金子半之助 (利東街)

營業中

休息中

最近成日都想食炸物同天婦羅……但又怕熱氣會出暗瘡，所以都無特別約朋友去食~~~今日上完training有同事提議去食天婦羅丼，因為佢上次同屋企人食過之後就心思思想再食xppp嘻嘻，呢刻我就緊係舉腳贊成啦：)呢度原來係食天婦羅丼既專門店，除左灣仔，東涌同葵芳都有分店啵！天丼款式分為三款，自己一向都好中意食穴子同鰻魚呢d鱔類，所以一見到有原條天婦羅既 江户前天丼$138，已經唔需要考慮就揀定呢款~~同事就話佢上次經已食左江户前天丼，所以今次就試下呢款 上天丼$118！兩款天丼既賣相都好吸引~~~每款天丼都配備熱湯同漬物：）呢度既牛蒡漬好幼嫩，調味剛好！！其實兩款既天婦羅都大同小異，只係一款係穴子天婦羅，另一款係鱚魚天婦羅~~做得天丼專門店，令我對呢度天婦羅既期待都有所提升架！！幸好出到黎既水準都無令人失望：）當中既天婦羅外層脆薄，香而不膩~~加上選取既食材新鮮，穴子入口鮮嫩，玉子半熟流心，睇返相都流口水xpp難怪同事會心思思想食多次啦：D呢度免費提供既黑豆茶都好香，店員仲話有助解膩添😊😊😋

Kaneko Hannosuke specialises in tendon - Tempura Donburi, where bowls of Japanese rice piled with tempura drizzled with their secret, original “Edomes” sauce. With an unique blend of Japanese flour and fresh eggs imported directly from Japan, the tempura batter leaves ingredients soft on the inside but golden crisp on the outside.Their menu keeps simple and straight forward, which only consists 3 tendons only, you can expect nothing but authentic and spectacular Tendon here.Edomae Premium Tempu

Highly recommended! Better than I expected - reminds me of eating in japan. Good quality food and love the octopus cube and the sauce was very tasty! Bowl size is a bit deceiving though - but ok for lunch! Really enjoyed it and would definitely go back

係香港好難搵到好食既天婦羅飯，今次呢間絕對推介。全餐廳只有三種天婦羅飯，自己鐘意食鰻魚，所以點了有穴子的江戶前天丼。餐廳有指引教你食法，不過參考性不大。坐在bar台就可以睇到廚師點樣整呢個天丼。天丼來到時賣相非常不錯，天婦羅放滿整個飯碗，穴子是原條炸的，食落去好肥美，上面仲有一小片柚子令你食落去唔會太油膩。仲有小柱魷魚餅都好好食，係一粒粒瑤柱同魷魚整成，好有口感，其他天婦羅都炸得唔錯，連紫菜都有用天婦羅粉炸過。最特別既係天婦羅溏心蛋，第一次見識，炸完之後仲係流心既，用來撈飯食一流。附送既前菜酸酸地，特別開胃，麵豉湯就正常日本餐廳的水準。總結：呢間天丼好有係食日本天婦羅飯的水準，未試過天婦羅飯一定推介。

最近個 friend 話自己食左個好好味嘅天丼，話要帶我去金子半之助試下，原來呢間餐廳已經連續 5 屆獲日本全國天丼金賞🏆我哋叫左一個江戶前天丼同上天丼😍江戶前天丼嘅主角當然係穴子🐠另外有海老、小柱魷魚天婦羅、溫泉蛋、海苔、莢豌豆。穴子星鰻的肉質纖細且脂肪較少😯肉質比較結實☺️而上天丼入面主角係鱚魚🐟同樣有海老、小柱魷魚天婦羅、溫泉蛋、海苔、莢豌豆。鱚魚比較細條，肉質鮮甜嫩滑😋小柱魷魚天婦羅🦑由好多細細粒嘅魷魚組成，質感好特別😜佢哋嘅天婦羅炸粉好薄🍤拮穿隻流心蛋🍳撈飯真係好正🤤兩款丼飯都有跟味噌湯同漬物🥰飲品叫咗雀巢檸檬茶🍋餐廳亦有供黑豆茶解膩

以前同仔仔出去食飯連小童餐都唔使叫喺自己個餐分少少俾佢食就夠但係而家大個仔已經大食到自己食一個餐😂呢日去行利東街因為好耐冇去日本所以揀左金子半之助 呢間日本餐廳我老公叫左 江戶前天丼條星鰻好大條 佢不嬲都鍾意食鰻魚但係星鰻比一般鰻魚更有口感爽口彈牙 又冇咁油膩我同仔仔就分別叫咗上天丼 同 天丼我自己就比較喜歡鱚魚肉質鮮甜啲 而菇菌都好入味流心蛋一吉即爆啲蛋黃又香又甜🤤我覺得最正係佢嘅炸粉係有獨家嘅汁所以炸出嚟完全唔使點任何醬汁已經好夠味 甜甜地係冇得去旅行嘅情況下呢間日本餐廳都好滿足到我哋一家三口

