒酸⋯⋯之後叫嘅聖子王，原來係聖子碎，桶蠔變蠔屎？！（早幾年食過筒蠔size確實有半隻手掌咁大）椒鹽排骨揸到又乾，冇肉份量有小，如果唔係今晚係慶祝女兒生日都費事掃興！🤯🤯買單一共連小費為$999～其實今晚餐飯都不只是價錢的問題，佢每想一款送到實在太寒酸，太失禮！如果唔係念在幾年前幫襯幾次都有10分好印象，今次都唔會第一時間再嚟幫襯～下次一定唔會再嚟！免得在失禮自己！食到谷氣😡😡😡記得唔使向部長投訴，因為佢唔會理你哋！

請問今晚四位七點左右有冇位？金山：嘩你咁晏我哋唔會幫你訂㗎，要窩煙（walk-in)請問不接受定位原因係唔係已經滿座？金山：我唔會答你架你自己嚟睇吓啦。咁如果我嚟但已經滿座咁我walk-in都冇用啦。金山：你自己鍾意啦。（Cut 線）

我們一行7人到金山食晚飯，訂了枱早去到已經爆滿了，要等30分鐘才有，我們叫了8個餸，包括有:炸大腸，皮不太脆，味道正常冇特別。椒絲腐乳炒通菜 ，菜少少偏咸，通常帶點爽脆。沙拉骨 ，酸酸哋夠開胃，皮脆肉夠juicy。豉椒炒蟶子，蟶子炒到啱啱熟，彈牙同新鮮。琵琶豆腐, 有點炸到過火，所以皮有點Dry，但內裡豆腐依然滑溜。燒乳鴿，燒再脆皮好香口，鴿肉非常嫩滑juicy肉汁勁很多，抵讚。砵酒焗蠔，蠔大面帶微脆，蠔肉新鮮嫩滑。鍋貼小棠菜，外表非常脆皮，菜夠碎有少少蝦,可試。甜品送蛋散，雖然唔太熱但依然香脆，不會太甜，恰到好處。總括嚟講啱大班朋友去 但一定要訂枱 ^ ^ 😋😀👍👍

朋友生日，簡左黎金山海鮮酒家食晚飯，貪佢唔會限時交枱，我地可以慢慢食慢慢傾。講番小菜先，我地都偏向鐘意食香口野，窩貼小棠菜係我至愛，我都未黎得切相機食先，已經俾人食左兩件。瑤柱琵琶豆腐，一般般，無驚喜，要黎送飯都ok牛肉炒通菜，牛肉有d係林身，我朋友話有部分好鞋雲英雞(上): 真係好好味，平時我食雞係會走皮既，因為好怕皮同肉之間個舊肥膏，但呢隻雞走左肥，可以連皮食，而且有d咸香味，唔會一味死咸，必食！椒鹽鮮魷(下): 魷魚係比較厚肉既，炸漿唔算厚，炸得乾身無油膩感覺，都好味！炒聖子，我地叫左個例牌，原來得咁少少，不過係幾新鮮既總括黎講，野食好味既，而且最後仲送左蛋散俾我地食，服務就一般啦，不過都係覺得總店好味d同無咁嘈，可能分店樓底矮既關係？！

東江豆腐煲小時候食過之東江菜，今次在金山食，唔錯，豆腐好滑，湯底不錯雞蛋焗魚腸魚腸料十足有腸又有潤，老豆至愛，間唔中食一餐ok啦蜜椒蘭花鱔球諗住試新野點知中伏，個醬汁怪怪地唔係人人接受到油鹽水浸大蜆多蜆雖然有d沙但可接受，因為多蜆又有冬菜令個湯底好甜脆皮炸大腸亞媽恩物，本人覺得有點乾，但見亞媽食得咁開心仲有菠蘿係底總括來講都ok,不過以前食開油麻地間舊店雖然裝修舊點，訂左位要等，但覺食物比新店好味點，服務甄勤點。

