金子半之助 (利東街)

營業中

休息中

下午6點半唔使等位，鋪內只有一半客人，order左一個天井，一個江戶前天井，等左15分鐘先到。望落都仲正正常常，點知一咬落去，理應炸物應該熱辣辣，但估唔到居然只係暖同淋既？！😕 條穴子仲有好重泥味😰，而且仲有啲點韌☹️個飯碗望落好大大深，點知原來係雙層好淺架，好搵笨😤 絕對唔會推介，好伏😐😐😐😈。 魷魚同啲蝦都好淋，無鮮味，質素仲差過丸龜，唔好食又唔抵食！！！！！！！！！！！！！！！！！！

曾經經過這店看到很多人排隊等候，而周邊的店舖卻冷清清，後來才知道這間店在日本頗有名氣，今天經過見人龍不太長，就和同事也學人去朝聖，排隊等位。等了差不多15分鐘左右便有位，一坐下來店員便拿一個䁔水壼給你自己倒茶飲，而那壼原來是黑豆茶，據説有多種功效如抗衰老、解痰等。這店的Menu好簡單，只供三款選擇，價錢分別為$98、$118同$138。而每個餐附味噌湯和漬物。我要了天丼（$98）包括了茹菌、海老、小柱魷魚天婦羅餅、温泉蛋、海苔同莢豌豆。當店員奉上食物，起初覺得這碗丼太大，應該吃不完，卻原來那個碗底是很厚的，實際上是不太大，若我是男生，有機會嫌少一點添。而同事要了上天丼（$118），就有鱔魚、海老、小柱魷魚天婦羅餅、温泉蛋、海苔和莢豌豆。只是分別在鱔魚和茹菌，其他都一樣。我們兩人吃完後，得出結論是丼的秘傳醬汁真的很不錯，但食物不夠熱騰騰，就是要天丼就已經足夠，因為鱔魚沒啫特別。反之漬物如蘿蔔和薑味道就不錯，又可解油膩！所以朝聖一次就夠喇！

今日本身諗住同fd去food court食野算，但上去個陣就發現新開左呢間金之半之助,就入左嚟食佢啲裝修同葵芳店差唔多, 好有高級日式餐廳既感覺廚房係半開放式, 好衛生乾淨間鋪其中一個賣點係連續5年拎咗日理全國天丼金獎，所以對佢好高期望我叫咗佢個朝牌菜江戶前天丼呢度啲天婦羅最大嘅特色就係佢炸嘅過程中會落到麻油, 所以佢啲天婦羅有住其他天婦羅鋪與別不同嘅麻油香，個丼飯配料好豐富，有原條穴子，魷魚，炸蝦，豆，仲有隻温泉蛋 篤穿佢撈埋啲飯食真係冇得輸一啖天婦羅一啖飯真係好香口，個陣麻油香將天婦羅既味道提升到另一個層次食到好飽

從同事的口中，知悉有一間天丼名店，作為天婦羅控的小人豈有不試之理。既是天丼專門店，店方提供專門的選擇亦是理所當然的事，就是三款天婦羅飯的選擇，配以味噌湯及漬物。上桌是堆成一座山的天婦羅飯大堆頭得令人嘩然！有蝦、魚、海苔、魷魚餅以及莢碗豆，令人大惑不解的是未知是否炸漿的問題，新鮮炸起的天婦羅竟然是腍的，皆因印象中的天婦羅都是脆卜卜的，而且一夾便整塊夾起的。魷魚餅更是一夾即散，魷魚粒散修修的跌出來。炸魚是全碗唯一尚保留脆身的炸物，這樣說來到底天婦羅應該是脆的還是腍的？猶幸炸粉應該有調味，汁醬亦頗味美，再者食完也不覺得勁油膩。此外飯粒太糊，蛋過熟，不足以包著所有飯。味噌湯、漬蘿蔔及酸薑亦是不差的。較特別的是黑豆茶，味道有點似玄米茶，飲下是舒服的，反而放在杯裡的兩粒黑豆沒多大意義。短時間內未必再來。