呢間主打日式天婦羅丼飯嘅餐廳上年登錄香港，唔經唔覺開業原來已有9個月，等到上星期，阿叔終於有時間嚟食喇！🙌🏼十年前，佢喺東京日本橋開設本店後就迅速興起🚀，更試過連續5年獲得日本全國天丼金賞，宜家喺美國、台灣、香港都有多間分店。.呢度獨沽一味只賣天婦羅丼飯🍤🍚，每個天丼飯都會即叫即炸，包保新鮮熱辣🔥，如果你怕熱氣就…哈哈🤪！店內會有3款唔同丼飯套餐畀你揀，價錢由$98至$138。第一次嚟，當然要食呢度最受歡迎嘅 #江戶前天丼 ($138) 啦！🥳.丼飯賣相夠晒邪惡😈，超豐富嘅餸菜包括有穴子魚、海老🦐、魷魚🦑、溫泉蛋🥚、海苔、莢豌豆擺滿成個丼飯，當中以穴子魚最吸睛，足足超過20cm😯，比起鰻魚，穴子脂肪較少，口感更結實。阿叔跟住餐廳建議，先食一半丼飯，然後再將炸到半熟嘅流心蛋切開，蛋汁撈埋秘製醬汁同飯再食，果然又有另一番味道👍🏼。.食呢個丼飯，不得不提一提☝🏽，相比起大家以前食開嘅天婦羅，呢度嘅炸粉你可能會學得軟一啲，無咁脆口，睇番官方網頁介紹先知道原來呢個先係日本人🇯🇵對天婦羅嘅角度同標準，阿叔完全明白了😌！另外，亦不得不讚呢度服務都幾貼心❤️，有別於一般日本餐廳，佢哋會提供黑豆茶，畀你作

講起日本連鎖天丼店，除左てんや（tenya），就係「金子半之助」，前者係平價版，後者係中價。我第一次食金子半之助不是在日本，而係台北。位置係台北車站裡面，鋪面好焗，而且去的時候仲飽緊（之前食左嘢），各種因素之下，對呢間店印象不太好，亦唔覺得好好食。直至香港灣仔店開左，我覺得應該畀多次機會嘅，因為香港比較少天丼專門店。menu得3個選擇，配料上有少少唔同，今次試左最平同最貴兩款。先講最平的天丼（$98），基本炸物有兩條炸蝦、小柱魷魚天婦羅餅、溫泉蛋、紫菜同莢豌豆，同其他唔同嘅係，佢有菇菌。每樣食材都好食，炸漿唔厚，表面脆身，炸蝦反而偏軟唔夠脆，扇貝粒同魷魚好彈牙，炸菇好清爽唔會乾，紫菜都有炸過好好食，食到一半篤穿蛋黃撈飯，美味。飯碗雖大但其實飯量唔算好多，而天婦羅汁都唔少，足夠撈飯而又唔會過鹹。最貴的江戶前天丼（$138）基本配料相同，冇菇菌，而有一條穴子（星饅），分量十足。穴子肉質好嫩滑，冇腥味冇泥味，亦食唔出有骨，怕魚的人都可以放心食。唔知係咪因爲去的時候好肚餓，而且都坐得舒服，今次印象改觀左好多。雖然有點熱氣，但如果心血來潮想食天丼，都會想起呢度。

幾個月前初嚐金子半之助滋味，一直念念不忘，昨天特地同囡囡再去食個lunch 回味下。同樣點了上天丼同江戶前天丼，上天丼有鱚魚，江戶前天丼則有穴子，另外2個餐都有海苔，溫泉蛋，小柱魷魚天婦羅餅，豌豆，仲有前菜同味噌湯。天婦羅炸得香脆鬆化，唔會油膩。我好喜歡吃魚，鱚魚同月穴子都非常美味，穴子即海鰻，分量驚人，長度超過1隻手掌，網上看資料話有超過30cm👀👀，好吸睛。囡囡竟然可以清曬成個飯，證明係幾咁美味。💕餐廳座位好多，坐得好舒適，而且員工服務好，有禮貌，會再去，！！！

上星期專登去灣仔利東街食天婦羅丼🍤每人嗌咗個豐盛華麗之江戸前天丼😍入面有穴子🦈兩隻海老🍤 🍤小柱魷魚天婦羅餅🦑溫泉蛋🥚紫菜同莢碗豆☘️而且餐仲附送味噌湯、漬物！係食之前店員亦詳細講解點樣品嚐天丼🥰1. 首先，先品嚐黄金時間內酥炸完成的天婦羅穴子同海老🍤2. 再品嚐黃金比例烹教面成的米飯，沾附住秘傳sauce😋3. 待食用一半後，將炸温泉蛋戮破，温泉蛋蛋液包住每一粒飯，可依個人再添加特製調味粉，別具風味😝總括嚟講 建議大家嗌江戶前天丼🤩因為穴子又大條又炸得酥脆🤤仲有柚子香，感覺冇咁肥膩之外仲有多層次嘅味道，令人齒頰留香😆簡直係Perfect ❣️完食❣️