以前水凖很穩定很讚，但昨天的晚飯之後真係不會再去！ 的海鮮完全不新鮮有腥味！ 全部油炸嘅就油立立不乾身仲冧身！個糖水仲好笑， 連埋豆衣都應該有十粒嘅！仲要貴到好似鯉魚門！ 同以前天淵之別！ 完全覺得有被騙的感覺！😫😫😫

兩條友又無時間食海鮮唔係易。唔通大費周章坐車去容龍？坐完都或者唔想食。好多海鮮餐廳都唔對味。又都係唔知叫乜野，於是又去下這間方便好important 叫左菜，普通間店一向小菜無乜特別燒肉义燒ok 其實都腍 不過好似燒鵝靚多 人少無計蟶子用豉椒好味 因為新鮮這是是曰推介，比平時抵食好多 又爽 甜😊又好味炒蜆味好但有沙因為唔想油鹽水就㨂左同蟶子一樣豉椒以為一樣味但係好過蟶子的如果沒沙就好得今天不多人坐得舒服每人唔洗300元近便間野問題是無細份既🥣否則更掂鄰桌條魚看來都人少少下次再算

大夥聚會，今次揀咗佐敦莊士敦廣場金山酒家，老老正正中式酒家，叫D家常小菜，至好係成班Friend聚埋一齊，輕輕鬆鬆吹吓水。首先嚟個金銀菜燉豬肺湯，都算足料，清清哋，幾鮮味。牛油焗白飯魚，班友人話有食炸薯條feel😜鷄蛋焗魚腸，老派餸，懷舊一吓。椒腐通菜炒牛肉、魚湯魚滑白菜仔、琵琶豆腐，一般家常小菜，普普通通。沙拉醬燒骨，炸粉太厚，唔推薦。👎砵酒焗筒蠔，我哋人多，仲叫咗雙份，乾爭爭，唔夠汁，唔好食，唔抵食。😖脆皮生炸大腸，外脆內軟，值得一試。👍招牌雲英鷄，難得一見有鷄腎附上，味道唔錯。臨尾仲送個蛋散。九餸一湯，每人唔使二百，今時今日，都算抵食。

今日突然想食海鮮，就決定去佐敦『金山海鮮酒家』食！乳鴿咬落啖啖肉，炸得啱啱好，唔似出面食到果d咁干😋。聖子好新鮮，少少辣，好惹味，食到停唔到口😋。花枝片西蘭花🥦，花枝片爽口，可惜份量太少😋。椒鹽瀨尿蝦，大大隻，食落啖啖肉，椒鹽香口，食過翻尋味😋。蒜蓉粉絲扇貝，粉絲太少，但扇貝勁大隻，完全滿足口感😋。椒鹽白飯魚，呢餐唯一麻麻地既餸，白飯魚炸得好干搞到好硬，炸粉較多，唔夠味😖。鮑魚蒸得恰到好處，即使好厚肉，但都蒸得好好食，唔會「un」😋。豬潤啫啫雞好入味，d雞肉唔似出面果d好大嚿唔夠味，或者係雞頭雞尾，不夠份量唔多😋。香橙骨好特別，唔係周圍有得食，咬落啖啖肉，甜甜地😋。甜品係「蛋散」，超好食，唔會好甜，口感林林地似「馬仔」，👍🏻😋。侍應態度好，會主動加水、收碟，無黑面😃，野食唔錯，服務態度又好，真係好少酒家做到😆。

呢間店坐滿客人, walkin係無辨法有位的, 有一個肥少少的侍應招呼超到位, 今晚食得好開心.燒鵝皮又薄又脆, 有炭香, 肉質有咬口蒜茸蒸聖子聖子好大隻, 加好多粉絲同蒜茸一齊蒸, 再加豉熟油, 又食到聖子清甜又食到蒜茸的濃香味姜蔥炒蟹是一隻大肉蟹, 用姜蔥炒, 好香好野味什菇浸菜清甜酴酒焗蠔是美國蠔, 肉好大隻, 酒香味濃, 剛剛熟, 不會老豉汁炒蜆蜆好大隻, 豉汁味又濃, 超正蛋散-雖然是送的, 食落鬆化, 一D都五會求其

