采悅軒

營業中

休息中

我專登捕住采悅軒訂座優惠，好好彩book到閒日夜晚7點3。咁可以係東涌mtr 出面搭shuttle bus到酒店但班次都比較疏，要注意時間。 一到去酒店都有少少難搵采軒悅，不過唔緊要睇到好多食評係有讚無彈，這就是中伏既開始🙏🏻一去到， 有個待應（中年姨姨）就好大聲咁問我飲咩茶？ 我真係呆左.. 我連餐牌都未睇就飲咩茶？ 發生左咩事？ 我就話我要睇完餐單先知想飲咩茶！ 第一下個印象都勁差，好似去左酒樓咁。 咁好啦，之後就叫左龍井同另一款， 我都唔知道左叫咩名（咁唔同茶就有唔同價錢，可以根據返自己喜好去叫，茶既價錢係正常酒店食中菜價位）。之後，我就開始叫餸！橫掂有6折諗住叫盡d啦！叫左是日例湯（蟲草花燉雞）同有推薦既天白花菇菜膽竹笙湯，好多人讚既叉燒，出名既花雕蛋白蒸水晶蝦同埋呢個餐廳特色特式白舞茸西班牙黑毛豬卷（本身叫左中式牛尾煲，但話賣曬） ！ 我滿心期待呢餐 點知真係比返錢我都唔會再去食一開始黎左叉燒先.. 咁我都呆一呆乜唔係黎左湯先咩？ 咁我都覺得無咩所謂，食左叉燒先點知又乾又難咬…勁失望 又無肉汁😅 跟住食到中途又黎左湯， 咁趁熱飲啖湯先，2碗都係普通到不得了！ 例湯飲唔到雞味，

采悅軒由星級名廚鍾志強師傅掌勺，招牌乳鴿有「天下第一鴿」嘅美譽😍，一齊黎睇下我嘅推介吧！ 🔹️招牌妙齡鴿🕊必食之選，乳鴿色香味俱全，不負「天下第一鴿」嘅美譽，肉質鮮嫩多汁，令人齒頰留香。🔹️太子琵琶鴨🦆選用幼鴨，燒至外脆內嫩，放上琵琶造型嘅碟上，賣相好靚，食落都很美味。🔹️百花釀蟹鉗🦀用咗勁大隻蟹鉗，再用蝦膠包裹，口感豐富，既保留蟹肉鮮甜又有蝦膠的彈牙口感，而且分量比一般的蟹鉗更大。🔹️傾國傾城貴妃香🥰想當年唐玄宗為博楊貴妃一笑，特意從南方運來荔枝，所以呢個荔枝造型，加咗荔枝果肉為餡料嘅流心奶黃煎堆，得名「貴妃香」👸，真係既好食又啱晒打卡。🔹️棋子桂花卷呢個卷嘅製作都好巧手工，有淡淡嘅桂花味，都幾好食❤️今餐真係好滿意，雖然未有星，但采悅軒嘅食物質數有米芝蓮嘅水準，餐廳環境都靚，不過位置係東涌真係遠咗啲，但都推介大家試下。

繼上一站到海岸扒房嘆了一個慵懶的 brunch 後，第二站便是 Sheraton 中菜廳 — 采悅軒好好嘆個晚膳，享受人生。采悅軒由米芝蓮大廚主理，菜式別出心裁，可謂色香味俱全。采悅軒的全海景VIP房間，設有巨型餐枱，旁邊有小偏廳、小廚吧及全海景露台。小露台最適合三五知己，一邊欣賞海岸水天一色，一邊舉杯暢飲，要是再加上雪茄的一縷煙圈，樂也悠悠。大廳布局優雅莊重，甚有風範；座位寬落舒適，簡潔有空間感！五星酒店的中菜廳，就是不同凡響！單單是枱面的擺設， 已盡顯優雅氣派；加上無敵大海景，心情都格外好。口感鬆化的琥珀合桃作為餐前小食，甚合我意！很榮幸，今晚餐廳特意送上 Welcome Drink ，為是夜豐富的晚餐揭開序幕。是夜享用的是套餐 ，一共十款美食，款款都是由大廚精心炮製。頭盆是百變三式—采悅小碟；分別是池香伴稀瓜，煙燻夜明珠，以及晶凝花厘凍！賣相精美，令人留下深刻印象。池香伴稀瓜，將西瓜略略烤一烤外層，烤過的西瓜，水份收乾，口感味道都改變了，西瓜味濃了，配以鹹魚粒，創新的美食。煙燻夜明珠，煙燻過的白鴿蛋，口感有點煙韌，配魚子醬，名貴度即時提升了！晶凝花厘凍，花膠做的啫喱凍，花膠沒有半

