金子半之助 (利東街)

營業中

休息中

江户前天丼 $138穴子即係星鰻，比一盤既鰻魚油脂較少，炸起上嚟相對上冇咁油膩，所有食材都即叫即炸，有海老，小柱魷魚天婦羅餅，溫泉蛋，海苔同莢豌豆，套餐仲有味噌湯同漬物，份量就非常足夠，成碗飯基本上所有材料都係炸，但一啲油膩感都冇，鮮味香脆，我最鍾意就係炸溫泉蛋，外脆內軟，流心蛋香撈飯一流，食哂都唔會有飽滯既感覺。天丼 $98傳統既味道，配料基本上一樣，只係鰻魚換成菇菌，菇菌本身咪道較清淡，但變成天婦羅後其鮮味提升左，當然食得出食材係新鮮既，唔會有草青味，其他食材亦維持高水準，兩碗都好好味。值得一提既係職員好有禮貌，第一次食都唔駛怕，職員會耐心教你食每一樣既次序，枱頭亦都有圖示，非常貼心。

呢間就係話我地留肚要試既野~嗱! 我唔知係因為飽左一半定對佢有期望, 我食完未至於失望，但會用普通去形容首先，佢放低個茶既時候話有兩粒黑豆，我估係怕有尐傻豬豬以為杯有曱甴蛋XD 佢都有講係解膩既~ 同埋個茶其實真係幾好飲XD天丼 $98叫呢個因為個菇菇天婦羅! 無錯! 我認我個人好毒，好鍾意食菇，所以見到佢已經唔洗諗其他! 係香港就無咩比較既，但同日本既就無得比架啦！但都算係好食既~ 但反而驚喜既係個蛋~ 仲係流架~ 呢個真係好食既~ 而佢另一個好就係你食到碗底既飯都有汁! 不過天婦羅個炸漿就唔算好好，而且食落真係好膩，唔係爽脆個種, 應該係時候要換油... 所以我話唔我可能對佢期望過高江戶前天丼 $138男人就係為左個“星鰻”而試既，我唔食星鰻所以我俾唔到爽多意見，但男人就話好普通囉，無特別，個蝦正常囉... 就係咁我覺得可以一試既，但就未必再黎啦，因為有機會都去試下其他新野咁囉～

迷你天婦羅丼🍤稻庭烏冬喱間由日本黎既天婦羅專門店係日本好有名氣試過真係名不虛傳迷你天丼入面有紫菜，溫泉蛋，蝦，茹菌，荷蘭豆，南瓜雖然話迷你，但份量相當足夠天婦羅係即叫即炸炸完薄薄一層，唔會成口粉唔會成口油，岩岩好👍🏻店員會推薦食到一半先篤爛隻溫泉蛋🥚撈埋店家特製醬油食簡直係一流😋😋😋另外烏冬都值得一提湯底濃郁烏冬彈牙大家可以按住喜好加入蒽花，海藻，鰹魚碎，天婦羅碎，溫泉蛋迷你天丼+稻庭烏龍餐$118

忽然癮起想食天婦羅 腦海只有金子半之助位於灣仔利東街來自東京的天婦羅專門店 只有三款丼飯選擇 Regular/Special/Premium價錢唔係差好遠 梗係貪心啲叫最貴的江户前天丼($138)因為佢有架勢原條30cm穴子！除左穴子仲有炸蝦 紫菜 扁豆仲有仲有就係精粹原隻半熟蛋！食到一半拮開佢 將蛋漿撈入日本米 超正！脆漿唔厚之餘一啲都唔油膩 好香麻油味秘製醬汁加上柚子香仲有一味粉果然係日本第一天丼🤤一定會再訪！

一直想食👉🏻 金子半之助👈🏻今日終於見到唔使排隊，梗係即刻入去食喇👅..介紹返💁🏻‍♀️”金子半之助” 獲譽為日本第一天丼，而且主打係天婦羅丼飯🍤 Menu 上亦只有3款丼飯選擇，我就點左”江户前天丼”(HK$138) 係有招牌30cm長嘅海鰻、海老、小柱魷魚、溫泉蛋、海苔....等等超多料😋 每一份都係即叫即整，用上日本製小麥粉及日本雞蛋調配成天婦羅麵炸漿，炸油係日本特製嘅胡麻油，食落特別香脆，而且炸漿唔厚，好正➰..“天丼”(HK$98) 係得佢有新鮮菇菌🍄 食落肉質脆滑，超級鮮甜，加上小柱魷魚、溫泉蛋、海苔... 唔錯呢❗️ 餐廳會提議食到一半就將炸溫泉蛋戳破，用嚟撈飯🍚咁樣每一啖都會有蛋液包住啲飯，幾好食㗎💞.

