醉潮館

營業中

休息中

果晚我地全部人都食得好開心！都係130埋單，超抵！荃灣人就知道，去三陂打冷，如果食開果一兩間就次次都食，好少試新野，今晚度度都full，醉潮館相對等得冇咁耐，所以就食左，下次都會再食！特別推介先寫：椒鹽九肚魚好脆，好夠味，魚肉好滑！雖然多骨，但都易入口。滷水拼盤超入味，啲豬腸同腩肉同豆腐好鬼正，仲有韭菜！啫啫通菜煲熱辣辣，調味適中卜卜蜆好大兜！但係大家都食到停唔到口，係咁夾，仲有粉絲，入晒味，超正！

話說👧🏻都幾中意食蠔餅但每次食左幾嗒之後都因為太多薯粉質地太核突而食唔晒，但今次👧🏻終於搵到好味既蠔餅啦，而且呢間店既其他潮州菜都好好食架🤤鴨蛋煎蠔餅好厚身而且好多蠔仔，蠔餅應該係用半煎炸既方式黎整，食落非常香脆同唔油膩，而且蛋香味十足，食落唔會有太多既薯粉漿口既感覺。鐵板跳跳豆腐係一樣幾有驚喜既菜式，事關👦🏻👧🏻同朋友都唔太中意食玉子豆腐，但一開始嗌呢道菜既時候唔知道係玉子豆腐，好驚食落有奇怪既味道既👧🏻食完一嗒之後重新愛上左玉子豆腐，嫩滑既豆腐加埋惹味既醬汁送飯一流呀😋醬滷拼盤入面包括紅腸、豬耳、豬大腸、雞蛋、墨魚、花生、豆腐、韮菜同埋五花肉，滷水夠入味又唔會太鹹，跟飯或者送酒一齊食應該都唔錯。黎到食潮州菜既店舖點可以唔食粥呢，本身以為係粥底既價錢加配料就再加錢，但原來個計法係配料既價錢加埋$200就細煲，$300就係大煲既砂窩粥，👦🏻👧🏻就揀左隻細膏蟹、蠔仔同花甲王做配料，唔好以為細煲就會得好少配料，每一嗒都食到海鮮，而且粥底煲得好綿，海鮮味亦好鮮甜，蟹殼仲會預先扑碎，食起黎好方便👍🏻每次都會透過以下6大方面評分(滿分:30分)味道 : 4.5 / 5環境 : 4 / 5外觀 :

同個朋友行完街影完相，就夠鐘食飯啦今次揀左係三坡坊食潮州菜餐廳裝修好似古代果d茶樓咁，灰色磚牆加木既枱凳，都幾有風味連餐牌既外型設計都好特別，菜式選擇都好多，餐牌分開upload左餐廳上菜都好快，上菜唔會相隔好遠，唔會食哂一樣先有下一樣餸首先就叫左個小食牙簽雞$58即叫即炸，脆卜卜既外殻加嫩滑既雞肉，點埋甜酸汁都幾好味跟住就係雪裡紅蝦乾菜心煲$88除左菜心之外，仲可以揀芥蘭同通菜個煲入面加左雪菜去煮，仲有少少辣椒，估唔到加左雪菜更加惹味陳皮蒸鮑魚$158原本想食卜卜蜆，但近期好似食左好多蜆，所以改食蒸鮑魚，$158有6隻，蒸既時間岩岩好，醬汁有好香既陳皮，唔錯總括三樣菜式都唔錯，以後又多個地方食潮州菜啦