聽朋友講性價比高，今次就去了試一試。酒樓舒適，點心有幾款有特式 有柚子虾餃，黑赫餃子，甜品蛋tart, 黑糖馬拉糕好味。另點了炸蚧Kim 足料值得一讚，可惜腸粉種類太少，希望下次會添加多些腸粉味道。同時可添加灌湯餃。會找天再去試其他款式菜單

同朋友入住東涌喜來登酒店，等check in不如就乾脆食住等啦^•^book了酒店內的釆悦軒，12:00入座，可能星期一吧，不是太多人在用餐，感覺寧静舒適寬敞，很喜歡環境佈置。因為打算往大佛遊覽食齋，我們3人只簡單點了四款點心，星級酒店加上星級食府，滿意的話下次再來認真用餐吧^•^點心都剛巧都是三件，真好‼ 紅菜頭黑松露餃賣相 & 味道很好、小籠包一般、和牛生煎包賣相好，餡料內容尚算可以，但生煎包略嫌沒煎香的效果、貴妃香是煎堆仔內藏流沙餡，荔枝外型細想原來當年楊貴妃吃荔枝的故事，怪不得取名貴妃香，絕‼三個人4款點心，埋單計7折$370﹐這個openrice帶給我的優惠很有驚喜，從來都是文字恐懼，沒太留意內容，只覺得在openrice訂檯快捷方便，免除我打電話的煩心事，估唔到竟然有7折，住客用餐都只係9折，這樣埋單就當然開心啦

地點有啲遠，在東涌站酒店有shuttle接駁(每半小時一班)。Menu款式多，除咗鮑參翅肚之外，仲有啲大眾化啲嘅選擇。擺盤唔錯，煮得亦有水準，只係人手唔夠，舉手埋單都要10幾分鐘先至有人睇到。

很久沒寫食評了，但今日在此餐廳飲茶，$180叫半隻油雞居然雞髀是消失的，遇到這種情況，真令我不敢相信，原來睇番網上食評之前亦有人遇過這種情況，我沒有當場指證是因為當時未有第一時間發現，希望酒店加強管理，這種欺詐顧客的行為不要再重演了！！！

主廚曾經拎過米芝蓮一星，疫情關係餐廳做緊折扣優惠，所以試試。燈影藕片($98)甜甜地又辣辣地食唔停嘅前菜，推薦！火瞳菊花菜($98)湯清得嚟淳厚，但我唔識欣賞，食落似上湯娃娃菜。西班牙黑毛豬($288)叉燒無得彈，嫩得嚟又有口感，肥瘦適中，上枱個陣D 肉汁仲流緊。濃蝦湯海鮮稻庭麵($368)首先係份量非常多，足夠4個人食有餘，個湯好鮮好好飲，好多海鮮配料，但稻庭麵食落似淋左嘅烏冬。松露千根繡球($238)松露嘅味道剛剛好，唔會太搶，外皮係少少煙韌嘅腐皮，入面係一絲絲嘅菇菌，推介！炸釀蟹蓋($218)因為某飲食Youtuber 去親高級中菜廳都叫，所以我先有樣學樣，但試過好幾間，我都依然唔覺得有咩吸引，但呢間嘅係唔錯嘅，起碼好過旺角間唐閣。

