金子半之助 (利東街)

呢日下晝專登請咗半日假去「會展」行展覽，專注嘅程度真係連飯都唔記得食😌 行到打烊，餓到肚仔都打晒鼓... 好想食碗熱辣辣嘅飯🍚補充吓！醒起 #利東街 開咗間「金子半之助」，一於去尋回和式風味🤤餐廳大門裝飾得極有氣氛，推門入去已經聞到陣陣香氣，非常期待🫶🏻 餐牌上嘅食物以天婦羅🍤為主，我哋最終揀咗 #江戶前天丼、#迷你海老天丼併烏冬 開心share🫶🏻✨江戶前天丼#丼飯 放上滿滿嘅 #天婦羅，成把間尺咁長嘅 #穴子（#星鰻），#海老 （#蝦）、#小柱魷魚天婦羅餅、#海苔、#莢豌豆，仲有 #溫泉蛋，單係賣相已經夠晒吸引👀 用 #特製芝麻油 炸出嚟嘅天婦羅🍤特別香口，而且入口鬆化，再加埋啲甜豉油喺面... 話咁快我哋就清咗面前碗飯喇🤭✨迷你海老天丼朋友另外點嘅 #迷你天丼 份量都唔少，#菇菌、#海老、#南瓜、#海苔、#溫泉蛋、#莢豌豆 ... 樣樣齊😉 另外我哋仲加咗$20加配 #牡蠣（#蠔），肥嘟嘟嘅蠔肉鋪上薄薄炸漿，零舍香口🤤 而套餐仲包咗一碗 #讚岐湯烏冬，烏冬口感煙靭，我哋喺湯底加入 #草花 同 #木魚花，令味道更加鮮味🤤✨日本產牡蠣為食嘅我哋，追加咗一份 #牡蠣天婦羅，即叫即炸嘅天婦羅份外好味🤤 最後再飲埋店員為我哋準備嘅 #黑豆茶🍵 暖一暖個胃... 整個組合完美呀🫶🏻📍金子半之助 (灣仔) 皇后大道東200號利東街地下G16號舖 …查看更多

呢日喺灣仔聽完講座，就近近地去咗利東街分店嘅金子半之助。晚市時間依然人氣十足，平日都座無虛席。一坐低，餐廳就送上黑豆茶，健康有益又解膩。穴子及牡蠣天丼來到金子半之助，點可以唔食穴子天丼？點咗穴子&日本產牡蠣天丼，穴子足足有成隻手臂咁長，好誇張！店員細心地幫我醬油另上，確保穴子新鮮炸完去都上枱一刻依然外脆內軟。食嘅時候再將秘製醬汁淋上面，令到每一件天婦羅掛滿醬汁，呢個方法係江戶時代流傳至今呢！醬汁亦大有來頭，沿用百年古早秘傳醬汁食譜，全店均採用日本製天婦羅小麥粉及胡麻油，難怪味道如此香醇！穴子肉厚無骨，食落啖啖肉！牡蠣都好肥美，炸漿好薄! 另外仲有炸蝦、炸秋葵等，最正係炸溫泉蛋，輕輕一篤，蛋汁就傾湧而出，好澎湃。煮穴子迷你丼&蕎麥麵呢度除咗天丼之外，亦供應蕎麥麵及稻庭烏冬選擇，鍾意樣樣都試吓嘅人更加可以點「迷你丼&蕎麥麵／稻庭烏冬」，一次過試齊兩款！點咗煮穴子迷你天丼&蕎麥麵，穴子肉質細緻，不過個人都係鐘意食炸多過煮，口感會更有層次。蕎麥麵好有驚喜，麵質彈牙，食落有陣陣蕎麥香，值得一試。明太子玉子燒玉子嫩滑，塞滿鹹香嘅明太子，味道好夾。…查看更多