三坡坊一帶都有唔同嘅鑊氣小炒，打冷，中式小菜，呢日同女朋友就去試其中一間潮州菜。是夜坐無虛席，雖然餐廳位於三坡坊比較尾後嘅位置，但睇嚟只要食物好，地點較遠都絲毫不受影響。除咗各式粉麵飯，潮式滷水，小炒等，仲有成本湯menu，啱哂鐘意飲湯嘅朋友。👉🏻鐵板跳跳豆腐 $78鐵板玉子豆腐，好好味！上菜時鐵板仲係熱到滋滋聲，氣氣四散！玉子豆腐香軟嫩滑，好有蛋香，每件豆腐外皮均有上粉略煎，形狀唔會鬆散，再伴隨住肉碎同帶有少少辣嘅香濃醬汁份外惹味！👉🏻牙籤雞 $58女朋友最鐘意食香口嘢🤤牙籤雞一啖一口容易食，啖啖肉，外皮仲勁香脆！係一個好開胃嘅小食。👉🏻紅燒籠中bb鴿子 $48用鳥籠裝住上菜，別具特色。bb鴿細細隻，烹調時間掌握得好！皮薄又脆，沒有多餘油份，咬落肉質保持嫩滑，非常juicy！👉🏻醬滷拼盤 $138潮洲打冷必叫嘅拼盤，有蛋，墨魚，豬腸，豬耳，紅腸，五花腩片，韭菜花等。滷水香醇得嚟帶點甜，每款食物都沾水滷水香氣，令人胃口大開！👉🏻白粥 $12潮洲粥香軟綿綿，好滑，粥水較多，唔會過杰。

今次黎到呢間小菜館，呢間小店係街角入面，外面比一大群大排擋包圍，也算是幾隱蔽，但入到店內發現有好多客人！店內裝修以木色為主，簡單舒服又有潮州小菜館的感覺。今次同朋友兩個人黎左呢間小館食晚飯，叫左幾樣食物，味道同賣相都令我地好滿意花膠燉雞湯好好飲，有親切燉湯味道，吾會好似飲緊味精湯而椒鹽九肚魚都炸得岩岩好， 外脆內軟，魚肉非常嫩滑，甚至個人認為好食過吾少大排擋！兩個人叫左一隻BB乳鴿，好好味，而且用鳥籠作為裝飾品令呢道菜變得更有意義，仲見到吾少客人都為左乳鴿影相炒通菜同水煮牛肉都好好味，基本上每碟食物既味道同賣相都令人滿意，係一間令人回頭既小店不過今次我地兩個人似乎叫太多樣菜，呢間店份量好足夠，都好適合多人黎食！

媽媽是潮州人，不知是不是因為有二分人的潮州人基因，份外喜歡食潮州菜，今日就試試呢間醉潮館！先看看有咩潮州菜..鴨蛋蠔餅...沙爹牛肉芥蘭，胡椒豬肚湯，醬鹵鵝..手打牛丸, 決定全部都試試。嘩！竟然仲有小米餃呀！！身為半個潮州人，點可以唔叫！
潮州菜外，另外仲叫左
另外叫左個花膠湯，蜜桃咕嚕肉同豬油渣菜心俾小朋友食！期待呀！
花膠湯先上，好足料，湯味好濃，家下小妮子飲完再追飲，我諗佢貪佢夠曬濃味再上牛丸，唔係好彈牙個種，但牛味好濃，都唔錯。跟住試醬鹵鵝，味有D似白鹵水，淡淡香香，有唔太鹹，有花生豆腐托底。家中
小妮子搶住要食花生，食得好開心。
到我期待既小米餃 了！熱辣辣上枱！香港好難搵到呢個食，佢既皮好QQ好彈牙，類似粉果皮咁。肉有淡淡方魚既香味，一粒接一粒會食到停唔到口的。跟住上左兩碟菜，沙爹牛好多牛肉，味道偏淡。豬油渣菜心好有驚喜，豬油渣好香，大人小朋友都好喜歡！中途叫左辣油，收$10, 係有D貴，但係好香好好味。最後，上左蠔餅同蜜桃咕嚕肉。蠔餅好香口，蠔肉都充足，唔錯。蜜桃咕嚕肉係令人最驚喜既菜，味道一流，仲要好香脆！做得極之出色，讚呀！飽足的一晚！