第一張既拼盤係絕對絕對必食‼️叉燒肥瘦適中，肉質淋得黎又爽口，海蜇就普普通通，乳🐷外皮好脆口，另外片皮鴨係一客兩食，而侍應知道小編要打卡，所以等我地影咗原隻鴨先再切開，片皮鴨既兩食係有4️⃣種可以選擇，其中一款就係銀芽炒鴨舌，都不過不失既，本身係有得選擇飯既，但因朋友仔唔想食鴨肉炒飯🍚，就叫咗個鮑魚炒飯，鮑魚炒飯➕魚柳包都係偏濃味既，鮑魚飯有好濃郁既醬汁，而且價錢都好抵，每人可以分到1️⃣隻鮑魚，魚柳煲既魚就冇魚腥味，份量都幾多。依家去openrice訂餐仲有七折優惠🤑而且始終地方比較偏遠所以人流唔太多，好啱大家聚會想坐耐啲傾吓計👍🏻

This Cantonese restaurant is located in Sheraton Hong Kong Tung Chung Hotel, and if you are driving you need to park at the underground parking, as no valet parking is available. The hotel is very new but since opening the world has been ravaged by COVID unfortunately.Very nicely decorated with contemporary design, we are seated at the section near the entrance, with large windows looking out towards the airport. The tables are quite spacious with good distance apart, and there are also some ban

對上一次入「東涌世茂喜來登酒店」用餐都已是兩年前的事，當時造訪了 Sunset Grill 的 Sunday Brunch，發覺相當抵食，無論食物、環境以至服務，都令人滿意。而今次跟囝囝的契爺契媽以及一段日子沒見的朋友飯聚。「采悅軒」位於酒店二樓，除了廂房的景觀特佳之外，其實餐廳盡頭的玻璃窗位，同樣可享優美的海景。雖然是平日的午間，但餐廳都差不多全滿，客人除了酒店住客外，亦有不少是東涌居民，看來餐廳已建立了不少口碑。采悅小碟翡翠如意餃、柚子蝦餃、天鵝酥YUE AppetizersSteamed Shrimp Dumpling with Chinese CabbageSteamed Shrimp Dumpling with CitrusDeep-fried Taro Puff filled with Roasted Duck and Mushrooms三款亮麗點心盡顯師傅功力，先試試象真度極高的柑橘蝦餃，加入了柚子肉，果香令蝦餃多了一份清香感，很妙想天開的手法。中間的天鵝酥尤其趣緻，造型唯肖唯妙，餡料是惹味的燒鴨粒與及滑溜的芋茸，味道的大滿足。個人最愛的，就一定係似足故宮珍品小白菜的翡翠

采悅軒位於香港東涌世茂喜來登酒店，由星級名廚鍾志強師傅坐鎮，環境幽雅，寬敞舒適，VIP房更可飽覽大嶼海景。餐廳主打創新又不失傳統的粵菜，巧手點心、經典小菜、生猛海鮮，還有屢獲好評的招牌菜式。上菜前，先來茗茶。推介他們特別調配的特級茗茶「悅茶」，是以浙江綠茶底，加入香桃、玫瑰和姜，先是淡淡的桃香，然後帶着一些玫瑰的味道，最後還有點涼快的回甘，味道芳香有層次！一切由點心開始，新菜式翡翠如意餃，是大白菜造型的粉果皮蝦餃，裡面有清甜的大白菜，帶子蝦肉爽口。柚子蝦餃，其餃子皮有香甜的柚子汁味道，彈牙可口。天鵝酥是有燒鴨粒和冬菇粒的芋角，配上釆悅軒自家製的XO醬更惹味，XO醬有蝦子、瑤柱和蝦米的鮮味，每樽$288便可將這美味帶回家。女士們最喜歡潤肺養顏的湯水，這一道「杏汁花膠燉菜膽」，大廚以鮮杏汁熬花膠高湯，先煲豬骨湯五個小時，令膠質溶晒，再加完美5:1比例的南北杏再煮後，再加入蝴蝶肚花膠扒、菜膽燉40分鐘，令花膠口感剛剛好，比較清甜不會太濃，不想錯過的話最好預訂。主菜推介包括百花釀蟹鉗、太子琵琶鴨及手打魚腐浸娃娃菜。「百花釀蟹鉗」以新鮮肉蟹即拆肉即做，一隻蟹只有兩隻蟹鉗。肉蟹過水後即時拆肉，蟹前