近日在家煲曰劇，心繋日本美食。特意外出到灣仔，試一試這家曰本過江龍天丼店。店子的裝修和其他丼店無異，是簡潔光猛的和式設計。隨著疫情的關係，枱與枱之間有膠板分隔. 食得安心。江戶前天丼$138嘩！這江戶前天丼的份量真不少！穴子大大條，是全條上！穴子完全沒有泥味，而且細骨幼細，魚肉嫩滑，吃不出細骨來。海老雖然炸得有啲油膩，但蝦肉嫩口，味道可以。而小柱鱿魚天婦羅餅的小柱和魷魚都很鮮嫩，而溫泉旦也炸到流心。旦汁和帶有醬油的米飯混合，濕潤滋味。配上海苔和莢碗豆，和帶有清新的柚子醬油，味道不錯。上天丼$108這上天丼和江戶前天丼的配料大致相同。不同的是這上天丼沒有穴子，取而代之是鱚魚。鱔魚是白身魚，炸得柔軟白滑。再配上種種天婦羅配料如：海苔、莢碗豆、海老、小柱鱿魚天婦羅餅、溫泉旦等，真的很飽肚，即使是大胃口的女生也吃不完呢。今日花費唔多，但倒也滿足合意，緩解一下戀日的情意結。

得知這家金子半之助開了在香港一段時間，最近經過灣仔還沒吃飯終於有機會嘗試一下。一進去聞到香濃的胡麻及醬油味，背景音樂富日本傳統特色，很不錯！江戶前天丼（$138）是三款丼飯最豐盛最貴的一款，其實主要分別就是這個有一條長達30cm的穴子，而另外兩款則分別是鱚魚及菇菌。店員建議先把飯吃一半再把溫泉蛋混一起，而桌上的一味粉可以按自己喜好加入去。醬汁及古麻油不僅香，還很惹味！天婦羅加上醬汁，不會那麼脆口，主要是小麥粉及雞蛋都用得好！配上啤酒（$28）或其他飲料（$13）都非常搭配，算是不能去旅行前的一種享受了！

終於輪到推介日本菜啦💁🏻‍♀️不過...有冇人同我一樣係唔食生野架🤣 雖然係有啲可惜...不過其實都仲有好多選擇可以食嘅🤓 其中一樣就係天婦羅啦😬-呢一間係日本第一天丼專門店‼️ 一定要黎試吓🤤 點咗個招牌人氣天丼$98，食材包括舞菇、鳳尾蝦、帆立貝魷魚天婦羅餅、溫泉蛋、海苔、莢豌豆～ 每個套餐都包括味噌湯、漬物，仲有黑豆茶比你解膩👍-丼飯係即叫即炸，非常新鮮‼️ 每樣食品雖然炸過，但仍然保留到食物本身嘅原味道👍 當中配上的炸溫泉蛋亦好吸引，建議後將半熟流心蛋戳破，蛋汁撈飯，更加滋味。整體味道非常滿意🤤 食完有滿足既感覺🤩

利東街又開左一間食丼飯專門店既金子之半助，於是同朋友去左食。 十分喜歡餐廳和式簡潔既食堂， 加上開放式廚房：師傅就在客人面前準備食物， 食都食得安心。 餐廳既黑豆茶：餐單： 我地叫左江戶前天丼，裡面有墨魚粒， 海鰻同海蝦天婦羅， 落單後，師傅馬上開始準備。 雖然等左良久， 但非常值得—即叫即整既江戶前天丼完全體現左日本人認真對待每一份食物既態度。 開放式廚房上可以望住師傅將剛炸好既炸物用心咁排列好， 再淋上香噴噴既秘製汁。 服務員遞上既丼飯都仲係熱騰騰，脆卜卜既。其實餐廳非常細心，有教食客點食先好味：服務員教我地食到一半既時候可以將炸溫泉蛋弄穿， 再拌飯吃， 又係另一番口感了。 另外，沒想到， 海鰻竟然咁大份， 外面脆卜卜，裡面竟然保存好海鰻的鮮嫩味道，拌飯食岩岩好食哂， 一粒飯都唔整。今日好感動可以食到咁似日本口味既丼飯，令我回想起番番日本掃街掃餐署既既光，希望疫情快過， 可以再去食好西， 依家食住呢到既丼飯先啦

每次去日本見到一些專門店，只專做某一兩樣食物，實在欣賞佢地的堅持，將食物的質素提到最高。呢間過江龍聽就聽得耐，每次想去食都因太多人排隊而放棄。原來開左一間係利東街，過左午飯時間又唔使點排隊，今日終於可以一試了！ 店內只售賣天丼，有3個選擇，基本上都係一樣，最貴的採用穴子，最平既係野菌。最令人敬佩既係，廚師對每一樣食材的執著同堅持，由米、醬油、粉漿、到旁邊既黑豆茶，餐廳都細心選擇，務求將最好既比客人。我要左一個江户前天丼，整條穴子沾上粉漿炸，魚肉堅實但不油，外層既炸粉同魚皮結合。飯加上醬油加上天婦羅，不同層次口感和味道喺口腔蔓延，飲一啖黑豆茶，消滯而不膩。教學寫住食到一半可以戳破温泉蛋，蛋漿加入飯中，好似再提升到另一層次咁，真係好好食！