同朋友一家人晚上搵食，由於朋友媽媽係潮州人，佢好愛吃潮州菜，所以決定試試呢間醉潮館。👍🏻價錢唔貴，竟然有鴨蛋蠔餅，手打牛丸同小米餃！朋友話身為半個潮州人，點可以唔叫！咁我主力負責食啦！？🤣🤣
另外仲叫左沙爹牛肉芥蘭，胡椒豬肚湯，醬鹵鵝。
仲叫左蜜桃咕嚕肉同豬油渣菜心比小朋友食！期待呀！
胡椒豬肚湯先上，湯色好白。一般食開會加酸菜，但呢度只係用白果豬肚整。
湯偏向清甜，有淡淡既白果味，胡椒味唔重，小朋友都飲到。

再上醬鹵鵝，份量都好大，有花生豆腐托底，鵝肉有咬口，有點點清香，呢個鹵水有D似白鹵水，唔太鹹，唔錯。
小朋友搶住要食花生，食得好開心。
跟住上左沙爹牛肉芥蘭同豬油渣菜心。
兩個菜各有特色，沙爹牛肉芥蘭既牛肉份量都幾多，沙爹味道唔濃，唔會搶左菜既香味。豬油渣菜心好有驚喜，豬油渣好香好香，同D菜心好夾，連小朋友都食唔停口，食左好多菜！有鑊氣，正！
跟住上鴨蛋蠔餅，手打牛丸同小米餃！
鴨蛋蠔餅賣相好靚，蠔肉份量適中，唔錯既。手打牛丸係牛根丸來，唔算最香，但係都好有牛味，ok.小米餃熱辣辣上枱，平時好像無乜見到有呢個小米餃食，真係好期待！
小米餃既皮好QQ，好似粉果皮，裡邊既肉肉有淡淡

好耐冇見過呢個朋友，佢係一個對食好有要求嘅人，呢排佢studio 搬咗去荃灣，我哋就搵到喺三陂坊嘅餐廳食飯。首先餐廳嘅裝修好有心思，有傳統嘅中菜餐廳嘅味道，氣氛亦好熱鬧。首先我點咗個花膠炖湯，估唔到個湯咁足料，係火喉好足的美道，好清甜好滋潤。由於朋友仔戒咗肉，起初仲擔心無嘢啱佢食，誰不知有好多海鮮類可以選擇！我哋揀咗個薑蔥蒜香蒸鯇片，鯇片新鮮唔會腥、黑松露蟹膏蒸水蛋啲蟹膏好鮮甜，啲蛋又夠滑、仲有蒜蓉椒絲炒通菜，啲菜唔會老，味道亦啱啱好。三個餸份量都好足，又夠鑊氣,用嚟送飯真係無得彈！

今日同爸爸出街食飯，佢話想食潮州嘢，我openRice搵到呢一間😝好多人排隊呀！我哋8:00嚟到條人龍都仲幾長！不過好嘢就唔怕等嘅😍最後果然冇失望呀😝😚😚花膠螺頭燉雞湯$68 好清甜！裏面好足料，真係有大大塊嘅花膠，螺肉好軟腍，仲有唔少雞肉同桂圓，真係夠晒滋補啦😚😚😍普寧炸豆腐$68 外脆內軟最佳代表！豆味好濃啊，炸得啱啱好，份量唔少，不過咁好味最後都食晒😚😝醬滷拼盤$138黎到潮州餐廳點會唔點番啲滷味食？呢個就夠晒抵食啦！最鍾意佢嘅豬腸，洗得好乾淨，肥而不膩！😝黑松露蟹膏蒸水蛋$88真係超靚呀蒸得！最鍾意佢啲蟹膏，好揼本，佢連個蟹殼下邊都係蟹膏嚟㗎 ！撈埋啲滑蛋食真係超級正！即刻叫咗兩碗飯食😋😋