這家是湾仔區少有的天婦羅天丼專門店，過江龍，門外看來很吸引。今天的午餐，是第二次來，開幕無幾個月，明顯差咗。是開放式炸食物厨房，三個港人師傅在面前主理。制服比較汚漕，唉，日本會唔會咁呢？天丼端上來了，炸物顏色很深，食落覺得油早應該換新的了，太難吃。蝦的質素低。穴子應當唔錯，但被炸皮的劣質及老油蓋過。地板油滑，清潔有問題。價錢屬中檔，但因為各個重點都有問題，是合格，短期會再來。香港人對食是有要求的，希望日本方面檢討一下。

前幾星期先喺日本東京食過金子半之助。今日喺香港又試下，睇下有咩唔同。都係叫江户前天丼。前幾星期先喺日本東京食過金子半之助。今日喺香港又試下，睇下有咩唔同。都係叫江户前天丼。呢度無日本無限任添既小菜（漬魷魚，明太子等），得跟餐既一小碟蘿蔔同酸薑。面鼓湯有啲咸（日本嗰啲有蜆仔）。等候期間，旁邊食客開始用餐食左兩啖，投訴話啲飯唔熟，師傅輪住試飯煲入面既飯，有一個話有啲乾，有一個話無事。個客最後取消左個丼飯走左。我心諗唔係繼續用呢啲飯整俾之後既客呱。。好在佢地有另一煲飯，換走曬個客投訴嗰煲。等左15分鐘有多，我個丼都黎左。一食，隻蝦死實完全唔彈牙，脆醬不啲厚，心知不妙。。。另外我已給經一上台即時食，但食材唔係好熱。鰻魚也有點過火。總括來講係個天婦羅既炸醬厚重，唔係日本食落薄脆輕身嗰啲，死實實又厚重咁。日本啲天婦羅蔬菜就算擺耐左都係勁脆口，但呢度既青椒擺左陣就淋身。唯一係塊魷魚天婦羅同日本食既好相似。我覺得未食過日本金子半之助既話，可能會覺得ok...但食過日本再食呢度會覺得只係60分。同埋師傅再煲飯時，唔見佢洗米。只係量完水就按制煲飯。Ps.食完即胃痛，油膩左啲。。。

Premium Tempura🍤🍤🍤✨ Rice Bowl🍚..黎到灣仔 點少得行利東街，行到攰攰地 又係時候食飯啦👻。聽說呢間炸物店係日本頗出名既天丼店，登陸到黎香港🇭🇰 一場黎到當然要試下啦。餐廳提供3款丼飯🍤🍚，從來餐點都係貴精不貴多，今次就等我睇下佢地既天丼 有咩咁犀利先。3款丼飯都大同小異，分別在於主角：穴子/鱚魚/菇菌。一於試試2款魚肉天婦羅吧。llEdomae Premium Tempura Rice Bowl材料豐富：穴子`海老`小柱魷魚天婦羅餅`溫泉蛋`海苔`莢碗豆，而且餐附味噌湯`漬物。穴子🐟 即係星鰻，與一般油脂肥美既鰻魚相比，穴子星鰻肉質纖細&脂肪較少，口感緊實，吃起黎更加健康無負擔。呢間江前天丼，仲以長達30公分大尾穴子🐟作為味覺主角，原汁原味 完美地呈現精緻`華麗既天丼料理，真係夠晒睇頭喔。llSpecial Tempura Rice Bowl材料分別：鱚魚`海老`小柱魷魚天婦羅餅`溫泉蛋`海苔`莢碗豆，同樣餐附味噌湯`漬物。鱚魚🐟 肉質鮮嫩，含有豐富蛋白質。口感跟穴子不同，2款同樣都不錯喔。..仲有教你點食添👻食物仲要即叫即炸，不得不讚餐廳既抽油煙系統很好