想試東涌sherton嘅中菜同扒房好耐，都始終住得遠，的唔起心肝黎。尋日咁岩放假去昂坪行下，咁就試左中菜先，因為同埋屋企人食，中菜嘅話可以試多啲嘢。Openrice一早book左，晚市散叫有6折。另外，叫左鵝肝牛柳粒炒飯唔記得影相。呢個都係值得推介。炒飯好乾身，粒粒分明。配搭埋鵝肝牛柳粒好正。另外我屋企人都叫咗佢杏仁茶，覺得甜左小小，店員聽到嘅時候話可以叫廚房再整，不過唔想煩，又唔係食唔到就算。店員同我哋講話下次可以request返，因為即叫即做的。Overall真心唔錯，係交通爭啲。但其實酒店有shuttle bus來回酒店同東涌地鐵站，每半個鐘一班，就到時間嘅話其實都幾方便。仲有好多嘢都好似好吸引咁，下次試吓其他或者飲茶試吓啲點心🥰

老公試過呢間飲茶，覺得點心好正，所以介紹我和媽媽一起試試。一行3人預約了1點鐘，因為喜來登距離東涌市中心有點距離，所以遲左5分鐘到。幸好，坐位保留15分鐘的。當日星期日都滿坐。柚子蝦餃，不錯。貴妃香，推薦，外型很似荔枝，內裏都有荔枝肉，外面脆脆的，好味。娘惹鹹水角，外形好像甘荀，味道有一點點娘惹，不錯。石鍋生煎包很熱，很有蔥香。天鵝酥冇咩油，好味的。煙燻燒賣我老公覺得好味。煙燻味好濃。紅豆沙係正的。叉燒酥同牛肉球都冇乜特別，會再去試下其他未試過的。酒店員工服務ok對得起酒店服務, 帶位員工就一般了。

由於入住東涌喜來登酒店，已經想在采悅軒晚膳，見到在OpenRice訂座有低至五折優惠，馬上登記。訂座後一天左右，餐廳已經打電話來確認。我哋要求參考菜單，佢哋都很快咁用電郵回覆，效率好高。當天準時入座，餐廳環境幽雅，我哋二人被安排坐在馬蹄形沙發， 十分舒適。因為唔係好肚餓，所以只係叫咗以下招牌食品：燈影藕片 $98牛肝菌素鵝 $98太子鴨 $288至尊炸釀蟹蓋 $218薑味繡球 $88食物味道質素唔錯，但最令我欣賞係經理Jason Lui嘅服務態度。佢在我哋等上菜期間，主動詢問意見，仲好詳細講解餐廳總㕑嘅班底，大都好有來頭，佢自己亦係來自龍景軒，十分健談。最後我哋點咗著名嘅薑味繡球作甜品，佢亦解釋師父在豆腐上橫切直切各60刀，加上薑味糖水就散發開為繡球狀嘅豆腐花，十分考刀功。另外佢亦送上一碟蛋散俾我哋試吓。老實講，薑味豆腐花主要係欣賞師父刀功，以作打卡之用，反而蛋散好鬆脆，又唔太甜，比其他酒家出色，值得一讚。除咗經理Jason之外，服務員Vicky亦有良好待客態度，加上現時餐廳有特別優惠，十分抵食，所以整體用餐體驗良好，我推薦大家記得在OpenRice訂座。