1️⃣雪裏紅蝦乾通菜煲$68 鐵鍋上，熱辣辣，香噴噴，由頭食到尾都仲係熱辣辣😝紅蝦乾份量好多，幾鹹香，呢個通菜煲比較濃味d，食落都唔錯😚真係好大份，好食又抵食☺️2️⃣黑松露蟹膏蒸水蛋$88😍😍😍一定要點❤️❤️❤️黑松露味好香呀，蒸蛋超級滑溜，好似飲湯咁，爽！同埋佢唔係好鹹，唔使撈飯食，直接食都OK，佢啲蟹膏一啲都唔少，比足料，好鹹香，撈水蛋食好夾😚❤️😍😍😍3️⃣椒鹽鮮魷$78 炸粉唔厚，超級鬆脆可口，鮮魷大大件，夠彈牙爽嫩，正！🥰😍4️⃣醬滷鵝翼$68 呢個價錢估唔到有成至少三隻全翼😝滷得好入味，個調味都幾特別😌5️⃣花膠螺頭燉雞湯$68 養顏美肌滋陰明目🥰女士至愛，味道好甜，真係有好滋潤嘅感覺😚其實今日我哋係兩個女仔食五個餸，我哋真係好大食啊！🤣🤣呢個價錢每一碟餸都超級大碟！我覺得好抵食👍🏻👍🏻👍🏻👍🏻

今日係荃灣打左幾個鐘羽毛球🏸️做完運動肚仔打囇鼓咁~~真係超級無敵肚仔餓啊！！ 我地大家都諗住做完運動食d邪惡少少既野無問過既 hahaha 開餐啦~~🍴 陳皮蒸鮑魚 👅而個係餐廳嘅招牌菜 一碟有六隻都係百幾蚊炸！ ！ 真心真係超級抵食~ 一咬落去已經聞到陣陣既陳皮味真係估唔到咁夾！ ！ 而且重要喺蒸到啱啱好架 食落去勁彈牙超新鮮🍴滷水鵝翼👅呢個滷水汁好好味 鵝翼滷得好入味啊而且個底仲放咗好多豆腐去吸d滷水汁 yummy ~唯一有少少唔太鍾意嘅就係鵝翼再淋身少少會更好唷🍴蒜蓉椒絲炒通菜 👅叫左咁多個肉當然要叫翻個菜啦 我就最鍾意食通菜㗎啦 真係又健康又好味唷🍴 蜜桃咕嚕肉🍑平時菠蘿咕嚕肉就食得多啦~~ 蜜桃既就真係好少見到啦！ 見佢幾特別當然要試下啦咕嚕肉仲撒左好多芝麻粒令到佢更加有口感 甜甜酸酸好難另人唔愛上架加埋枝啤酒🍻 wow 一流啦！

星期日大概六點鐘嘅時候已經全場爆滿！好彩我哋早啲啲先可以入到嚟就有位坐低！砂鍋粥竟然呢度都有提供！真係必點item ！佢夠曬彈性，可以任意配搭， 屋企人鍾意食海鮮，所以我哋點咗蟹 、花甲王同埋象拔蚌仔！嘩！嚟都啲料簡直係爆滿，係預期中嘅多， 見到屋企人笑曬口咁！ 就知道佢好滿意嗰份量！見到啲海鮮好大粒！ 粥底又夠綿， 當中混合咗唔少蟹膏， 又香又鮮又甜！鮑魚有六隻，都係用果皮去蒸， 蒸嘅時間啱啱好， 一啲都唔會老，而且仲係幫我起埋殼，唔洗食到成手都係！