每天lunch time 經過利東街都見到呢間鋪人山人海排長龍. 等佢開左個零月後終於搵日同同事一齊去排. 排左半個鐘後. 得到五個吧枱位... Menu好簡單. 只有三款. 睇你想食咩. 由於排隊時已經望到裡面的廚房. 見到個飯好似唔少咁. 所以叫左個天丼 $98. 但原來個飯碗好淺下. 男士可能未必夠. 但女士們應該會剛剛好. 若要加飯好似要加$20. 天丼裡面有蝦. 舞茸, 小柱魷魚天婦羅餅, 溫泉蛋, 海苔同莢碗豆. 再加上味噌湯同埋漬物. 一黎到個賣相十分吸引. 一食落口. 個天婦羅的粉好薄好脆. 個飯的醬汁超好味. 唔好以為材料簡單, 但食食下最後反而留下配料而飯就一早食完. 漬物有薑同埋蘿蔔. 店員話若果覺得油膩的話可以食返口蘿蔔.最後要講埋佢的茶. 原來唔係一般的玄米茶或者綠茶, 而係黑豆茶. 倒出黎重見到有"料到". 

咪睇佢大大碗，原來個碗內有乾坤。究竟乾坤係啲乜嘢？原來個碗嘅深度只有三份一，即係你見佢好大碗但係原來個份量係非常之少。入咗鋪頭坐低落order，等超過25分鐘先至有嘢食，同隔離枱嘅距離係零距離。下次真係咪搞我。

得知金子半之助進駐香港，怎能錯過呢？餐廳位於地鐵站旁邊，位置非常便利。餐廳以淺色木系為主調，裝潢淡雅，半開放式廚房，用餐區域一共有兩層，有足夠位置供客人用餐。餐牌只有三款餐，還有啤酒、汽水、果汁等選擇。餐廳提供黑豆麥茶，入口淡淡黑豆味，很香。⭐️江戶前天丼$138這是最豐富的丼飯，有星鰻、海老、小柱魷魚天婦羅、溫泉蛋、海苔、莢豌豆等。小柱魷魚天婦羅有點驚喜，將墨魚切粒，配上帶子粒一起炸，吃起來彈牙且有新鮮感。海苔很薄很脆，配上白飯一流，加上米飯有柚子，吃起來更清爽。鰻魚又薄又長，入口尚算脆口，不過整條經過油炸，吃多了少不了有油膩感。⭐️天丼$98有菰菌、海老、小柱魷魚天婦羅、溫泉蛋、海苔、莢豌豆等，和江戶前天丼一樣，只是少了一條星鰻。海老即蝦，入口微脆，吃到還不多的時候，戳破溫泉蛋，米飯沾滿了蛋黃，吃起來更香。味噌湯很暖胃，漬物是薑和柚子蘿蔔，清新解膩。⭐️Suntory Beer The Premium Malt's $28日本啤酒有淡淡的麥香，喝起來很順口。⭐️果粒橙$13香港製造的果粒橙，有助中和油膩感。▫️天婦羅丼第一口吃很滿足，多吃幾口後難免覺得油膩，如果炸得更乾身，味道會更出色！

朋友話呢間係日本好出名，排隊人數唔多，好快就入座，被安排係比較入既高櫈位，座位唔算太闊落，店鋪亦唔算太大，檯上放左食具，七味粉，同一壺茶，店員會奉上茶杯，內裏會有兩粒黑豆，檯上亦放左用膳既次序天丼（$98）有海老，舞茸，小柱魷魚天婦羅餅，溫泉蛋，海苔同埋莢豌豆，味道係可以，但又唔至於話好驚豔，小柱魷魚天婦羅幾好食，食到粒粒魷魚，舞茸都唔錯，亦食到麻油香，店鋪建議先食一部分炸物，再將溫泉蛋拌飯進食，拌飯醬料唔錯，但飯量非常少，飯碗看似不少，但其實只有淺淺一層，一羹見底，對男生分量未必夠，江戶前天丼（$138）內容同天丼太致相同，只係海老比較少，無左舞茸，但多左穴子，穴子即是星鰻，份量唔少，亦炸得鬆脆，味道唔錯，不過食完咁多炸物，好膩。可以一試，但未算話必試不可，有d名過於實。