金山酒樓每幾個月都會幫襯一次，通常飲中午茶較多 （貪佢交通方便，食物質素合格），晚餐都有食過 。中午茶星期六較易搵位 ， 今次叫了：燒賣，蝦腸，魚蓉粥 ， 蒸大魚頭 ，蘿蔔糕，流沙奶皇飽，蛋散。講真，每次去都是為了食魚蓉粥及蛋散，魚蓉粥味道剛剛好，不太咸，另跟幾塊油炸鬼配搭蛋散，其實我不太喜愛食中式甜品，這個除外 ， 特別是油炸甜品，感覺好油膩。但這個……蛋散，第一次賞試後，完全改變觀感 ，不油膩，鬆脆，糖漿會淋上蛋散面，但不是太甜，還有就是炸的時間剛剛好……淺金黃色 ，每次叫都保持水準 。其他點心質素都是合格，不會覺得食完有重伏感覺 （平均 $110 價位計）。

好早前已訂位 ，但俾門口位置 ，其實係走朗位 ，在我背後人來人往 ，推推撞撞 ，根本是走火通道加枱 。另外等了一段時間有人黎招呼茶水 幾位職員圍在一起吹水。就算食物質素再好 ，也不再來。

今日同我地另外一個section嘅老闆食退休飯，我哋一行人去咗金山海鮮酒樓。我哋早幾日book枱，第一輪六點至八點半已經爆曬棚，所以就食第二輪八點半至收檔。我哋叫咗呢度出名嘅菜式例如小棠菜餅同燒鵝，另外亦叫咗燒乳鴿、君度酒排骨、呠酒桶蠔、蒸鮑魚、西芹炒石斑塊、椒鹽白飯魚等等。食物水準平均都非常之好，我特別鍾意個君度酒排骨，出邊個痞揸得非常香脆，個汁甜甜酸酸、大啲香橙味道，而且排骨肉質豐滿又有少少肥膏，非常香口，送飯一流。另外個椒鹽白飯魚，我哋encore叫咗兩碟。每條白飯魚都炸得非常之鬆脆，椒鹽味道又唔會太濃烈，微辣加埋我哋又有帶whiskey嚟飲，送住酒食停唔到口。食到最尾我哋問侍應有冇得送蛋散，佢話廚房已經收爐冇得即製新鮮嘅，只可以比碟現成貨。雖然嗰碟相對性冇咁香脆，但係都好香蛋味。總括而言，成餐飯都好味，啱晒一班人聚舊。

皮蛋海蜇~特別之處係加入左子薑令皮蛋嘅香味更上一層樓，呢個時候再夾一啖海蜇簡直令人胃口大開係每次去酒樓食飯前菜嘅必選。蜜汁叉燒王~菜如其名係叉燒界嘅傳奇之作，咬落半肥瘦碳燒嘅口感加上淡淡嘅蜜汁香味，使人喺短短5分鐘內將全碟清空一件不留。芝麻蝦餅~圓轆轆嘅蝦餅賣相可愛配合粒粒嘅芝麻香已經令人口水直流，再配合伴碟嘅沙律醬咬落外脆內軟嘅口感，實在係一家大細晚飯嘅好選擇。沙嗲肥牛煲~用鐵煲裝住嘅沙嗲肥牛煲將肥牛同金菇結合得天衣無縫，其中加入新元素芽菜令整道菜式變得美味非常用以拌飯實在一流。

金山貴為街坊飯堂，定期梗要黎幫襯下。上兩個月天氣仲熱果時真係好焗，私下問老友伙記原來大廈中央冷氣頂唔順一幢樓有五間火鍋店，啲冷氣俾人分薄哂，怪不得，不過好彩我多口問，原來12月頭會裝修，免得我白行一趟。早幾日知道裝修完，梗係上去支持下，發現大致格局無變，不過換過啲燈，翻新過，仲凍到我抽筋，聽啲伙記話全場啲冷氣換過哂，好得多了！各位上黎記得帶多件衫，有啲凍。味道都係保持正常發揮，無乜走樣，平日黎好啲，唔洗等咁耐位