采悅軒 YUE

營業中

休息中

有禮貌同乾淨就是最基本嘅，疫情有優惠呢下正，不過點心款式唔多，味道算幾好。 環境唔錯，有停車場唔算貴， 得閒去下當去機場走一轉，要預約，唔係好多人所以早上打去都可以book到位

平日午市人唔多，裝修高雅，坐位舒適。服務還可。試咗幾款點心，樣樣都用心製作。個梅菜黑毛豬叉燒腸粉係最好食，個味好夾。柚子蝦餃比傳統蝦餃清新，魚子燒賣普普通通，蘿蔔糕中上，天鵝酥即芋角就唔夠熱。75折後價錢可接受。

呢間位於東涌新喜來登酒店嘅采悅軒推出多款精緻打卡嘅中菜😍顏值與味道並存🤩留意返點心夜晚時段係無的菜式：🌹川味玫瑰鮑片 $498將鮑片整成玫瑰花嘅形狀，食落仲有啖啖川辣味，打卡得黎又好食😋🌼火瞳菊花菜 $98將卷心菜雕成菊花嘅形狀，湯底用上宣威火腿(中式Yunnan Ham)煲成，唔係普通嘅菜湯🤪清甜得嚟又有濃郁嘅風乾火腿味👍🐷乳豬拼盤（乳豬件、蜜餞西班牙黑毛豬叉燒、海蜇）$348乳豬皮好脆，叉燒肥瘦適中👍燈影藕片$98用蜜糖同辣椒油製成嘅蓮藕片，集甜同辣於一身，中和返味蕾😋🍜濃蝦湯海鮮泡稻庭麵$368海鮮湯底勁濃同足料，每啖都有蝦粒，好掛汁😋除咗散叫之外，餐廳仲有幾款價錢實惠啲嘅套餐，但就冇左啲打卡靚中菜😛

來東涌肯定是購物之日，下午和太太全日在東涌outlet購物完後，抱着滿載而歸及餓著肚子的心情，來到這邊比較清靜的環境享受今日的晚餐。網上看到評論介紹這間酒店新開不是很久的，中菜廳也是10分推介，我們便提早預訂，因為還有六折的優惠。這裏的環境很舒服，服務員態度亦十分之好，接待我們坐下後，便介紹我們他們推介的菜式，包括乳豬拼盤。百花釀蟹鉗也做得10分出色，另外他們推介的砂鍋鱈魚熱辣辣香噴噴，10分惹味。如果來到東涌，不想和別人迫，希望有一個好的環境享受晚餐，這裏是絕對值得推介。

東涌新開酒店中菜廳，現在 openrice book 有 6 折，肯定要試試龍與鳳，看看跟市區比較會否差很遠，如果可以，以後就不用出去食酒店中菜。坐低帶位侍應問飲什麼茶，由於擔心濃茶影響睡眠，所以侍應主動話沖壺淡普洱，結果看不出來果壺茶究竟點樣淡，我建議做不到就不要提出，這方面不是太專業。食物點了叉燒，自從灣仔富聲結業後，好耐冇食過咁好嘅叉燒，肉厚林身，正另外，招牌乳鴿，非常熱，皮脆肉嫩，正，如果鴿可以肥少少，多肉少少會更好。花鵰中蝦，酒味不夠，蝦好彈牙。雞油豆苗唔係好油，但略嫌雞油不夠香。甜品是薑汁繡球，薑汁非常夠勁度。沒有紅豆的紅豆沙，知道是把紅豆磨成蓉，但個人不太喜歡，始終覺得有粒粒紅豆好食D，同埋後勁有點酸，這紅豆沙是整頓飯的最低分。總括而言，跟天寶閣還是有段距離，但總體還可以，下次試埋下午飲茶。最後大部份侍應都比較新手，但部長又唔係好見到，提議加緊培訓才可對得上酒店水平。

食物味道: 上次評過采悅軒嘅點心和小菜，今次再入去飲茶，評下其他嘅點心款式，其實老遠由巿區走入東涌幫襯采悅軒，如果唔係好食，又點會咁無謂山長水遠入去丫。食物份量: 點心通常都係三件，四個人的話就唔夠食，好果能加多一件就好，我相信都係關乎價錢定位問題。價錢: 定位都係一般酒店中菜餐廳點心價錢，通常$69-90/客; 茶位$25/位環境: 十分舒服，向海一邊座位位置更佳服務: 殷勤有禮，無得彈回頭指數(10分滿分): 10分