金子半之助獲譽為日本第一天丼，主打日式天婦羅丼飯，招牌天婦羅是達30cm長的海鰻。店家只供應3款天婦羅丼飯，我哋就揀咗最受歡迎嘅江戶前天丼，同埋上天丼。枱上已備有一壺黑豆茶，每茶杯中放有兩粒黑豆，客人可自行添茶；黑豆茶可解油膩，亦有抗衰老、除濕熱之效。見著師傅用心製作，即點即炸，用上日本製天婦羅小麥粉及日本新鮮雞蛋做粉漿，炸出嚟嘅脆漿完全唔厚，食完都唔覺好油膩；每款丼餐附味噌湯、漬物(今次係牛蒡&柚子蘿白)，另有罐裝飲品或啤酒可點。江戶前天丼穴子、海老、小柱魷魚天婦羅餅、溫泉蛋、海苔、莢豌豆穴子即是星鰻，與一般鰻魚比較，穴子脂肪較少，肉質纖細且脂肪較少。上天丼鱚魚、海老、小柱魷魚天婦羅餅、溫泉蛋、海苔、莢豌豆鱚魚，肉質鮮嫩，含有豐富蛋白質。店員特別提到炸至半熟嘅流心蛋，建議吃到一半時才戳破用嚟撈飯食，令蛋液包著每粒米，又係另一味覺享受。最欣賞係佢連塊海苔都酥脆而不油膩江戶時代的秘傳醬汁，選用純天然大豆，入口香醇偏甜，食到底都仲有醬油香味。

每次經過利東街呢間主打丼飯的日式料理店，門前人龍不絕，今日避開繁忙時間早點前來， 幸運地不用排隊，立即有位。餐牌非常簡單，只有三款丼可選，其他可追加配料，飲品。豐盛華麗之江戶前之丼穴子，天柱魷魚天婦羅餅，海老，莢豌豆，海苔，溫泉蛋賣相真是豐盛，材料真是華麗。即叫即做，建議黃金時間內吃會感到酥脆感。飄來胡麻香氣，入口即化，還有絲絲絲柚子，增添味蕾的觸覺。穴子是鰻魚一種，由於脂肪比例較少，吃起來少了一份肥膩感。粒粒魷魚打造成天婦羅餅非常創新。原汁原味食到一半，可戮破炸溫泉蛋，蛋漿流出，滲透入每一粒米飯，混入自家秘製江戶前醬汁，那種濕潤感，簡直齒頰留香。

呢間餐廳一直都好想食，今日終於有機會lunch黎試一試。一坐低店員就介紹各種丼飯，同埋杯茶入面有一粒黑豆，相當特別。我就叫左一個豐盛華麗之江戶前天丼，聽個名已經好吸引。由於天婦羅係即刻做起嘅關係，所以都要等一陣。一黎到見到個星鰻天婦羅真係好驚喜，係超級大塊，比起相睇落更大，忍唔住即刻咬左一啖，口感非常緊實，又唔會覺得油膩，而且上面仲有少少天婦羅嘅醬汁都好夾，再加埋本身星鰻嘅味道真係好滿足。但係食嘅時候就要快少少，否則d天婦羅放得太耐口感就無咁脆同新鮮。

BEFORE the 4-person gathering protocol and when people still went out to eat, lunch caused us three OLs and OM to order one of each of the big tempura rice images on the menu: $138, $118 and $98.  So the $138 has a large has a tempura conger eel, the $118 has two pieces of fish and the $98 has the original tempura shrimp and vegetables. All of them had tempura shrimp and vegetables.  Came with rice and a ladle of tempura dressing. Also came with a tempura runny egg. Overall I thought it was just

金子半之助登陸香港一段時間，一直未有機會嘗試。最近港人一般都未能到日本旅遊，正好前來朝聖這東京過江龍。坐下後，店員告知茶杯內有黑豆，加入熱茶變黑豆茶，頗特別的。江戶前天丼 $138每客丼飯均有前菜及麵豉湯。前菜清新，非常消滯解膩。每桌均放上了特製一味粉，方便客人按個人口味添加。店舖更貼心地放著品嚐天丼的說明，圖文並茂。豐盛華麗的江戶前天丼附有穴子魚、鳳尾蝦、小柱魷魚天婦羅餅、溫泉蛋、海苔及小青龍。每一件都沾有秘製醬汁，酥而不膩，帶有麻油香，好吃！店員提醒食用到一半後可以把炸溫泉蛋戳破，使蛋液與米飯混合，特別香滑。上天丼 $108另一份上天丼則是用上了鱚魚，同樣包含了其他材料如鳳尾蝦、小柱魷魚天婦羅餅、溫泉蛋、海苔及小青龍。材料全部同樣的新鮮，魚肉紮實滑嫩！最有驚喜的是小柱魷魚天婦羅餅，吃得出鮮味又不會過膩過硬！店員服務有禮，從進店到上菜後一直細心介紹。我坐在open kitchen前面的吧台不但可以看到師傅的廚技，卻又一點油煙味都沒有。無論出品、服務還是環境都有日本的水準，總算一解思「鄉」之愁，下次要再訪！