週五收工後，同女朋友約咗去利東街周邊食嘢relax下，揀咗呢間日式小館。店舖環境幾好，裝潢簡約日式風，座位算寬敞，唔會覺得擠迫，適合邊食邊聊天，氣氛好chill。仲有個小驚喜，果汁加13蚊就可以享受果汁放題，無限暢飲新鮮果汁，超抵食！今晚試咗幾款菜式，從沙律到烏冬、天丼，每樣都好有心思。半生熟烤牛肉沙律呢個沙律真是一個好開胃嘅選擇！牛肉係半生熟，肉質鮮嫩多汁，切薄片配上沙律菜，脆生生嘅生菜同紅蘿蔔絲好解膩。醬汁係日式風味，微微酸甜，淋上去完全襯托牛肉嘅鮮味，食落好平衡，唔會太重口，適合當小食開胃。半之助沙律原來「半之助沙律」係用蝦肉做主角，蝦仁新鮮彈牙，煮得恰到好處，表面鋪有海藻，增添咗脆脆嘅口感同淡淡嘅海洋香。沙律基底係清爽嘅綠葉菜，配上輕盈嘅日式醬油味，食落好輕盈，蝦肉嘅甜味同海藻嘅鮮味互相提升，絕對係一個清新嘅健康選擇，尤其適合夏天食。稻庭烏冬（咖喱）稻庭烏冬本來以為只係普通粉麵，但一上枱就發現好有驚喜！烏冬條彈牙有勁，湯底濃郁鮮美，原來可以自己加好多小料如蔥花、裙帶菜之類，調配出個人風味。咖喱版特別有心思，咖喱醬濃而不辣，將烏冬撈埋咖喱醬一齊，食落好特別，咖喱嘅暖香同烏冬嘅滑溜完美融合，湯汁吸晒入麵條，一碗食到飽足又唔會覺得單調。獺祭雪糕呢個雪糕係今晚嘅亮點！獺祭清酒雪糕有好濃郁嘅牛奶味，奶香滑順得像雲朵咁，入口即化，甜度適中。淡淡嘅清酒香氣喺尾韻浮現，唔會太烈，但夠晒清新，感覺好高雅。雪糕質地細膩，唔會有冰粒，食落好療癒。穴子＆日本產牡蠣天丼「穴子」原來係一種鰻魚（穴子鰻），招牌穴子天婦羅長達30cm, 超厚肉身, 肥美軟滑值回票價！穴子鰻炸得外皮酥脆，內裡嫩滑多汁，配上新鮮日本產牡蠣，牡蠣肉肥美帶海鮮鮮味，兩樣一齊天婦羅炸，金子半之助採用日本特製高級胡麻油, 胡麻油製成的天婦羅芳香撲鼻及色澤會較深。香脆得不得了。白飯熱辣辣，戳開蛋液同飯拌勻，再澆上甜鹹醬汁，蛋香同鰻魚油脂混埋一鑊，食落好滿足，汁水滲入每粒飯，簡單但正到爆，絕對係主菜嘅王道。總結呢間利東街日式小館真是一個週五放鬆嘅好去處，環境舒適，果汁放題仲加分，食物質素高，每樣菜都好有層次，從清爽沙律到濃郁天丼，滿足晒我哋嘅口腹之慾。價錢合理，適合情侶或朋友小聚，下次一定要再嚟試吓其他款式，強烈推介！…查看更多