在一個閒日中午於此午餐。主要食點心：蝦餃-水準中上，皮薄而韌，蝦鮮多汁，大小適中，剛好一口可啖之XO醬炒腸粉-微辣可口但不太突出芋角-酥脆，芋味香濃，餡適量，配以可愛天鵝造型。滿分！鮮竹牛肉-特點是放湯中，湯鮮熱，有驚喜鍋貼-煎至香脆，多汁，好食此餐另加主角燒鵝。由於是即燒，需時60分鐘，坐低即叫，解決點心後，半飽即食。此燒鵝以果木燒，所以有適量天然木香，鵝皮即使食到尾都係脆的，配梅醬啖之。果木香，肉鮮，梅醬的香，鵝脂的豐腴，與咬下脆皮時的爆破聲交織成和諧、平衡的感官享受。這一小時的等待，值。最後，一窩鮑魚炒飯為這頓午飯劃下滿足，感恩的句號。再，工作人員們適量的熱誠，令這下午更添寫意呢！

食物味道: 之前喺呢度飲過茶，覺得點心都幾好味，賣相亦甚具心思，今次特登試吓晚飯小菜，我覺得非常有水準，味道之外亦著重賣相，簡直係舌頭與味覺嘅享受。食物份量: 份量適中，主菜嘅份量一般都能夠滿足四個人食價錢: 一般酒店中菜廳嘅價錢，唔會特別貴過人，但一定比出面酒樓貴。環境: 裝修環境一流，加上黃昏嘅窗口景，實在係和三兩知己或家人食晚飯嘅好去處。服務: 五星酒店服務，殷勤不在話下，服務員禮貌週週，無得彈。回頭指數(10分滿分): 10分

晏晝飲茶，點心超正：柚子蝦餃，帶子蝦白菜餃，XO醬腸粉，煎蘿蔔糕，蝦春卷。全部都好味。柚子蝦餃好清新，好特別，柚子同蝦好夾。蘿蔔糕用料足，蘿蔔夠多，不會只食到糕粉。腸粉同春卷就一般地好味。再order了濃蝦湯烏冬，啲湯好夠味，真的是「濃蝦湯」，蝦同帶子都好多。壓軸出場嘅係11月限定士多啤梨凍糕，個造型似足肥牛，配士多啤梨牛油果汁，perfect。

放假帶屋企人去東涌行下，順便想試下新開喜來登酒店嘅中菜點心🤤原來呢間酒店距離地鐵站都有啲遠，聽講好似有Shuttle Bus，但我地決定行過去，順便行下東薈城🚶🏽可能平日關係，餐廳唔算好多人，坐得幾舒服，仲有窗口位可以望到機場👍🏽 可惜而家少左好多飛機升降，但整體景觀可以話冇得輸💛 紅菜頭松露餃 $69個皮有啲濕得濟，一夾就穿，而且一擺落碗個皮就痴到實一實，有啲失望😮‍💨💛 天鵝酥 $90其實即係芋角，但入面釀左啲鴨肉同菇，食落幾香💛 子薑雞肉鍋貼 $69出面食唔到嘅一樣特色點心，咬開有陣陣子薑嘅香味同辣味，幾特別。但雞肉比較乾身，始終有豬肉咁多肉汁💛 XO醬炒腸粉 $78XO醬夠晒香，辣辣地幾惹味，但腸粉份量就比較少

一個星期日大約1點黎食lunch，餐廳都幾full下，咁我地係有喺openrice book，有85折。餐廳環境同裝修都唔錯，梳化櫈都舒服，張枱都夠大。叫左幾個點心、乳鴿、燈影藕片。基本上全部都好好食。尤其係頭抽田雞腿同埋藕片，我會非常推介，絕對係必試！ 田雞腿肉好鮮嫩，調味都好岩岩好。藕片份量比想像中大碟，甜甜辣辣好開胃，而且每片砌得好薄，所以食左好多都唔會頂住個胃。乳鴿都好正因為唔乾爭爭。其餘我地嗌左嘅點心有柚子蝦餃、梅菜黑毛豬腸粉、流心尖堆仔。柚子蝦餃同梅菜黑毛豬腸粉個配搭都幾新奇，都可以一試㗎。