行街去開荃灣， 見到呢間食店人山人海， 仲要開埋露天位置 ，就覺得一定冇伏， 所以入去一探究竟！裏面嘅menu好得意，完全係行中式路線， 而佢嘅湯，另外有一本menu，應該佢嘅湯都係招牌菜！ 可惜屋企人煲咗湯，變咗唔會再係呢度飲湯，如果唔係一定會試！欖菜肉鬆四季豆係一個家常菜， 但要煮得好食一定走油！喺屋企一定唔會咁煮， 所以出到街，就欣賞一下大廚嘅手藝！ 而且大廚嘅鑊氣，係喺屋企永遠比唔上嘅！😂牙籤雞呢個餸真係好啱用嚟送啤酒，一支籤一件雞，既香滑又酥脆！ 佢嘅表面沾上咗一啲香脆嘅炸漿， 食唔出係啲乜嘢，但係令到件雞非常之酥脆！ 絕對係誠意之作！去食潮州嘢當然要食滷味拼盤， 每樣嘢都有少少，各有各人嘅喜好，滿足到唔同人嘅需要！ 而且佢嘅嘢都係暖暖哋，食落個胃好舒服， 連平時唔食豬大腸嘅我， 都忍唔住一件接一件， 啲人成日話豬大腸會有陣味， 但係呢度完全唔覺，證明佢洗得好乾淨！個蛋差唔多去到尾聲嘅時候先至開嚟食， 有驚喜！裏面竟然係流心嘅, ，質感一流!

好耐有同女友出街食晚飯，佢今日收早，一於接佢收工同佢撐吓枱腳，成日食西餐，女友話想說食潮州嘢，而我又要去荃灣攞D嘢，查一查openrice ，荃灣有乜好潮州嘢，搵到呢間醉潮館。餐廳位於三坡坊，成條街都差不多是餐廳，女友話肚餓，雖然只是6點半，就早少少食飯啦，去到餐廳，已經有一枱客人食緊飯，侍應問我們有沒有訂枱，原來大部分枱已留座，幸運地仲有一張2人枱，所以我們不用等位。其實餐廳的枱椅擺得有點迫，不過贏左樓底高，完全沒有侷促感，看看餐牌，好快叫左嘢食，食物亦好快送來了，沙嗲牛肉炒芥蘭先到，都好大碟又好夠鑊氣，椒鹽鮮尤，外脆內鮮，個脆皮做得好好，脆、薄、唔油！雀籠紅燒BB鴿非常吸晴，打卡必點，而且皮脕肉嫩！調味亦好到位，不會太咸！普寧豆腐，皮脆，豆腐充滿豆香之餘，更帶點煙熏味！冬菜粉絲蒸九肚魚，第一次食呢度菜，清淡嫩滑的九肚魚配冬菜，更凸顯九肚魚的鮮！粉絲吸收曬2者的味，所以非常好食！本來想試試D湯，不過好飽，留待下次啦。

是日與好友行荃灣，本身打算去616打邊爐，點知在同一條巷的另一盡頭見到有間食潮州菜的店，好友就決定吃他一段時間沒吃過的潮州菜~~~裡面的裝潢有些少中國傳統客棧的感覺~~~餐牌的設計頗有心思~~~好友點了我喜歡的白果胡椒豬肚湯($ 88)，份量幾足，可以分4-5碗，裡面湯料OK，感覺個湯都是正常的胡椒果種辣，如果在冬天飲就更加正！牙簽雞 ($58)，外脆內軟，感覺幾好食，唔知係咪因為飲咗個湯，覺得呢D炸雞粒好似有微辣的感覺~~~醬滷鵝($ 128)，平時慣咗出面食冷上，呢度係熱上，感覺味道唔算咸，食落D肉的口感不錯~~~紅燒籠中BB鴿子($ 48)，雖然隻鴿係比較細隻，但有個靚靚的籠上，感覺幾靚下，絕對比得上集團式酒家，而我個人就覺得可以咸多DD，可能我慣咗食咸D 好友點了一樽藍妹啤酒($ 32)和白飯一碗($ 12)，最終我們飲唔曬D啤酒，因為我們飲太多湯