今次終於有機會同朋友去金子半之助食聞名已久嘅日本丼飯。 我哋分別叫左江戶前天丼，同埋天井兩款飯。先講江戶前天井，入面材料好豐富，有海老、穴子、小柱魷魚天婦羅餅、溫泉蛋、海苔、同埋莢碗豆，先講入面所有嘅炸物全部粉漿都好薄唔算厚，食起上嚟唔會話太熱氣同埋唔會淨係食到d炸粉，食吾到入邊d材料味道。穴子鰻魚size好大塊，長過一隻手掌，肉質就肥美同埋鮮甜，而且冇乜骨啖啖肉，而其他材料就保持一貫日本食物要求水準，超新鮮超鮮甜。天丼其實從江戶前天丼塊鰻我魚轉做三塊大姑，對d唔想食咁多肉或者唔鍾意食魚嘅朋友就最啱喇。提提大家溫泉蛋係食到一半之後再拮爆中間個黃，流d蛋漿連埋d飯食，因為蛋漿連埋啲特製醬汁加埋飯食，真係食到停唔到口，係另一款風味。

本來前年到東京旅行時，打算將呢間餐廳預算在行程內，但上網爬文發覺很多時要排長龍，因不想浪費旅行時間，所以取消。知道香港有分店，便心思思想一試。天婦羅很多時候都食過，天丼就從沒品嘗過，知道是將剛炸好的天婦羅浸上店家秘製醬汁再放在香飯上。所以除了天婦羅要美味，醬汁是天丼靈魂。餐牌好簡單，主要就是三款天丼，既然一場黎到，當然點了最豐富的江戶前天丼。記得有朋友到過淺草食天丼，覺得天婦羅浸過醬汁已不脆了～令我對天丼有點卻步。不過這次初試，天婦羅夠脆口，一啖入口有濃甜的醬油味，尤其炸紫菜，無諗過咁脆，好味。炸糖心蛋蛋汁加醬油撈飯，我諗應該所有香港人都喜歡。炸穴子好大件，啖啖肉。炸蝦蝦味濃。秘製汁配日本米，無一個飯桶可以抗拒。如此美味嘅結果當然係………發現個碗咁特別，係淺碗黎，好想知道係點做出黎呢～不過食完成碗天丼係好飽嘅～可能因美感問題，要用呢種碗。

經常路過都話要試下，今日終於嚟到食啦！利東街景色日與夜都咁迷人，餐廳大窗設計恰到好處｡一進入餐廳店員馬上奉上吉杯內，有兩粒黑豆 。 冲入熱茶後泡一泡，淡淡的黑豆茶,確實美味!日本餐廳常有意料之外的小智慧!必食!戶前天丼;十分喜愛穴子(Anago/星鰻 )的肉質軟棉油份比鰻魚小，吃多了也不覺飽滯油膩。帆立貝魷魚天婦羅餅，口感滑溜與秘製醬汁非常配合。不要小看一塊小小的紫菜，厨師功夫到家原來可以做到好好味，入口鬆化!記住要紫菜食先，脆呀～清脆爽口漬物,入口有清新的柚子味，美味可口之餘又夠解膩消脂 日本餐廳貫徹始終的注重細節,將食法放在枱上給食客參考 菜牌就只有這三碗飯(穴子，鱚魚，菇菌)沒有其他多餘野專注製作 可以額外追加單件｡

天丼即是碗上，下面是飯，上面是天婦羅，配上甜甜的天婦羅汁！一個人坐著bar台，可以近距離望住師傅炸，開放式廚房幾乾淨，食時好放心，即叫即做大概二十分鐘！Menu 上有三個選擇，我點了天丼$98，最普通已經不錯了，有二隻蝦，溫泉蛋，菇仔等...味道我覺得偏甜了少少，即叫即炸好新鮮，熱辣辣！有啲意外驚喜是，有少少柚子碎，酸酸甜甜柚子的香味帶出了另一種感覺！仲有醃製過的籮白也好好的，白色子薑無染過其他顏色👍🏻👍🏻有啲日本餐廳的子薑粉紅色染過，無咁靚🤣

最近經過灣仔發覺變左好多，由其是囍帖街附近，面目全非，變得modern左好多，最近聽朋友講附近有間天婦羅飯系日本好出名，一場黎到梗係要去潮聖下。店內裝修好精緻，雖然系open kitchen又專做天婦羅食品, 但系完全感覺吾到油煙，只系聽到啲炸野嘅聲音好窩心，一坐低先黎杯黑豆茶餐牌上基本只有3款天丼order, 無理由吾証佢個人氣食品江戶前天丼啦枱面上有個餐牌教大家應該點食為之最好味個七味粉樽好精緻呀Waiter拎上枱時真系比條長長嘅鰻魚嚇一跳，真系有大半張枱甘長，無誇大🐙粒，粒粒都大大粒，好鮮味食完呢碗丼真系超飽，價錢雖然有點貴，不過值得一試。