適來園

營業中

休息中

晚飯時間本來打算去街市熟食中心解決 但竟然很多店都沒開門 唯有另覓地方 然後經過這間店 看到價錢挺便宜便進去了 點了一碗魚蛋墨丸河 $32 味道沒什麼問題 但湯底有很多黑色的點 除了是鑊撈我都想不到可以是什麼 但煮麵和丸應該都用不到鑊 所以如此多的鑊撈真的令人費解

有成60年 的鋪頭 由細食到大食物依舊好味， 依家真係係第二度都食唔到平靚正的魚蛋麵，新裝修過更有懷舊風味，魚蛋 魚片 雲吞 牛根 牛腩 豬手 百食不厭，仲有自制辣椒🌶️油，好味到。還有即炸魚皮， 爽脆可口， 但未必常常有。魚片偏咸 故送粉麵一流故魚片會外買回家抄蛋，或送粥👍🤓

同男友一齊來食晚餐，來之前一路上直傾緊好重要嘅野，而且趕時間，所以路過呢間野就入黎試下。一坐低望住眼前（牆上的餐牌），我就叫左南乳豬手面加一杯凍奶茶。侍應首先放低左杯“凍檸茶”比我，我話我係要“凍奶茶”，咁佢都換左比我。之後我就一直同男友傾d重要野。無幾耐，佢黎左碗面，咁我就食啦。個面都幾豐富，但我完全唔為意到原來佢比左“牛腩豬手面”比我，食食下，我發現唔對路，就問老闆娘佢地，佢地話因為聽唔清楚我講野，而且我都已經食左，所以照收錢。我明白我有自己做漏嘅地方，但最不滿係老闆娘唔肯認錯嘅態度同嘴臉，比我嘅感覺係 佢覺得客人無同佢講比錯 係客人唔岩。但佢不單只無事後覆單、無同客人對清楚、講清楚，亦唔覺得自己落錯單或比錯有錯，完全將責任推在客人身上。其實你只要講一聲唔好意思，承認有甩漏，我就算比貴少少但食得滿足有咩所謂？而且個伙記我聽到佢對其他客人都係狂寫錯單、記錯單。所以呢間唔會再黎。大家黎呢間野都要小心d，分分鐘寫錯單比錯你，幫你加料然後收貴你，然後仲完全覺得自己無錯。所以大家要謹慎check鬼清清楚楚先食第一啖。都希望如果老闆見到呢篇野，會作出改善，唔係叫你唔犯錯，而係做錯左要認唔好賴落

這家香港老店位於旺角上海街兩家按摩店中間，朗豪坊背面。午餐時段不想去朗豪坊排隊就選擇了這家，裝修簡單菜單都畫在牆上配圖和中英文名，簡單明了。點了份牛腩蘿蔔飯和多士，牛腩很大份有肉又有筋,兩份餐加多士凍咖啡只要96，在旺角真係良心價，阿姐服務都不錯。

每次同朋友係旺角要搵食都頭痕, 唔係人多冇位就係價錢高企, 不過如果一個麻甩佬自己的話就完全冇問題, 因為旺角D街頭巷尾, 總會有好多唔出名但好食又抵食既老店, 呢間適來園亦係其中之一 ; 個個入到黎十個有八個都叫魚蛋, 當然有佢原因 : 佢地既自製手打魚蛋, 爽口兼夾魚味夠濃, 而且夠彃牙, 加多杯凍啡都唔駛 $ 50 落樓, 咁既價錢咁既質素, 簡直超抵

有日，我去旺角，食左碗麻甩粉麵：牛筋魚蛋河。呢度位處上海街，朗豪坊斜對面。不過，呢間粉麵店喺旺角區黎講唔算多人，入到去亦有點懷舊嘅味道。好，講返我碗麻甩午餐，牛筋魚蛋河嘅食味先。魚蛋都幾爽口彈牙，柱候炆牛筋既夠膠質豐富、又夠淋，河粉尚算滑溜。一碗河粉，一份懷舊嘅味道，就好似細細個去屋邨大牌檔食魚蛋粉果種感覺，再加埋一條麻甩佬黎食，成陣「佬」味出晒黎。又係時候懷緬過去嘅美好歲月，希望呢種地區小店留得住啦。

入到呢間店，有點時光倒流的感覺。原因係店裡面的裝潢好舊，門面亦唔算光鮮，但越係咁就越想試下個魚蛋質素如何。魚蛋米加腩汁（$26）都幾大碗架wor，魚蛋果然係有魚味，爽口彈牙，冇乜腥味，似係自家製，個人喜好食魚片，不過我叫魚蛋米，佢真係全部比晒魚蛋我，都可以接受啦。牛筋河（$31），牛筋炆得幾淋呀，亦夠大舊，唔會散收收，我本身好少食都覺得幾有質素。有趣係店內其他食客，有d會叫碟頭飯，餐牌上亦有多士可以選擇，今晚幫襯仲見到導演林超賢黎食wor，有趣有趣。