每隔兩三個月，我都去"金子半之助"食佢地既天丼🍤🍚，餐廳所製作既天婦羅係即叫即炸，粉漿薄身，入口又脆，果真係日本人氣天丼專門店👍🏻雖然係開放式廚房，但入到鋪裏面完全不覺油煙味🤗💥穴子&日本牡蠣天丼✨原條穴子跟筷子一樣長炸到色澤金黃，外脆內軟。超厚魚肉，肥美軟滑，比起鰻魚肉身更結實，魚既鮮味亦較明顯，非常適合炮製天婦羅✨牡蠣口感紮實而彈牙，炸後蠔味更加濃厚，嫩滑鮮甜，一粒炸蠔真係不太夠喉，最後要追加多粒!!✨再配埋特大赤海蝦、小柱魷魚、海苔及莢豌豆的天婦羅，各款外層都酥脆蓬鬆，而且保持鮮嫩多汁，令人回味! 還有白飯吸收了天婦羅的精華，加上古早秘傳醬汁，完美融合，真係令人陶醉💥穴子迷你丼&北海道稻庭烏冬(冷)✨迷你穴子丼份量唔算多，但卻充滿咗驚喜！首先丼碗好精緻，取源於江戶時代陶瓷工藝，碗底製造成空心設計，咁可以令碗中食物保持溫度，果真細心✨穴子鋪滿燒汁，非常入味，燒過後肉質柔軟，與日本白飯一齊食，是只完美既補充💥北海道產稻庭烏冬（冷）✨烏冬拉得細緻順滑，口感煙韌，配清淡嘅醬汁，加上蔥絲及芥辣，帶來一點清新感🌟唔止炸蠔追加，連溫泉蛋都要! 食到白飯一半，就將追加既流心蛋吉破連同天婦羅醬汁一齊撈埋碗日本白飯一齊食，真係一啖一啖食晒成飯，真心惹味!!!🔥套餐加$13有果汁放題，有芒果綠茶、巨鋒烏龍茶及菠蘿雜果汁，三款不錯選擇，因為不太甜，飯後飲可消滯!每次黎都好似第一次咁有驚喜，Keep到水準!…查看更多

今次喺灣仔撞正日本「天丼金賞」連續八年霸主，點可以唔試？餐廳主打江戶前天丼，傳承自江戶時代嘅秘方同手藝，聽落已經令人垂涎三尺！一踏入餐廳，簡約日式嘅裝潢即刻畀人舒心嘅感覺，木系色調配上柔和燈光，環境乾淨企理，坐得舒舒服服，啱晒同朋友輕鬆聚餐。店員服務親切，落單快手。我哋點咗幾款招牌菜，試下佢哋嘅天婦羅同烏冬有幾咁真章。迷你海老天丼&稻庭烏冬真是一個「一箭雙雕」嘅選擇！迷你天丼雖然細份，但材料豐富：炸蝦彈牙、菇菌同南瓜香甜、溫泉蛋入口絲滑，配上秘製醬汁同日本米，濕潤嘅口感令人一試難忘。不過，醬汁略為偏甜，鍾意清淡口味嘅朋友可能要調整期望。稻庭烏冬就係另一亮點，麵條幼滑煙韌，配上蔥花、海藻同天婦羅碎，簡單卻層次分明，冷食尤其清爽，喺炎夏食落真是一個「透心涼」！穴子&日本產牡蠣天婦羅御膳賣相精緻，穴子同牡蠣天婦羅外酥內嫩，特別係牡蠣，鮮味濃郁，咬落仲有啲海水嘅鹹香，絕對係「鮮」情萬丈！不過，穴子略為偏瘦，唔及預期中肥美，可能係當日食材嘅差異。御膳配菜同飯量適中，食完唔會太脹，啱晒想試多款菜式嘅人。刺身4點盛合性價比高到飛起！赤蝦同日本帆立貝新鮮甜美，鮭魚同鰹魚入口即化，雖然份量唔算多，但作為前菜已經夠令人滿足。整體嚟講，食物質素穩定，上菜速度快。天丼走嘅係江戶前「濕潤」風格，醬汁同炸物融為一體，唔係追求極致脆口嘅路線。如果你係鍾意傳統日式天婦羅嘅食客，呢度可能會略為顛覆你嘅想像，但正正係呢份獨特嘅濕潤美學，畀人感受到江戶時代嘅飲食文化。餐廳用嘅有田燒丼碗同高級胡麻油，都係用心嘅細節，令人食得開心又回味。…查看更多