在這裏渡過一個寧靜的星期一晚上，可以在東涌站坐免費接駁巴士到達。客人只有約十檯，可以慢慢思考人生。我試過機場紅軒和萬豪中菜廳，這裡的整體質素勝一籌。乳豬拼盤 (乳豬件、蜜餞西班牙黑毛豬叉燒、海蜇)：海蜇比較辣，口感正常，叉燒和乳豬是佳品，肉質和燒烤手法也好，和金鐘萬豪金殿的出品差不多砂鍋三蔥花雕焗白鱈魚：十分香口的菜式，因為有蔥和洋蔥調味，魚肉質量合乎預期，但沒有想像中的花雕酒味洋參棗皇燉桃膠：參味比較重，適合補身，不會太甜蛋白杏仁茶：正常的酒店水準，加多一點點蛋白就好

✨川味玫瑰鮑片玫瑰賣相精緻鮑片 鮮味 口感彈牙味道麻而不辣 只有少少麻香 好易入口完全冇蓋過鮑片嘅鮮味 ✨蜜餞西班牙黑毛豬叉燒叉燒 半肥瘦 肉質結實口感稔得黎亦有咬口蜜味夠 但有少少偏甜 ✨至尊炸釀蟹蓋炸皮光滑係冇麵包糠版本 唔算好脆 同內餡有啲分離嘅情況內餡 蟹肉都唔算少 鮮味 洋蔥切成絲 份量都幾多令洋蔥味道過份突出白汁亦唔算好香 整體黎講未去到好出色✨松露手撕雞松露片味道唔夠香面層 雞皮好香脆 咬落去嗦嗦聲中層 雞肉鮮嫩 有雞味 調味適中底層 松露肉崧味道都唔錯唯獨略嫌松露片同肉崧個松露味唔夠突出✨薑味繍球薑湯清澈薑味香濃 唔太甜 帶微微薑嘅辣勁繍球 即係豆腐切成花 好考師傅刀工豆腐 豆味香濃口感嫩滑 食物唔錯 賣相精緻環境唔錯 座位闊落 坐得舒服另有海景位置 但有最低消費但以呢個景唔需要特登刻意坐海景位服務唔錯 由訂位訂菜式到用餐 服務態度都係好好用餐當日亦會主動同我哋講上菜次序但以一間酒店餐廳黎講 喺細節上我覺得可以再做得好啲價錢合理 可以一試

九月一開始就計劃月尾個星期日去東涌行山，慣例行完都會去食下好野開心下，但當地點係東涌就唔容易，雖然佢地Outlet大左，但係特別吸引既餐廳仲未有。最後決定去遠少少，去新開酒店既中餐廳試一試。去前已經大概諗好食乜，但睇到佢既Recommend之後，最後係叫多左幾個餸。佢個例湯好好飲，運動完後飲返碗有種舒暢感。個燒味拼盤既乳豬脆卜卜，叉燒個肥瘦揀得好好，係口感同油膩之間搵到個平衡。其他餸都唔差，雖然未去到「嘩」一聲，但都係質素之作。位置係遠左啲，但餐廳坐落舒服，附近環境店舖更有種去左異地既感覺….. 依個時期，有依種感覺已經好好…..

之前試過食晚飯，整體質素不錯，再次前往食晚飯，但極為失望。先說三蔥花雕焗鱈魚，上桌時沒有香氣，太多汁，完全不夠熱、魚塊很濕不夠乾身，不達水準。不久隔離枱入座，亦是點這款焗魚，但端出來時已香味十足，侍應用匙羹稍為伴一下，冒出熱騰騰的煙，亦不見很多汁。另外上次點了一個影山紅茄子，汁少油少，極具水準，所以今次再點。但這次的質素跟上次的水平相差甚遠，十分油膩，起碼有1湯匙多的油份。最後，免費泊車的定義亦是不一。一般來說，職員會在發票上簽發免費泊車的時數。上次消費接近$1100，職員簽發3小時免費泊車。但今次消費多於$1200，卻只有2小時免費泊車。究竟簽發免費時數是有何準則？總括而言，每次出品有少許差別是可以接受，但這次的經驗，差別有20-30%。整體經驗是這食店水平飄忽，標準不一。有折扣優惠亦難以吸引再次光顧。