生活在極商業化嘅城市入面，時常總會聽到加租、收樓等等，令到些老店、小本經營生意因抵受不住昂貴租金而結業。結業消息公開後，大家總會一窩蜂去幫襯或影相留念，而大部份嘅人並唔係老顧客，只係第一次去幫襯，好似成為咗一種風氣咁。我自己係度諗，點解佢哋每日都幫襯著連鎖快餐店，唔去支持一下這些老小店，次次都要等到最後機會，冇得再試先會去珍惜。今天雖身在朗豪坊，我沒有走進食堂找快餐店，選擇了到朗豪坊後面的上海街，找到一間充滿懷舊感的古老麵家。走進店入面，沒有華麗的裝修，自行找個位置，大概都是清一色圓桌和椅子，找了個樓梯底的位置。牆上面有一張很大的餐牌海報，圖文並茂。來到這些麵家通常都點生麵，一家麵家質素，都在生麵上反映出大部分。魚蛋麵麵質爽口，軟硬道適中，不重鹼水味魚蛋爽口彈牙，約把魚片換上魚片頭應口感更佳湯方面略咸，我個人較為喜歡清淡牛肚麵麵質跟剛提到的魚蛋麵一樣，不錯﹗而湯方面因配上牛肚，所以也是腩汁湯底，配上腩汁的反而味道剛好，不會太咸，配起本身淡味的麵來更勝一籌﹗牛肚口感也算合格以這個價錢所享有的質素，絕對超值，總比起那些大型連鎖快餐店貴而唔好食好得多!

是日中午, 自己一個人遊蕩一下旺角, 找找一些人流不多的地方, 食中午飯永遠是我的最愛. 今日過左對面馬路, 慢慢的遊一遊, 蕩一蕩. 最後落腳的地點, 就是上海街呢一間細小的粉麵飯店. 門面給我的感覺就是粉面店, 所以我一入來, 就二話不說的叫了一碗雲吞麵來食. 後來見其他人, 個個來食一個飯餐. 亦有人大大碟牛腩飯. 才知道, 這小地方, 不只是麵檔咁簡單. 不過是日一早食了一個大早餐, 肚子不太餓, 所以一碗麵, 剛好不過. 雲吞粗麵, 湯底味道正宗, 帶有適中的鹼水味. 麵條爽爽, 食落帶點脆. 不失是一個好好的麵條. 雲吞, 鯽魚味道夠香, 一碗有幾多粒就不記得了, 不過粒粒份量足, 夠大隻, 香口. 識來者, 的確是一個食中午飯的樂園. 因為看了其他人吃飯, 吃得津津有味的樣子. 是夠開心的.份量足, 價錢不算貴. 而且十分之街坊. 呢等店, 真的要係上海街呢一頭, 才有.

下課後本打算吃印度薄餅加芒果lassi, 可是肚子有點問題,奶類乳酪還是不吃為妙,反而在紅色光管招牌照亮的上海街發現這家門面有點殘舊的茶記,那就來個突發飲冰室遊記。晚上的上海街餐廳仍以男客為多,連米芝蓮人外型的月巴人也惹來阿伯注視,何況一眾青春少艾?? 難怪都是男客居多,百毒不侵的月巴人繼續找心水食物好了。麵檔沒有我喜歡的牛雜,又不想午晚餐也吃雲吞,還是來個全日供應的一丁餐;等待時各路食客點的都是魚蛋或牛腩粉麵,只有我一個吃一丁,難道出事了??? 先送上凍檸茶, 頭髮吹得一絲不苟的老闆輕輕一句: 飲住先! 別以為茶記服務一定粗聲粗氣,這裡就不是了! 凍檸茶茶色深邃,沒有額外加水至顏色通透,用來沖凍奶茶也夠濃度,故紅茶味也夠濃郁, 所用檸檬也夠新鮮清香,不俗的凍檸茶水準。這裡煮一丁方法很有趣, 在水吧拿包一丁到雲吞麵檔煮,再在水吧以熱水泡一碗味精湯拿到雲吞麵檔加入麵條完成程序,早知我點個墨丸米,老闆就不用兩邊跑了。以這個複雜方法煮出來的一丁竟然爽口彈牙,麵檔老伯煮麵時間拿揑得準繩,薑是老的辣! 加上原味一丁湯包的化學作用就是無敵,不用多說! 雞中翼三隻個子不大, 新鮮炸起皮脆肉滑, 雞翼

呢間餐廳是朋友帶去食的, 說D魚蛋好好味, 於是便去試下啦, 叫了一碗魚蛋河,D魚蛋真是十分好咪, 好耐都沒食過呢D魚蛋了, 朋友說是老板親自製作的喎, 另D河粉都好滑.下次都會再來試下其他的.

早前聽朋友說，這裡的魚蛋好出色，今日見有空，便決定來食個午餐。我們叫了兩個粉麵套餐，食物包括：魚蛋魚片河、墨魚丸魚蛋河、菜心和熱奶茶。魚蛋魚片河- 魚蛋幾彈牙又爽口，還很香魚味，的確幾出色；魚片切得太薄，完全食唔出口感和香味，而且一碗只得兩片，好像太少了；河粉也只一般的幼身，沒有什麼驚喜。墨魚丸魚蛋河- 墨魚丸本來味道也不錯，但咬口好實，口感唔得。菜心- 菜唔熱、凍凍地、自已最唔喜歡這種感覺，菜唔算靚偏韌。熱奶茶- 只有點點茶味、奶味多多。今次只有魚蛋比較出色。店內有隻好可愛的貓貓，也是最吸引我們會再去原因之一。^.^

呢間魚蛋真係好好味由以前集中營幫襯到依家佢都陪住我大ga!佢地魚蛋手打又靚真係我唯一幫襯佢ge原因!煮麵果位都冇變好正不過間野就唔敢坐la, 一定行街!

近排唔知點解有好多粉麵舖都自己打魚蛋,喱間都唔例外,不過佢冇sell喱樣野,係我裝入佢廚房發現o既.食魚蛋米做早餐,魚蛋相當彈牙爽口,唔錯,魚片就差D,唔係味道問題,而係切得太過薄,食唔出魚味.米粉比較散,唔係咁好.整體質素實屬一般,好多地方都好過佢.