Before 8點到開始排隊大約8點半就有位環境我坐係吧台 對住個廚房抽氣做得好好一點油煙味都無（甚至炸物香氣都沒有🤔）食物餐牌只有3款丼選擇很少 特別係像我 對魚🐟 饅魚不感興趣選擇只係得一個—天丼 另加一碟炸蝦🍤天丼有天婦羅貝柱 舞菇 蝦🦐 紫菜 溫泉蛋因為 天婦羅即叫即炸所以有一定嘅熱度嘅可惜嘅係天婦羅炸得過火左所以顏色略深炸蝦同貝柱略嫌過熟飯既醬汁 美味鹹甜適中店員推介用隻溫泉蛋撈飯 的確好食味增湯略鹹 不過不失店員態度有禮 也有介紹天丼既食法廚師嗱 呢到真係跌晒眼鏡比得個廚房人哋睇應該好好train 下廚師1. 所有廚師係冇帶手套冇戴口罩 2. 有廚師打乞嗤之後冇洗手再洗米煮飯3. 有廚師用手背捽鼻無洗手 之後用筷子擺放天婦羅喺飯面 再用手調整天婦羅幸好我個丼係係我見到以上嚇人情況之前出餐以上絕非老作 兩位廚師我都有記低名字同職位

其實我好鍾意食天掃羅飯～勁鍾意果種好大堆頭既感覺真係未食先興奮呢間日本過江龍近期都響香港開左唔少分店當然要去食下睇下咩葫蘆賣咩藥先其實選擇都唔算好多～主要分別係海鰻同喜魚～一於兩個都點晒呢個咁長既當然係鰻魚～成條ga陣容幾鼎盛～～～～～仲有查半熟蛋～炸海蝦兩隻～～～炸紫菜～～～～炸干貝墨魚餅～～～仲有就係炸青椒聽落都飽～～呢個就係喜魚set, 魚肉好滑天婦羅嘅炸漿好薄身～而且個醬油好惹味慢慢食好快唔覺唔覺就食晒成碗飯

好同事去完日本，話金子半之助的天婦羅天丼好正，於是今日lunch time同佢一齊去左灣仔店回味下！我就未幫襯過日本店，今次係第一次食，食完覺得又真係幾正喎！餐廳只供應天婦羅丼，有三款選擇，每款都有海老、小柱魷魚天婦羅餅、海苔、莢豌豆、溫泉旦，三款的分別在於選穴子（星鰻）/ 鱚魚 / 菇菌，我地選左兩款有穴子和鱚魚的天丼。江戶前天丼有大大塊穴子，真的大到成隻手臂咁長，好震撼！咬落鬆化、啖啖肉、不油膩，仲充滿胡麻香氣，星鰻油脂少，肉結實，真的不錯呢！上天丼就有鱚魚，鱚魚的尺寸無穴子咁大，但都不少呢！我本人喜歡吃這種魚，因為佢肉質鮮嫩，結實又厚肉。至於其他天婦羅，例如海老都非常高質，肉質彈牙，外面鬆化香脆。小柱魷魚天婦羅餅都一流，魷魚極好味彈牙呢！天丼的飯沾滿醬汁，鹹鹹地甜甜地，味道特別，加埋調味粉，更加滋味。食到一半，仲可以吉穿溫泉蛋，讓飯沾滿蛋黃汁，味道更好。天丼仲配埋麵豉湯和漬物，讓你吃完消消滯呢！

同囡囡去灣仔利東街嘅金子半之助食晚飯，利東街閃閃生輝嘅聖誕佈置，真係美輪美奐，喺呢度好有聖誕氣氛下。走入金子半之助，就好像去了日本，環境舒適。店員都好有禮貌，我同囡囡都各點一款丼飯試。江戶前天空，同埋上天丼兩碗飯，上桌時好大碗，好似座山咁大。婦羅炸得鬆脆，唔會過厚。入面有炸魚,炸魷魚餅 ，炸蝦，炸鰻魚。飯底鬆軟，軟硬適中。吃得多炸物都會感到油膩，餐廳提供的漬物柚子蘿蔔同薑，對解利膩好有功效。柚子蘿蔔好清新， 連添幾次。